魷味 (已結業)

眾所周知去葵廣一定要掃街...呢間小店係角落位置，成日都好多人幫襯。今次試咗佢地嘅玉子燒同炸壽司，兩樣都有驚喜！ 第一眼就見到呢個芝士煙肉玉子燒（$28），二話不說即刻order！雖然當時客人多，舖頭得兩個員工手忙腳亂，都係等咗十分鐘都無就有嘢食✌🏼作為芝士狂魔嘅我見到呢個芝士玉子燒可以拉絲拉到半個人咁高簡直係想尖叫😍😍😍除咗芝士份量比得好大方之外，入面嘅煙肉同粟米亦係好足料，味道同台灣夜市嘅玉子燒有得比！另外佢嘅炸壽司（$22）亦好吸引，金黃色嘅賣相令我諗都無諗就叫咗🤷🏻‍♀️雖然壽司飯有少少痴牙，但味道真係唔錯😆😆腸仔做餡嘅炸壽司同沙律醬簡直係絕配！下次嚟葵廣掃街又多一個必食嘅item😩😩究竟幾時先減到肥

肆餡車輪餅💰HKD10此餅乃係四味合一🤪麻薯+紅豆+咸蛋+肉鬆又鹹又甜，其實本身興趣唔大，但見到人地食得咁過癮，跟著又心郁郁😛今次我算早去，12點零鐘人流未旺，但製作需時10分鐘，都係要等😅話曬都餓左大嗱嗱10分鐘😌點都會有啲期待既，由於即叫即製，到手一刻熱辣辣，外胞內軟😋 其實每樣有啲咁，所以唔會話有邊隻味特別濃，不過微微咸蛋的香、肉鬆又有啲口感，同時微微紅豆的甜、但麻薯又令咬落去變得煙韌，加埋又莫名其妙地幾夾咁😂magic 🎩其實佢仲有款麥香加流心既口味，同埋大阪燒個樣都整得幾靚🙈留返下次再去試先😋

🔹肆餡車輪餅 $10 （紅豆/麻薯/肉鬆/咸蛋王）口感好豐富嘅車輪餅 有咸有甜又煙韌係唔錯嘅 $10黎講都幾抵食-不過就等得耐左d 開頭話等10分鐘 揀左陣野飲再返黎都仲等左幾分鐘😂大家買完可以食住其他再返黎-間鋪咁岩係之前介紹過嘅慧食貓隔離😂唔留意嘅話係會比慧食貓遮住左🙈分數: 8/10

呢間車輪餅書籤左一段時間，但未至於有好強烈慾望，畢竟我唔係車輪餅控。是日買完蕎麥麵，又驚唔夠飽，啊，就買兩個試試啦。小店位於1樓嘅一個死角位，主打玉子燒、車輪餅，仲有其他例如西多士、大阪燒等供應車輪餅有四款：紫薯、甜薯、麥香+流心、四味 (麻糬、紅豆、肉鬆、鹹蛋黃)，定價$10/12，確實唔貴。假日關係有不少客人等緊玉子燒，我地嘅車輪餅係即時製作，啊姐話等8分鐘，感覺上等左超過十分鐘。紫薯、四味車輪餅 $10/個車輪餅接過手熱辣辣，揀左兩款口味，10蚊雞，好食嘅話就抵食。車輪餅造型幾可愛，餅皮有動物圖案。可惜不論餅抑或餡都唔係我杯茶。餅皮同餡料半半，老實講我就唔覺得特別爆餡。另外一定要吐糟：明明係四味車輪餅，由餅頭食到餅尾肉鬆、蛋黃都不知所蹤餅皮冇蛋香，濕濕轆轆，就好似食緊一舊濕嘅麵包。慶幸紅豆並非死甜；麻糬唔係話好大舊，亦冇煙韌感。紫薯蓉比較raw，味道偏淡，冇乜添加。戴個頭盔，唔敢話啱唔啱你，純粹唔啱我，哈哈。

原本是抱著吃玉子燒的心來到這店，但觀看menu時，看見有車輪餅，價值也只是$10-12。如此抵食的小吃，試試也不錯吧～車輪餅是現叫現做的，需要等候約10分鐘。（但通常等食的時間是最漫長）但取食物的過程有些許混亂，建議增設輪侯籌號，以「叫籌」形式會好一點。筆者點了「四餡車輪餅」，10元就包含了紅豆、麻糬、肉鬆和咸蛋王，感覺非常物超所值呢。因爲現做關係，新鮮熱辣辣。入口暖暖的，餅皮頗為脆口。但蛋漿味較淡。咸蛋和肉鬆非常夾，咸咸的車輪餅吃起來很特別。麻糬煙煙韌韌，但吃不太出甜味。紅豆則大粒，甜味十足。不過原本是咸的車輪餅，下一口咬了紅豆後轉甜，口味一時未適應轉變。筆者覺得10元的價錢，有4種餡料，又是現叫現做，實在值得一推。

去親葵涌廣場都有好多地方買小食 其中呢幾個月經常會去嘅一間就係 魷味佢主要賣玉子燒 炸壽司 飛碟 車輪餅。呢間店喺葵廣葵涌廣場 嘅一個較隱蔽嘅角落 轉角位有一間非常出名好多年經營嘅芝士拉麵店 對面有一間鞋鋪 一般大家都會上去最頂層度食嘢其實可以試下呢一間啦。葵廣有幾間賣玉子燒嘅地方 呢間優勝嘅地方係 售價便宜 即叫即做 玉子燒亦都係好多料你可以喺佢個 餐牌上面揀一個配料嘅其實本身任何玉子燒都包咗 蟹子芝士粟米。配料推介明太子及龍蝦沙律芝士可以拉絲添

[ #葵廣掃街系列 | 芝士拉絲玉子燒🍳]••🙇🏻‍♀️張相有啲核突，食左一啖先醒起要影相🙏🏻星期日訓到成2點，捉媽咪同我出去掃街😋呢啲時間好逼好多人，係媽咪先會肯陪我逼住企街度食野👩🏻⋆ ⋆ ⋆ ⋆ ⋆🔹芝士明太子玉子燒($28)⭐️8/10覺得係超抵食🤑都好大卷，仲要啲明太子餡既份量好多！有啲薯仔粒粟米粒🌽雖然明太子味道唔夠濃郁，但咁平仲想要求啲咩呢~~重點玉子燒好滑😍不過唔係平時食開既玉子燒咁實咁挺身...同埋好多芝士勁拉絲‼️我一定會返去再試其他口味💪🏻-🔺其他口味: 豆腐、煙肉、蟹柳、磨菇、火腿、龍蝦沙津、呑拿魚🐟我覺得我下次會試龍蝦沙津🥗

同好多香港人一樣，台式食物喺我心目中佔據住好重要既地位，時不時就會興起想食台式食物既念頭。今次黎到葵涌廣場，見到有車輪餅賣，一定要試一試佢。其實魷味應該係主打玉子燒，但偏偏我比四餡車輪餅深深吸引住，下次先再試玉子燒啦惟有。車輪餅即叫即造，都要等成十分鐘先有得食，但一拎上熱辣辣既感覺真係好正呀！一咬落去就可以食到麻薯、紅豆、肉鬆同咸蛋黃，口感勁豐富，有麻薯煙韌、紅豆帶沙、肉鬆脆口同餅皮外脆內軟既感覺，真係不枉我等左佢十分鐘呀。

-🦄魷味🦑-車輪餅Hkd 10@1紫薯味Rating🌕🌕🌕🌕🌑黃薯味Rating🌕🌕🌕🌕🌑-四味Hkd 12Rating🌕🌕🌕🌗🌑-去葵廣掃街點少得食車輪餅呀 雖然呢間店既玉子燒大阪燒都好出名 但都係鐘情於佢既車輪餅😂😻😂😻 紫薯味就食過好多次 紫薯餡都好足架 唔會死甜係原汁原味原本既紫薯來💜💜黃薯就比紫薯甜啲咁啦 都一樣咁足料 唔知佢用邊隻甜薯架呢💛💛四味就係好耐之前已經有 四種材料意外地夾！不過肉鬆既味係最出 蛋黃就唔係好食得出 重點係有麻糬！！煙Un控既我最愛❤️❤️-下次再食埋麥味睇下好唔好食先😋

👁‍🗨 明太子邪惡芝士拉絲玉子燒💲28好似都已經好一段時間無黎過葵芳廣場，一路都聽人講話呢間既玉子燒好食，等我又即管試下😳呢個玉子燒皮軟薄滑身，所以食既時候比較易散，情況比較尷尬🤔上面有堆蟹籽，入面就帶少許芝士拉絲效果，仲有粟米同埋加左明太子既薯仔🥔雖則明太子有微辣，但係可能因爲同沙律醬混合左一齊，個味同自己預期中有出入🤤仲有成個玉子燒較為濕，唔太岩我個人口味😖🔛 整體評分（6/10）

好推薦呢間! 真材實料好好食原本想去葵廣瘋狂掃街 不過hea得太夜 去到有一半鋪頭都收哂 朋友食開既2樓一間好出名既玉子燒仲要已經截左單 頓時好失望 唯有上3樓睇下好彩係3樓行行下 突然俾我醒返起其實1樓都仲有間玉子燒 即刻衝落去搏一搏好彩仲未收鋪 件個餐牌多配料又唔貴 當然試試佢啦叫左個28蚊龍蝦沙律邪惡玉子燒 睇落無2樓個間咁大份又有得自由加醬 但食落就即刻加哂分龍蝦沙律既薯仔同蛋and芝士既味好夾玉子燒口感圓潤偏甜 加上蟹籽爽爽脆脆帶少少咸味係食到停唔到 而一份兩個人share 啱啱好 食完仲有位試其他野

好少入到葵廣呢邊,所以一早做左ᴰ ᴿᴱˢᴱᴬᴿᶜᴴ睇下去到掃邊幾間先😂😂呢間見好多ᴵᴳ人ᶠᴼᴼᴰᴵᴱ推介,「魷味」一聽呢間個名真系以為係食ᴰ關於魷魚類既食物😂點知完來出名係「邪惡玉子燒」同車輪餅🤨但我係叫左西多士既😎👉🏻宇治綠茶味罪惡西多士由於即叫即整,所以要等一陣,大概都等左10分鐘!熱辣辣送到✌🏻西多士呈現金黃色!外表炸得美美的!中間夾了一層抹茶醬但好淡🙁好彩有 煉奶 搭夠,成件係幾好食既!用長紙盒一字型排開每件兩小口便食完💁🏻‍♀️這個ˢᴵᶻᴱ不錯呢下次試埋個車輪餅先✌🏻其實呢個個位係lift口隔黎所以食啊影相啊同買個時係有ᴰ唔方便,同搵間野個陣都ᴹᴵˢˢ左一次先搵到😂

每次黎到葵芳，都一定會黎葵涌廣場掃街，今次都唔例外!一去到，朋友就即刻話想食大阪燒，我地跟住佢一行三人行到去一個角落見到好個餐牌吸引。個個位得兩間野食，唔係朋友帶去我自己應該唔會發現或者行入去。佢就係lift口到，所以食同買個時會有啲阻人。我地叫左一個龍蝦沙律玉子燒同一個肥牛大阪燒，今日套餐優惠送檸檬水，散叫都係加$3。由於即叫即整，所以要等一陣。不過出黎結果係值得等既! 玉子燒一出爐，我地就秒殺左佢。入面既龍蝦沙律超好食，芝士十分足料! 食完一陣就有大阪燒食，比想像中大份! 三個人都食左一陣先食哂，用料好足，唔係粉個啲(樓上個間又貴又粉)。$28+$33 食飽左一個男仔兩個女仔，抵食! 老闆娘(好似係)都好好人。

去葵廣搵野食🤤點可以唔試下呢間好味既小店即叫即製熱辣辣🔥玉子燒得剛剛好好滑好有蛋香加左粟米同芝士好好食😍中間係鹹鹹香香既明太子面頭仲有蟹籽加添口感🤤配沙律醬同燒汁好夾😍明太子唔知點解有啲辣辣地但令玉子燒更惹味😍又係一直都好想食既車輪餅！中間個餡有紅豆、肉鬆、咸蛋黃、麻糬😳本身覺得又鹹又甜好似怪怪地🤣點知又幾好食😍🤤唔知點解四樣野好夾紅豆唔算好甜但中和左肉鬆同咸蛋既味配麻糬熱辣辣好正十蚊個都好抵食🤤

有位友人特別喜歡食呢間既玉子燒，黎親葵廣都要食！ 邪惡（芝士拉絲）玉子燒 $28 一供有八款味道，全部統一$28咋 每款都會配送粟米、芝士、蟹子 今次叫左龍蝦沙拉味試試：） * - 好欣賞佢落芝士既份量落得好足，隨便切d蛋出黎都做到點拉絲既效果！：）* -一路以黎都唔太知真既龍蝦沙拉咩味，但總之呢份就配料落得好足，滿滿的都是沙拉的配料e.g.蟹柳、薯仔等等，好彩佢既味道唔會太搶，可以試到蛋同埋芝士既味道～ 呢個玉子燒既combination幾唔錯！ P.S. 廚師功力有進步 上一次10月黎食個陣，份玉子燒比較水，比較似omelette~ 今次終於似番份玉子燒了～見到好明顯有唔同層！ 我留意到佢有兩款新既味道，佢話係全新有機蔬果系列： 翡翠邪惡玉子燒 （菠菜） 紅寶石邪惡玉子燒 （紅菜頭） 下次黎試下呢兩個與別不同機味道先！大家食完都可以話我知：）