魚屋

营业中

休息中

是日經過一田 肚子有點肚餓， 吃一個日式魚生飯先， 即叫即做， 滿有驚喜， 刺身鋪滿表面， 先吃一口， 估不到海膽新鮮沒有腥味， 魚生也鮮甜 跟餐會有一碗大大碗麵豉湯， 滿足又飽肚

呢間鋪頭嘅魚生飯係我食過嘅之中性價比最高絕對冇因為價錢相對比較平而令到質素降低基本上我同我先生每次去食都必定會叫呢個$108魚生飯, 係超級非常極度絕對推介❤️上面有三文魚, 海膽, 蝦, 貝, 帶子同飛魚子😍基本上我鍾意食嘅刺身都有齊, 魚生飯亦煮得恰到好處❤️重點係! 呢個價錢仲包一碗麵豉湯, 而且佢嘅麵豉湯並唔係平時喺日本餐廳飲到嗰啲冇乜湯料嘅麵豉湯, 而係充滿食材用三文魚骨熬成嘅麵豉湯👍🏻👍🏻👍🏻如果你未試過真心推介你去試吓, 平時星期六日去人流都比較多要啲時間等位

好食！新鮮！玉子好味，雖然係叮出黎😓 但味道係好。玉子唔甜，但上面蟹肉鮮味。鰻魚飯$108果隻唔係$85。好大條鰻魚呀。有粒帶子。唔係平時食開深啡色果隻多汁鰻魚，味道清啲，都好新鮮。海鮮丼同海鮮極丼既分別係一個有吞拿細蓉一個係有北寄貝，同當然極丼啲海膽多啲，好正 🤩 兩個都好味。極丼都有蝦，不過塊葉遮住左😂 相中淨係見到蝦頭haha買每個丼飯都會送湯，超多三文魚！個湯有少少油，但好好味，好鮮，有啲奶白色，飲完即刻暖笠笠。唯一唔好係要等好耐位，一兩個人都易等，四個以上就有排，仲要企係人地後面等好似逼人走咁。但佢出菜都快，所以ok既

十分滿分, 是次用餐經驗分數為六分今天跟朋友在附近shopping完就去一田的天仁茗茶買珍奶，在等待的時候看到魚屋難得少人，我們遁就打算吃得豐富一點，不吃快餐轉戰去魚屋位置可能有小小隱蔽，但其實就在天仁茗茶後面。.之前已經聽過很多魚屋的好評，主要出售海鮮丼飯，魚生丼用料新鮮，魚生海鮮款式很多，聽說是可能食材也是從一田超市來的。.點餐後先送上大大碗熱騰騰的味噌湯，裡內有三文魚骨、有白蘿蔔、紅蘿蔔、昆布、鮮冬菇等等，味道不錯，但又未去到別人評價所提及的那種好味我點了帶子丼，新鮮但帶子味不重，而且份量小，看上去雖然很大份，但實際上帶子比較薄身，和飯的比例不完美，有點小失望整體來說是很不錯，下次會再來，但不會再點帶子丼，似乎不是拿手菜就有點失水準。

女朋友住荃灣西，所以週本都會係荃灣行蹤，有次吾小心經過過魚飯，好似都吾錯，就坐底食晚飯。本身都想叫三文魚ya海膽ya個d fd 嘅飯，但係難得有魚餃飯，當然要try try 拒，叫左個油甘魚餃，點知就番吾到轉頭，好油好正，好中意食，每一次去到都一定要叫呢款，價錢$98算係吾係好expensive, 不過，人愈黎愈多，有機會拒grill 得吾夠膽，因為本人中意脆d,可以落order request 拒。Although 座位相對少，但流動性都ok 高，約15-20mins 就有位，高度推介！

✨特價時段✨一田百貨好多日式料理 價錢都幾高但一到夜晚 就會特價 可以平食高質野.一田魚屋🍣人氣最高嘅食店減價減左幾十蚊 抵到呢😬CP值即刻爆升賣相超靚！連少見的整件明太子都有 誠意推薦

大愛魚屋！呢個counter係喺口荃灣廣場一田入面嘅，之前每次經過都見到好多人食。直至有一次終於揾左機會試，試完番唔到轉頭😂一開始係覺得刺身飯好抵食，但食過烤個啲魚，就從此愛上～最愛油甘魚頭，個皮烤到濃濃地脆卜卜好好味！魚肉又好滑，另外個餐仲有三文魚頭湯，正喎！刺身飯都幾新鮮，唔錯！自從介紹左油甘魚餃比我個friend，次次同佢食佢都叫油甘魚餃，搞到我要食另一啲，費是完全一樣🙈今次試左三文魚頭，另一個正嘅option，仲要好抵😆

成日掛住行街，而忽略一田百貨內是有「食街」的！今日就試呢間「魚生飯」。好靚的壽司本想叫呢個，但無唯有試下呢個個湯望落好多料，黑色那塊是魚鰭！白色的是白蘿蔔。我覺得個湯偏淡，唔及日本的濃。我唔識分各魚的肉質及油份，只係心諗「油」「甘」魚應該都好滑吧？！事實唔係，魚中間切開搽了味噌及放了紫蘇葉，味道ok，但魚肉鞋，唔知係overcook定本身係咁。碗飯有d調味，算係有少少整色整水啦打工仔一個lunch成$88，都唔係餐餐食得起

約左另一半去一田食Dinner, 因著我早到的原故。我可以周圍行下有咩好野食。其實一田裡面都好多日式料理選擇既。行完成個場，覺得呢間最正、最吸引，所以就決定食呢間！見到餐牌，有店長推介既字眼，我就二話不說揀左其中一個丼！我另一半鐘意燒魚，所以佢就揀燒魚定食。呢間野裡面打工既，全部都係阿姐。佢地好細心，會記得客人食咩，如果耐左，主動叫返客人耐心等候。食材方面好新鮮，味道一流！👍🏻至於坐位同搵位大家要注意喇，千萬唔好揀角位坐，因為用餐時係幾好唔方便。同各位分享下啦，都幾意外驚喜，就係食食下送多個燒魚比我地！正啊！宜家去食，仲有無，我都答唔到大家。最後，我想推介比鐘意食燒魚既朋友，如果鐘意食燒魚既你地，點都要叫啊，因為真係好好味！

已經不是第一次在魚屋用餐，每次一想起魚生飯必定想起荃灣廣場內既魚屋。每次也不㑹失望，因為無論湯，壽司，魚生，簡直冇得輸。碗漁湯巳超正，入口冇魚醒味，材料又多，有紅、白蘿蔔，三文魚骨，肉超甜.當中我既至愛是蒲燒鰻魚飯，一啖啖厚切鳗魚入口味濃味，肉汁豐富，還有海膽三文魚丼，海鮮丼飯任君選擇。只是每人佰幾蚊，吃到飽飽回家去。

今日同老公嚟荃灣廣場食晏～～第一時間就諗起呢間可吃魚生又可吃燒魚…一舉兩得！一如既往，呢度係自己揾位之後去買嘢食，等了一陣就有兩個位，如果多人嚟就要等耐少少了！三文魚赤蝦丼追加海膽一份三文魚有四大片，肥瘦分明無筋，赤蝦有三隻，蝦頭有少少蝦膏，用嚟撈飯亦可，蝦身算鮮甜，沒有雪味！海膽就麻麻，有少少腥臭味～油甘魚鮫定食魚肉燒香，點少少汁已好惹味！側邊的蘿白條雖然橙橙地色，但不辣，送飯一流！甲羅燒將蟹膏，肉，子，葱放在一齊，用撈埋去，食落鮮，甘，香，一個人食有啲漏，可兩人食一個或配飯一齊食！蟹子沙津～爽脆仲有兩碗熱辣辣嘅湯無影相，味道適中！

一田內的半自助快餐, 特別推介的是他的三文魚湯, 非常好飲, 叫所有飯(燒魚/刺身飯)都有配.刺身飯的刺身普通, 但燒魚定食非常好味，通常都會吃鹽燒三文魚定食，好美味~

今日又到同男朋友既記念日啦👫 今晚約好咗一齊食飯🙆‍♀️🙆‍♂️ 我地揀左呢間係一田入面好多人食既魚屋 上次黎等左好多阿🙍‍♂️🤦‍♀️炙燒 三文魚腩丼 $98 見到係店長推介💁‍♀️💁‍♀️💁‍♀️💁‍♀️💁‍♀️ 我又中意食炙燒三文魚腩 所以就揀左呢個 望見都覺得好好食阿 而且份量有勁多 yeahhh🙆‍♀️第一啖食落 只可以話好creamy 融化係我口入面阿💁‍♀️💁‍♀️ 三文魚腩好厚 燒完果種半熟口感太好味啦💁‍♀️ 配埋沙律醬酸中帶甜 又可以解三文魚腩既油脂 食到停唔到口喔💁‍♀️🙆‍♀️四色丼 $128見到都有好多海膽 不過甜度不一 有啲好鮮甜💁‍♀️ 有啲麻麻地帶腥🙍‍♀️ 三文魚都ok既 幾厚肉！同炙燒三文魚腩唔同嘅食法~ 蝦就好大隻 都有不少膏 整體都唔錯💁‍♂️💁‍♂️💁‍♂️ 不過我都係覺得炙燒 三文魚腩丼好食啲🙆‍♀️蟹膏（丼+$28）其實cp值都好高 $28有勁多 大大啖配飯食最正💁‍♀️💁‍♀️💁‍♀️💁‍♀️💁‍♂️ 蟹味好濃好鮮 係我鍾意嘅蟹膏味道🙆‍♀️ 男朋友都話呢個蟹膏好抵食 平時食兩件蟹膏壽司都$28 都無咁多蟹膏💁‍♂️丼仲跟一碗大大的三文魚湯 都幾清甜既 今晚好滿足喔🐣 yeahh❤️😚

荃灣廣埸一田超市都幾多嘢買，原來裡面D小型食店都可以一試，果間食店叫魚屋，試左一客海膽三文魚丼，都唔錯喎，海膽夠晒鮮甜甘香，三文魚亦相當肥美，飯就稍為遜色，煮得太腍，不過整體水準幾好，價錢合理，啱食。

有睇開我食評 都知我係超鍾意食蟹 見到呢間有好多蟹嘅丼 當然即刻嚟試吓啦嗌左兩個都係又蟹 但一個係加生虎蝦一個係加三文魚 反而覺得三文魚同埋生虎蝦又唔係特別新鮮同埋特別甜 普普通通 但係啲蟹肉同埋蟹膏撈飯真係好好食 到鮮甜最有驚喜嘅係我哋唔知道叫一個丼就會送一個三文魚骨嘅湯 可以見到佢會俾好多三文魚骨嘅湯渣 所以飲得出佢落足好多料 唔夠飽可以食埋湯入面啲三文魚肉百零蚊一個丼咁嘅價錢食到又有湯又有丼 我覺得都抵食嘅 不過荃灣真係好多嘢食都未必會再encore