鳥良 (已結業)

今日老婆話想帶我試食新野！所以就到了這間鳥良喇！由於間鋪超細，所以係鋪外街邊放了多張桌，街外食壽司我係第一次，由於近入夜，所以不算太熱，但如果叫我下午咁坐法。。。我睬你都傻！先來三文魚腩和甜蝦壽司，睇樣有 85 分，但一食落口。。。舊飯係暖的。。。立即減 60 分。。。到鰻魚串燒，老婆的至愛！點知佢唔係用鰻魚汁，係用豉油燒烤汁黎代替。。。除了鹹左外，鰻魚本身唔夠肥。。。蔥粒吞拿魚腩軍艦，老婆話最好味，但可惜如果跟峰壽司比，差一段距離，無論用料和價錢，這個在峰食 $26 蚊，但在鳥良食要 32 蚊，所以如果要用咁既價錢去食，我不如返峰食好過 ~ 到手卷！一個係加州手卷，一個係三文魚腩手卷，加州果個 ok ~ 但可惜無用牛油果，三文魚腩手卷。。。又係熱的飯。。。除了影響食材味道外，紫菜好快軟哂。。。無哂脆脆的口感。。。另外一提。。。佢 d 飯好似無落醋咁。。。無醋味的。。。老婆想試食炸豬扒手打烏冬，咁就試下啦，烏冬幾好食，但豬扒有點多油，肉汁唔夠，所以下次只要食個淨烏冬好了！串燒雞加大蔥！都係鹹左一點。。。但蔥幾好味，雞就乾身左小小，但都可以入口 ~燒多春魚！我覺得 bbq 時，自己燒出黎

呢間野晚飯時間成日都排晒隊, 搞到想試好耐既我都係懶得排. 今日下就有時間又見冇乜人就試下. 原本諗住叫炸豬扒烏冬, 但好耐之前見openrice啲人話佢個豬扒好油, 所以改叫佢個照燒雞扒烏冬. 另外再加三文魚壽司.以一間位於呢個位置既小店黎講, 佢真係收得有啲貴, $35雞扒烏冬, 壽司都可以就$10兩件. 或者真係"手打"啦, 因為我唔識分. 個烏冬真係幾彈牙, 又好趙. 個雞扒就有啲乾, 乾到有啲鞋, 不過燒得都唔錯, 但係個醬汁都係甜左啲. 我反而最鍾意係烏冬裡面啲粟米, 真係超超超甜... 另外係三文魚壽司, 比我想像中好, 因為三文魚都算幾厚, 口感幾好.唔好既係地方有啲窄囉, 同埋貴左啲囉...

新開張近一個月烏冬非常彈牙有嚼口，不會黏牙，沒有麵粉質感，清醬油湯清帶甜不錯我和朋友叫了兩個烏冬(燒雞排, 帆立貝)燒雞排需時等候但味道和燒烤程度不錯帆立貝有3隻連膏大概半手心大少，抵食

睇完魚躍在花見，好想食日本野，經過就喺度食lunch三文魚壽司，$10，都幾新鮮吉列豬扒烏冬塊豬扒不錯，好脆又唔油但係個烏冬湯底係冇味架﹗得少少甜味，清到好似水加糖咁﹗

看著小店開業已個多月, 心想運作應該暢順了, 便去一試.雖然已是長假後的星期一晚, 不知怎的所有店都人頭湧湧, 小店也等了超過20分鐘。附近的店都流行把桌椅開到店外, 但無論多麼港式的日本食店, 這種感覺仍是太怪了.好彩我坐在店內, 這店實在是三尖八角太難擺位. 點了一烏冬四款壽司兩串燒, 價位是一般日式食店的價格.先來壽司, 賣相很一般, 赤貝及三文魚都很薄, 一放入口, 怎樣飯是暖的??!!!! 生意好得連把壽司飯放涼都不行嗎???這不可接受!!再來烏冬, 份量不大, 食味沒有問題, 但亦毫無出色之處, 豬扒脆, 但粉很厚.點了一平一貴的串燒, 雞皮和羊架. 雞皮燒得不錯, 起碼有串燒的感覺, 所以兩串共八塊雞皮索價15元是可以的。之後等了又等, 才等到羊架到來, 不是我吃的, 眼看也是OK的, 但真的不值32元一件餐具是另一個問題. 開業不久的店, 怎麼很多碗都崩了? 不但是賣相問題, 崩了的碗容易藏細菌, 小學都有教啦!賬單如下, 兩個人吃真的不飽. 本來幾位年輕人開的小店是令人期待的, 但卻做出元氣的價錢, 明將的水準, 令人失望, 我想這也不是他們所期望的, 所以這個喊臉就

其實都成個月前食, 見到有咁多人讚, 真係忍唔住想講返俾大家知當時係剛剛開張, 嗰日有少少涼, 所以侍應姐姐都叫我地坐入面,我記得係三個朋友都食烏冬, 我食魚生飯, 但個魚生飯真係唔多掂,我記得係少少三文魚, 少少唔知咩魚刺生, 其餘都係蛋同曼魚, 而且寿司飯太硬食落有少少un胃囉...仲有冬菇串燒勁咸, 朋友的烏冬都冇咩好評, 所以我唔明點解會咁多人讚, 定係我黑仔嗰日食正咁難食...唉...或者開耐少少會再去試多次既, 不過短期耐都係唔好搞我喇! ...最衰唔記得影相!!!

地點都幾轉角, 如果唔係坐車在沙田圍路經過時看到, 根本唔知開左!呢頭冇乜烏冬店, 都算獨市.嘻, 同日本的鳥良沒直接關係的吧就食個吉列豬扒烏冬喇! 見其他d食評post d相出o黎, 樣貌不錯嘛.set lunch 跟3粒壽司, 好港式....味ok 正常喇. 都新鮮o既. 都算快上. 個湯底好清, 透明的水咁, 帶少許甜;烏冬幾彈牙, 也不錯了.不過吉列豬扒上面乾爽, 好脆; 下面就幾油油到淋左, 食落口, 一咬感覺到d 油 "標" 出o黎.希望可以改善.服務很好, 姐姐也很友善. 36蚊個set, 唔算貴啦.

天寒地凍去食壽司, 餓到手軟, 打翩枱面成壺豉油, 幸得有位侍應姐姐眼明手快拿毛巾來抹, 如果唔係, honey變成豉撈人講返食物: 壽司抵食, 三文魚壽司只係賣$9/2件, 抵食; 三文魚腩壽司$12/2件, 夠肥! 海膽壽司$25/2件, 唔臭, 好鮮甜, 夠凍, good.手卷, 紫菜好脆, 軟殼蟹新鮮炸起, very good!串燒鵝干, 一定要食, 好好食, 不過有點貴....如果無用蘑菇相隔, 成串都係干鵝會更好....總括來講, 好食過迴轉, 因為始終都係手握, D飯唔散, 微暖, 飯同魚生的比例好正確! 非常好, 值得一讚!!

烏冬，真係好好味。。湯底，依然清甜。家陣仲多左辣湯，不過今晚唔試住。。今晚，食「吉列豬扒烏冬」好脆啊>3<食食下先記得影相。今次記得走青喇。。==============================琴日lunch，同我個fd 2個人都走左黎食。串燒帆立貝($35for2)開邊雞翼($29for2)雞軟骨($19for2)黑豬腩($35for2)叉燒烏冬($35)叉燒厚身。炭燒雞排烏冬($35)雞排甜甜的。炭燒，夠香口。

今晚食咩好呢? 附近又冇咩日本野食,總於有間新鋪開張, 間鋪外面好光猛, 好吸引!!!!間鋪講明手打烏冬, 一定要試下烏冬啦!!! 2個人叫咗個炭燒雞扒烏冬$35, 三文魚壽司$9, 帶子壽司$17, 朋友叫咗腐皮烏冬$32, 燒雞件食物評語: 炭燒雞扒烏冬好有炭燒感覺, 感覺幾特別, (初時仲以為燶味)試過朋友既腐皮烏冬, 確定了唔係燶, 係真係有分別,因為炭燒味入到落D烏冬, 烏冬要讚讚, 好食,入味, 好"煙UN", D 烏冬真係好食過新城市廣場三期果間好多. 炭燒雞扒是甜的, 好食!!! 而且個湯清甜, 食咗之後都唔覺好口渴, 帶子同三文魚壽司OK, 但飯好似酸咗D. 另外要讚D 薑(跟壽司) 好味!!!環境: 因為太凍唔坐出面, 入面D枱太近, 講野唔方便, 下次唔凍會坐出面價錢: 烏冬十幾至四十蚊真係唔貴,但唔知點解你會好想叫埋其他小食...... 一碗烏冬真係好難滿足!!!服務: 7點之去,所以唔洗等位, 杯茶幾好飲!!! 走時多謝晒!!!! 遲D會再去試多D其他野!!!!

食左幾晚，仲想試多D唔同既食物。。環境，就可能差小小，如果坐入面，會同隔離台好近，有d迫。不過可以接受。。坐出面就寬鬆d，舒服d。。一次過upload 3款野既相先。。烏冬唔算貴啦，最貴都只係42蚊。。個湯底好清甜，出面食烏冬，我會勁落七味粉，係呢度食左幾次都冇落過，唔想shy左個好味既湯。同埋，食完唔會勁飲水。。個烏冬質地都幾好，都彈牙。唔錯唔錯。。豬軟骨幾淋，都夠味。。我好怕食好咸既野。。 ($42)帆立貝，夠大粒。($35)牛肉，係生既，自己用湯整熟佢。。我喜歡食生生地既牛肉。。太熟的牛肉就唔好食架喇。。($35)琴晚我食吉列豬扒烏冬($35)，都大塊架，我覺得呢個最抵食。。今晚我食大餃子烏冬($42)，好大隻架，有3隻，炸得好味，不過記得叫佢另上，因為我見到其他人的係放0係湯入面。呢2款烏冬唔記得影相。比order紙你地睇啦。。d食物都唔算貴。。另外，乜唔係叫鳥良咩？ 定係叫烏良呀？？

琴晚同班舊同事約埋一齊去食飯，咁岩有個同事住勵城花園話樓下開左間新野食烏冬埋去試下咯。8點去到果到，入面冇晒位要坐出面，都好，我地仲意大聲傾訴。叫左好多野食，壽司，刺身，多春魚，串燒雞肝，串燒雞翼，串燒炸雞皮，鹽燒沙白，大蒜牛肉，串燒帆立貝，當然仲有主打手打烏冬。味道都唔錯，飽特別推介係：鹽燒沙白，第一次食，好鮮甜同埋個味好特別，very like !仲有d烏冬都好彈牙，各類串燒都唔錯，係有d咸。個個都食到好飽，到最尾要玩遊戲食埋d壽司。最大驚喜係埋單位唔洗一舊水，真係抵到喊。 總括黎講真係唔錯，又服務態度又好，爆晒位野食都係黎咁快，野食有水平，值得一試。ps: 最衰比隔離檯投訴話我地吵，唔係可以更盡興。

尋日放工同事諗住係附近食過晚飯，路過發覺好多人等，咁就去左呢間野食，叫左好多野食，有刺身，烏冬，串燒，壽司，估不到好有驚喜喎。刺身：好新鮮，厚切烏冬彈牙：個湯底好清甜，用料很多，推介帆立貝，吉列豬扒串燒：真的要推介一下，用料新鮮，有個大蒜牛肉，係感覺到大蒜也很新鮮，燒雞肝同帆立貝真係一流，抵食夾大件呀，美中不中係個明太子雞翼有點點咸，可以改進，盬燒沙白超正，好鮮甜，太好味食到一半先記得影相壽司：三文魚，北寄貝比想像中大件，抵食，紫菜又夠脆服務：很好，在等位的時間，d 侍應一有空就不斷講唔好意思，好快幫我們安排好，很有誠意，由其收銀個個姐姐真係出黎安排

一行四人諗住諗下間新開的鳥冬店。order 左: 三份烏冬、一份什錦魚生飯、刺身拼盤、幾款串燒、燒三文魚頭。結果只有燒三文魚頭算係好食...... 以下逐樣彈﹗1) 烏冬: 完全唔彈牙, 入口即散, 個店名有"手打烏冬"四隻字，我覺得有少少呃人。隔離華潤賣的即食烏冬都一定好味過佢。2) 什錦魚生飯: 得三文魚碎係魚生，其它都係D蟹柳、玉子、青瓜..... 感覺超唔抵。3) 刺身拼盤: D 刺身都未融晒雪, 咬落冰凍 and 有硬塊。4) 串燒: 我覺得係最大的敗筆﹗超咸﹗好似食緊鹽塊一樣。幫襯當日, 間鋪未正式開張, 仲有紅紙貼住個名, 可能d 嘢未 run 得順。不過如果keep 住呢個質素, 我諗唔挨得耐。

跟同事收工來食, 間舖頭好似仲未開張, 仲有紅紙遮住個招牌...一來到坐低, 有個長曲髮個姐姐酙茶比我地, 小聲跟我地講聲小心茶熱, 真細心...填好張落單紙, 又係個佢幫我地落單, 同我地核對一次食物, 又細聲講左一句多謝!我同同事職業病關係, 特別留意D侍應嘅服務態度我地叫左個吉列豬扖烏冬SHARE 食, 壽司+串燒...D食物放滿了枱, 我地唔係叫左好多食物, 只係張枱比較細,再來個烏冬, 真係好狼狽 食物方面: 個吉列豬扖好好食, 烏冬係彈牙, 個湯比較淡口....壽司D飯有小小硬, 唔暖, 可能我地成9:30 才到, 所以D飯放耐左.....D魚生夠凍, 唔差, 好好食...紫菜好脆, VERY GOOD牛舌+雞軟骨有D咸, 不過都好好味, 燒羊扖 VERY GOOD 服務方面, 其實都有好與差的侍應, 個長曲髮個姐姐真係好有禮貌, 態度好細心, 只有佢不斷為客人加茶, 收左食完嘅碗碟, 佢好忙, 我地未見過佢停低, 真想問佢叫咩名而撬長腳....哈哈下一次.因為, 我地食到差唔多, 個燒鮫魚仲未來, 佢幫我地追廚房, 然後同我地講: 唔好意思, 要多等2分鐘...等左1分鐘