魷味 (已結業)

上次來呢度食過炸壽司，講真就唔係太好食，因為料唔多得腸仔，炸埋一舊其實冇乜味，所以今次來就試吓個玉子燒喇。叫咗個龍蝦沙律玉子燒，入面有芝士同粟米，做到拉絲效果，再加埋啲蛋汁，入面嘅龍蝦沙律都算多，味道唔錯，份量都唔細，全份都係蛋，所以兩個人食都飽飽地。

今天和妹妹們逛葵廣，行到肚仔餓，於是我們便開始「掃街」。妹妹們介紹我之前在這裡吃過好好吃的玉子燒，我也想一試。經妹妹們的帶領，終於來到此店。想不到它在一個死角位置，在升降機門前。這裡除了賣玉子燒外，還有大阪燒、酥炸壽司、燒魷魚和西多士等。玉子燒有多種餡料選擇，有蟹柳、煙肉、火腿、白磨菇和龍蝦沙律。我們點了龍蝦沙律味的玉子燒，即叫即做，十分新鮮熱辣！玉子燒不但賣相討好，而且玉子軟滑嫩薄，很易入口。玉子燒入面有芝士、粟米、蟹子、薯仔粒、龍蝦沙律，芝士更是拉絲的，醬汁味道開胃，十分惹味可口！我們站在一邊吃時，看見不斷有人前來購買玉子燒。我們更聽見有食客吃完後，說這裡的玉子燒比日本的好吃。我未吃過日本的玉子燒，但我覺得這個玉子燒是我在香港吃過的玉子燒中最好吃的呢！

葵芳行街搵食第2站 – 芝士玉子燒 + 炸壽司！其實呢個位置前身係賣手卷，記憶仲都係好早已經存在，但我諗太多人一齊賣手卷，呢個位置又唔太突出，所以都執左LU!轉左做呢間~~其實呢間最出名好似係巨型日式大阪燒，但我同友人都冇咩興趣~所以ORDER左芝士玉子燒+ 炸壽司芝士玉子燒芝士玉子燒 - 期待左好耐!內涵本身已經有粟米, 蟹子同芝士，仲可以揀多一款 (分別有蟹柳,煙肉,火腿,白磨菇,龍蝦沙律)，我地就揀左龍蝦沙律。 好不錯! 芝士真係可以拉到絲，而玉子都好嫩滑，不是那種好實的玉子~另外，仲叫左個炸壽司又係有2款可以揀，就係蟹柳同埋芝士腸我地就揀左蟹柳！由於係即叫即整，所以超新鮮熱辣辣！炸壽司上加了 '支鹽'係面，非常野味！不過小心辣咀呀XD

今日去行葵涌廣場, 聽聞十一月開了一間好好味的玉子燒舖頭 , 仲好似話老板係日本餐廳的廚師 , 我又點會放過呢個機會呢 , 梗係要試下啦 , 鋪頭位於商埸一樓 , 它們的舖位比較隱敝 , 行過都未必會留意到 , 但你去到附近已經人頭湧湧相信一定會留意到它們的鋪頭 , 我點了個"邪惡玉子燒" , 它本身已有粟米, 蟹子同芝士 , 另外可再選擇蟹柳,煙肉,火腿,白磨菇,龍蝦沙律其中一款搭配, 我就選擇了搭配龍蝦沙律 , 因為是即叫即做 , 所以要耐心等候 , 等了十分鐘就有得食喇"邪惡玉子燒"份量又大又足料 , 同埋非常嫩滑 , 帶淡淡芝士味 , 個蛋好有蛋香味

葵廣又有新小店「魷味」，偽文青就去試下佢既邪惡玉子燒$28，究竟有幾邪惡啦😂😂有幾種口味選，最後還是選了龍蝦沙律口味，內有小龍蝦仔、粟米、芝士、薯仔蓉？🤔🙄係有芝士拉絲既，但不夠熱，而且味道較為普通，無咩驚喜，覺得一般🙈芝士份量有唔係多，又唔可以話邪惡，因為食完都無咩罪惡感😅😅😆 .有無人食過？覺得如何？.魷味 (葵芳)葵芳葵富路7號葵涌廣場1樓B01D號舖

今日試左邪惡玉子燒(龍蝦沙律)首先有定心理準備要等好耐，原因即叫即整得一個煎pan,俾你排到去落order要再等半個鐘先有，而且排隊情況有啲亂，一堆人咁！最好問下前面嗰位係買定等叫籌，以免有誤會！賣相~大大嚿玉子，足料蟹籽！芝士有拉絲效果！係冇呃你嘅！當然唔好諗住龍蝦沙律入面有龍蝦，連龍蝦丸碎都唔覺有！其實$28價錢算公道，起碼玉子冇縮水！味道~一般第一啖，大阪燒味。第二啖，由於原條玉子免切，撩到散哂先食到芝士，不過都係大阪燒味……冇芝味，即係啲汁都搶哂風頭！第三啖，㗳下啲沙律，係冇沙律味，不過薯仔味一定有嘅！食到最尾撥開啲汁，蛋味係夠嘅，而且滑！整體黎講試得過，我下次會叫老闆少汁！

日式大阪燒 $28葵涌商場，完結篇（11月）👉🏻👉🏻👉🏻最終目標：日式大阪燒🎉🎉一黎魷味，目標係玉子燒加大阪燒，當我好狼吞虎嚥咁消滅咗個玉子燒時，好彩係即叫即整，order係一個整完一個先整一個，咁就比咗啲時間我消化下個肚，騰出啲位比個大阪燒😆嘩，我塊面係月餅面🌕，但個大阪燒真係又大又圓，好大塊，嗯，可能同我塊面有得比😅（我無帶尺度呀，但目測應該有30*30cm掛！？）真係奉勸大家一個人就應該唔太食得晒，最好同人share食（當然，我比較擦得🙈）大阪燒我揀咗海鮮口味（牛肉，我唔食；煙肉，我擔心炒得老會乾），啱啱煎好嘅大阪燒係又香又惹味但㷫手（大家小心熱親）；大阪燒以大量椰菜絲同粉醬做底，魷味嘅大阪燒食落，粉味完全唔重，有啲啲煙煙韌韌👍🏻，椰菜絲多，仲食到啲八爪魚仔同蜆肉；姐姐同樣地唔輕手，醬汁落呀落，佈滿晒成個大阪燒！最後，姐姐會加多嘅木魚絲同蟹子係上面，我影完相啲木魚絲都仲「郁」緊，一啲都唔擔心會凍咗就唔好食！大大個大阪燒，又大又香，食落夠味，份量足之餘又唔會話粉味重，邊食玉子燒就邊等大阪燒（善用時間✌🏻️）即叫即整好新鮮👍🏻店家都有提供外賣，覺得好食仲可以買多幾個屋企！（玉子燒我就唔

邪惡玉子燒 $28葵涌商場，續篇👉🏻👉🏻👉🏻好啦，係2樓都消磨咗一段時間，快手快腳去1樓搵我嘅目標先：玉子燒同大板燒呀💕💕💕原來唔係單單2樓先有美食嫁，其實1樓都有好多，而成個葵涌廣場範圍好大，我真係轉咗一個圈先搵到間鋪，下次再黎會醒少少，一係睇「水牌」先，一係望下啲鋪頭幾號鋪，咁就易搵啲！當你行入個細小美食區時，你就會見到有一間鋪頭面係特別多人～等！無錯，就係魷味，唔好浪費時間啦，快啲落單你又會等少啲時間！我目標明確：玉子燒+大阪燒✌🏻️玉子燒已包咗：粟米，蟹子同芝士，你只需要揀：蟹柳，煙肉，火腿，白磨菇同龍蝦沙律；咁既然個餡已有蟹子，我就自然揀咗龍蝦沙律做配搭！魷味得一個工具做玉子燒，而做一個玉子燒唔係叮一下就會變出黎，基於幫襯嘅人唔少，所以，請大家都預咗時間要等等，即叫即整哦，耐心等待啦！姐姐們又開朗熱情，都幾搞笑，所以等下等下又唔覺耐，叫到你號碼牌時，唔該你自動獻身～拎野！嘩，大份到呀，長到成個外賣飯盒咁長，差啲啲塞滿成個飯盒！！一叉叉落去，仲冒緊煙嫁，一拉～嘩⋯啲芝士絲拉長到！姐姐果然無輕手，大大份芝士，真係好邪惡呀🙈玉子燒煎得啱啱好，好幼滑，食落就唔會太食到蛋味！點解？梗係啦

見有blogger介紹位於葵廣 1 樓死角位的「魷味」， 睇相感覺又幾吸引～ 咁岩去開附近工作，收工後便帶愛吃小食的肥妹來試試。🙈  雖然已經到了晚上8點吃晚飯時段， 但門外仍然堆滿等食物的食客， 我想有不少食客都打算掃街當晚飯呢！😂 食物款式從門面上看已一目了然， 款式不外乎幾款，如玉子燒、大阪燒、燒魷魚、西多士和酥炸壽司等。 小編最愛吃蛋，所以當然選玉子燒啦！☺️ 每份玉子燒本身已包含芝士、粟米和蟹子3款配料， 並可從蟹柳、煙肉、火腿、白蘑菇和龍蝦沙律再額外選擇多一款材料配搭， 於是我們便選了蟹柳。 Order時，店員已提醒我們由於玉子燒是即叫即製， 所以需時，連同等候前面的order，要等候20分鐘，見店員言之鑿鑿，我們便欣然接受， 然後便去了附近店舖逛逛再回來。 20分鐘再多等了一會，我都是可以接受的， 可惜等了30分鐘還未到我們☹️。 然後問題來了！！！ 有些食客因爲等太耐行開左未返黎， 我前一個order同樣叫蟹柳玉子燒，但叫左5分鐘以上都未返黎攞，食物就一直擱置左係到咁耐。 由於我們是下一個號碼，老闆見order遲遲都未攞，竟然便叫了我們的號碼攞左先👿。 我見擱置左咁耐，我問