鳥山名

营业中

休息中

今日係荃灣行下街👫🏻，途中見到有間日本居酒屋裝修幾吸引就決定入去試下😋，入到去發現餐廳都幾闊落，日系簡約風裝修，木系和風設計為主，而且有卡位及吧枱選擇，係吧枱食更有種OMAKASE嘅感覺😆，點餐係用QR CODE落單，食物都相當多元化，有壽司🍣、刺身、卷物、鍋物🍲及串燒🍡，不論係偏向生或熟食嘅朋友都可以照顧到，值得一讚👍🏻-極上刺身三點🦐 - HKD98 + 刺身三點🦪 - HKD 58傾計得知店家會睇下當時有咩食材新鮮就放係廚師推介餐牌，我地就叫咗兩份刺身試下，店家就放係同一碟，極上刺身三點就有海膽、生蠔🦪及赤海老🦐，而刺身三點就有油甘魚、帆立貝及赤海老，海膽食落幾鮮甜無腥味😋，生蠔肉質幾鮮嫩👍🏻，食落更有微微嘅海水味，非常新鮮，油甘魚味道鮮美，帆立貝更啖啖肉，咬係口腔超軟呀😜~ 而赤海老肉質超彈牙有咬口，而且蝦頭嘅膏都好香，整體嚟講好抵食😚-鰻魚朴葉飯定食🍱 - HKD 132睇餐牌已經俾個大大嚿嘅鰻魚🐟圖吸引咗啦~ 依個鰻魚飯嘅特別之處就係佢飯下面有大大塊嘅朴葉，所以食飯時會有陣陣嘅朴葉香味散發於口腔中🤤，再配埋甜甜嘅鰻魚汁，特別開胃呀🤩，而鰻魚都幾厚身大嚿，食落去啖啖肉滿足感指

-鳥山名-📍荃灣.餐廳嘅裝修以目為主，加上柔和嘅燈光，令人覺得好舒適。每張枱嘅空間都好夠。餐牌嘅選擇都好好多，仲有時令嘅料理長推介，每樣都好吸引。.極上刺身三點 ($98)刺身三點 ($58)先點了幾款料理長推介的時令食品。極上刺身三點有海膽、生蠔和赤海老，刺身都好新鮮，海膽夠晒甘甜，沒有苦澀味。而生蠔大大件，食落好Creamy。.因為男朋友唔食生蠔同海膽，所以另外再點了刺身三點，有油甘魚、帆立貝和赤海老。每款都好厚切。.油甘魚壽司 ($21)石垣鯛壽司 ($28)火炙芝士蟹棒壽司($15)石垣鯛壽司都係推介Menu之一，食落肉質偏爽脆有彈性，油脂富豐，非常值得一試。.黑豚五花腩叉燒 ($66)另外仲點了兩款串燒。黑豚五花腩叉燒好厚身，燒到外層帶點焦香，咬落油脂同瘦肉分布平均，入口即溶。.雞皮 ($38)雞皮燒到金黃乾身，非常香口。.銀鱈魚骨西京燒 ($66)銀鱈魚西京燒平時都經常食到，今次第一次試下銀鱈魚骨西京燒。西京魚魚骨沒有細骨，唔會驚哽到。外層燒香，魚肉依然油脂豐富，帶有味噌甜味。.灸燒三文魚左口魚背玉子飯配牛肉手打烏冬($158)係我最鍾意嘅隻燒三文魚同左口魚背，必點之選。刺

餐廳好大，裝修幾有日本feel，平日lunch time去都接近坐滿😮除左主餐牌之外，lunch time仲有個特價午市輕食套餐，我地就order左個一口炸雞定食同麵豉煮鯖魚定食，另外再加多個刺身拼盤❤️個刺身拼盤有海膽、生蠔、帶子、赤海蝦、油甘魚，全部都好新鮮同鮮美，完全唔腥😛而兩個lunch set雖然叫做輕食套餐，但份量都唔少😎個炸雞炸得外皮好酥脆，咬落去入面仲係好嫩滑同juicy🙊個麵豉煮鯖魚都好出色，D魚煮到好入味，個麵豉用黎撈飯食都好香😛整體黎講呢間餐廳既環境、服務同食物都唔錯，大家都可以試下👍🏻

日式居酒屋最緊要食材要新鮮餐廳主打日本空運時令刺身食材小妹最鍾意order季節限定餐單由其係當季刺身生蠔 特別肥美鮮甜🤩🦪🦪法國普斯生蠔(3隻)🐟 刺身三點（油甘魚/帆立貝/赤海老）2份即開生蠔爽口鮮甜，淡淡海水味，一口氣食晒三隻都唔會漏！必點時令刺身，特別推介大size赤海老&大大粒帆立貝，鮮甜味美，一點腥味都無！新鮮之選😋🐟鹽燒黃花魚定食(必點推介⭐️⭐️⭐️⭐️⭐️)份量超大嘅燒黃花魚，肉質嫩滑，魚皮燒到金黃香脆，加左檸檬汁增添清新口感，十分有驚喜🤩🍱 壽司定食（季節壽司8件，卷物4件）淨係食左少少刺身又點可以滿足小妹個胃，想食壽司又有選擇困難，絕對要點依個壽司定食，餐廳以時令刺身製作壽司和卷物，多種類之餘仲配有沙律、前菜、湯和甜品，絕對是大滿足😌

值得一提店員好細心幫我呢個飲水怪加咗好多次水🤣***🥢廣島蠔鍋 $118有幾隻大大隻嘅蠔一本滿足🥳配菜有啡菇, 金針菇, 娃娃菜, 粉絲等不過煮熟鍋物需時想食嘅話就落單送咗出去先咁就可以快啲上 多啲時間等佢慢慢煲熟🙈***🥢松葉蟹肉海膽炒飯 $188本身以為係所有嘢炒埋一碟嘅炒飯上菜發現原來係炒飯底+海膽, 蟹肉, 三文魚子咁樣食更加食得出海膽蟹肉三文魚嘅鮮味✨炒飯好有鑊氣👍🏻***🥢海鰻壽司 $28🥢池魚壽司 $18🥢拖羅鯖魚壽司 $18🥢真鯛壽司 $15壽司飯鬆緊捏得啱啱好有用壽司醋調味用料新鮮 唔錯🥳***🥢刺身三點 $58有生蝦, 帶子, 魚生唔係特別好生嘢嘅我淨係試左帶子😗一啲海水腥味都冇 好好食🤤***🥢熟螢光魷魚$38螢光魷魚嘅口感好特別食落介乎生熟之間咁中間有膏未試過嘅可以一試😗***🥢士多啤梨牛奶 $32面頭有士多啤梨冰我掛住相機食先搞到佢融到枱面都係先發現😂比較稀身適合解渴👍🏻

今日行完IKEA，就去咗樓下食日式料理餐，愉景新城一樓鳥山名，都幾方便，叫咗個海七色，一碗丼飯一次過滿足七個願望，啲食材有好新鮮，三文魚超正，尤其係中間嘅海膽刺身好甘香，但係個飯就煮得唔係好好食，可能係米唔夠靚，壽司都唔錯，藍旗吞拿魚鮮紅色赤身，肉質結實，魚味好濃烈，魚油比例平均而且甘香，拖羅肥美，行完街，跟住食餐靚飯心情都靚仔啲。

520 大日子❤️是日活動當然要簡返間靚餐廳唔講唔知 其實愉景新城有間居酒屋🏮環境幾清幽 簡約的和風設計食物方面 選擇好豐富喜好生熟食品都照顧到 🫂今日決定主要都係食壽司🍣刺身方面：試左個是日推介極上刺身三點 （$98）有生蠔🦪牡丹蝦 同海膽味道都夠新鮮～壽司就真係試左好多款我個人幾鍾意佢嘅手卷店員一上菜 都會提醒盡快食擔心紫菜軟腍🤭（應該係擔心我相機食先🤭）仲試左個茶碗蒸 同燒沙白食物在線 價錢都可以接受埋單兩個人都係500幾聚會拍拖大推薦～

同家人喺愉景新城行完Hailey's House同Toys R Us 閒日晚飯時間見到隔離鳥山名都相當多客人 就入去快快醫肚仔 餐廳裝修簡潔明亮 好彩仲有卡位兩個人坐得舒服 鰻魚朴葉飯定食 $132 朴葉味噌就見得多 做鰻魚飯比較特別 整片朴葉墊底 朴葉特殊香味滲入米飯中 配上香甜鰻魚汁同埋肥美鰻魚 好食到差不多可以ko一大盒鰻魚飯😋😋 加上沙律、前菜、漬物、味噌湯 仲有一個金時mochi 相當滿足鹽燒黃花魚定食 $165 迫爆mon鹽燒黃花魚好吸睛 鹽燒令魚身乾爽 魚肉味鹽燒後比較濃香 份量更加冇得輸多個侍應都幾有禮貌 多次主動添加熱茶 加上食物選擇多味道唔錯 難怪當日係平日晚飯時間都差不多滿座 臨走見到門口顯示平日晚餐時間消費$500以上有九折 其實佢menu好多選擇 由於食完要趕時間再shopping 今次就未試刺身甜品之類 下次過嚟可以試多幾款享受下九折優惠🍽 餐廳: 鳥山名🏠 地址: 荃灣青山公路愉景新城1樓1025-1026號舖#foodiehk #hkfoodie #foodie #香港美食 #foodporn #foodphotography #foodblogger

今日同阿媽補祝母親節，嚟到位於愉景新城嘅呢一間日式餐廳。餐廳嘅面積好大，而且裝修好簡約，所以坐得好舒服佢嘅餐點有好多選擇，感覺似日式居酒屋，而除咗散之外，亦都有套餐可以選擇。我就叫咗一份壽司白品加卷麥嘅套餐，壽司嘅刺身好厚身，而且感覺好新鮮，配上沙律菜麵豉湯同甜品潰物等等，感覺好滿足。而我朋友就叫咗一份三文魚餃定食，佢嘅三文魚餃係啱啱整好出嚟，熱辣辣，相當脆口，而且好厚肉。另外我哋仲叫咗油甘魚刺身同刺身三品，價錢都算合理，而且刺身都真係好新鮮同好厚切。

荃灣 ·愉景新城 ·日本🇯🇵料理同好友去左位於愉景新城L1嘅「鳥山名」Toriyamana食日本料理，餐廳地方好大，卡位亦好寬敞，流線型設計的水吧，交織著木系的裝潢😍，很有藝術感🥰料理長👨🏻‍🍳推介：壽司🍣✔️海鰻壽司（$28）x2✔️真鯛壽司（$15）✔️原條手釣池魚（$18）壽司好抵食，三款中，鰻魚壽司最好味😋🍢串燒✔️串燒和牛牛𦟌（$50/2串）✔️串燒開邊雞中翼（$50/2 串）雞翼燒得夠乾身，雞皮夠薄脆，撒上少許鹽及七味粉，更惹味👏🏻和牛牛𦟌串燒，牛香撲鼻，肉質juicy😋刺身飯：✔️🍲三文魚腩赤海老芥辣章魚飯（145）基本上厚切三文魚腩、爽口芥茉章魚🐙同3 大隻赤海蝦🦐等剌身全部都好新鮮，真係食到舔舔脷😋御飯；✔️🍱辛辣肉醬黑豚叉燒石頭鍋飯定食（$140）店員端上枱時，已經感到好震憾，大大個石煱，裝滿珍珠飯，鋪上帶點肥肉嘅黑豚叉燒，入口很有油香的焦香味，但又不會油淋淋👍，加埋好友大讃的辛辣肉醬，更加開胃又惹味。另有附送嘅味噌湯、前菜（涼拌辣螺肉）、沙律、漬物（醃蘿蔔）、及甜品，飽肚又抵食😋👍🏮鳥山名📭荃灣青山道398號愉景新城購物商場第一層1025-1026舖☎️2343 8666 @t

今日陪媽媽去荃灣愉景新城既玩具反斗城買玩具俾小姪女，見到隔離位有呢一間環境都幾大嘅曰式居酒屋，一於同媽咪入去lunch試吓啦☺️居酒屋內環境闊大舒適，設有卡位坐，更可選擇坐吧枱位置🌀松葉蟹肉蟹膏飯+ 鮭魚漬飯+ 牛肉手打烏冬。套餐$125呢個套餐真係好豐盛，除咗三樣主食之外，重附有，沙律、前菜、茶碗蒸蛋及甜品🤩個松葉蟹肉蟹膏飯超級足料，哇～海量松葉蟹肉鋪滿飯碗面，撈埋面頭嘅蟹膏同蟹籽一齊食真係好滋味好好食呀！啖啖都食到蟹肉🥰鮭魚飯充滿鮭魚油香，味道一流吖😋牛肉手打烏冬，果然好彈牙 ，湯底好清甜🌀極上刺身三點《海膽/生蠔/赤海老》$98有齊3款新鮮海鮮$100都唔使，真係超抵食👍🏻生蠔微微海水鹹味，新鮮甘甜，新鮮海膽鮮甜味美😋赤海老好彈牙，而且蝦頭仲有好多膏添架😍🌀串燒和牛牛展$50烤至5成熟既和牛，肉質粉嫩軟綿綿，而且保留到有肉汁，一啲筋都無，好出色呀👍🏻和牛肉加少少黑胡椒、海鹽，調味亦都恰到好處鳥名山依家重推出咗午市限時優惠，午市消費即可享有全單八折優惠，好抵食呀👏🏻👏🏻

【鳥山明｜抵食之日式晚餐🍮🦪🍣】🍥料理長推介～法國生蠔🦪🦪🦪超抵食！$88..🍥料理長推介～刺身三點 $58油甘魚、帆立貝、蝦，樣樣都新鮮..🍱牛肉定食牛肉炒得好甜好好食，炸蒜粒粒係面，令到更加香口，加埋溫泉蛋、沙律、前菜，甜品係伯爵茶啫喱，好啱我口味！..🍱吉列黑豚豬扒定食豬扒炸得幾靚，雖然唔係非常之厚，但都有大滿足感覺喎！好開心有有芥末醬！..🍮日式焦糖布甸甜品真係彩蛋，焦糖布甸比想像中好食😋..🍨經典香蕉船甜品繼續讚，經典香蕉船竟然呢度有，伴碟嘅啫喱好好食！餐廳其實仲有串燒，又有啤酒清酒㗎，下次再食過！

位於荃灣愉景新城的鳥山名，地方寬敞，環境雅緻，有吧枱位置及卡位供客人選擇。今晚我和朋友選擇了坐卡座，方便聊天。餐牌內的食物種類多元化，包括鍋物、壽司、卷物、刺身及串燒等，應有盡有。除了主餐牌外，餐廳更有季節推介餐牌，所有時令的食材都會推出以供客人選擇。所謂不時不食，我們當然不會錯過一些時令美食。季節推介💯：🍶真鯛薄切(4切)～真鯛晶瑩剔透，沾上微酸的醬汁，令鮮味更突出。🦪🥢極上刺身三點～三點分別是海膽，生蠔及赤海老。海膽甘甜，赤海老肉質軟滑鮮甜。生蠔充滿海水味，蠔肉雖不大，但肉質飽滿，一啖吃入口就像把整個海洋吃進肚一樣。🦐🥢刺身三點～這款三點包括油甘魚，帆立貝及赤海老。全部均十分新鮮，其中帆立貝更加是肥美鮮甜。🍣真鯛薄切壽司～配壽司飯吃的真鯛同樣鮮味，感覺和刺身又是另一番風味。主餐牌📕：🍲安格斯牛肉火鍋～鍋物份量十足，牛肉肉味濃郁，配搭大葱、豆腐、津白、金菇，冬菇及潺菜，令人滿足。當火鍋差不多滾起時，打隻雞蛋上面，牛肉蘸上蛋汁後，更顯滑溜。🍣火炙芝士熟蝦壽司，火炙蒲燒鰻魚壽司及牛油果軟殼蟹反卷都在水準之上。

之前路過這裡聞到燒烤味，話下次要來試試，終於趁靚女同事生日來聚餐😋😋當天午餐精選有銀鱈魚西京燒定食、九州拉麵定食、刺身壽司定食。我們6個人之中有5個order銀鱈魚西京燒定食🤗；1個order刺身壽司定食，但份量太少唔夠飽😂之後追加1個九州拉麵定食🍜另外，追加了串燒～走地雞頸肉、鮮雞肝、七味燒雞軟骨加州反卷碎蔥芝麻拖羅小卷油甘魚火炙左口魚背壽司總括大家意見：銀鱈魚西京燒定食、串燒味道正常；刺身壽司定食份量少咗D，如果有碗細烏冬或拉麵就剛剛好。

荃灣日式居酒屋刺身三點 $58入面有油甘魚/帆立貝/赤海老，每樣食材都好新鮮滋味，刺身嘅種類都覆蓋得好全面，令你可以一次過食到你想要嘅日式刺身。極上刺身三點$98呢個係必叫嘅刺身拼盤，佢已經包含晒海膽/生蠔/赤海老，海膽超級鮮甜一啲都唔腥，仲有好Creamy嘅感覺，生蠔超級大隻，啖啖肉海水味超級足夠，完全還原原本嘅鮮味松葉蟹肉海膽炒飯 $188估唔到有驚喜嘅炒飯，所有配料都超級多，包括蟹肉同埋魚子，炒飯本身都夠晒乾身粒粒分明，撈埋松葉蟹肉加埋飛魚子喺口入面嘅口感層次超級豐富，每一種鮮味都好分明好配搭，最後加埋海膽鮮甜嘅口味呢個配搭真係一絕！芝士年糕 $48外脆內軟嘅芝士年糕真係小食，必叫至選！流心嘅芝士加埋香脆外皮好！火灸芝士三文魚腩壽司 $21 / 真鯛壽司$15 / 海鰻壽司 $28另外都叫咗三件壽司去試吓，燒三文魚腩入口即溶配埋芝士嘅鮮香入口更惹味，另外真雕壽司同埋海鰻壽司都好新鮮！加一服務費鳥山名 (荃灣)荃灣青山公路 - 荃灣段398號愉景新城1樓1025-1026號舖