鮨見 (已結業)

同老公周年紀念食日本omakase. 原想諗住食 (春) lunch set , 但後來選了兩個（見） lunch set. It was super delicious, especially the adhoc suggested 廣島oyster was extremely yummy! so fresh. anyone can tell the big difference even if u are not a food critic. 👍🏻. with a very personal touch from Japanese Chef who brief u on each item presented! and why he selected that fish and part for sushi.

好食！真材實料！包裝未必是呢間嘅賣點，因為師傅不算年輕，不是行包裝設計風格！但呢間重點放在壽司，不會著重太多熟食！感覺傳統，但材料反而更顯功夫！店舖細，坐滿也只得十個位左右，如果一、兩個朋友聚會是好地方，多人就未必適合。

之前見到朋友黎po上網好似好好味，就喺無睇過價錢下預訂。上到去得2個餐簡，所以一人簡一個，貴d個個有海膽飯🤤佢每日都會選擇當造食材，所以未必每次都食到同一樣野。鮟鱇魚肝 ⭐️⭐️⭐️⭐️⭐️我喺連鎖壽司店食過軍鑑，真係唔鐘意！但係呢個暖暖，勁香魚香味，係想成條搶左黎食！🤤油甘魚⭐️⭐️⭐️⭐️⭐️真係超新鮮，超好味！燒一下係勁香魚油，如果份量加多倍就爽啦！前菜⭐️⭐️⭐️⭐️⭐️真係好甜好甜，again，好想食多d炙燒吞拿魚辭+海膽⭐️⭐️⭐️⭐️⭐️呢個就2個餐都有既，個吞拿魚腩好香好香好香，見到都想再食牡丹蝦海膽⭐️⭐️⭐️⭐️⭐️照顧埋視覺享受海膽飯⭐️⭐️⭐️⭐️⭐️除左鮮甜，無其他！ 呢個係貴個個餐先有蠔壽司⭐️⭐️⭐️⭐️⭐️師父問左食唔食蠔，即整呢個要用手食滋味d😂蜜瓜⭐️⭐️⭐️⭐️其實味道無問題不過唔特別😂整體都好好味，但份量唔夠多呀。

Omakase 篇地開花，喜歡吃高質素食材的香港人有福了。今次我們去到亞士厘道這個食街，去品嚐高質素廚師發辦料理。門口緊閉著，有點神祕感。開門後是一個日本廚師和一個日本女子做侍應。日本女子恭恭敬敬，而師傳則有點傲氣，想必對自家出品充滿信心。先上的蒸蛋，慢慢滑入喉嚨，感受到其溫暖。蛋香細緻，配上香葉、本菇的，還是可以吃到雞蛋的滑。而所有刺身、壽司，均十分出色。最愛當然是我喜歡的左口魚群邊，經炙燒後，魚油都滿滿的融合在壽司飯中，香口無比。整餐中，師傳不斷跟我們說到他拜師、做壽司的經驗、魚類的各種特性，增進了不少知識呢！

最近香港越來越多Omakasa 店， 但大部份都是香港人開的，日本人主理已經越來越少，香港人開的除了分量和價錢比較吸引之外，主要原因香港師傅會加入西式元素，令食物外觀更吸睛，而日本師傅主要著重品質，食物外觀不會太多花巧，價錢亦相對貴...但追求食物質素既人往往喜歡外表平實而內裡華麗既感覺這間只得一位日本師傅主理，坐位不多，一位師傅足夠應付所有食客！我門二人order 了最貴的lunch , 因為有海膽杯，海膽鋪滿了整個杯子，十分美味其他壽司外表平實沒有太多花巧擺設，但內裡十分生鮮最喜歡Tuna手卷， 用魚油燒香，十分滿足雖然Lunch 價錢不便宜，但相對同價錢但香港師傅主理的，這間更專業更值得再支持！

儘管食過有幾唔食都好都未寫過食評討論，呢間餐廳可以令我破戒可想而知有幾咁恐怖！入到餐廳一見中國式日本裝修已心感不妙，但見到咁多咁好食嘅食評及滿埸食客，心諗唔會咁差啩，所以俾個機會試下，點知一坐埋張sushi bar張枱污糟到有飯粒，個位中國式「日本師傅」件衫仲要一達達污跡，佢仲要用塊唔知用過幾多年嘅枱布抺張枱同刀，最恐怖佢用唔知乜手法表演去整舊壽司飯，韃嚟韃去，勁在舊壽司飯可以一碰就散，舊魚仲要係暖同甩皮甩骨,個中國式「日本師傅」仲要人用佢俾個塊簡體字濕紙巾抹手，用手食佢嗰舊壽司。舊壽司入面舊wasabi竟然可以同爭鮮媲美！可想而知我食落呢舊壽司而留下嗰滴眼淚係幾咁感動！我從未試過食omakase 會問師傅仲有幾多件，因為我真係驚頂唔住會嘔，最後我竟然捱到食晒，只係有一件真係頂唔到吐咗出嚟，經過此役我真係唔敢再睇食評，因為我深感相信我哋係嚟自唔同嘅世界，係我呢邊平行時空嘅同一間餐廳嘅質素正正相反，最後我非常後悔無睇到bad review 嘅comment,因為佢實在寫得太貼切!

約咗幾年無見嘅老友食晚飯，當然要搵一間坐得舒服，食得開懷嘅餐廳啦，依我一貫嘅做法，就係上網隨心揀一間餐廳去試嘞😆！今次呢，就揀咗一間喺尖沙咀嘅日式小店食omakase! 小店大概可容納8個客人食廚師發辦，日藉師傅好用心準備菜式！是晚食嘅omakase, 真係非常豐富，包括前菜三款、刺身五款、壽司七款、湯、生果、雪糕🤩前菜三款（蒸蛋、鵝肝、芝麻墨魚仔）、湯（金目鯛魚頭湯）、生果（夕張蜜瓜）、雪糕（自家製豆腐雪糕），各款都唔錯😃刺身五款當中，最吸引有一口海膽+和牛，師傅叮囑要一口食哂，咁當然照做，海膽嘅甜味加和牛嘅鮮嫰，個口感好複雜，只可以話其味無窮😋😋！ 而鮑魚片配上蟹糕煮嘅汁醬，將鮮味再提升👍🏼！而七款壽司當中，最驚喜就係新鮮廣島蠔壽司，肥美鮮甜嘅蠔加少少壽司飯一齊食，把全個嘴巴都迫得滿滿，再一口一口咀嚼，鮮味就不斷喺咀裏散開，真係好好味😋😋👍🏼！食到捧住個肚走，都只係大概$1700，算係合理😃！

今年生日，選擇了這間小店食omakase lunch~ 佢哋總共有三款omakase，今次揀咗$588嗰一款。二見康二師傅、日本人。負責樓面的是太太、台灣人，佢哋打黎confirm Booking嘅時候，我都有同佢講係慶祝生日，佢問我鍾意食咩魚，不過當時嗰一刻我未諗到所以無答到佢。我哋去到唔係太多人，雖然冇乜裝修，但係有日本小店嘅感覺。呢餐飯所有嘢都好好食，師傅會介紹每一件壽司同埋日文點講，哈哈😄前菜、壽司、手卷、茶碗蒸、海膽杯、魚湯、雪糕，最驚喜嘅係師傅知道我生日，特別炮製左件生日壽司比我地食，超好食～不能不提師傅介紹左我地食隻蠔，勁甜～～一定要試！五百幾蚊食廚師發板lunch、性價比高，我哋覺得所有嘢都好新鮮，下次會再嚟食～日藉師傅唔係好識廣東話，但佢會盡量同你傾計，感覺貼心❤️

今日同朋友仔慶祝🤤食好野。黎左呢間日本餐廳食飯。餐廳唔大，得十個位到，所以一定要預先book位。有三個唔同既 omakase 套餐，我地就揀左$588個個喇！前菜有 墨魚仔漬物用左胡麻醬調味，味道開胃既小食。蒸碗蛋🍳 蒸蛋蒸得好滑，好有蛋香味，仲有啲菇係入面，食落幾好味。之後就係戲肉既開始🤤🤤師傅開始為我們準備手握壽司喇！👨🏻‍🍳每件籌司都沾好了豉油同芥辣。而且師傅會先給我地消毒對手，我地用隻手去享受食壽司就得🥳🍣籌司既次序都好講究，先食淡味，再食重味既。每一件壽司都相當新鮮。雖然師傅係日本人🇯🇵，但佢都會用廣東話同我地介紹一下壽司，相常厲害👍有九款既壽司🍣鰤魚 味道似油甘魚咁，好甘香。好味金目鯛 貴價刺身，食落好新鮮好滑，魚油好多。北海道帶子壽司🍣WOW!帶子好夠鮮味肥美。櫻花鯛 味道濃郁，口感帶點爽口，幾好味。火炙裙邊左口魚 🐟好香既火炙味，好多既魚油，食落有溶化既感覺。中鮨拖羅🍣海膽杯😋😋好多既海膽，舖到好高！海膽味好濃，好夠鮮味，每啖都好幸福呀。鮮味十足既魚湯🐟日本🇯🇵蜜瓜🍈好甜好多汁呀🤤

今晚食左間高質素既師傅發辦，對自己個胃好一點🤭🤭呵呵！呢間朋友食過介紹我，話師傅真係日本人黎，夠哂正宗🏮我就揀左： “春”既套餐 $588, 有前菜，小食，9款壽司，海膽丼，手卷，湯同甜品🍮價錢對於 omakase黎講 都唔算太貴，都可以接受🤤上到去2樓，好有去左日本既feel。餐廳唔算大，一張大既枱，面向住師傅整籌司我地食👨🏻‍🍳🏮好高級咁！前菜有：胡麻醬墨魚🦑豆腐味道好開胃，墨魚好爽口彈牙。又幾夾呢個醬喎。茶碗蒸蛋🥚:個茶碗好靚靚，熱辣辣既蒸蛋，質感相當之滑嫩。仲有啲雞肉同菇，調一調味，又幾好味😋金目鯛🤤賣相肥美。味道鮮甜，甘香，口感好好。櫻花鯛🍣呢款都係第一次食，味道較金目鯛濃味d,魚香味好重，有dd煙熏既口感。幾好味🇯🇵深海池魚味道再重味d，好有甘香魚油味！好鐘意食，好鮮味。質感好爽滑呑拿魚🐟有入口溶化既感覺🤭正。好多魚油火灸裙邊比目魚🥰正！火搶燒一燒過，逼哂啲魚油出黎！好香！好好味，口感好嫩滑呀！北海道帶子好有鮮味，帶子好大舊，口感飽滿！甜蝦 🦐鮮甜彈牙鮮味十足！甜蝦海膽丼😻😻哇！超多海膽，睇見都流口水，海膽好鮮味好creamy 。食完咁濃既海膽，再送上 鮮魚湯我地解一解膩。

鮨見的Omakase中所有菜式都帶給我們驚喜！我們選擇了Special Omakase Set有前菜、茶碗蒸、刺身6款、壽司6款、海膽杯、手卷、湯及甜品，每位$1580前菜胡麻醬魷魚仔爽口彈牙，配上麻醬、腐皮卷和木耳絲，十分開胃！茶碗蒸即叫即蒸，熱辣辣，雞蛋滑溜溜！左口魚刺身薄薄的左口魚刺身，配上海帶和酸汁來調味，非常清新！炙燒池魚刺身池魚的油份充分被燒出，魚油香濃郁，加上上碟前師傅塗上適量的醬油，鮮甜美味，油香在口腔內久久不散，讚！藍鰭吞拿魚（左），喜之次（右）兩款刺身同樣包著黃金魷魚和甜蝦，上面加了金箔和蟹膏，更顯氣派！味道和口感都很豐富，釋放著不一樣的鮮味！ 牡丹蝦用左口魚刺身卷著牡丹蝦，上層再加上海膽，很有獨特風格的組合！火炙藍鯺大拖羅大拖羅包著海膽和吞拿魚蓉，十分奢華！火炙大拖羅魚鮮味濃郁，正！鮑魚配蟹膏清淡的鮑魚配上香濃的蟹膏，不錯！加上一件壽司飯，作蟹膏的陪襯，不會浪費食材！金目鯛壽司金目鯛肉質結實，壽司飯是赤醋飯，師傅已加了適量醬油和山葵，可直接全件放入口中！鰤魚壽司鰤魚肉質軟腍鮮味，不錯！深海池魚腩壽司池魚腩嫩滑而且充滿油香，魚油味濃，十分美味，超讚！藍鰭拖羅壽司拖羅

鮨見喺尖沙咀亞士厘道嘅一幢Service Apartment內，係正宗嘅Omakase Restaurant，所有菜式都全權交給廚師來決定。上到2樓，就會見到全木的門面。內裡座位不多，只有約12個位，另有一間VIP房。師傅會用日本加簡單英語加少量廣東話來介紹餐牌。Special Omakase Set有前菜、菜碗蒸、刺身6款、壽司6款、海膽杯、手卷、湯及甜品，每位$1580 ，比Regular Set貴多少少，不過啱啱出花紅就豪一豪佢啦！前菜是胡麻醬魷魚仔，魷魚仔爽口帶甜，配胡麻醬非常醒胃，很不錯的前菜！茶碗蒸的杯很精美，而且係熱到辣手，是即叫即蒸的，現做的就是好吃！第一款刺身是左口魚，師傅刀功一流，切得夠薄！上面晒了一點點像是味素的東西，下面還有酸汁來調味，非常清新！下面的海帶也是很不錯的，成碟清晒！第二款是炙燒池魚，上碟前師傅會為你塗上適量的醬油。池魚魚皮的油份被燒出，格外甘香，魚肉鮮美，正！第三款有兩件，左邊的是藍鰭吞拿魚，右邊的是喜之次，同樣都是包著黃金魷魚和甜蝦，上面還加了金箔和蟹膏。入口口感超豐富，外面鮮味軟腍、內裡爽口甘甜，味道結構很難用筆墨來形容，只能說材料的確是新鮮，

日本食omakase可以好平，但係香港食就唔同呀，主要新鮮空運過嚟，相對地成本亦都提高左，但係如果好食嘅話，真係要食一餐優待自己。尖沙咀區，omakase食個lunch呢個價錢真係OK，$588/11貫，仲可以同黎左香港4年的師傅聊天，吃一餐舒適的午餐☺️先上墨魚仔同蒸蛋，師傅調制的醬汁甜甜辣辣勁開胃！蒸蛋勁滑，而且入邊有魚蛋有雞肉有菇學多了，作為前菜真係一流。金目鯛獅魚櫻花鯛深海池魚楠由白肉魚開始，由淡至濃味，白魚魚身大部分都爽口，而且第一次食獅魚，魚味重，很新鮮！黑鱸左口魚赤身甜蝦赤身真係好好味～好喜歡赤身的呑拿味；就算無燒的左口都真係要日本直送先得，吃得很姿味北海道帶子好鮮甜！好厚好大舊呀！廣島蠔我第一次食蠔耶！好在真係好新鮮無海水味～最後就係壓軸嘅海膽杯啦！海膽真係超級甜，遠遠嘅質感亦都唔會好重海水味，絕對係上等貨，食一杯真係唔夠啊！好想再食～超級欣賞佢個湯，係用金木鯛嘅魚骨熬製嘅，佢有魚嘅鮮甜又能帶出味增嘅原本嘅味道，作為成餐飯嘅結尾剛剛好。甜品係自家製嘅豆腐雪糕，最鍾意就係豆腐雪糕啦！淡淡的豆腐味唔會太甜，而且作為甜品唔會搶走左壽司嘅魚味，兩者一齊留喺個口一邊，慢慢回味。

最新迷上食omakase,由廚師發辦最時令嘅美食，同一般嘅日本餐廳質素差好遠。試過唔少嘅omakase餐廳，鮨見絕對係當中算唔錯嘅一間。餐廳位置唔多，只係得8個位，可能師傅每晚只係會招待8位客人。我地叫嘅set有前菜、刺身、壽司同甜品，都算係好豐富。首先前菜係安康魚肝， 食落感覺有少少似 鵝肝， 但感覺就冇咁肥， 同埋鮮味較突出。之後就到各款唔同嘅刺身，首先係呢個鮑魚，點埋 鮑魚漬醬，口感彈牙。中拖羅刺身包住海膽同櫻花魷魚，非常鮮美。牡丹蝦同埋海膽亦都係絕配。壽司每件都係由師傅即場手握，新鮮好食。拖羅壽司深海池魚廣島蠔最後呢個網紋蜜瓜真係甜到入心，為呢一餐好食嘅omakase完美作結。

之前係日本食過Omakase，非常喜歡可以一路食一路睇師傅處理食料既感覺，返到香港突然心癮起，決定搵一間omakase試下。今次去食Lunch set，抗拒唔到海膽魅力決定食有海膽杯既「春」。前菜墨魚仔：墨魚仔爽口，個醬汁酸酸地好開胃。菜碗蒸：蛋好滑，蒸得剛剛好，蛋味都好濃。壽司十貫-金目鯛，獅魚，櫻花鯛，深海池魚楠，黑鱸，左口魚，赤身，甜蝦，北海道帶子，廣島蠔（希望無記錯）。師傅每上一個壽司都會介紹，有啲魚平時無機會食到，好「新鮮」，當中最喜歡獅魚，味道唔會太濃，口感偏爽口。而甜蝦難得地好甜，好多時食到唔新鮮會苦。整體水準好好，壽司米用北海道米，好有咬口。海膽杯：大大啖鮮甜海膽加上煙韌北海道米，無得頂手卷：無影到，因為師傅叫我快啲食，紫菜好脆，比起壽司又多左一層口感。金目鯛魚湯：好好味，好濃郁既魚湯，魚既精華係晒入面。豆腐雪糕：唔太甜，有淡淡既豆腐味，作為結束既一道甜品非常合適。食完好滿足，雖然價錢偏貴，但去唔到日本食偶然放縱係可以的