魚屋

营业中

休息中

今早在荃灣荃新天地逛了一會，便前往荃灣廣場一田百貨公司內的魚屋吃午飯。這是我第一次惠顧這間餐廳，大部份食評好像不錯 (這也是我選擇這間的原因)。坦白說，食物水評尚算不錯、價錢亦合理。裏面每位處理食物的員工 (大部份是女性) 基本上都帶口罩的 (相信是公司要求)，有個別員工很合適地帶着口罩、亦有個別員工露出鼻子 (如果員工沒有病，我個人也可接受，當然，在處理食物過程中能夠適當地帶着口罩更衛生)，但其中有兩位女性員工 (1 位身型較胖、身穿紅色制服、掛着工作牌，而另一位則身穿黑色制服) 不但沒有帶口罩 (起碼在我用膳的期間沒有帶)，還一邊處理食物時一邊不停大聲講話 (家鄉話)，我頗相信不少她們的口水會噴到食物裏….！我當時覺得很惡心，這是一間日本餐廳、她們處理的其中一種食物是魚生、嚴格地執行衛生是必須的，看來她們對這方面的意識很薄弱，我不清楚當時有否主管在場？還是她們其中一位已是主管？看來魚屋加強這方面的培訓是刻不容緩！

每次去開荃灣一田都會心思思想食魚屋既魚生飯，今日都唔例外，同老公去買完野又識逢新正頭更係食得豐富D,佢地既魚生丼用料新鮮，先講海膽，入口沒有腥味，係新鮮海膽先唔會有，赤蝦亦都相當新鮮，蝦肉爽口彈牙，蟹肉帶子亦相當鮮甜，油甘魚亦都非常肥美，每次再加埋佢哋嘅三文魚麵豉湯係好好味既配撘，另外佢哋嘅燒魚亦都非常好味，今次叫左甲羅燒非常好味，鮮甜嘅蟹膏配埋蟹肉仲有蔥花相當味美，以佢地既價錢配上新鮮既食才，絕對性價比高的好地方。

今日同兩個friend去荃灣百老匯戲院睇賀歲片，睇完戲順便走上去樓上嘅一田百貨行吓，經過一田超市側邊嘅魚屋日本料理，索性就喺呢度食晚飯啦。我哋要了海膽三文魚丼，鹽燒鹹鯖魚套餐同埋油金魚鮫套餐；3份餐都配了飯同湯，食材都好新鮮足料，我猶其喜愛伴碟嘅辣蘿蔔條，將辣蘿蔔條放在魚肉中一起食，味道絕配，餸飯一流；但係我個friend 嗰份海膽三文魚丼就好少飯，佢完全唔夠飽，所以食完呢餐，我哋一於繼續去路德圍掃街。

今日唔知食乜，行過一田突然想試吓呢間野，因為坐得唔舒服次次行過都唔會入去食，我又奇怪點解咁多人食呢間野，咁咪同阿媽咪入去試吓囉，我媽媽超喜歡吃魚的人，一人叫咗一個魚定食囉，估唔到比我預期之中好味，可以下次再去！雖然坐得唔舒服，但係味道尚算不錯，以一個日本定食，佢真係好平，好抵食，見咁抵食老公一個人戇居居喺屋企，咪買咗個金倉魚定食俾佢囉，話比我預期之中抵食，吞拿魚茸嘅份量真係都幾多下!呢個我下次幫襯一定要再食！

荃灣廣場一田超市個層有2-3間唔太起眼既日式餐廳，係諗唔到食咩/月尾既時候係好好既選擇魚屋既燒魚套餐&刺身丼唔算超平，但性價比好高揀左個較平既刺身丼附送超足料既三文魚味噌湯淡淡魚肉+蘿蔔一流，只係咸左啲啲刺身鋪滿飯面又幾新鮮飽到差啲食唔完餐廳得吧枱，正餐時段經常爆滿要自己霸位1-2人食就好啲，易有位唔建議一家老少/三五成群去

昨天適逢元旦日，有一天假期，和老公到了荃灣逛逛。本來是為了找一件玩具給姪子所以去了荃灣，竟然給我找到，超開心的🤩買到心頭好，就隨便到處走走，到了晚飯時間，當然要吃飯呀🤣本來想吃拉麵，但因為等的人太多所以去了別處找吃好了。逛著逛著發現一田超市裏面有一家吃魚生飯的，才想起來原來之前來過一次，印象還不賴的，所以決定再試。這裏沒有取票服務，要自己等位，雖然如此，但很快就有位了。我點了《四色丼A》，賣相已經超吸引，有海膽，帶子，三文魚和蝦，份量不少喔。海膽鮮甜，蝦又夠厚身彈牙，味道很好👍🏻👍🏻老公點了《海鮮丼》，看上去顏色豐富，已經很吸引了，有三文魚，海膽，帶子，蟹籽和赤背。另外還有一碗湯，裏面用了紅白蘿蔔，蔥，魚等等淆製，味道鮮甜。

環境: 誰想到在一田超市後面, 竟藏住隱世的美味. 魚屋位於荃灣廣場一田三樓, 位置真的有小小隱蔽, 系天仁茗茶後面, 我也是同事介紹才知道這間小店. 魚屋主要系bar枱形式經營, 也可以坐在一田提供的大眾飯桌去用餐, 可能要自己搬遠小小食, 但要食好野, 花點體力也在所不惜.食物: 魚屋主要出售海鮮丼飯, 魚生海鮮款式很多, 而且個個都很新鮮, 可能食材也是從一田超市來的, 免卻再多一重運輸關系吧. 今次介紹, 除了是丼飯, 我就極力推介佢跟餐個三文魚味噌湯, 因為真的非常鮮甜, 而且湯底好足料, 有好多三文魚肉同魚骨, 成個湯都係三文魚的精華.置於三文魚同海膽都算十分有水準, 鮮甜沒有魚腥味, 絕對唔系平價質素.價錢: 價錢唔算平, 呢個set 大概$100, 以午餐黎講算貴, 不過我覺得淨係三文魚飯未必值, 但加埋個味噌湯我覺得值回票價, 去開一田可以試下呢間日本野.

平時同另一半會嚟呢度食飯，因為佢有好多不同嘅魚，今次帶屋企人嚟呢度食，彷彿係一個平民餐廳，平平哋就有一個魚生飯食。爸爸叫咗個燒三文魚飯，三文魚好肥，燒過啲油更加出晒黎，我就叫咗個比目魚食，如果佢個比目魚大啲咁就好。

呢間係我同男朋友逢親唔知食咩好嘅時候必去嘅餐廳，雖然都試過三文魚套餐，而我哋最鍾意食嘅就係佢嘅比目魚套餐，佢啲比目魚煎得好香！外皮好脆之餘，魚肉嫩嫩滑滑的，加上佢會有一碗魚湯飲+1碗白飯，碗白飯仲要好大，所以係好抵食㗎！不過有時候夜少少可能大概九點鐘去嘅時候好多魚都會冇晒⋯⋯

荃灣一田呢間海鮮丼已經幫襯多年，仍然覺得是近年食過最出色的海鮮丼，但可惜只有荃灣這一間一田有，而且以前只有吧枱位置，成日要等位，不過近年好了些，多了些枱，可以坐得舒服好多。今天6:00已經去到，不用等位，最喜歡叫二人餐。二人餐：除了一人有一碗海鮮丼（分别是海鮮丼和赤海蝦三文魚丼）外，還有2⃣️隻燒赤海蝦（赤海蝦一燒熟肉就梅，但好香蝦味，甜、一隻芝士龍蝦（芝士味一般，但影相）、兩碗湯麵豉湯亦只是四佰多元，今天叫二人餐更送了一客燒青魚。而且今天男友好肚餓，更多叫了一客比目魚，因此店的燒魚也好好味，魚屋的麵豉湯可以說是近年飲過最好的麵豉湯，佢用大量魚下蘭去煲，味道濃，鮮甜，但近一年退步了些。有些失望。但但總括來說都係好好食。

上個禮拜日喺荃灣行完一田， 買完嘢又排完隊買一送一“天 X”奶茶，梗係要醫下肚啦! 呢間魚屋每次經過都坐滿曬人，而且廚櫃內食物琳瑯滿目，很是吸引，今天真好彩居然有空位，我們點了套餐有超鮮甜嘅魚湯，黑芝麻白飯仲有一條大大條嘅燒魚真係好超值!西涼燒比目魚，油脂相當豐富，一啲都沒有腥味而且不算多骨。鹽燒鯖魚，燒得真的很入味，尤其是魚嘅旁邊燒得有些小脆，鹹鹹香香再配上蘿蔔仔，黑芝麻嘅白飯真係一流!最喜出望外係呢個雜錦魚湯，除咗有蘿蔔片 ，洋蔥片，仲有很多不同嘅魚肉，熱辣辣非常鮮甜，這個海鮮魚湯都已經值呢個價錢了，難怪每次經過都係坐無虛席，值得推介畀大家試下!

行開荃灣廣場…成日見魚屋人頭湧湧，但見吧檯逼逼澀澀平時行過都唔想食…見今日趕時間，決定試一次初初諗咗好耐…叫套餐定散叫。 如果套餐啱食的話，其實佢個套餐真係好抵食。 麵豉湯兩碗、鹽燒海蝦兩隻、芝士焗龍蝦一隻(開邊)、兩碗刺身丼飯。每人都唔使二百蚊，真超值最後揀咗散叫…因為兩個刺身飯唔啱食海鮮麵豉湯：夠海鮮味…麵豉唔鹹…蘿蔔甜味，來到熱辣辣飲…非常好味蘿甲燒：其實冇燒過 蟹膏夠濃味，魚子夠脆…再加生蔥吊味，確係將蟹膏濃味提升，加上魚子脆口。口感味道不錯海鹽燒帶子：味道配搭唔錯。不過水準參差…兩隻之中有一隻過熟，唔好食另一隻就剛剛好非常好食但帶子內臟冇清除乾淨，成個膽都仲喺度…呢個真係要檢討下鮮蝦海膽丼飯： 蝦夠大隻夠爽口，都有鮮甜味，海膽分量不少， 鮮甜無渠味(坑渠味) 非常好味四式丼飯： 蝦同海膽鮮甜美味三文魚新鮮，肉質唔錯 帶子就普普通通，有帶子味…但唔覺得甜，肉唔算厚！海膽： 額外加錢追加，海膽味道真係唔錯

行個咁耐，今日終於拎起心肝try try ,同樣地都係多人既要注意既係，無人執枱抹枱，自己嚟不過都值得try ge ,今次同💁🏻‍♂️叫左2人餐B再加帆立貝首先嚟左碗海鮮味噌湯，好足料，有3文魚的,好夠味，5會太咸💁🏻‍♂️食曼魚飯，無骨既，加埋醬汁剛剛好，另外都配左幾多玉子我就食蟹，好多好多蟹肉，又有好大pat蟹膏，對於love crab 既我，又5洗自己mock殼又可以啖啖蟹肉，飯量好多，飽死二人餐仲包燒蝦，本身就18元一隻，個蝦肉彈牙，個頭有蝦膏，調味剛剛好，依個做得好outstanding ,龍蝦un 左小小，不過都5錯，要散叫既話就不太建議了總括嚟講，個蟹丼好食，份量夠好足料不過就自己service 喇，自己執枱抹枱哦

《👫二人成行超值母親節大餐😋》最近荃灣一田依度既🐠燒魚同🍣魚生真係抵食！👍性價比極高！依期仲推出左個超值既「👵🏻母親節大餐」超抵食！————————————————-先有大蝦🍤沙律🥗沙律既質素唔差，菜新鮮蝦亦大隻咖！黑醋汁伴上，開胃！💁🏻‍♀️再黎依度最抵飲既三文魚麵豉湯🍲平時我麵麻麻地麵豉湯但依度既麵豉湯有大量魚頭魚尾鮮味倍升👍🦀前菜蟹蓋三重奏分別有蟹子（飛魚子），蟹膏，同蟹肉，三重口感，三重滋味，伴飯一流！👍主菜係兩大碗魚生飯🍱分別係吞拿魚蓉伴一板海膽！無錯！係成板海膽！勁誇張！另一個係海鮮飯🍣牡丹蝦，北寄貝，海膽，魚生～刺身都好新鮮咖！最後，重有一個燒🐟三文魚頭！依度既燒魚真係無得頂！配埋燒汁，實在係食過番尋味！焗到外脆內爆汁！正！😋

想試這間日本料理好耐了。。但每次都人頭湧湧剛好星期六下午經過吾太多人。。即刻揾到二個吧枱位坐下見到有 promotion 母親節二人前?咁得意。。梗要試下沙律。。。正常冇特別原板海膽配吞拿魚蓉葱花飯。。海瞻雖少但好好味，吞拿魚好新鮮。。正正海鮮丼。。多種材料，樣樣鮮甜。。。正正正。。。湯。。。料多過水。。好好味蟹蓋。。。肉，膏，籽，配合得無械可擊。。。 強烈建議加飯撈住食。。。太太太好味啦煮蜆雖然係送嘅，但仍啖啖肉，冇沙，，好正供應期有限。。。