魚一壽司 (教育路)

营业中

休息中

第一次用e肚仔叫外賣🥡，買左想試好耐的魚一極上丼。魚一極上丼d餸真係好豐富，有三文魚、油甘魚、中拖羅、吞拿魚腩碎、牡丹蝦、帶子、三文魚籽仲有海膽呀👍🏻所有刺身水準都不錯，比起係九龍區好多間出名刺身丼的CP值仲要高👍🏻牡丹蝦好大隻，味道鮮甜，口感好爽。中拖羅有油花好肥美，吃完好滿足。海膽水準都唔錯，算係甜，唔會淋到一patpat 同有臭味。同埋刺身份量都算多，每一啖飯都配到刺身而且醋飯味道都唔錯。

元朗向來都好多野食平時食日本野都一定會揀魚一今日就帶朋友去食下～首先叫左三文魚 希靈魚 北寄貝刺身 三文魚食落好新鮮 爽口既 又切得厚 好抵食希靈魚同北寄貝都好新鮮 好有咬口 仲有一個前菜仔 芒果蟹籽沙律 香甜既芒果 仲有份量超多既蟹籽好開胃～到主菜 叫左一個滑蛋吉列豬扒飯 一上菜仲係熱 好香噴噴蛋炒得好滑 豬扒外表香脆 仲係金黃色 仲有洋蔥 份量都足夠 可以撈晒成個飯食～之後仲有一啲串燒燒雞泡魚乾  鰻魚串全部都燒得岩岩好 好香口唔會太乾 好juicy~仲有一個甜品紫芋厚子薯餅好新鮮既配搭 

佢同我搵食都好一段時間，教育路真係越開越多日本餐廳其實每一間個門面都唔係特別光線同身，所以都係求其行入一間試吓。聽朋友講以前呢間日本餐廳有自選魚生嘅午餐，點知今次嚟到原來已經冇咗，不過佢嗰啲lunch set到幾吸引而且真係好平！叫咗個「竹」嘅壽司定食，入面有所有嘢都係火炙嘅，有左口魚、三文魚、蟹棒、牛肉他他、海蝦、穴子、帶子等等，如果呢一對壽司係出邊食絕對係講緊$150 Minimum，呢度竟然只係$98咋而且質素真係唔差，好抵呀！另外一個定食叫咗銀雪魚西京燒，呢一個菜式係我去每一間日本餐廳都會必點嘅菜式，因為銀雪魚西京燒真係好能夠考起嗰間餐廳嘅廚師功力，。然而出邊嘅銀雪魚西京燒定食大部份都會定價係$198左右，但係呢度竟然只係$78咋！都係果句，佢質素真係唔差，銀雪魚燒到外脆內軟，雖然食得出唔係好高級嘅銀雪魚，但係呢個價錢我真係唔會祈求太多，西京既味道亦都非常入味，魚嘅size亦都適中，性價比高到嚇親自己，我相信我一定會再返嚟食呢一個定食。

在魚一新開張時已經試過，自此成為了常客。那時第一次進店以為只提供外帶賣，原來還有二樓，地方不算好多，但亦算坐得舒適，覺得價錢和質素都很好　除了點一貫會吃的三文魚、鰻魚、花之戀等等外，還很喜歡吃蔥吞拿魚蓉軍艦，口感比正常的綿滑，蔥花和芝麻增加了清新感。每次都會點很多火灸，稍微烤過帶點微溫，更加滋味！去每間壽司店，我都會點左口魚邊，喜歡入口易溶的質感，而且會有濃郁的魚香，極有層次感。(這裡的魚邊較為細塊，但味道還算不錯)拖羅壽司沒有想像的肥美，但亦是新鮮。特別推介牛油果軟殼蟹卷，外軟內脆，而且面層還鋪有蟹籽，好有口感。牛油果除了健康外，更平衡了炸軟殼蟹的油膩，雖然更加易飽~紫薯薯餅一定要熱辣辣時就試！餡料的份量十足，炸粉未算好厚~而且當中有粒粒紫薯！面上燒汁些許鹹，下次要叫另上~整體都好滿意，依然抵食！(但繁忙時間，記得要齊人才可入座！之前早到還是要等朋友~)

今次返元朗搵到間唔太起眼嘅日本嘢～門面好細～但其實都幾多人入去食架喎～入到去以為淨係得bar枱坐，但其實佢有條樓梯上上層架～店員安排我哋上二樓坐～地方不大，運用晒所有空間～茶水一榨上，自己加水，唔洗店員行嚟行去～今次係食Lunch嘅～但因為早餐都未食～同埋價錢都唔太貴～所以2個人叫咗3個餐，真誇張～一人叫咗一個Sushi set但又見Lunch set個西京燒銀雪魚定食好吸引，所以就叫埋佢夠晒大舊～好滑好甜～唯獨飯就dry咗啲～Sushi set有三類，分別以梅、竹同松命名～我哋揀咗梅同竹～套餐有沙律，裏面有一小小蟹柳，勁多醬，好開胃茶碗蒸～好熱辣辣，小心燙口～蛋幾滑，菇好味，食到最底仲有好多彷翅～正喎～梅～整體都好食，特別係油甘魚、帶子同鯨紅魚～加州卷爆多沙律醬， 蟹籽好爽口～平時呢啲組合都起碼九十蚊以上，呢度七十幾蚊就食到～抵到無朋友～竹～賣相好吸睛～見到都流晒口水～全部都好好味～推介啊～無限我哋用餐時間～慢慢食吓傾吓計，我哋就食晒lu整體上都好好食，又抵食～推介大家一試～

元朗-魚一（午市）：壽司拼盤-松（hk$138)、海膽魚籽丼（$98）、吉列廣島蠔4隻（$34），+10%（六日假期）-一間門面不甚起眼的元朗小店，望入去以為得一張小小bar枱，原來別有洞天，係可以上樓上嫁！地方不大，不過桌與桌之間留有合理空間👍🏻，裝潢以木色為主，感覺舒服。來得時候是星期六下午，人來人去，翻枱很快呢！午市套餐餐牌如下：有壽司拼盤、刺身丼、還有不少熟食選擇！當中我已mark了$78既西京燒銀鱈魚為我下次必點。而今日好熱所以想食刺身壽司多點。-每份套餐都送三文魚湯和前菜沙律三文魚份量好足！-我的是海膽三文魚籽丼，$98來講本身要求都唔會太高，仲要包沙律和湯，份量來講絕對ok！如果食開靚海膽既可能會覺得海膽質量不突出，但考慮到價格還是合格有餘喇！相對上我覺得三文魚籽較出色和抵食，粒粒晶瑩咸鮮～-另外點了最貴的壽司拼盤，也只是$138！！相信只有元朗小店有可能😉擺盤吸引，牡丹蝦新鮮好味！魚生色澤也很不錯。但和刺身丼的飯一樣，略嫌硬左少少，少了一份珍珠米的軟糯，但朋友覺得整體比連鎖壽司店都好喇，價錢也吸引。-點了一款炸物— $38有4隻吉列廣島蠔！好抵！吉列皮鬆脆，內裡廣島蠔多

元朗有好多日本野食，但係都唔便宜，仲要好多人排隊。經過依間見到有少少人等位，再望望個餐牌，見到價錢都合理，仲要好多選擇，所以就試一試。芒果蟹籽沙律 $42，好多蟹籽牛舌串 $22一串，燒得好香，好爽口，好好味吉列廣島蠔 $34 好鬆化同好脆，炸得唔錯天婦羅雜錦 $52 有七件天婦羅，有炸蝦，茄子，蕃薯等等仲有個好受歡迎，好多人叫既自選丼飯，有好多款魚生揀，每種都唔同價錢，再加十蚊飯錢。我地揀咗三文魚，甘蝦，帶子，油甘魚，同馬糞海膽 $123

朋友對呢一間餐廳大讚，就係咁我就專程去咗元朗試吓呢一間魚一壽司，星期四嚟到呢度都竟然全場爆滿，好彩等左一陣就已經有位，環境好精緻，但係充滿日本嘅風味，唔怪之得咁瘦食客歡迎啦，見到隔離枱有客人食緊魚生拼盤，淨係利苑見到，都已經覺得是各有一番享受啦，好快我哋就坐低左啦，咁就梗係即刻點嘢食啦，點嘢食用或只仔嘅形式，見到價錢唔算好貴，直情係抵食呀，咁就梗係要叫多啲啦。好快趣，壽司就已經上枱啦，海膽軍艦，新鮮美味，而且份量有多，三文魚子係我嘅最愛就梗係唔少得啦，粒粒魚子新鮮，融入口中，鮮味無窮。蟹膏壽司，淡淡蟹膏嘅鮮味，配合蟹肉絕對一流呀，我朋友就最鍾意食Wasabi魷魚，果然係鮮味無窮啊。至於牡丹蝦，食落口先甜無比喺口腔品嚐一切嘅美味，絕對係人生嘅一大享受，至於帆立貝壽司，鮮味無窮又鮮甜，而且好後生，最重要嘅係佢個飯唔會好大舊，而且又唔會好鬆散，三文魚腩壽司好鮮甜，話明係魚腩，就梗係充滿魚油嘅香氣啦。我哋仲叫咗活赤背，一隻活赤背分兩件相，唔會有腥味，而且又鮮甜，爽口又彈牙，最後就係呢一條火龍卷啦，一上枱就已經見到佢氣勢無比，粒粒嘅蟹子喺口入邊博博趣，蝦肉新鮮炸起，配上沙律醬，另有一番感受。

今晚係教育路揾食，成條街都係美食，約左朋友來到"魚一"，已經有唔少人係度等緊位呢度分左上下兩層，下面坐位唔多，我地俾安排到樓上坐，職員好快提供一壺熱茶🍵我地，呢壺熱茶直到我地走，都係仲有温度架☺有自選丼飯，可以自已揀想食既魚生，而飯底係$10碗，最少要選3款呢度刺身拼盤分為"金木水火土"，5個種類不同價錢，有平有貴，而相片介紹就貼左係牆身，想知有d咩就要留意反喇我地就揀左"木"，刺身包括三文魚，三文魚腩，劍魚腩，赤蝦每樣各二，同活赤貝一隻，只係$108好抵食丫刺身係厚切，同埋好新鮮，特別讚一下赤蝦，雖然無牡丹甘大隻，但彈牙同口感真係拍得住大拖羅壽司，好肥美，價錢只係$36/1😱海膽無異味，食落好鮮甜，紫菜仲係脆架牛油果軟殼蟹卷隻蟹腳長到宊左岀來😳串燒方便，試左一串鰻魚串配上鰻魚汁，燒完都唔會乾身，而且仲好厚身，下次想試埋白鱔串吉列廣島蠔炸到好鬆軟，外脆內軟和風肥牛鍋慣左要食反d熱嘢暖下胃， d肥牛來到仲係粉紅色，半生熟，利用d湯浸到佢剛熟，而下面就有娃娃菜，小棠菜，食左甘多飯，有d菜食反就岩晒喇🤗

朋友說教育路的魚一壽司CP值很高，午市定食尤其抵食，相約我一起用餐~ 來到餐廳，原來分為上、下兩層，樓下有數個吧枱坐位，而樓上空間大一點，有數張4人桌以及2人桌，適合3數知己一同用膳. 午市定食有十多款選擇，有壽司、丼飯以及咖喱飯等，總能選到心水食物. 午市定食奉送三文魚麵豉湯、沙律菜及雪米糍，相當豐富. 三文魚麵豉湯 熱度十足的三文魚麵豉湯，味道鮮甜亦不會過鹹，嫩滑的三文魚肉為這麵豉湯增添了不少分數. 沙律菜 小小一客沙律菜，配上開胃的芝麻汁，令人胃口大開. 西京燒銀鱈魚定食 ($78) 平時吃一客銀鱈魚定食要過百元實在很普遍，但這小店卻只需$78，實在超值~ 魚肉頗厚身，魚皮煎得香脆而魚肉則當嫩滑，用來配白飯已經很美味了. 喜歡吃魚的朋友別錯過!! 竹壽司 (火炙壽司) ($98) 一客火炙壽司共有10件，包括: 穴子、珍寶壽司蝦、皇帝蟹肉棒、左口魚邊、帶子、牛肉他他 各一件; 三文魚及加洲卷 各二件. 壽司定食即叫即整相當新鮮，三文魚肥美魚油豐盈; 穴子壽司是超長的，魚肉也嫩滑，整客壽司定食都相當有水準. 除了壽司外，跟餐也有茶碗蒸，蒸蛋很嫩滑可惜只帶微

《魚一》充滿日本風味嘅壽司餐廳，唔好睇佢門面咁細，其實每晚要等位嘅人多好多㗎，今日同朋友嚟到呢度，就梗係釋放食飯時間又要等位啦，不過等左大約半個鐘，侍應好快就安排左幾個位俾我哋啦，樓下係吧枱，樓上係order枱，地方雖小，但係勝在五臟俱全，食壽司最緊要係咩啊？就梗係氣氛，同埋新鮮啦充滿日本風味嘅壽司餐廳,唔好睇佢門面咁細,其實每晚要等位嘅人都好多架,今日同朋友黎到呢度,就梗係釋放食飯時間又要等位啦,大約半個鐘,侍應好快就帶咗幾個位俾我哋啦,留下係bar枱,樓上係order枱,地方雖小,但係勝在五臟俱全,食壽司最緊要係咩啊?就梗係氣氛,同埋新鮮啦。香芒蟹子沙律，份量一啲都唔可以講少啊，一上枱就已經覺得佢係巨無霸嘅份量，芒果清甜，配上蟹子，令呢一個沙律完全係錦上添花恰到好處，而且沙律醬唔會太多，青瓜爽脆，作為餐前美食，果然一流。三文魚子壽司，新鮮就梗係不在話下㗎啦，粒粒清脆，三文魚子融入口中，令我口中每一個細胞都充滿魚油嘅香氣。海膽壽司係我嘅至愛，今次又點少得佢呢，海膽份量雖然唔算好多，但係勝在夠新鮮，而且價錢又都經濟實惠，食完一件唔夠，仲要叫多件啊⋯⋯新鮮嘅赤背壽司，入口爽甜，而且食出

元朗嘅大舊飯壽司都係我嘅童年回憶，執得嘅都執左，未執嘅都好耐冇食過。睇過無數評語大讚呢間日本料理性價比高，原本想食煲仔飯，又話要訂又盛咁，於是黎呢度試下。平日晚上生意都唔錯，樓下係吧枱，閣樓位置較多，分佈密麻，舒適度中下。餐牌選擇頗多，刺身、壽司、卷物、手卷、串燒、炸物、沙律、小食、和食、麵飯等，亦有自選丼飯，價格同一般日本料理差唔多，某啲壽司、軍艦定價$9-28/2件，質素過得去；單件嘅質素比較好；飯麵6、70蚊咁，性價比高不至於，極其量係豐儉由人。蟹籽壽司 $12/2件吞拿魚沙律壽司 $10/2件蔥吞拿魚腩壽司 $18/2件軍艦料唔算特別澎湃，幾蚊件收貨啦。皇帝蟹肉棒 $8/件蟹棒上枱已經散左，沙律醬亦都比較少，口感軟腍，好過元氣咁囉。三文魚壽司 $9/2件北寄貝壽司 $12/2件帆立貝壽司 $12/2件呢幾款一般般啦，尤其北寄貝同帆立貝好乾身。活赤貝壽司  $38/件全晚最好食係活赤貝喇一件兩食，貝身大隻鮮甜，口感爽脆，點多幾舊好過食同碟其他。吉列炸蝦卷 $22/4件飯粒黏身偏酸啲，炸蝦都幾爽，略嫌面頭嘅蟹籽太少。炙燒左口魚邊丼飯 $72就咁食壽司想飽會食到窮，都係點個丼飯sha

呢間壽司店平時聽就聽得多，但係食都係第一次食。 間嘢聽聞價錢經濟之餘仲好高質，今日終於有機會試下啦。店舖雖然細小，但看落去都好整齊乾淨，感覺舒適。如果唔訂位就真係有排等刺身拼盤又點少得叫呢， 我地叫左海膽，三文魚， 牡丹蝦，吞拿魚，八爪魚，帶子和生蠔。 刺身夠曬冰凍鮮甜，切得好大片，好有口感， 樣樣都可以食d非常滿足。牡丹蝦好大隻，非常爽甜， 令人回味。隨意叫了我最喜愛既火焰三文魚和左口魚壽司， 整得非常精美，壽司飯唔會太大件， 放入口啱啱好，非常新鮮。牛油果軟殼蟹卷內暖外脆， 顏色鮮豔奪目， 非常吸引!鰻魚都好大條， 即叫即燒，價錢只係68蚊，非常抵食。三文魚魚頭好大隻， 非常香脆唔會太多油， 肉質仲好嫩添。最後梗係叫埋個大蝦天婦羅啦，份量適中，香脆粉薄， 送到嚟還是暖笠笠的， 水準頗高。呢間小店都幾平民化，價錢平之餘質素仲好高， 呢啲小店真係少之又少， 下次必定會再 來。

星期六同媽媽去元朗行街。係openrice見到呢間日本野幾好評，就順便黎食個午餐。餐牌選擇好多！我地叫左個西京燒銀雪魚套餐一齊share，$78包埋白飯、沙律同湯都好抵食。銀雪魚份量足，外脆內嫩，配飯食超正三文魚手卷和葱吞拿魚腩手卷賣相已經夠吸引刺身拼盤 (木)$108包左三文魚、三文魚腩、劍魚腩、赤海蝦、活赤貝。非常新鮮牛油果軟殻蟹卷軟殼蟹炸得好脆，配上牛油果非常夾。鵝肝卷推介！！從來都冇食過鵝肝壽司，感覺幾新穎，比我預期好食！整體都好滿意。價錢仲好親民！下次入元朗再黎

是晚星期五，相約同是住在元朗區的朋友們晚飯。由於元朗出晒名有好多優質又抵食的小店，今晚一於出去覓食一下最後揀了位於教育路的一間日式小店。一坐下, 店員先放低一樽茶。之後我們就開始慢慢點菜喇。有多款刺身飯同小吃提供給大家選擇，而且價錢不貴，非常平民價我們先點了這2款前菜，開開胃口先......份量合理，而且夠晒凍，正啊 (我至愛之一)1) 味付螺肉 ($18.00)2) 芝麻八爪魚 ($18.00)和牛串 ($28.00)一口牛，方便入口，肉質軟淋，燒得岩岩好，唔un，加上有黑椒作調味，惹味啊。冬茹串 ($15.00)燒完之後，都唔會變得好乾，仍然keep得到好juicy，加上用燒汁嚟燒, 甜甜地，仲有木魚牛舌串 ($22.00)肉質厚實又爽，燒得岩岩好，唔un，呢款都係用了黑椒作調味，不錯。(因本人不太喜歡食牛舌，所以只試了一塊)燒雞泡魚干 ($32.00)我覺得燒得ok, 唔會太乾身，再沾上沙律醬嚟食，一流啊。(用嚟送啤酒，簡直無敵啊)(呢個我至愛啊)和風肥牛鍋 ($68.00)湯底味道適中，唔會好咸，而且肥牛份量多，其餘配菜都入晒味，呢個價錢抵食西京燒銀雪魚 ($78.00) +