鰹烏冬 (駱駝漆大廈第三座)

营业中

休息中

【 幾好味嘅新鮮烏冬】 去完游泳池游水呢，就帶朋友去咗呢間喺觀塘嘅工業大廈。其實呢駱駝漆大廈第三座都有好多唔同嘅嘢食，今次就試到呢一間我會回頭嘅新鮮烏冬店啦。佢嘅餐牌係有唔同嘅烏冬配唔同嘅餸，任君選擇，有湯烏冬同冷烏冬etc. 我就幾鍾意食佢嘅骨付雞。我見佢嘅烹調方法係擺喺焗爐焗㗎。所以就熱辣辣，又多汁。另外呢佢嘅關東煮都唔錯㗎，都幾入味。同埋呢都幾鍾意佢擺雞嘅碟，感覺呢就好似係西班牙葡萄牙佢哋餐廳會用嘅碟。呢間舖頭今年都食咗三四次啦，會繼續幫襯。另外一提，佢哋係可以買一包包嘅烏冬，返屋企自己整黎食㗎，有包埋湯料。

見到網上一直有好多人吹捧，所以嚟試下，畀過兩次機會佢，但感覺都只能夠說係不過不失。兩次都嗌左湯烏冬，如果喺日本食過好味嘅湯烏冬，就會知道就咁一個淨湯嘅烏冬已經係非常之簡單美味，但事實上係好難搵到嘅。佢個湯底冇乜特別，烏冬嘅質地係煙韌嘅，甚至乎係有啲硬度，需要落力咁樣咀嚼先食得到，但最失敗嘅地方係唔知佢淥得太過勁定係點，烏冬嘅表面唔夠爽滑，有少少粉粉地嘅感覺，而且第一次去食，個湯仲係唔夠熱嘅添，所以感覺都一般，除非真係好想食烏冬，同埋嚟開呢頭，如果唔係都唔會特登去食。

鰹烏冬 (English name: Katsuo Udon) is a udon shop in Cheung Sha Wan but now they have branched out into Kwun Tong.  Located inside an industrial building, they have two shops so the wait isn't as long as in Cheung Sha Wan. Here they also sell pre-packaged udon an offer udon making classes!Menu is in English, Japanese and Chinese. There is no 10% service charge and you pay on your way out. They have various types of udon and some flavored ones as well that were sold out when we arrived.We shared a s

自從梁祖堯IG介紹完之後一直都好想試閒日晏晝兩點都要排隊，等完位再等多20分鐘先有得食（因為所有烏冬都係即叫即煮）PS:觀塘鋪所有烏冬如果冇特別要求都會用粗烏冬；長沙灣鋪佢有指定粗幼！PS:另外我兩間分店都去晒但兩間分店嘅價錢都唔同。🍜竹簾烏冬+天婦羅。為咗竹簾烏冬而來，但係下晝2:00已經冇晒海苔同咖啡味只係得返原味。由於唔記得揀有烏冬所以嚟咗個粗由於食唔到其他味道所以之後我去咗長沙灣分店買咗個海苔幼烏冬，覺得幼烏冬被粗烏冬更加掛汁。🐔骨付雞兩間分店嘅骨褲雞都應該預先整定所以外表望落去好香口，但識落都係凍咗而且皮脆，不過雞髀醃得入味味道搭救返。🍜 月見烏冬葉烏冬配上日本生雞蛋，昆布堅魚湯味道清澈，但我略嫌味道唔夠，但加咗生雞蛋會比較creamy啲🥘關東煮關東煮入邊一共有五件，大根煮得入味冇渣，而且昆布味都好香唔似日本食開嘅偏甜。🍤天婦羅除咗烏冬天婦羅都係佢哋嘅招牌菜，觀塘店就四件但長沙灣店有五件，佢哋個天婦羅炸漿真係超級好食，就算擺咗半個鐘都唔會諗keep住咁脆而且食落唔油膩😋

駱駝漆大廈入面有好多餐廳，而呢間我bookmark 好耐，主打烏冬同埋有唔同嘅配料，其中一樣係我最鍾意食嘅關東煮。 今次去觀塘終於可以試到喇！朋友揀鰹魚湯烏冬，我就揀咗咖喱湯烏冬，同樣叫咗關東煮😍 再share個天婦羅。個咖喱湯烏冬係幾特別，但係食食吓開始覺得有啲滯。個關東煮好多配料，有椰菜豬肉卷、蘿蔔、蒟蒻、蛋⋯好好味！天婦羅就有平日唔會食既多春魚😨 整體食物味道都唔錯，推介！👍🏻👍🏻👍🏻 💰人均消費：$70-100

聽聞左好耐嘅手打烏冬店😍😍😍叫左鰹魚湯烏冬同黑椒烏冬覺得味道偏淡，烏冬都幾硬身🤫🤫個人嚟講比較中意軟少少同彈牙嘅烏冬鯖魚同天婦羅都幾好食 好香口味道唔太淡唔太濃 剛剛好不錯不錯🥰🥰🥰

今日去觀塘食lunch發覺原來駱駝漆呢到有好多野食揀左間比較少人排嘅小店去食排左3個字到有得入面坐位都幾寬敞 而且裝修都幾靚餐牌上面都有唔小烏冬嘅配搭最後揀左配雞比嘅份量比想像中多 男仔都夠食

身邊既朋友成日介紹我去食鰹烏冬，一直未有機會試。今日經過駱駝漆😏就梗去要去試下，地方位於工廠區都算就腳。入到去都幾full好彩咁岩有2個位，唔使等，正！今日落雨涼涼地就想食番d熱野，就叫熱烏冬食啦，今次揀左佢個鰹魚湯熱烏冬同隻大雞髀😋佢每枱都會有一壺茶既，飲落有陣煎茶味都唔錯。佢個湯清清地但唔會淡唔會無味，飲落好鮮甜唔似味精湯。 烏冬佢就話係即場製作既， 食落有咬口又掛湯，perfect match！雞髀面頭有d七味粉，肉食落有d薑味。期待下次黎試埋個凍烏冬同咖哩烏冬

距離上次去旅行是上年中的事，原本打算今年會去日本，但現在真的不敢想像何時再出國。而我很耐沒有食正宗日式料理，所以網上找了這間鰹烏冬，當晚七點半來到已經有十幾人排隊，最後等了半小時以上才可進入...——————————🔹 醬油烏冬 配關東煮 $73這個醬油烏冬份量比我想像細份，但味道重要些😋 把海帶、蔥絲、蘿蔔溶與烏冬攪勻，配合下面微鹹的醬油真的很夾，加上本身是凍食，所以會涼而不膩！之後再加入檸檬汁，味道會更清新☺️至於烏冬，質地比較硬身，食起來要嚼多幾次，較以往食開彈牙的烏冬有些分別🤨 個人喜歡彈牙和淋少少的麵質😆而關東煮有蛋、蘿蔔、竹輪、芋絲和高麗菜卷，總共五樣食物。特別喜歡蛋和高麗菜卷，吸收了湯的精華，好食😋🔸 鰹魚湯咖喱烏冬 配骨附雞 $84朋友就叫了鰹魚湯咖喱烏冬配骨附雞，後者未食就覺得很吸引，但前者較網上其他人分享的少汁，不像預期的賣相😖起初聞落會有很香咖喱味，以為咖喱烏冬會很濃郁，但食過一啖有點失望👀 咖哩汁感覺由很淡的咖喱粉製成，食起來不是熟悉的濃郁日式咖喱味，而且沒有鰹魚的鮮味😟骨附雞即是雞脾，大大塊😚 一切開裏面的肉汁爆出來，皮脆肉嫩，好食！

駱駝漆大廈不嬲都藏龍卧虎•🥢竹簾冷烏冬 + 骨附雞76HKD舖頭有好多唔同味道既烏冬不過可能過左午市冇哂原味既竹簾烏冬配冰凍既鏗魚汁真係絕配 成個人都涼浸浸骨附雞其實係燒雞髀一上枱已經聞到香氣撲鼻切開啲汁流哂出黎皮脆 肉嬾 多汁Made my Friday complete

話說今日兩點幾有少少肚餓，就去駱駝漆中心搵嘢食。去到駱駝鐘度駝漆中心樓下，排隊搭電梯嗰條人龍，真係名不虛傳，起碼等咗十分鐘以先上到去。去到叫咗佢個50蚊嘅下午茶餐再加一隻流心蛋。今次叫咗佢個天婦羅蝦烏冬，首先飲佢一啖湯個湯，好清甜，可以飲曬成碗🤤再嚟試一試佢個天婦羅炸蝦，真係啱啱炸起，差啲畀佢辣親個嘴，隻蝦亦都好爽好好食。佢個烏冬亦都好有咬口十分彈牙，唔似出面食嗰啲一pat pat咁，冇嚟口感。最後不得不提嘅一定係佢個流心蛋，恰到好處，亦都有酒嘅香味。

鰹魚湯烏冬🍜🍜🍜烏冬份量好多，同埋食落係無酸味同彈牙嘅👍🏻但鳴門卷好薄同埋湯底幾淡口，如果唔係加七味粉嘅話真係無乜味😂又或者因為小編重口味啦🙈另外配左關東煮，裏面有蛋，大根，獅子狗，蒟蒻同埋用菜包嘅餃子？🤡🤡，食過之後個人就唔推薦嗌啦，因為真係無乜味同埋得隻蛋好食🙃總括嚟講，烏冬份量好足夠，而且個裝修都好有日本風😌😌

今次介紹係一間食自家製烏冬嘅專門店，都出咗名一段時間，喺觀塘又喺黃店，今次終於的起心肝嚟食，我哋喺平日下午茶時間到，唔洗點排隊👏🏻真係好抵食又好味㗎唧😎·每一碗嘅烏冬配有半個溏心蛋、天婦羅碎、三塊日本魚蛋、紫菜同埋蔥🤗溏心蛋就正常流心，而加入天婦羅碎係烏冬到，脆卜卜，不錯👌🏻·💛雞冬 $50餐牌真係就咁叫「雞冬」，簡而精！老實說賣相平平無奇，但食落口真係比烏冬驚艷咗，烏冬比想像中彈牙煙韌，真係一啖接一啖，停唔到口啊🤤而雞扒普普通通🤭，不過我相信正餐嘅骨付雞應該係幾吸引嘅～·💛魚冬 $50雖則係下午茶餐，但餐牌寫「魚冬」真係好令人困惑，唔知佢係煎三文魚定係燒鯖魚嗰種，最後嚟到原來係天婦羅魚😂😂😂但有個問題係天婦羅魚浸落湯，其實好快就淋哂，建議天婦羅魚可以好似小食天婦羅咁另上🙂清湯方面，食得出唔係求其，少少鹹鹹地咁😚· 💛加配天婦羅 $30有天婦羅蝦、茄子、冬菇、同兩條魚🤣炸粉唔厚，炸得香脆，質素👌🏻·天時咁熱下次再嚟要試冷烏冬先得👏🏻😋🌟tips: 駱駝漆平日Lunch好多人，可以嘅就平日下午茶嚟，唔使等位，又抵啲，鍾意嘅都可以叫正餐嘅餐牌㗎🤗

好受歡迎，一直都好想試吓嘅烏冬終於比我食到啦，食12點個輪係值得嘅。叫左海苔冷烏冬配雞髀，雞髀好大塊，個烏冬口感唔錯，整體黎講都值得一試。下次有機會想試埋熱嘅烏冬。

有一次去行駱駝漆嘅時候，無意中發現呢間餐廳好鬼多人排隊，心諗一定係好嘢黎。於是我就揀個無乜人嘅平日下午茶時段嚟試一試。 餐廳位於駱駝漆大廈三期嘅十一樓。如果想黎食呢間嘢人但黎到就覺得情況唔對路嘅時候，呢層仲有好多餐廳可以選擇。呢間餐廳比其他呢層嘅餐廳大，坐得幾鬆吓。裝修方面工廠區黎講算幾好架啦，唔會太舊同太糊塗。 野食方面佢地有推出下午茶時段嘅系列。古名思義就係每碗烏冬都係$50，但同時選擇就少D。每碗烏冬就可以以優惠價加一款餸，小食同飲品。 🍴雞冬$50 雞扒先到金黃色，睇落燒得幾好。雞肉肉質嫰滑，食落有少少黑椒味，幾好食。但份量就比較吝嗇，成碗得兩舊仔，cp值較低。烏冬係佢哋自己手打嘅，食落煙韌Q彈，算係好高水準嘅烏冬。糖心蛋生熟程度啱啱好，但已經被人事前整爆咗，有少少蛋汁流咗落碗烏冬度，呢點有啲不滿。湯底味道清淡，正宗，唔錯。每個烏冬都有大量嘅紫菜同埋蔥，鍾意食蔥嘅人（我）表示滿意。仲有少少天婦羅碎俾你撈埋烏冬一齊食。 🍴牛冬$50 一開始仲以為牛冬嘅牛係肥牛片，但原來係金菇肥牛卷。牛肉脂肪分佈唔係幾均勻。有一邊就遍瘦，嗰邊就食落有啲韌，牛肉味係有嘅。有一邊就全部