魚一壽司 (教育路)

营业中

休息中

「木」魚生拚盤: 有赤貝, 海蝦, 三文魚, 三文魚腩, 劍魚。赤貝, 海蝦都好鮮甜, 又大隻, 2款三文魚正常, 劍魚5店LAW, 5新鮮, 無鮮味, D 肉好死....帶子SUSHI: 大大隻帶子, 鮮甜軟殼蟹卷: 凍的, 有少少脆,但覺得5算新鮮, 細細份都OK, 5加SALAD醬會好D三文魚頭: 好大個, 足足有半個, 仲有魚交位, 煎得剛好, D肉5會老。另叫左象拔蚌SUSHI, 左口魚裙邊SUSHI同蟹棒SUSHI, 不過我無食, 不作評論

好耐無入元朗喇 今日奉命接放工 難得一場嚟到 當然要搜尋一下美食 又俾我揾到一間好嘢 日本餐係我至愛 刺身壽司一定唔會放過喇 仲有高質*日本海膽*估唔到店子小小會遇上「它」就係佢喇 鱈魚白子就食得多 重點推介 季節限定原來「鯛魚白子」都好好味 第一次食 價錢仲比鱈魚白子平 超抵食 味道濃郁 配埋個酸汁 忍不住要追加多一份 店內仲有好多好嘢食 不時會有時令食材 期間限定 仲有好多日本直送 真係要嚟試下 仲有個 辣冷麵（自家製醬汁）要推介一下。正！

行過見呢間日本野好多人排隊，心諗唔通好好食？於是排一下，冇諗到居然排咗一粒鐘。滿心期待咁入去，環境好窄，坐得不太舒服。點左幾碟壽司，一個沙律，一個丼飯，仲有其他小食，一行四個人，居然大家都唔夠飽，但人均已經差唔多200講真個沙律非常一般，海膽手卷算係不過不失。火龍卷更加覺得好細舊，亦都唔係特別好食。壽司來講都係一般⋯總結 我本身食嘢都唔挑剔，但係依間真係不了～而且啲侍應都反應慢，雞同鴨講咁。

今日落大雨，但都想食這一間上次食不到的魚一。上次原本打算食午餐時段，因為有lunch set 比較抵食嘛。今日大概八點左右到魚一，外面有幾組人在等位子，好好彩剛好有兩個人的台，不用排隊直接進店。我地被安排到樓上的枱，每枱都有一個小籃子在附近，方便放背囊或手袋。睇到Menu價錢很便宜，等左一陣野食就黎啦！三文魚腩好好食，其他不錯。對於一定要食飯的人，來元朗食壽司是最好的選擇。飯大大份，刺身也不錯，又便宜， CP值超高，不過一分錢一分貨，唔好期待有超高水準就真。

經常去食既舖頭海膽係次次食都必叫既相對同類型價錢既元朗壽司店佢都算係入貨幾好相信無元朗人未食過無論星期幾都要排下隊等下以後會放多啲野食相😍💛

今日入元朗同舊同學聚聚，本身想搵一間有酒飲又可以暢談嘅地方，我朋友就介紹咗間日本菜— 魚一，超鍾意食日本嘢嘅我地，當然係揀依到享受美食同氣氛。大大盤刺身有 三文魚、帶子、鮑魚、赤海蝦，三文魚厚身大塊 入口好香魚油味，珍寶帶子大大粒 食落鮮甜無腥澀味，磯煮鮑魚食落唔Un 甜得嚟又爽口，赤海蝦肉質嫩滑唔霉。日式炒雜菜 唔好睇落佢好普通，佢係送酒超級正嘅小菜。帆立貝串 燒得好香口 有浸獨特嘅焦香味，肉質嫩滑有咬口 醬汁帶甜味。燒羊架 肉質軟淋好多汁，生熟度岩岩好 。燒雞翼 皮脆肉嫩又多汁，好岩送酒。燒菠蘿必嗌！又甜又多汁腐皮壽司、軟殼蟹卷、南瓜薯餅，腐皮壽司係我至愛嘅壽司，腐皮超入味 帶啲鹹甜味，軟殼蟹卷好足料又香口，南瓜薯餅外脆內綿密 南瓜蓉香甜，配上燒汁 好夾。

呢間已經黎左幾次，每次都無令我失望，性價比好高，質素好好👍🏻 所以入親元朗都會黎食😆😆今次有幾樣野係之前無食過，第一次試。軟殼蟹卷超好食！唔會話炸粉好厚，而且食既時候仲係暖暖地架☺️ 仲有第一次食佢地個焦糖鵝肝壽司，好驚喜，甜甜地等個鵝肝唔會太溜，而且煎得岩岩好👍🏻 最後佢個大拖羅都好好食，不過有筋就扣左少少分😛最後佢個牛舌係我每次黎都必叫，真心推介比大家！不過今次件三文魚就無平時咁肥咁香🙊

其實一直也喜歡這間小店，只是住在港島區，元朗相對屬地點偏遠所以不常來吃，是日趁工作之便，終於可回味一下。穿過地下走上閣樓，有大概十張枱，平日下午來十二點左右，人數不算太多。 同左人點了粒粒魚生飯及吞拿魚生飯， 套餐先來一個魚味十足的麵豉湯，麵豉湯內有足料三文魚魚肉，先暖一暖腸胃。飲過麵豉湯後再上精品野菜，終於黎到主角粒粒魚生飯，魚生尚算新鮮，切粒不會太薄亦不太厚，吞拿魚生亦表現出色。其實間吾中會過黎食午餐，幾次水準都十分穩定。六十蚊有找食個日式午餐，不單物超所值，值頭非常高性價比。最後，食完飯記得問侍應攞問雪米池作甜點甘就perfect 池。

見人講到佢咁平咁抵食，但由於位置太少，我身邊完全無人願意陪我排隊去試😂👋🏻結果我係一個人收工去左試！排左成個鐘呀😭🤬😭🤬·然後我打算好好獎勵一下自己，所以我嗌哂啲貴既壽司😂完全忘記自己當初係為佢平價而來😅😅·壽司🍣我叫左呢啲☺️👇🏻中拖羅、珍寶帶子、廣島蠔、花之戀、油甘魚腩、三文魚腩、池魚王、蟹棒Well🌝除左蟹棒，我無一件係人地口中幾蚊一舊好抵果啲🤣·其實壽司質素係唔差既，中拖羅同廣島蠔唔錯😋不過十幾蚊一啖，加埋一其實都唔係好平啫☹️等左咁耐又唔想淨係食幾蚊一舊果啲😂👋🏻·串燒 免治雞肉串、鰻魚串串燒我覺得仲出色過壽司，可能因為我坐吧枱位、師傅一整好就直接比到我即刻食😋👍🏻鰻魚串係幾好食！但真心貴😭·結果我一個人食左兩舊水都唔夠飽，仲去左隔壁豪大大買左半份香香雞返屋企食😂·質素平平，排咁耐隊我個人認為唔值，如果係落單叫外賣，再去附近shopping 一大輪，再返黎拎外賣走，叫哂幾蚊一舊果啲，咁就抵啦😆😆（笑）·題外話，我坐樓下吧枱位，好逼既四個位，而且全程不停有店員係我隔離轉來轉去，我覺得真係幾騷擾😪同埋擋住哂啲光，搞到我影唔到串燒相😫

元朗壽司CP高搵食的你一定知, 今次小弟就專誠來到這間值得一試嘅魚一壽司來個飽足的午飯😝! 大大碗的自選魚生丼飯就是今次來訪的主要目的。眼見食店門面不大, 原來座位全部在樓上層, 可算是獨立舒適沒有油煙味的空間角落。兩口子自選兩個丼飯各有吸引之處, 分別主要在於甘蝦與吞拿魚腩蓉的不同, 吞拿魚腩蓉給我一份小驚喜, 香口蔥片加芝麻配上帶點甜香的魚蓉絕對是送飯的極品, 伴隨切片的油甘魚腩及珍寶帶子雖然沒有想像中厚切及極新鮮感覺, 但厚切三文魚腩彌補了少許未能完全滿足的感覺👍丼飯的飯底厚實足夠, 醋飯味道香味完全合格, 加了份兩口子都超喜愛的紫芋栗子薯餅的確大滿足, 而且午餐餐廳主動送上足料的三文魚湯作為暖肚前湯, 一個周日絕對合適享受午餐的好地方👍

星期日。陰天放假緊係要去輕鬆下，食下正野啦！我知道元朗有好多日本餐廳，於是就搵到呢間 — 「魚一壽司」。12點幾去到店，職員安排往樓上坐，當時無乜人，只得一張檯有客。咁就好了，可以靜靜地嘆。呢間餐廳好好，有一壺熱綠茶比客人慢慢飲，好鍾意啊！飲哂叫職員加，很方便，唔洗次次都叫職員加茶咁麻煩。今次我選了自選刺身丼飯 — 三文魚腩、珍寶帶子、甘蝦（最少3個餸，飯加$10）落完單，職員奉上每人一碗三文魚麵豉湯，真心有誠意，有少少三文魚肉，唔會太咸。還有我最最最喜愛的紫芋栗子餅、火灸三文魚腩壽司、火灸原條鰻魚壽司。紫芋栗子餅超推介，沾沙律醬食一流，一碟兩件。火灸壽司也不錯，原來火灸原條鰻魚係海鰻，我較喜歡食鰻魚多一點，不過味道也很好啊！另外我們也有叫芒果蟹籽沙律，可惜今天沒有😔總括而言，這間餐廳都推介，職員態度有禮，地方也乾淨，放假去食也不錯👍🏻

特登揸車黎食，點知成肚火🔥食物質素尚可、價錢中等，但職員態度不友善🤬極不建議需要帶同bb車用膳之家庭到此進餐❌出街食咁多次飯真係未聽過喺完全冇阻礙任何食客進出、冇妨礙任何職員做嘢嘅情況下擺放bb車都是絕不容許的！上到閣樓見有空間所以開架bb車俾阿仔坐，職員先後4-5次要求收起bb車，但其實車仔根本冇對任何人造成影響，我地都表示如有客人需要進出時就會收起。當後面檯客人黎到，佢地都好快坐低咗，冇反映bb車阻礙佢地進入；而我地都準備埋單離開，但其中一位職員竟然粗言對待。處理客人需求方面咁唔flexible嘅餐廳，任你再好食再抵食再具人氣都不外如是。如此不愉快用餐經驗，一次就夠！

想去支持下小店既朋友去之前最好BOOK定位，因為平日都幾FULL下。叫左一個沙律同幾款壽司。個蟹子沙律幾好食，滿滿的蟹子，而且份量都幾多。青瓜、蟹柳等配料新鮮，推薦食!另外叫左幾款壽司，有三文魚、鰻魚、火灸三文魚、炸蝦、北寄貝....全部都好新鮮同高質。如果吾想去D連鎖壽司店，平平地食，依間小店真心推介。絕對是性價比高的選擇!上菜都幾快，而且係即叫即做。想食多幾樣野既朋友可以考慮落單時一次過落多D先，因為佢有限只可加單一次。

突然想食日本菜，記起朋友推薦過。所以就立刻過去試一下，只是到的時候門口有很多人排隊要等一段時間，這也說明我沒來錯，怎麽大概20分鍾，終於有位置，肚子也餓了，所以就立刻叫吃，但是也是因為肚子太餓，所以忘了很多拍照，刺生今天我试了油甘鱼腩，左口鱼和海膽，是值得一试，水準以上。比旁边的好吃多了，之后我们也见了好多熟的，熟的好吃一半一般的也一半。天妇罗很好吃，鸡泡鱼也不错，芝士年糕也很好吃，就是有点腻。 有点失望的是羊架，肉煮有点过熟所以在自家餐厅我推荐的是刺生寿司，熟食就有一般，但价格方面就挺平民化，还是值得一试吧，下次还会再来肚子太餓，只拍了幾個食物

眾所周知，香港人對日本菜迷戀程度，就猶如卡通角色小熊維尼鐘意食蜜糖一樣，亦因而造就出香港有好多日本菜食店開業但係遺憾係部分餐廳質素參差，亦都有好優秀既餐廳，但價錢就令人卻步今次要推介呢間餐廳，質素相當高，而價錢亦非常貼地合理呢間餐廳位於元朗區繁忙地段教育路，人流絡繹不絕，而食店亦都林立，沒有一定的水準質素的食店，恐怕難以在此街站穩陣腳餐廳分為兩層，樓下只有四張吧位，食枱與廚房連為一體，可以坐在座位上欣賞師傅刀功和制作食物過程，典型的日式格局，而樓上則有數張食枱座位，但樓底矮，會有局促感今次食既係自選丼飯，點解要推介呢樣，因為餐牌上有多項日式刺身海鮮選擇，可以因應自己喜好，組合出自己的心水丼飯，自由度極高，而食物質素方面相當有水準，三文魚肥美新鮮，入口鮮嫩，磯燒鮑魚就咬落口感層次豐富，並冇出現燒得太耐搞到刃到難以咀嚼現象呢間食店除左堂食外，外賣自取亦係賣點，在門口外排隊攞外賣人可以話係絡繹不絕呢間食店值得為大家推介，我自己都會再去食以示支持