鮨丼 (已結業)

今日和女友去了尖沙咀九龍公園泳池游水至黃昏, 好肚餓了.   要找間餐廳醫肚.   女友話對面寶華商業大廈有間新開日本店, 鮨丼, 開業期有優惠, 立即去看有無位.  我們到達餐廳時是 6:30pm, 有六折優惠很不錯.餐廳內裝修日式設計, 有方枱也有寿司吧枱. 進門便看到師傅在忙碌地工作.店內客人很多, 我們被安排坐方檯.店員送來餐牌也好好介紹:    餐廳有唔同組合的魚生飯, 及壽司食品.  我們叫了有凍有熱的飯, 大家 share.....每個飯也包前菜, 湯和甜品.先來開胃前菜, 蘿蔔, 帶甜酸,爽口, 另一個是沙律, 色彩繽紛, 真是美味的開胃菜,  有 粟米, 車厘茄, 洋蔥, 沙律菜, 好爽口.各人一碗, 熱熱的味噌湯, 內有豆腐粒, 紫菜, 香菌, 絕不欺場.明太子醬炙燒親子丼飯  $168大大粒的三文魚籽, 亮晶晶, 滿滿的鋪在炙燒三文魚上, 好吸睛炙燒三文魚, 呈粉紅色,  肉嫩質優, 入口軟滑, 魚味特別甜, 油香入口有一股特殊魚香味, 十分好吃. 三文魚籽味鮮彈牙, 逐粒逐粒在口腔內爆破, 口感非常特別.   美味的醋飯, 又滑又可口.剛吃完魚生飯, 凍的, 接

未到七月, 天氣已經好熱, 當然希望找不太熱既野食, 一想便是食日本菜,  今次旁边那位好友, 無飯不歡, 於是最理想是一起去吃日本魚生飯. 查看 Open Rice, 佐敦站有 鮨丼, 圖片介紹好吸引.  五月正做新張推廣.   我們立即去試.   餐廳在三樓, 电梯直達, 門外裝飾不錯.餐廳推廣資料, 晚上六時後有六折優惠, , 好合經濟原則.餐廳有大型壽司吧,   魚生由日本直送.餐廳佈罝得宜, 座位整齊, 灯光典雅.侍應招呼好, 安排座位後立即送來熱茶及餐牌.  主打刺身丼, 有已定好的組合,  也有自選丼.每個丼都送一個湯、前菜 (沙律/漬物) 和甜品.我們各點了所愛的刺身飯.侍應先送來每人一碗熱熱的味噌湯, 前菜:  朋交點了漬物, 酸甜泡菜, 好爽口.我點了沙律, 有沙律菜, 粟米, 車厘茄, 沙律醬有甜酸味, 好開胃. 我點的刺身丼來了:左口魚邊拼三文魚丼飯    $178.陳設得好美, 大大碗.  配有兩片玉子, 左口魚邊及三文魚.左口魚邊是經火炙,  好稔滑, 大大塊, 入口充滿油香, 即溶,  三文魚厚切, 肉質肥美, 鮮味十足, 米飯香軟糯滑.飽魚角切魚生丼飯 

比餐廳個6點前半價，6點後6折吸引左，用Openrice 訂左2位。地點 : 到樓下有個auntie 派傳單，所以搵間店無難道，一出lift 就到。環境 : 6點左右到達，唔洗等位，坐位木櫈，位置都幾闊落。新開原故，地方都幾乾淨。食物 : 麵豉湯內有蜆肉👍🏻魚生新鮮同厚，壽司飯好食👍🏻Wasabi 都唔係用行貨👍🏻店員 : 不過不失，落單快，都算有禮貌總括而言，本人係覺得d茶同前菜需要改善外，其他都值得推薦，更何況有優惠👍🏻

這家店做緊爆抵食既40%off, 真心抵食！！而且質數絕對唔差丼飯都會跟埋沙津菜，味噌湯，甜品！味噌湯用料唔馬虎~有幾隻蜆肉，味道都幾鮮味湯底唔會好咸，有時最驚飲到好咸的味噌湯！這碗味道剛剛好呀蒲燒鰻魚飯，份量沒有因6折既關係而減少！！味道仲好正添呀，燒得好嫩滑juicy感覺。鰻魚汁味道唔會過甜仲幾惹味，鰻魚啖啖肉有回甘香味！特選海鮮丼飯，有一般比較少見既鮑魚！幾入味，爽爽彈彈幾得意。三文魚籽夠鮮味！三文魚，油甘魚夠肥美厚切，牡丹蝦夠哂大隻鮮味100分最後仲有送埋雪糕糯米糍食，呢個6折！！不得了

天氣熱熱， 食返餐魚生飯先🤗見新開無耐， 簡左呢到，呢到師傅對食物好有要求。因今日腸胃狀況一般般， 全生刺生唔太敢食，但職員問了師傅， 只可以表面燒一燒， 其實平時唔可以， 因會影響質素， 師傅堅持👍🏻👍🏻呢到仲有bar台位， 可以見住師傅即切即食前菜有麵豉湯， 黃蘿蔔，沙律我15，16左一陣， 本身真係好想食刺生， 最後都係叫了蒲燒鰻魚飯（$148）鰻魚表面滿滿鰻魚燒汁醬， 好軟滑又香😋飯有鋪滿紫菜碎鮑魚角切魚生丼飯（$148）好豐盛， 有鮑魚外， 還有切粒粒的帶子， 三文魚，吞拿魚及蛋仲好新鮮😍😍

呢日下晝約左人係尖沙咀傾嘢，大約喺尖沙咀差館對面。同行嘅人畀派嘅傳單上面嘅“午市半價、晚市六折”吸引住所以就上左呢度食嘢了。餐廳用日式裝修風格，雅緻舒服。我點左個鮑魚角切魚生丼飯(原價$178，午市半價$89)，而同行嘅人就揀左個左口魚邊拼三文魚丼飯(原價$148，午市半價$74)。兩個餐都會跟一碗麵豉湯、一份小缽(沙津或醃菜)1一份甜品。麵豉湯入面有豆腐、海帶同真姬菇做材料，足料味美。主角上場， 鮑魚角切魚生丼飯嘅鮑魚有差唔多2寸大，咬落爽口唔靭，食落帶有D海鮮嘅甜味，角切刺身原來係由3款唔同的刺身組成，除左鮑魚同刺身外仲有大大粒嘅蟹子，因為呢個飯有好多種食材，所以食落口感同味道都好豐富，好味！同行嘅人都讚佢嗰碗左口魚邊拼三文魚丼飯好味，尤其係炙燒嘅左口魚邊，食落油脂豐富滑溜加上炙燒嘅香味，好香滑！最後每人都有一份雪糕泡芙做甜品，冰凍嘅雲呢拿雪糕外面係室溫嘅泡芙，得意又好味。呢餐食物好味，又幾好坐，連埋加一每人都唔洗一百蚊，以後嚟尖沙咀食飯又可以多一個選擇！

紅日放假同朋友睇緊食咩好既時侯，收到姐姐派傳單，話定食同丼飯都有半價，所以就上左去睇睇岩唔岩食我同朋友見到入面都有唔少客，應該都唔差，所以就入去坐低試一試！本身諗住做緊半價就食豪啲咁叫個馬糞海膽丼，但一坐低已經有職員同我地講赤貝同海膽都沽清.....未有貨返所以我就要左個中位價既刺身丼，而朋友就睇中左個蒲燒鰻魚飯點左餐之後就好快有職員為我地送上小砵漬物同熱湯好中意呢到既味增湯，唔會太重口味，湯入面仲有鮮甜既蜆肉呢個係朋友既鰻魚丼，睇落賣相都唔差啵以下就係我所叫既右口魚邊拼三文魚丼飯一向都中意食火炙左口魚邊，貪佢油脂豐腴，配上壽司醋飯好搭配三文魚都好有光澤，新鮮肥美最後仲有兩粒小泡芙做甜品整体質素同味道都唔差，又可以坐得舒舒服服咁，依家有優惠~半價之後，人均唔洗100蚊又真係幾抵食既 ------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）--------------------

😃媽咪聽朋友介紹話呢度既魚生飯好好食，於是主動要求我帶佢黎嘆返餐，作為女兒既我當然要盡孝道，擇日即到～～～～每個丼飯有味噌湯、泡菜、甜品全部都好精緻🤟左口魚邊拼三文魚丼飯。$178魚生飯質素優質左口魚油脂滿佈口腔，非常滿足三文魚新鮮嫩滑又無根位，絕不難咬🤟鮑魚角切魚生丼飯。$148鮑魚新鮮美味，彈牙而不癡牙三文魚、吞拿魚、玉子、魚子滿瀉，真的好幸福，每一啖都充滿魚生的鮮味期待下次再度光臨！！

裝潢有著日式的清雅，布局簡潔分明，坐位不多，由於大多數客人都有訂座，故不用等位。 明太子醬炙燒親子丼飯 $168三文魚輕輕燒過，柔軟香綿，鬆化嫩滑，還滲著淡淡的烤香味；明太子醬、三文魚子除了有著自身的味道外，還提供了一份咸味，連豉油也可以省掉，三文魚份量充足，每一口飯都能分配到魚片，絕無冷場。左口魚邊拼三文魚丼 $178左口魚邊，油香滿溢，外面微微燒過，散發著獨特的魚香，口感無比嫩滑；三文魚肥美肉厚，看得見的美味 😋😋；作為丼，白飯當然不能忽略，米飯軟熟帶點醋味，即使是白飯都可吃過不停 😋😋前菜沙律什菜沙律，提供一定量的蔬菜，保持均衡營養；顏色七彩繽紛，令人心情愉快！隨餐附送的麵豉湯，配料豐富，湯味亦相對濃厚隨餐附送甜品，朱古力大福😋 ，糯米煙煙韌韌，外層沾上朱古力味椰絲，內裏饀料是朱力慕絲，味道有新意。晚市有6折，經濟實惠；當然亦有更多優質的丼可以提供選擇，適隨專便。 以今時今日的消費指數來說，絕對是價廉物美。這亦是樓上鋪的優勢，能價平質優。

路過尖沙咀，看見此店新開張刺身飯有六折優惠便和朋友一試。地點方便，裝修舒適，店員的服務都非常細心點了一客有吞拿魚蓉三文魚子海膽飯，溫泉蛋另上。吞拿魚蓉和三文魚子味道都正常，海膽鮮甜好味，飯的份量很多。 朋友點了一客鰻魚箱飯，貌相不錯。另外亦點了一客吞拿魚蓉軍艦，油金魚刺身，凡立貝刺身，吞拿魚刺身和海膽。全部都鮮甜好味，唯一不足的是伴海膽吃的紫菜不脆不乾身，反而有一點”癡粒粒”。但整體來說，魚生的確新鮮。

啲野幾個食，唔錯上餐就慢左少少，服務都唔算殷勤。不過食得出食材超好，超新鮮。海膽鮮甜美味，一啲呷味都冇，推介拖羅，無根，有油脂味，好岩我心水開張半價，要密食多幾次

因為有半價嘅關係 與友人去了試這間新餐廳 刺身很好很新鮮 叫了吞拿魚和海膽都很新鮮 但服務真的很差 侍應叫極不應 鋪頭當時不是很多客人 但他們只是圍在一起聊天 希望有關方面可以檢討一下

朋友強烈推介我地食e 間，其實當天佢午餐已經食o左一次，但覺得好食同埋最主要有半價之下實在太抵，而個優惠只係做5 月一個月，所以想食盡佢！半價呢係6pm 前先有，但我地夜晚去食都有六折，仍然好吸引！餐廳燈光暗淡，俾人感覺高級。一心上o黎食刺身飯o既我地，梗係一人一個叫啦。未有飯到之前，先飲啖味噌湯，再夾舊小缽蘿蔔。d 蘿蔔用o左日本醋去醃製，酸酸甜甜愈食愈肚餓呀……左口魚邊拼吞拿魚赤身丼飯(原價$178，未6 折未加一下同) o既吞拿魚屬於背部o既部位，比較有咬口同埋鮮嫩多汁，d 左口魚邊則十分之腍，呈膏狀入口即溶。特選海鮮丼飯($248) 有好多款餸，包括原隻飽魚同埋牡丹大蝦，飽魚o黎講真係唔係好常見，CP 值超高！至於我o個個有錢朋友，亦即係猛叫我地o黎食o個個人，雖然已經係同日第二次食但仍然order o左個北海道馬糞海膽丼飯($368)，因住肥死你呀！不過佢話有六折點解唔叫d 貴d o既，賺到盡嘛~ 其實都係。見住佢成個飯鋪滿晒肥美o既海膽，仲有片片金箔點綴住，閃閃生光咁，好後悔呀我……拿呢part 係unexpected 咁發生。食食下，突然侍應送o左碟深海池魚刺身俾我地，話

新開小店早排上網見到鮨丼有6折，所以就去試下啦。Menu有好多選擇，有set好左又有自選丼。我地叫左2個自選丼，每個丼都送一個湯、前菜蘿蔔同甜品。一個中拖羅、馬糞海膽同帆立貝，另一個三文魚籽、赤貝同馬糞海膽。海膽都算鮮味，唔及得日本但係香港食既已經好好質素，帆立貝都好大粒同新鮮，兩樣份量亦好足。不過赤貝同中拖羅真係得好少，得2片，而且拖羅亦唔係好鮮味有油香，只係普通。同埋飯整體都好細，男仔肚餓食一定唔夠，同埋飯質太黏同太熱，同魚生唔太夾。甜品係一粒雪米糍，正正常常啦。整體黎講，新開張每個人都好有heart，從wasabi食得出應該係生磨既都見得出，而店員服務都不錯。不過價錢有啲偏貴，如果冇6折的話，可以話係唔太值呢個價錢。建議可以調節下份量/價格。

在 facebook 見食評推薦，見新開張有65折優惠，便相約朋友在此聚餐。見食評推薦，又怕去到要等位，便於星期日中午時分，致電預約晚上七時半。到達食店樓下，見到有位阿姐在街上派傳單，心知不妙。心想好食那會需要派傳單去到點了海膽丼，蟹肉丼，三文魚腩刺身，燒鯖魚...等食物送到時，賣相已大打折扣，和相片確實不乎實。味道一般，海膽顏色亦不新鮮，吃不出有鮮甜味我們快快克餐便打算離去，埋單時，找錢給我們，還找少了一百元。明白是新開店，員工未能拿捏到位。最後，回家我們都肚子痛，瀉了一瀉當清腸胃