影片
更多
2019-03-20
73 浏览
好似好耐冇出街食飯咁，今晚有人心血來潮想食日本丼。行過呢間店面細細嘅舖頭，上嚟睇過下食評都約多讚，於是就嚟試下。去到門口都有啲人等緊位，要攞飛等一等。等嘅期間，職員好有禮貌地俾個餐單你剔住先，轉個頭又特登搬啲櫈出嚟俾人坐，都幾貼心下。等左十分鐘鬆啲就有得入去，原來佢有上層，不過地方都係唔大，得5-6張檯，所以要搭檯（食日本嘢要搭檯都係第一次）。我地嗌左啲壽司，由於我犯左低級錯誤，張相原來save唔到，食到差唔多食完再補影的。味道賣相都平平凡凡咁，冇話特別新鮮或唔新鮮，係好過3蚊外賣壽司小小咁啦。不過餐廳嚟膏咁嘅價錢，唔好要求太多。另外嗌左個鰻魚小卷，都係正正常常，無乜驚喜。仲有呢個鵝肝卷，鵝肝細細，但味道都好濃下。而主角三色魚生丼，嚟到先知係帶子，海膽同三文魚。帶子都算新鮮，都甜嘅，三文魚都正正常常，但個海膽就...睇個色呢佢又唔係唔新鮮，但佢陣味令我諗起呢位海膽君係嚟自受污染海洋咁，我就覺得可一不可再啦。另外我仲嗌左啲小食，溫泉蛋同兩串串燒。個溫泉蛋唔知點解我覺得好咸，冇應有嘅甜味。（前排七仔賣嘅即食溫泉蛋仲好食過佢🤦🏻♀️）而串燒我就嗌左知甜薯同冬菇。諗住基本嘢實冇死啦，因甜薯我都
去到門口都有啲人等緊位，要攞飛等一等。等嘅期間，職員好有禮貌地俾個餐單你剔住先，轉個頭又特登搬啲櫈出嚟俾人坐，都幾貼心下。
等左十分鐘鬆啲就有得入去，原來佢有上層，不過地方都係唔大，得5-6張檯，所以要搭檯（食日本嘢要搭檯都係第一次）。
我地嗌左啲壽司，由於我犯左低級錯誤，張相原來save唔到，食到差唔多食完再補影的。
味道賣相都平平凡凡咁，冇話特別新鮮或唔新鮮，係好過3蚊外賣壽司小小咁啦。不過餐廳嚟膏咁嘅價錢，唔好要求太多。
另外嗌左個鰻魚小卷，都係正正常常，無乜驚喜。
仲有呢個鵝肝卷，鵝肝細細，但味道都好濃下。
而主角三色魚生丼，嚟到先知係帶子，海膽同三文魚。帶子都算新鮮，都甜嘅，三文魚都正正常常，但個海膽就...睇個色呢佢又唔係唔新鮮，但佢陣味令我諗起呢位海膽君係嚟自受污染海洋咁，我就覺得可一不可再啦。
另外我仲嗌左啲小食，溫泉蛋同兩串串燒。個溫泉蛋唔知點解我覺得好咸，冇應有嘅甜味。（前排七仔賣嘅即食溫泉蛋仲好食過佢🤦🏻♀️）而串燒我就嗌左知甜薯同冬菇。諗住基本嘢實冇死啦，因甜薯我都係想食佢基本本身嘅甜味，不過可能貨源問題，個甜薯唔甜，即使佢瘡左啲鹽上去吊味都唔甜。而冬菇更失望，燒得唔夠乾身，個底仲係濕嘅，似滾熟再燒咁。
而服務方面，由於地方有限加上搭檯嘅關係，佢地收碟係收得超級快，快到對面對客人啲刺生都未食完佢都攞走埋。而樓上職員可以為左盡量提高翻桌率，啲態度都一般般（基本上半個鐘左右你就要走），絕對唔會有樓下接待職員嘅笑容同禮貌。而另外佢餐廳會播下歌俾食客聽，佢乜歌都播，英文中文普通話韓文（就係冇日文）🤣，重點係我唔知佢咁懷舊播CD定網絡問題，不停lag機，窒窒下咁，聽到有啲心煩😂😂😂
不過都係果句，咁嘅價錢，醫得飽你個肚，仲想點？
张贴
