魚鱻魚湯專門店

营业中

休息中

好中意食魚,一向都有幫襯依間,幾個月都會去食一次。每次去都必叫魚腩米線, 中意佢湯底夠甜有魚味,每次都會飲晒;另外炸魚餅同潮州炸魚片都係最愛, 脆卜卜好好食。不過D員工態度唔好就係人都知架喇, 但想食都冇計 都會去照食。點知今次去食真係食到一肚火, 等位10分鐘左右都可接受,唔算耐,我同男友兩個人入到去搭一張已有兩個人的台, 坐低冇耐又有一對情侶坐埋黎。好, 我地兩人每人叫左一碗米線, 男友食完, 我仲有少少未食晒就拎個手機出黎睇下按下(仲一邊食緊), 點知個呀姐就突然大大聲係到鬧我地,佢話: 你地食完就好走啦, 出面大把人等緊!  我當堂呆左,同我地同台早過我地黎果PAIR人都仲食緊, 真係好嬲 果下完全俾唔到反應。呀老闆, 唔該你見到依遍食評真係檢討下,我係客人, 而家黎幫襯你仲要受你員工氣?你唔想做生意你就出聲, 我自問入左黎食都唔夠1個鐘就俾你地趕?你係咁巴閉既不如就係人入去之前講明每位限時食幾耐啦,而唔係咁樣去趕人走鬧人囉!!有時間就教下D員工呀姐啦, 一個二個冇禮貌,我食你三幾十蚊唔需要你好好服務, 但基本對人尊重都要有啦? 好食唔係大晒, 你地再係咁差態度冇

事隔一段時間，第二次再來魚鱻魚湯專門店。用膳時間正值lunch時段，店內尚算滿座。我們一行三人，只等了約莫一分鐘時間便能進入店內。店內環境不算充裕，一張大飯枱便能容納四五人。餐牌種類尚算可以，都係以魚類製品為主打。滿心期待當然是濃濃的鱻魚湯！由於不想吃米線的關係，便點了碗生炸雞翼魚湯泡飯。盛惠31蚊，價錢在區內算是可以。等了大概不到十分鐘的時間熱騰騰的泡飯經已送到，果然魚湯不及以往濃郁，有點像溝了水的感覺。泡飯份量亦算大碗，生炸雞翼不俗！香脆可口。吃到最後，店員站在身後，有種想你吃完快點離開的感覺，這種壓迫感不太喜歡。題外話：店員果真服務欠佳，但只能安慰自己，我是為食物而來！！有機會會再一試！

返工lunch 搵野食, 見有人等位應該幾好食. 但係好失望呀！魚湯米線冇魚味都算嘞. 個湯底好似水甘淡…我未試過食米線要落豉油囉…下次都唔去嘞…都唔明點解仲有甘多人食…

仲幾得幾年前，第一次食魚魚魚就係俾佢既新鮮湯底吸引，耐不耐就要去整番碗米線，除左湯底，佢地既鮮魚片、潮式炸魚片、包心蟹籽丸都好正！！事隔年幾，因為黎開荃灣，特登過去幫襯，同太太分別叫左2碗魚湯米線，分別揀左鮮魚片、潮式炸魚片、包心蟹籽丸。好可惜，今時今日既湯底已經淡左好多，同以前已經無得比，鮮魚片、潮式炸魚片亦都只係不過不失，能夠KEEP到水準既就只有正正既包心蟹籽丸同吋吋既服務態度！！

魚鱻已食多年，食到由一間小店，到現在有三間店，跟老闆都傾得下。都有幾個月沒有去了，今天超肚餓由沙田揸車去，我們一行6人，一去到便有位，去到時暫沒有客人，但是D阿姐服務態度極差，趕客！！！問取餐牌，等陣啦！問今天有咩魚，等陣啦！我們在超憤怒下快快食完走人，老闆你真的要注意哦！魚湯尚可，可以一試！

位於荃灣擁有 2 個店舖的魚鱻魚湯店經常很多食客, 座位也比較窄而且一定要搭枱, 雖然沒有太好的服務, 但因魚湯很鮮,  所以很多食客支持, 而且價格相宜, 真係平靚正, 特別在天氣凍時, 食完暖暖的湯飯身心都很溫暖"鱻"讀音 "鮮", 真係很貼切的名, 他們強調湯底是用鮮魚製成的, 事實每次食完也不口渴, 感覺比較健康, 真是不錯, 隨了湯飯也可選擇米線, 由於湯底較鮮, 感覺魚湯與飯比較配合, 試過order一次米線以後, 日後也只會order湯飯了

唔少friend都問我地點解有咁多錢食野😫 唔好以為我地淨係食貴野 平野其實都可以好好味😛😂 招牌魚滑魚湯米線拼炸魚皮$36 招牌魚餅魚湯米線$31 (好食指數7/10) 2013-5-20 去到一間專門食魚既餐廳🐟 魚餅新鮮炸好味道但係油炸可能會肥膩小小 餐廳仲有鯇魚腩或者全條魚既米線，值得一試😚

之前經過過這間魚魚魚店很多次，每次都被這三個魚字吸引到，但卻始終沒試過。 難得今天早放工，不用排隊等候，就來嚐一嚐這三條魚有多厲害。中文字有很多都是由三個相同的字組成的，包括品、森、轟、淼等，但「鱻」除了在這裡外確實沒有見過，亦不知道怎麼唸，辜且叫它魚魚魚吧。 本來不是太餓，打算吃個米線，但是要品嚐魚湯，似乎泡飯是比較合適，所以還是要泡飯。很快阿姐就送上了熱騰騰的泡飯，泡飯冒出的蒸氣夾雜著鮮甜的魚湯香氣，而且沒有半點腥味。 米飯軟硬適中，飯粒仍然是一粒粒的，吸收魚湯後變得有點稔，卻又不像爛飯般不成形。 魚腐也很出色，軟綿綿而又滑嘟嘟，十分好吃。 炸豬扒亦炸得很香脆，不過份量就略為小了點，有點不夠喉。這裡除了一般泡飯和米線外，還有很多小菜選擇，希望很快就有機會再來試。

衛斯里接過小妹下班，便來到「三條魚」吃午餐「三條魚」一早是Food List內的食店今天終於有機會來到看看蘆山真面目午餐時份，食店早已滿坐，稍等一會才能入座餐廳分左右兩鋪，我倆被安排於較闊落的左鋪食店採用圓枱，枱上放置圓形筷子筒和調味醬餐牌則掛於牆身，使每位食客也能清楚看到不過若要求，他們也會提供餐牌以供選擇一坐下，侍應姨姨便在身旁守候下單但我倆「櫈都未坐暖」，餐牌也沒看，又如何下單呢？「三條魚」馳名的是鮮甜的魚湯湯底和魚餅小妹當然不會錯過啦！小妹選了煎魚餅米線，衛斯里則選了吉列豬扒米線魚湯米線，除了米線外，亦附上豆卜和兆菜作伴米線湯底鮮甜，但米線質感較硬，不對小妹的口味小妹最後只把湯喝光，剩下一整碗米線煎魚餅：份量頗多，一客四件，每件都漲卜卜，魚餅香口無比，而且淡淡魚香，是三樣食物中最為出色吉列豬扒：豬扒薄薄的，而且因為是吉列，油份頗多，不推介雖然魚餅和魚湯出色，但美味之度未能吸引小妹再次光顧只為完成了Food List中的其中一店而已

今日下午時段去吃久別的魚湯米線，一年沒吃，竟超勁失望！！！ 老闆落單快，但沒有禮貌，menu就"pet"落桌上。 叫左魚付米線，豬扒米線，煎魚餅，炸魚皮。米線來到，快子一夾，我已忍不住出口：米線做咩事。因為一夾，已見到米線超超超淋，沒彈性；。魚付很“梅”，再飲一口魚湯，以為飲開水，很淡味，連胡椒味都很淡。男友的豬扒米綠一樣失色，豬扒同以前比更差差差，成本上漲，又加價，不用連肉食貨都更換吧！！！肉質比前差，一上碟，已唔脆，不是燙口的，連炸粉都更換？？沒以前的香脆了。煎魚餅都沒有以前的新鮮，粉太多，有點實。最後只有那炸魚皮維持水準。。。人云守業難，沒錯，不進則退，沒下次，同區，還可有其他選擇。

很久沒有來，等約十分鐘便可入座，但發覺已水準大不如前！點了一個古法豬扒泡飯，吉列豬扒平平淡淡，魚湯淡而無味，員工服務態度一般，餐廳坐位太逼不舒服，唯一好的是價錢適中。。

再一次走到來荃灣，想吃個下午茶才回家，於是搜尋一下一些人氣店子。發覺「魚鱻魚湯專門店」人氣不俗，而在下亦不時有留意這店子。正直下午六時多，店內顧客不少，幸好尚有座位，不至於要等位，很快便可坐下來。可是店子不大，而且坐得有點迫狹，不太舒適。從店員接過餐牌，知道有招牌魚滑魚湯米線，但是在下並不是衝著這招牌米線而來，反而在下對於魚湯及其魚餅，甚至他們的古法吉列豬扒甚有興趣，可是在下並不是把它們全叫來，只是點了前兩者。魚湯比在下預期的細小，不過店員都提醒過是細碗，但是仍然是預期的有點出入。喝一口湯味道甚濃，不過不是魚的濃味，也未見魚的鮮味，只是有著濃烈的薑味，而且有點豆腐的味道。而整個湯除了沒有魚的鮮味，色澤也不是呈奶白色，呈現偏白色，而且還未見由魚煲出來的甜味，而且倘若魚是新鮮的話，不該有強烈的薑味。魚餅有兩塊，並切成四小塊，魚餅則較為可取，魚餅外層煎得較香脆香口，鯪魚肉份量也不少，甚有嚼勁和咬口，內裡也少不免有蒽花，可惜的是魚餅加上了有味精，令魚餅有點鹹味，或多或少影響了魚餅本身的味道。整體上魚湯較為遜色，魚餅則較為可取，但不要放入味精。至於服務上仍有改進，原因就是點了魚湯後，店員沒有奉上

星期日的某個晚上,跟豬大人看了電影後,已是晚上9時多~肚子已不停打鼓,猛然想起從未試過''魚魚魚''於是一個箭步到【魚鱻魚湯專門店】。到達時, 店子像接近關門的樣子。但眼見店員熱情的向我跟豬大人詢問人數時,我倆就放心地入內進食。不過店員就事先提醒我倆魚頭已沽清,這點本人挺欣賞。快要餓暈的我倆,極速地點了下列四樣食物:豬大人的雞翼魚湯飯 雞翼另上、即整熱辣辣又夠味,但淨吃魚湯飯感覺較寡。相反我的蕃茄魚湯飯就非常好吃了~每一口都幾乎會有蕃茄等配料,魚湯鮮甜, 十個讚呀!!! 另外要了兩款小食,其一鎮是店名物之一的豬扒。十分十分好吃,軟硬度適中,亦是即整, 非常可口。而另一款是魚餅,味道不過不失,下次可以不點。

經開TSUEN WAN 就好想食面兩個人叫咗兩個面, 正, 好FRESH !!生炸豬扒米線D 豬扒炸到岩岩好, 入口好鬆化, 而且唔會好硬, !! 好味呀! 加埋佢D魚湯簡直一流, 好過魚X家果d 湯低多多聲!!蝦片咁脆的炸魚片呢個真係估佢唔到呀, 個老闆又會諗到呢個組合GE !!蝦片 似係用印尼果隻, 入口即溶! 讚呀!!

呢間野好似好有霸氣,個魚湯聽講好正,點都要試試我就食魚(旗)米線.先講份量都OK多,魚肉都算滑,食得出魚味,不會因為OVERCOOK而無哂味.但係個湯就真係無咩味.感覺就好似飲緊無魚味既魚湯,調味亦不過咸呢個BUY,原汁原味D但係唔等同可以係無魚味.屋企整既魚湯應該更好味.可能湯頭唔夠料.米線軟硬適中都OK靈魂既魚湯無味,咁姐係無下次了