鳥山名

营业中

休息中

最近同fd 見面，仲帶埋小朋友黎，所以揀左愉景新城見面，因為愉景新城有好多for 小朋友既設施！同小朋友玩完就去左食日本野。金目鯛壽司 $53壽司一件件叫，顏色幾鮮艷，剌身大塊，肉質幾軟嫩。伊佐木 $60肉質會爽一啲，比金目鯛較為有韌度。拖羅三色飯 $195材料幾豐富，除左拖羅蓉之外，仲有帆立貝、海膽同三文魚子。海膽有鮮甜味，帆立貝都有鮮味，無雪味，三文魚子大大粒，雖然一碗份量比想像中細，但食材系吾錯。北海道海膽手卷 $88呢個手卷上面有大約3片海膽，色澤上較為深色，對比起海鮮丼飯既海膽較為遜色，性價比相對低一啲。串燒墨魚鬚 $35特價曲串燒，一份有2條都幾抵食，用細隻既墨魚鬚，一啖一件剛剛好。串燒七味雞軟骨 $35雞軟骨同樣2串，七味粉吾會太咸。餐牌：

難得去愉景新城行街，有朋友介紹一間抵食居酒屋！餐廳有好多唔同菜式選擇，有刺身、壽司、卷物、鍋物、串燒、甜品等等，一次過滿足曬咩都想試嘅心情！長崎小長井生蠔 ($178/3隻）生蠔係海水味重而且好鮮。海鰻壽司 （$22/件）海鰻鮮嫩，幾好食。安格斯牛肉火鍋 （$106）火鍋份量好多，金菇、豆腐、娃娃菜、大蔥、冬菇、雞蛋，安格斯牛肉肉質好鮮嫩，湯底濃郁又帶甜味，配料都好新鮮。芝士吉列蝦反卷（$38/4件）反卷入面有啲軟芝士同一隻吉列蝦，上面有啲櫻花蝦，底下仲有啲沙律醬，味道幾夾！牛肉蒜片薄燒 ($96)薄燒牛肉肉味香濃，入面包住炸過嘅蒜片同蔥，令個口感豐富同香口。晚市嘅鍋物同埋刺身都有八折，兩個人飽住走都係大概$500，夜晚嚟講算幾抵食！Staff 啲服務態度好好，會介紹Menu嘅優惠菜式👍🏻而且餐廳座位闊落，坐得好舒服。餐廳性價比高，下次經過會再幫襯。

今晚去咗 鳥山名試佢哋嘅 料理長推介，真心滿足！😍 呢間日式居酒屋位於荃灣愉景新城，環境舒服有日式氛圍，仲可以睇到師傅即場料理，氣氛一流🍣🔥！🍽 必試料理長推介 🍽✔ 原條島根池魚 $168魚肉超嫩滑，燒到皮脆肉嫩，油脂香氣逼人，魚迷一定要試🐟✨！✔ 熟螢光魷魚 $68呢道菜超有驚喜！魷魚口感煙韌，帶微微甜味，熟成後味道更濃郁，再點少少醬汁，越食越上癮🦑🔥！✔ 山口壽司盛合 $268魚生新鮮厚切，油脂分布完美，每粒壽司飯黏度啱啱好，入口即溶，滿足度爆燈🍣💕！✔ 廣島蠔鍋 $118一嚟先上個鍋物，係枱上慢慢煮，食完刺身壽司之後先至食，暖笠笠超滿足！鍋入面有 六隻大大隻廣島蠔，每隻都肥美鮮甜，湯底濃郁但唔會太膩，配埋豆腐同蔬菜，好有層次🦪🍲！呢間嘢真係質素高，價錢合理, 店員服務親切，仲會介紹唔同推介菜式，感覺超用心🥢✨！

👩‍❤️‍👨最近近近地係屋企發現左呢間好有feel嘅日本料理餐廳🍱呢度環境好好而且又坐得舒服😌食物仲好高質添👍係一個拍拖嘅好地方呀🥳🐟原條島根池魚：好少地方可以有池魚刺身😍今晚呢度仲可以order成條刺身食呀👍真係勁開心🥳池魚新鮮而且味道鮮蝦甜👅二個人食一條就啱啱好喇✅呢個好推介呀🥳❤️北海道海膽壽司：最後愛uni嘅海鮮洋味道👅特別係北海道産地嘅💯入口甘甜又鮮味☺️大滿足😌🍱鹽燒三文魚鮫定食：我哋勁鍾意食三文魚鮫👍呢個鹽燒嘅口味超正🤩熱辣辣仲脆卜卜🔥唔係講笑😍我哋真係連啲魚骨都食埋呀✅🍱鰻魚朴葉飯定食：秘製蒲燒醬汁燒完嘅鰻魚肉質嫩滑✅香氣四溢😍加埋朴葉一齊蒸🔥味道好夾👅口感層次豐富💯

去愉景新城行完街🛍️順便去「鳥山名」食晚飯🇯🇵.炙燒三文魚左口魚背玉子飯配牛肉手打烏冬🍜三文魚同左口魚背炙燒後魚油滿滿🔥肉質肥美滑嫩🤤附有酸薑🫚烏冬有牛肉🥩油揚、粟米🌽.鹽燒鯖魚定食🍱鯖魚燒至金黃😱入口外脆內嫩😆保留咗肉汁☺️沾蘿蔔蓉酸汁更開胃🥕附有沙律🥗前菜🧆漬物、味噌湯🥣珍珠飯🍚甜品🫘.岩手縣令和の怪物生蠔🦪肉質飽滿😍嫩滑鮮甜，蠔味濃厚😋.北海道海膽壽司🍙海膽金黃💛綿密鮮甜.碎蔥三文魚壽司(2件)🍣三文魚帶陣陣蔥香同芝麻香😗.熟蝦壽司🦐熟蝦大隻😍.蟹籽壽司🍘蟹籽多到滿瀉🦀.黑糖鮮奶🥛

好耐冇黎愉景新城玩啦✨呢度多左玩同食之餘聽朋友講呢間日本野幾好食咁😎我地即刻去try try佢😈季節推介📝📝原條鳥根池魚擺盤好靚嘅原條鳥根池魚✨打卡一流之餘每片入口魚味香濃肉質口感咬落帶香脆感食落成條都幾新鮮嫁海鰻壽司成條長長嘅海鰻上✨夠哂豪華海鰻燒得好香之餘加埋面頭加上嘅醬汁令食落味道更豐富更香加埋手握壽司飯一齊食夠哂正🫶🏻吉列黑豚豬扒定食壽司定食定食都幾豐富有沙律 前菜 味噌湯 甜品壽司定食 (季節將司8件 卷物4件)有加洲卷 吞拿魚 鯛魚 鮟鰜魚肝 蟹柳 帶子 左口魚每件食落都幾新鮮嫁🫶🏻吉列黑豚豬扒定食方面豬扒食落外脆內爽豬味幾香得黎沾埋蛋王醬 / 檸檬味道更豐富配埋珍珠飯一齊食夠哂滿足

今日過黎荃灣竟然唔係食老闆娘，我地去完中染就過左黎愉景新城到食野🤤好好彩去到唔洗等位😙仲有卡位坐☺️超lucky😙可能因為太耐無食日本野😝第一時間叫左季節推介既海膽壽司同吞拿魚面頰肉壽司食😛個海膽壽司好鮮甜好有驚喜🤤而吞拿魚面頰肉壽司就係出面好少機會會食到🤤🤤食完個海膽壽司🍣咁好食就再叫個松葉蟹海膽炒飯食，炒得好香口😙要黎配埋個鍋物一齊食就啱啱好😝見到有得叫燒菠蘿🍍就叫左個燒菠蘿食，佢有個梅粉點住黎食😚酸酸甜甜咁好好食😋

住荃灣嘅朋友帶咗我嚟愉景新城食呢間日本野 餐廳面積幾大同見到有唔少嘅清酒做裝飾 仲見到香港比較少有嘅牛腸火鍋 不過朋友唔食就無叫到 有興趣嘅朋友可以去試下炙燒三文魚左口魚背玉子飯配牛肉手打烏冬想食三文魚但又想食烏冬嘅我最後就嗌咗呢個 三文魚同左口魚經過炙燒表面微微焦香 食落入口即溶 手打烏冬口感彈牙有勁 湯底幾清甜 仲有腐皮同少少粟米粒喺入邊 一個價錢有晒2款主食感覺幾抵鰻魚炒飯炒飯好大碟! 米飯炒到粒粒分明同夠乾身 每一啖都食到大大粒嘅鰻魚金目鯛壽司肉質細膩 油脂適中海鰻壽司比平時嘅鰻魚肥美 肉質滑嫩北海道海膽壽司 海膽好新鮮而且份量十足 入口creamy唔會有腥味

成餐飯都好有驚喜！2個人埋單$600都唔使但都好飽好飽~食物都好高質。見到menu做緊晚市大放送，好多鍋都想試！ 最後揀左廣島蠔鍋，超抵，起碼成6粒大大粒蠔肉先HKD118! 仲有好多唔同配菜，包括冬菇，豆腐，金針菇等等。另外有個menu系料理長推介，當然要試下啦！ 怕食太過飽，所以就係叫咗六件壽司。胡麻鯖魚福崗名物，口感獨特清新。伊佐木 肉質雪白且通透，脂肪豐盈，口感柔軟黑睦 鍾意食深海魚嘅就要揀呢款啦。有豐富嘅油脂同埋入口即溶。火炙吞拿魚面頰肉油脂較吞拿魚肚平均，彈牙爽口。胡椒鯛肉質細嫩，油脂平均。北海道海膽整體份量足，海膽肉質肥厚，口感細緻。另外我哋見到定食set好抵！HKD155有成8件壽司+4件卷物，仲配有沙律湯同埋小食。壽司就包括三文魚，吞拿魚，鯛魚，鮟鱇魚肝，蟹柳，帶子，大蝦等。卷物的魚籽好足，食落好爽口。 整體上面餐廳空間咁大，座位寬敞舒，食物大份兼抵食。

#20241113 📝📍 鳥山名 @toriyamana.hk 荃灣青山公路 - 荃灣段398號愉景新城1樓1025-1026號舖➖➖➖➖➖➖➖➖➖➖➖➖➖➖➖➖➖#石垣鯛壽司 #伊佐木壽司 #金目鯛壽司 #秋刀魚壽司 $20/件💭 幾款都係店員哥哥極力推介新鮮空運到港既壽司，兩款鯛魚都係好香魚味，石垣鯛就相對結實啲多啲咬口，伊佐木油香豐富啲，第一次食秋刀魚既魚生，口感似鯖魚果類既，而且佢都係4款之中最濃味，所以最後先食佢就岩喇🐟.#原條海鰻壽司 $60/件💭 好長好長一條海鰻，佢食落比平時啲鰻魚要鬆軟好多，好似係日本食果啲穴子咁，唔知係咪同一樣野尼架呢🧐夾埋個現場整既手握壽司飯，粒粒分明非常好食🍣.#北海道海膽壽司 $60/件💭 呢個海膽壽司一定係是日mvp！唔好比個價錢嚇親，食左就發現佢係物超所值，好大一球海膽，而且顏色絲毫無暗淡，完全係橙紅色，食落除左綿密同鮮甜真係唔需要其他形容詞，強烈推薦大家試下👍🏼.#安格斯牛肉火鍋 $106💭 晚餐點都要有啲熱野落下肚，做緊discount有張menu係8折優惠🤩個鍋入面有好多料，有菜有肉仲有啲豆腐、葛絲等等，最正係個湯唔會好咸，可以就咁飲

好耐冇黎荃灣 , 今日放工路過荃灣 , 約朋友食飯 , 搵到依間居酒屋竟然有得食牛腸鍋 , 係福岡食過之後都冇乜地方食得番 , 於是同朋友黎左鳥山名餐廳地方大 , 日系木式裝潢加上唔同既日式擺設 , 好有日式風情 , 餐廳食物選擇好多 . 睇到眼花撩亂 , 好彩有職員幫手推薦 , 最後終於揀左個博多牛腸鍋 , 原條海鰻壽司 , 原條秋刀魚 , 北海道鱈白子 , 兩個女仔食唔到太多野 , 岩岩好本身怕牛腸鍋太油太膩叫多個左個飯 , 不過牛腸一啲都唔會太膩 , 口感夠彈牙 , 入面配上椰菜韭菜 , 湯底香濃 , 送飯都一流 , 暖粒粒好滋味白子可以撈均食 , 上面有蘿白同薑蔥 , 撈完之後更加入味惹味 , 口感嫩滑秋刀魚分成刺身同火炙 , 店員建議食左刺身先再食火灸 , 秋刀魚魚味夠鮮甜 , 魚肉爽口 , 擺盤又夠靚 , 好適合打卡海饅壽司大大條 , 肉質夠厚又新鮮

最近👦🏻👧🏻喺荃灣行街發現位於愉景新城嘅日本餐廳-鳥山名有做緊特價優惠，咁就試下啦！餐廳食物款式眾多，有齊鍋物、壽司刺身、串燒、小食。另外佢哋亦做緊九周年優惠，每惠顧$100就可以喺下一次享用一次優惠，啱曬附近街坊間唔中再落去食。🌟壽司北海道海膽壽司金目綢壽司石垣稠壽司伊佐木壽司刺身新鮮唔會有雪味，比較值得推介既北海道海膽壽司同金目綢壽司🍣，北海道海膽整體肥厚，食落質感細膩，食到濃郁的奶油味；而金目綢壽司食落肉質細嫩，脂肪豐厚。🌟串燒串燒和牛牛展：牛肉串燒食得多，但用上牛腱呢一種筋位比較多嘅舖位就比較少見！即使係比較瘦嘅部位都仲食到和牛油脂香，質感又爽又有咬口。串燒七味燒雞軟骨：雞軟骨燒得焦香，脂肪、軟骨、肉都兼備，配上七味粉，幾惹味！🌟吉列黑豚豬扒定食定食有齊肉類、飯、麵豉湯、漬物同甜品。吉列豬扒就比較薄身，肉質比較腍，可以點上日式豬扒汁/蛋黃醬/芥末醬作調味。🌟雪花牛肋條地獄火鍋多款鍋物都有做緊特價，👦🏻👧🏻又想食牛肋條又怕辣，所以火鍋一上枱時都先挑起辣椒🌶️，所以湯底飲起上嚟都唔算太辣。牛肋條份量不少，肉質鬆軟點帶脂肪。配菜就有大量韭菜、冬菇🍄、金菇、粉絲。粉絲索盡湯底精華幾惹味。

見這日本餐廳食評幾好便來試試，環境闊落舒適，閒日也坐了很多人。串燒方面，串燒秋葵好清新，外層燒得啱啱好，內裡仲保持住啲水份，食落口感一流。串燒開邊雞中翼同串燒和牛牛展都不錯，雞中翼外脆內嫩，和牛牛展肉質鮮嫩，燒得剛好。碎蔥芝麻拖羅茸蓉小卷亦幾好，拖羅茸蓉滑溜溜，加上碎蔥同芝麻嘅香味，正。我也很喜歡雪花牛肋條地獄火鍋，牛肋條嫩滑多汁，仲有不少配菜及薯粉，配上辛辣嘅湯底，辣得幾過癮，仲好抵食。最後，特價海鰻壽司同北海道海膽壽司都係唔錯，海鰻壽司抵食，海膽壽司也不錯。總括嚟講，鳥名山日本餐廳嘅食物值得一試，無論係串燒、鍋物定壽司，都有一定水準。

位於愉景新城嘅角落餐廳鳥山名🦦 唔好睇少佢係角落嘅一間餐廳🤩 餐廳竟然有非常高質嘅日本食材👍 首先非常推介嘅係黎自北海道嘅海膽壽司😋海膽鮮甜程度係我食完一件再encore 叫多一件🤣 之前食過唔少嘅廚師發辦😲但今次係第一次見到有秋刀魚嘅刺身🤩 每年整係得一到兩個月其間限定先有得食加揸😆 秋刀魚有非常高嘅omega 3👍👍 適合著重健康嘅你🥰 廚師非常細心再一半做左火脊食出黎嘅油脂香更重👍 更推介比大家😆 餐廳除左壽司刺身外😉 更加有唔少鍋物串燒😍甚至連爐端燒都有🔥 我自己就特別推介串燒魷魚鬚😎燒得好香之餘🥰 通常串燒都需要好長等候時間 而餐廳上菜速度非常快 可以好快就享受到餐廳嘅串燒食物👍👍搞到忍唔住encore 多幾串🤣🤣

難得入到黎荃灣覓食 俾我係愉景新城揾到間高質日本野😋餐廳會有期間季節限定刺身同海鮮🦞 期期唔同包有新鮮感而家秋天就遇到秋刀魚當造 一年只有兩三次 所以毫無疑問我地就即刻點左😎呢個係原條秋刀魚刺身 咁就會兩邊身有兩個做法 一邊係做刺身 伴碟會配薑蔥豉油 作提鮮效果另一面做炙燒 炙燒後秋刀魚鮮味就出哂黎 非常濃味 所以進食次序就建議先食刺身 再食炙燒另外都好正嘅係北海道海膽壽司🍣海膽肥美鮮甜 入口好滑口 一啲腥味都唔會有海膽可以揀以壽司定手卷形式上係季節餐牌上都見到啲比較少見嘅魚類壽司梭子魚壽司🍣 伊左木壽司店長非常細心一一介紹唔同種類嘅魚和各口感 亦會輕輕介紹下咩季節咩係當造 惡補一下我對海鮮嘅知識😛