影片
招牌菜
呢晚同朋友仔散步到河畔的乌良食饭，顺便欣赏晚上城门河既风光。 去到简野食，叫左个二人餐，有沙律小食烧物同寿司。 好快上左沙律先！无放题店咁HEA，又比普通连锁店定食餐新鲜，合格以上。 食物陆续到齐。 烧鲭鱼（左上）：好香！够入味！但……之后觉得几口渴。 盐酥鸡！？（左下）：和普通炸鸡确系不同，只系我讲唔清果种味叫咩，然而并无特别回味之处。 寿司X8（中）：最好味系玻璃虾，其他一般。记得上次火灸寿司极好味，可惜普通二人餐只有冻寿司简。 乌冬（右）：第一次食呢间野时并唔觉得佢Ｄ乌冬格外好味，第二次食更觉好一般，超市买稻庭乌冬比佢好。汤底似出前一丁麻油味。下次叫饭食。 Overall都可以，始终一分钱一分货，二百蚊两个人食日本野食到好饱，有几味好味，又可欣赏城门河风光，同好友享受河畔情调，良辰美景，所有野都美化了。会有下次。
继续阅读
今天要继续清清淡淡，但又唔想太寡，所以拣左食乌冬。十二点二左右去到店前，可能时间尚早，只系得两枱客，不过可能店员估计一阵会好多人，所以都安排我撘枱。咁我得一个人，都冇乜所谓。叫左蟹子沙律，照烧鸡扒乌冬。等左都几耐下（十分钟左右吧），沙律先至上枱，都几大碗，冇错系，系用大碗装的，份量都唔少，清瓜丝亦爽口。食到大半，乌冬亦来了，个汤清清地甜甜地，有D 海澡同粟米，都 ok。乌冬有咬口，但唔算弹牙，最可惜系件鸡扒浸左喺汤里面，浸到淋淋地，照烧酱嘅味流走左，鸡肉仲要鞋鞋地，实在系败笔。
继续阅读
今日系沙田行街,又唔知食咩好既时侯, 又要上OR 揾下有咩好食 .见近近地 就去河畔果边 睇下有咩好野食 .之前去过果边食鸡煲 都见到有好野食.今日就去左鸟良试下 ~~自家制, 有蛋香 ,不够JUICE . 尚算合格三文鱼腩6片 不会太薄 有油香. 海胆没有腥味 GOOD烧汁加上孜然粉 ,底部烧得香脆 . YUMMY呢个真系好味,好大条 简简单单用盐烧再加上LEMON汁 就可以带出鲜味 主菜到 ~~睇番之前有位食友推介这个 ,果然与内容相同 ! 第一口咬下去 同女朋友都不一敔认为有点"RUTH CHRIS"的味道,虽然肉质不可以相提而论.不过以70HKD 这个价 就真的比较难找到 个人口味 8/10
继续阅读
2013 年黎到第三个月喇 , 食家挑战赛之后 , 我休息左三个月喇 , 由于实在太忙 , 相有影 .... 但连电脑都无开 , E mail 无收到 ,奖无领到直到早两日得闲 d , 打电话去 openrice office 查问下, 终于约好时间今日过左侧渔涌一趟 , 之后返屋企放低 d 野就落街揾妈妈同细佬食野 佢地过左黎河畔呢边 , 食细佬话试过 d 乌冬唔错o既鸟良 ~ 除左乌冬 , 呢度仲有刺身 , 寿司 , 手卷 , 串烧 , 定食等等 1. 炭烧鸡扒软蟹野菜沙律~ 沙律菜新鲜爽脆无苦味 , 配合青瓜丝同白萝卜丝 , 好清甜酱汁系带有芝麻粒o既胡麻酱 , 相当惹味 , 鸡扒亦软滑得宜反而软壳蟹有 d 失望 , 炸粉太厚 , 系香脆 , 但味道唔突出2. 盐烧牛舌~ 牛舌厚身 , 肉汁丰富 , 口感爽软不过韧 , 刚好七成熟 , 味道都调得唔错 , 轻轻盐烧加上鲜柠汁 , 水准甚佳3. 芝士焗生蚝 ~ 我无食到 , 见到唔算大只 , 细佬话芝士味好重4. 串烧鳗鱼~ 妈妈话几好味 , 不过就淋得制5. 三文鱼腩海胆饭~ 卖相唔错 , 三文鱼腩切得几好 , 有六大片好香好丰腴海胆虽然细细的 , 味道总算甘香鲜甜 , 份量不过不失吧6. 厚切黑豚五花腩手打乌冬~ 手打乌冬配上热汤 , 可接受地变软而有失烟韧度 , 汤头意上不到的又清又甜 , 系海带o既味道 , 令人想整碗喝光五花腩名字上有 d 可怕 , 好似会好肥 ... 但其实同叉烧相类似的确好够厚 , 份量十足 , 外表睇黎又肥又无黎味道o既样 , 唔太吸引但入口松化得令人忘了其脂肪比例有几咁高 , 食完一口又一口 , 真系唔觉得有太多o既调味 , 只有浓浓o既豚肉香 , 跟清汤不谋而合 7. 盐烧三文鱼鲛~ 呢个都系意外地美味 , 唔似得出面食到o既鱼鲛咁又瘦削又干身 ,就咁睇己经感受到佢有几饱满 , 分开两边 , 鱼油灌出 , 烧得洽到好处鲛位o既肉又软绵绵的 , 又香又滑 , 而且仲可以o系近鳍位置食到胶质令我对 " 鱼饺系头头尾尾攞埋黎卖 "o既食材呢个观念重新定义 !!## 呢一餐果然唔错 , 好满意 =) 难怪次次经过都有人等紧位 价钱都唔算太贵 , 下次黎要试多几款烧物同埋试下冷乌冬先得
继续阅读
原来已经有好一段时间无黎过鸟良了，转左人经营，门外开嘅枱多左，侍应多左，餐牌上午餐款式都多元化左，但系唔野差左，好失望。 十二点半去到，等左十分钟就有位，室内室外都有枱走左，侍应安排坐门外，个位好迫，冬天居然都仲有蚊，食食下仲有其他飞虫，大煞风景。 十二点四十五分落单，好快手卷已到左，但明明写左三条三文鱼，一条蟹籽，但最后每样黎左两条，算了。味道ok，新做起紫菜仲脆，但细条左。 等到十二点二，乌冬都仲未到，吹单，侍应话出单部机坏左已落返，等等等，再问，侍应系劲远都撘话黎紧，再等等等… 吉列猪扒乌冬到了，猪扒细块左，炸粉又厚左，好彩乌冬烟韧有咬口，粟米超甜好味。再三吹单，侍应态度超差，话又唔系我煮嘅，你追我都无用…咁点先？另一份鸡扒乌冬终于都到，成碗野卖相劲差，啲鸡扒又横又直求奇放落去咁样，粟米海带乌冬兜乱…由于赶住返工，无乜点食就冲冲埋单了。 我对鸟良嘅良好印象大减，短时间内不会再去了。
继续阅读