魚屋

营业中

休息中

上篇食評是虎藏，今篇到魚屋。因為我與老公分別各點了一個間，一家三口食。魚屋提供是刺身及燒物，價錢由$8x - $３xx套餐, 豐儉由人。Bar枱座位高凳設計就不適合帶著仔仔的我們，我們唯有座虎藏那邊。自助形式，點餐後等傳呼器亮重自行取餐。我們點了燒物，即燒關係要等十多二十分鐘。北海道花魚套餐 $98燒花魚外層香脆，內層肉質嫩滑，燒得不錯，只是魚鮮味不足。海鮮麵豉湯，用料十足，鮮甜！但要小心湯底的魚骨。本想點燒魷魚但沒貨，店員介紹鹽燒帆立貝，說今天剛來貨十分新鮮。鹽燒帆立貝，２隻 $88店員沒介紹錯。size大大隻，鮮味可口，帆立貝上的精華湯，非常鮮甜，厚厚的元貝肉質爽口彈牙。整體價錢不便宜但質素不錯，特別是帆立貝下次要encore 再點，但花魚就不會了！

荃灣廣場一田有間日本餐廳好想吃好耐,次次經過都見到坐滿, 排曬隊等位…咁啱元宵節果日同好姊妹行街街..去到一田,又咁啱有吉位夠我地坐..命運既安排下,我地就坐低左啦..餐牌價錢唔算貴，大部分丼飯$100以下，但元宵節當然要吃好D啦，我地最後揀左雙人C餐..有兩碗湯，兩碗魚生丼，兩隻燒赤蝦同一隻燒芝士龍蝦~比錢果陣收銀姐姐仲話送條魚比我地個湯材料十足，有白蘿蔔，三文魚頭，魚尾，海帶等淆制…夠曬鮮味，不過飲果陣要小心魚骨…燒赤蝦賣相幾吸引，但略嫌燒得太耐，蝦肉好乾身，而且無乜味道~燒芝士龍蝦，原隻細龍蝦，面頭舖滿燒過既芝士，好香芝士味，龍蝦啖啖肉又有膏，蝦鉗又多肉，不過整體肉質有d韌，要用手扯先咬到~ 贈品燒魚，開頭以為好細條，但估唔到係咁大條吱左檸檬汁係魚度，酸酸地又可以勾出魚味~ 魚肉夠滑~食既時候要小心魚骨… 最後2個丼飯~1. 三文魚海膽丼2. 海鮮極丼魚生都算新鮮，三文魚都幾厚切，海膽唔苦，甜甜地~呢個2人C餐份量絕對唔可以睇小，食完好滿足

嚟到魚屋為既就係佢跟餐送既麵豉湯，除咗蘿蔔片同海帶，三文魚既頭頭尾尾，有時甩咗頭唔放得上枱既刺身蝦都會發現在內，材料一路加，海鮮味濃老公最愛燒赤蝦（$50），一個人食晒三隻，佢話質數參差但都未至於肉質霉爛，只係有時皮肉分唔開好難碌殼。四色丼（$158）牡丹蝦同帶子都鮮甜，三文魚太瘦口感較韌，海膽每次質數都不一，有時甚至一塊鮮一塊苦，每次食都好似賭博最穩陣選擇莫過於燒鯖魚（$58），配上堂食先有既辣蘿蔔，送飯一流

魚屋在一田美食廣場入面，是bar枱位，有刺身丼飯套餐，有燒魚套餐，仲有一些已經pack好的飯盒可以購買後在bar枱食。選擇也不少呀！！我食火炙三文魚腩飯，有碗三文魚頭湯。還有些二人餐可以選擇。三文魚腩好肥美，五大件厚厚的。顏色好靚，一啖落好，好香又好淋，真的是啖啖都是油香味，份量不是好大碗，但也是好足夠，好滿足的三文魚頭湯也是好大碗，好足料，好夠熱，好香濃，也是唔腥，係有些咸，不過好好味，好滿足！！比目魚西京燒，加十元有吞拿魚飯，比目魚唔算大條，魚肉好魚又滑，煎到金黃香口，吞拿魚蓉飯也好多，唔腥好味，送飯好正！！刺身丼也十分吸引，有一隻大蝦，三文魚，帶子，蟹棒，海膽，魷魚，仲有蟹子，全部也好新鮮好好味，好鮮甜，隻蝦好大好爽。正的呀這個珍寶海鮮丼要整幾個字，嘩嘩嘩十三隻蝦，好勁呀，不算好大的甜蝦，仲有蛋，三文魚子，帶子，全部都鮮甜。好多現成的便當，也是好吸引

位於一田百貨裡的魚屋 我終於試到了平時都見冇位  因為座位很少 今次經過見到有位 即刻坐低 魚屋主要售賣幾款定食、丼飯和一些燒物今次我倆要炙燒三文魚腩丼 ($88) 和海鮮丼 ($108)三文魚腩實在太美味 超厚超香 太令人回味了!!!!!一定會再encore!!!!!而海鮮丼的材料亦很多:三文魚、蝦、蟹柳、三文魚子、蟹子、小量海膽等等。我們的丼飯配有湯湯好大碗，湯裡嘅蔬菜和魚肉都好香Encore! Encore! Encore!

上次等候外賣丼嘅時候，被廚柜嘅燒魚吸引，仲話一定要拉阿sir嚟試，估唔到話咁快又再嚟，平日夜晩都好多人，咁啱嚟到有最後兩個位，如果唔係可能要等廿零分鐘啦燒赤魚 $88+$10轉迷你免治吞拿魚丼😋😋😋赤魚好有魚味，但我覺得魚肉太乾身唔ok，可能同佢本身無乜油份有關啦，所以開邊燒嘥咗條魚；湯係用三文魚蘿白煲嘅，好鮮味好大碗(不過小心有碎骨)；加$10嘅免治吞拿魚丼好味呀，而且份量都唔少，一定要試個丼呀油甘魚鮫 $98+$10轉迷你免治吞拿魚丼👍🏻👍🏻👍🏻👍🏻👍🏻我極力推介油甘魚，大件夾抵食，最重點係魚又香又滑，魚本身油脂重，所以點燒都咁好味燒大赤蝦 $50/3隻🍤🍤🍤未上到枱已經嗅到燒蝦嘅香味，肉離殼好易剝，口感尚算ok，可惜蝦細隻咗少少同埋無膏二人共消費：$256

因為噚日响嗚門食唔到海膽，再加上比好多衰人引誘，我終於忍唔住買個丼返公司嘆，本來想叫海膽丼，但又唔知呢度水準如何，都係保守d叫個海膽三文魚丼試下先。海膽三文魚丼加拿大海膽有3大片，最深色果片最濃海膽味，亦係最鮮味，其餘兩片不過不失，全部都無苦澀味；三文魚有5片，唔厚唔薄，油脂豐富，好味😋，飯嘅份量好大，醋味啱啱好，但我唔鍾意熱飯配魚生囉！另外，每個餐都跟一碗三文魚湯，味道非常濃郁，材料又多-白蘿蔔、紅蘿蔔、冬菇、海藻👍🏻。下次想試燒魚😁

呢間餐廳我每一次經過都見到坐滿人仲有人等 (雖然得嗰十幾個位好易坐滿)所以無緣食到，今次終於的起心肝去等 滿足下個港女魚生胃星期日6:30pm去到 當然一如以往人頭湧湧等左20-30分鐘入座同friend分別叫左四色丼 同埋 海膽三文魚丼廚師即場準備 5分鐘就有得食飯 蝦 三文魚 等等食材 都ok主要係想讚海膽而我只係想用 好好食嚟形容總之鮮甜啦15分鐘就食完 等仲耐過食順帶一提，跟飯仲有麵豉湯好耐冇喺街飲過咁足料嘅麵豉湯而且好大機會係真。無味精 系列都幾清 唔太鹹雖然價錢過百 但幾好食 都唔算特別貴 魚生飯差唔多啦如果唔介意食嘢速度要好似打仗咁又唔怕後面有人等 覺得有壓力食得唔自在嘅話 不妨一試食個快飯之後繼續血拼gogogo

每次行一田經過都會被佢地燒海蝦既香味吸引! 而且次次都見到座無虛席, 所以今晚決定晚餐試一試~座位有限, 正值食晚飯時間所以都等了一陣子先有位, 點了豐富的雙人A餐!先來兩碗大大碗味増三文魚湯, 好足料, 半碗都是渣, 有好多紅蘿蔔、洋蔥、海帶……不過略嫌唔夠魚味~海鮮極丼賣相幾吸引~ 有齊晒我最喜愛既海產! 正!樣樣都幾新鮮鮮甜~ 碎蔥吞拿魚腩有驚喜! 有少少梅子的味道~ 唔似平時食果D冇乜味~不過略嫌海膽唔夠新鮮~ 米飯都唔錯, 最怕食到D過濕/煮唔熟太硬既米飯~~影響晒成個丼既味道~ 呢碗既米飯煙煙韌韌幾好幾好!海膽三文魚丼海膽好鮮甜! 同另一個丼個D是有分別的!! 可是呢碗D三文魚有D筋….燒赤蝦未食已經聞到香味~ 但食落就OK唔算好驚喜~ 肉質唔會係霉左既蝦都OK既!芝士龍蝦都幾多芝士! 龍蝦好多膏同籽~ 肉質都係結實但唔算彈牙~ 而且燒到有D過乾~整體黎講每人唔洗$200食到咁多野而且味道都唔錯, 性價比幾高~ 不過食物上得太快, 好快凍~

每次行過一田都見到呢間野有好多人，今日經過終於都可以試下😋同朋友order左1個雙人套餐A $378套餐內有兩碗味增湯，兩碗魚生飯，一隻芝士龍蝦同埋二隻燒赤蝦感覺上都幾多野，幾抵食下鮮魚味增湯湯內材料都幾多，而且味道鮮甜，唔錯套餐內分別有海鮮極丼同埋海膽三文魚丼兩款魚三飯海鮮極丼海膽三文魚丼三文魚就不過不失啦....其他魚生新鮮甜美，值得一試芝士龍蝦見到有好多枱都有order...所以都幾期待下食完覺得有點失望因為芝士份量好少，而且都唔係好食得出芝士味好在龍蝦肉質爽口，算係不過不失啦最後係燒赤蝦呢個真係超級失望😪😪😪見openrice d人話呢個幾好味...諗住應該都唔差啦點知....兩隻蝦的肉質都係霉的....比放題的蝦更差.....成餐飯俾呢兩隻蝦破壞左😭😭😭

位置荃灣一田入邊既日式料理店，有燒魚定/刺身定食。我地叫左一個三文魚海膽丼（$108），同三文魚甜蝦丼（$88）。味噌湯料很足，喜歡吃魚的一定會喜歡，除味噌味亦帶有小小鮮甜的味道，重點係好夠熱！海膽尚算新鮮，係食到尾尾有小小苦，但入口係甜既～三文魚新鮮，有油香，唔會太廋亦無腥味，不錯蝦比想象中大隻，我覺得正常味道，但哥哥覺得唔夠鮮甜，但質地係新鮮的，唔會冧糍糍，帶小小爽口地方係超市附近，所以未有人及時掃地清理，地上好多食物渣 但啲姐姐好快收走上手食完既餐盤同埋地方唔係太多位，可能要等一陣位呢！

荃灣一田裏邊有間日本野......雖然坐得唔係好舒服....不過求其食返餐.....又唔想食普通野但試無妨吖其實去到呢個鐘數都冇乜嘢可以揀不過呢個魚生井都幾好味呀如果可以再多啲海膽就好啦條魚都燒得幾入味.....雖然無日本咁鮮味但係用呢個價錢有咁嘅質素都尚算吾錯吖

每次經過都見到好多人等，我呢啲無耐性嘅人當然唔會趁墟啦🤗遇著今日個appointment臨時reschedule咗，所以一於去食個early lunch，果然早啲去係唔需要排隊，仲可以自己揀位坐🙂睇咗一輪餐牌，最後揀咗豪華北海丼，一於豪食：)唔駛等好耐，大大碗嘅豪華北海丼就送到我面前喇，賣相好吸引，三文魚籽好大粒，一放入口一咬開啲三文魚子籽汁就爆晒出嚟，正，三文魚好大塊，好多脂肪，不過比我想像中個味無咁鮮，口感係唔錯但係唔知點解好似無乜三文魚味🤔赤蝦就好正喇，大大隻，又肥美，仲好鮮甜tim！蟹棒就不過不失啦，係啲蟹膏有少少咸！整體嚟講，我覺得呢個豪華北海丼合格有餘，喺香港嚟講算係有水準，每款魚生都算好新鮮！另外，仲有個三文魚味噌湯，個味噌湯好足料，一啲都唔咸，個湯其實都幾鮮味，不過入面有好多魚骨，所以都幾影響觀感！

成日聽啲同事講話呢間嘢好正，啲魚生好新鮮，今日終於有機會親身一試晨早11點鐘就嚟度，啱啱開門咋，啲店員仲擺緊檔，我都忍唔住問一問其實開門未啲薯餅同魚賣相超吸引，其實好想食，不過今次target係魚生外賣刺身份份都好靚，好有衝動買番去俾同事食睇完menu，我揀咗特式四色丼，因為有我最愛嘅三文魚，赤蝦，又可以試下啲海膽鮮唔鮮，仲有蟹棒可以食好大碗，其實我真係食唔晒成個飯，但係啲主菜當然清晒啦！首先，海膽，一望個顏色都知道新鮮，一啲都唔腥，都算鮮甜；赤蝦，超大隻又新鮮，啖啖肉；蟹棒，我就覺得稍為咸咗啲；而三文魚，係厚切架，好肥美隨丼附送海帶三文魚麵豉湯，好足料，真係有成舊三文魚喺入面，成個麵豉湯嘅味道係好豐富同事推介芝士龍蝦同燒魚，不過今次真係食唔落，好飽喇，下次再試

原本諗住去荃灣廣場間一田嘅天仁茗茶買杯野飲，再去眾安街覓食。點知無啦啦癮起想食日本野，咁就比天仁茗茶旁邊間魚屋吸引咗。😯鹽燒鯖魚定食（$58）- 燒魚、檸檬、少少類似泡菜嘅配菜，同埋一碗面頭灑咗啲黑芝麻嘅白飯。味道就普普通通，無咩鹽燒味，亦都唔係燒到表皮香脆。加上魚都唔算太大舊，唔夠送飯，搞到食到最後變咗齋食白飯。😥麵豉湯- 跟餐送嘅麵豉湯都幾大碗，湯料十足，有大大舊三文魚肉。不過失望嘅係有陣腥味，同埋有唔少魚骨，同行友人都比魚骨吉親😥，所以大家都係小心為妙😅。三文魚海膽丼 （$108）- 三文魚生五片，海膽份量都佔成四分一個碗。海膽唔腥，十分creamy，更加唔會溶到一pat pat，十分鮮甜。三文魚生都不過不失。成個丼以咁嘅價錢黎講，份量都算抵！👍🏻整體黎講魚生丼比起燒魚定食更為優勝，只係美中不足嘅係個麵豉湯同埋個環境。因為當你食緊野嘅時候，都不斷Feel 到背後有人等位，望實你嘅壓力，其實都真係唔係咁自在😅。