鳳城酒家

营业中

休息中

基本上我逢禮拜日都會去飲茶,通常11點左右3-4人都唔洗點等位,當然有時係要搭枱啦!哩度小點$10,中點$15,大點$21,茶芥$6,唔算貴.比起出面可能價錢未係最抵,但係佢份量十足,圍起上黎差唔多.通常我兩至三人每次食都係$120左右,己經好飽.本人飲茶一定食义燒包,食過咁多度,最鍾意食鳳城义燒包,雖然只得兩個,但大大件,D义燒甜甜地,好味!另外碟上的义燒都好鬆,不過唔似西苑熱熱地咁,無西苑咁正.古式灌湯餃外形趣緻,好過出面湯浸水餃咁!蝦多士個人覺得有D油,有時會凍左無咁好味.晚市脆皮雞同西米焗布甸一定要食,不過貴D,要預每人$120-150左右.

開業五十年的老店,果然是不同凡嚮.絕對值得推薦!!!!!!基本上,我們點的菜,每枱或多或少都會有一碟-真的是很受歡迎!1.蝦多士-個底好脆好香口,咬落去卜卜聲,上面有隻大蝦鋪係度,好新鮮,好味道,個個都讚不絕口.2.大良炒鮮奶-完全唔酥,口感和味道都不錯!3.脆皮炸子雞-好有雞味,肉汁鮮甜,而且好軟好滑,一d都唔'鞋',個皮好薄好脆,真係好正好正好正!!!4.炒通菜-d菜好爽口,而且完全唔鹹,好吃得來又健康甜品送綠豆沙,這個倒是沒什麼特別.環境不是太好,因為坐得很迫,而且人很多,所以很嘈吵.但真的很好食,而且仲好大碟夾抵食,5個人去食都食唔完,仲要打包1/3隻炸子雞拿回家.聽聞呢度飲茶都很不錯,有很多$10碗的東西-雙皮奶,蝦多士等,我下次一定會去試試.

鳳城對我來說，有太多事情。兄弟公告婚訊在此；姊妹宣布有喜在此；友人生日食飯；舊情人晚飯小聚都在此；連滿月昇職加人工等無數開心快樂難忘時刻都在鳳城。但原來，有得食好食喇，鳳城的茶式，有可能隨時失傳。老派食堂，總是面對這種命運。去去去，快去吃我最愛的上湯炸粉果。甜品，記得吃布典。

叫了數款點心，味道偏鹹，我想這是舊式茶樓的弊病吧﹗<br />不太記得叫了什麼﹐只記得以下的︰<br />牛肉，好像是手打的，口感不錯。<br />蝦腸，蝦很大隻、很爽口，但腸粉皮略厚，鼓油略鹹。<br />灌湯餃，我是專程為它而來的，特別之處在於湯在餃中，可能由於本身對它滿懷希望，所以吃落覺得不外如是。<br />在我叫的點心中，只有一樣味道合宜，就是沙律蝦多士，剛剛炸起，好香好好味，我想是由於它不是傳統而有的點心，所以沒有舊式茶樓遺下的毛病。<br />由於食物過鹹，這是我唯一一次上茶樓飲茶吃點心時會叫汽水解渴。

焗西米布甸remeber to reserve it before u go! i go there for twice but it is sold out ! i saw that it is very delicious:-(

佢個雞燉翅其實都算幾抵食, 又好食, 足四位用,湯好鮮甜入味,翅係勾仔,但非常好食.炸子雞,粉果好好食, 炒飯就一般, 以前炒得好食好多, 而家就無曬鑊氣, 料又無乜, D飯又唔乾身.特別推介: 炸鯪魚球, 火雞卷.炸鯪魚球炸得非常之脆,調味一流.火雞卷係用豬網油包住D雞胸一齊炸, 非常非常之強!!!

佢D 揚州炒飯真係好好食....D 飯炒到一粒粒..又多料...單睇賣相已經流哂口水...我就係睇完某雜誌介紹之後專登去食架.....

每次到這酒樓都是為了吃它們的魚翅及炒飯，好好味，但價錢偏貴．．．其它菜都可以．．不過不太清潔及坐得好迫．．．因為這不竟是中式酒樓，老師傅較多，他們不會跟你講衛生，好吃就得．．．如果不是有好吃菜式．一定不會去．．．

我媽咪o係附近返工,我同佢食過佢地好出名o既揚州炒飯, 真係見唔到油, 飯粒一粒粒嫁!不過媽咪話佢地o既水準有d飄忽, 有時佢同d同事去飲茶時炒飯無咁好食!不過佢就話d炸子雞永遠都係咁正, 出面脆卜卜, 但係都依然肉汁十足!仲有佢d灌湯餃係湯o係餃裡面,我未食過,不過好似都係招牌菜之一!

一向去開太子o個間, 今次試o下依間~ 同太子差唔多, 都係好舊式o既酒樓(但又無蓮香樓咁舊)~試o左以下菜式:脆皮炸子雞半隻$90 - 幾脆幾好味大良炒奶$59 - 加o左松子好香, 有好多蟹肉, 唔錯蟹肉扒豆苗$68 - 好多蟹肉蟹王炒吊片- 吊片好爽, 唔錯~ 不過d蟹肉幾多殼~Service就一般啦, 都ok o既~ 係一間唔錯o既中菜館~~~

蒸鮮蝦粉果同上湯粉果.果然名不虛傳.不過我expect在舊式茶樓可以飲到靚茶..真失望..冇茶香.加兩次水已經淡晒味~仲有點解所有傳菜阿嬸都唔帶口罩咖??<br /><br />

hot traditional good meterial