魚一丁刺身居酒屋 (已結業)

去年因為多次服務欠佳, 我給九龍灣魚一丁劣平還向有關公司Wellmart投訴. 一年後再到此店午膳, 發現大有進步!店員非常有禮, 遲一點兒也會道歉, 服務又快. 食物也進步了: 不會再給醬油花生作小菜(現在有魚頭和蘿蔔). 食物來的時間也快了許多. 最近去了四次都非常滿意.知錯能改, 值得一讚!

16.4.2006我和媽咪都是蟹迷,到電影中心看罷四大天王後與媽媽會吃,特意帶她來試試:~鱈場蟹:是我在魚一丁的最愛,依然鮮甜美味,今次和媽咪兩個人食晒,好滿足!媽咪也讚不絶口~炸蠔k啦~泡菜八爪魚(前菜):我好鍾意,但媽咪唔鍾意八爪魚的口感,所以我食晒,哈哈~~天婦羅鍋燒烏冬:烏冬無以前咁彈牙,同場個人唔係咁鍾意打隻蛋落去,另外天婦羅沒有分開上浸淋了,一般其實吃完蟹已飽了一半,其他都是配角,最緊要媽咪吃得高興!

阿媽話唔想飲茶要等位, 所以成家人過去隔離魚一丁食lunch, 試下午市套餐. 4人餐HK$238, 可以選兩個前菜, 三款刺身, 4個主菜, 4個飯或烏冬, 送甜品或咖啡茶. 頭盤冷豆腐幾好, 不過蟹子沙律麻麻地, 有好多水, 刺身都算新鮮, 其他食物一般, 只係平. 但係service好似唔太好, 熱盤來完先上前菜, d野食來完先來白飯及烏冬, 我地有屋企人去了洗手間, 就來問要咩茶及咖啡, 我地話等等先叫, 之後食完晒野, 叫了甜品, 成檯碗碟都唔清理就上甜品, 唔叫都唔加荼, 唔好以為係rush hours, 假期根本成間餐廳得個幾檯人, 班waitress三五知己圍埋雞啄唔斷, 最後我地想叫埋單, 個三個waitress局然係街尾離遠問我係咪埋單(其實我係想叫佢埋來reconfirm一下信用卡優惠先叫埋單), d waitress 真係懶到呀!!!

媽媽正日生日，特登回來和她吃多餐。只有爸媽和我，唔緊要啦，得閒再一家團聚。點了以下菜式：火炙壽司，雞肉土豆芝士燒，蟹肉炒飯，鯖魚，和鐵板牛肉。唔唔，魚一丁Ｄ食物，雖然有Ｄ人唔多鍾意，但我又ＯＫ喎！呢餐都係一般，最突出係個雞肉芝士燒，好有芝士咪，仲以為只有西餐廳先會有咁既咪道。最失敗係個牛肉，90蚊，最貴又無乜味，最慘係唔夠熱。

之前我只到過銅鑼灣的分店，呢間都係第一次光臨。是晚我們揀選以下食物:-1) 蟹粥(好清甜，正呀)2) 燒元貝(好味)3) 牛肉烏冬(okay)4) 飛龍頭炸豆腐(okay)由於朋友預先訂座，餐廳特別送一杯飲品，亦因此發現服務麻麻，問第一個侍應有咩選擇，佢回答橙雜或青擰梳打，點知當我地落單時，第二個侍應竟然回覆只有橙雜或檸檬汽酒。點解會差咁遠架? 點解每個侍應都唔多清楚送咩架? 所以，服務要扣點分呢。而且每只送一杯飲品，不如送一碟小食仲好呀! 最可惜係呢杯橙雜好難飲呀! 其實其他食物唔錯，唯獨呢杯飲品扣分呀!

我食過幾次魚一丁.都覺得服務ok.而我本身都是有做過part-time waitress.有些經驗想分享中午食飯時間短,客人希望d lunch快d來,有得食是理所當然的.但有時要明白waiter是負責樓面工作:落order,加茶,拾檯.煮lunch者是廚房師傅,d師傅集了幾單同項order煮,做傳菜的waiter明知樓面急call要order出,都沒有,傳菜的waiter他們唔可以罵d廚房師傅做快d.樓面waiter只有啞口食黃蓮,被客人不斷催order,被人罵.公平d,waiter一定想提供更好的服務,得客人多d trips,同時d order快d出,做多d生意.

除夕晚, 四個人去呢到食個dinner, 值得一提就係蠔粥, 好多蠔, 仲要係好鮮甜, 好好味, 我地四個食到叫晒好味, 價錢又唔係貴喎, 100元都唔駛, 好正!!!仲有凍豆腐, 去親魚一丁必叫, 真係又凍又滑又香, 好回味!環境都ok, 我揀左tatami坐, 好有日本色, 門口個鞋櫃仲幾特別, 不妨一去看看吧!

蠄晚去到食飯. 不嬲都覺的野食唔太差（但係咁係應該嘅，因為佢地唔算平．）但係的服務態度有待改善．我叫咗杯”香味氣酒”．哇！難飲到好似的模型膠水咁．餐牌上又冇寫明成份．我見到部長行過（著西裝嗰的）就同佢笑住講話好鬼難飲．佢初頭衝口而出想話同我換．點知又即刻轉口同我解釋成份．跟住未講完就借度意幫後面檯埋單．我見佢咁無誠意．我見佢一行過就要佢幫我埋單．仲問佢可唔可以ｃａｎｃｅｌ．點知佢唔睬我就走左去．雖然最後佢都ｃａｎｃｅｌ左．但我唔係志在嗰２８蚊．而係的咁嘅野都可以攞出嚟款客，你以估係的低級餐廳咩．ｃａｎｃｅｌ唔ｃａｎｃｅｌ好少事．但連經理嘅態度都係咁．真係好失望．做消費者千祈唔好”鵪鶉”啞忍．下次唔好幫唔幫趁係另一回事．出聲攞返個公道最緊要．我用手機當住佢面影左幅相留念．（注意真係飲咗兩啖唧）

上個月同屋企人去過，我覺得呢間分店D食物既水準都得呀。我地三個人去食，叫左三文魚剌身、三文魚意大利風、和風網燒牛肉、牛肉烏冬、雞肉土豆芝士燒同知床雞月見免治。三文魚剌身：肥美，而且新鮮，好食。三文魚意大利風：係薄切三文魚剌身配特製sauce，我覺得好食過就咁剌身，個sauce酸酸甜甜，好醒胃好好食。和風網燒牛肉：我地要左medium，剛剛好，幾鬆化，又唔乾身，配sauce食都好好食。牛肉烏冬：湯幾鮮味，牛肉薄薄地幾入味。雞肉土豆芝士燒：食呢個既時候我已經開始飽飽地，所以覺得麻麻，薯仔同芝士味都幾香，但就有D"流"。知床雞月見免治：曾經o係menu消失過既一道菜，以前好鍾意食，今次一食完全失望，份量比之前少左勁多，而且亦淡左好多。dessert要左綠茶大福同南瓜雪糕，綠茶大福有一貫水準，綠茶味幾夠。南瓜雪糕食味幾特別，但就冇南瓜味，唔推薦。訂枱仲有蘋果汽酒送，大大杯都幾抵飲呀。我覺得都有一向既水準呀，可能我耐冇食魚一丁啦，所以overall我都覺得好好食呀。最重要係唔使自己錢覺得特別好食～多謝媽咪～>3<

小弟一直都係魚丁o既支持者, 因為近o既關係, 通常都黎呢間~ 唔知係米有負面的評價, 樓下和民排曬隊, 魚丁都仲係幾空下~ 不過小弟每次食都幾滿意, 雖然偶而有個別菜式令人失望, 但還是值的來試的~不過今晚對呢度o既壽司有d期望過高~ 坦白講, 食過呢度o既壽司三次, 只覺得平平無奇, 相比起刺身, 實在天與地的分別~ 可是今晚沒有叫刺身, 沒有一個control experiment~ 除此之外, 其他食物都係水準之作, 令人食得好開心!火炙壽司盛合: (以魚丁質素而言)三文魚唔係好夠味, 帶子唔夠甜, 墨魚un左d, 整體黎講只係普通~北海道凍紅鮭: 如伺應所講, 真係凍到一條條咁, 形壯和口感似芒果乾, 但入口就軟化, 滲出三文魚的鮮味~ 幾特別~三文魚, 三文魚子飯(三文魚親子飯): 同羅素街果間食o既唔一樣, 少左炸魚皮同紫菜絲, 感覺上份量好似少左d, 但仍好好味!和風網燒牛肉(七成熟): 味道同口感一流~ 加上酸辣的醬汁, 好正!最後用特价試左個黑芝麻雪糕~ 都不錯~服務ok~ 上菜可以做到我地先上冷盤, 再上熱盤的要求~但我唔明點解三十號就冇左十一月推介, 本來的co

去呢度食已是幾星期前既事lu...二個人叫左:秋刀魚刺身- 幾好, 加蒜蓉一起吃更美味飛龍頭炸豆腐球- 我就覺得普通la, not very strong soya bean flavour魚生飯- 貪心既我想魚生大D多D law, hehe天婦羅蝦- 唔太油, 不過總覺得蝦用來天婦羅唔夠鮮味

兩個人,9點去有位坐,食左三樣野1.山芋雪魚燒-見menu張相就咁有一塊類似燒餅好得意,所以試下,原來唔只個賣相得意,食落都好得意,好似棉花糖果種既texture,有魚味,但係冇魚肉係入面2.芝士雞薯仔鍋-有好多芝士,個汁整得唔錯,薯仔夠淋,雞肉都ok3.魚生飯-好大碟,魚生都有好多,但係醋味就好似冇乜...

二個人又去魚一丁開餐.試左＋月推界:1. 刺身- 海膽ok a, 唔苦but not very 甘甜.2. 八爪魚味噌鍋- 將生八爪魚片輕輕一灼, 爽甜好鮮味呀!3. 咖喱麵- 好濃湯底, 如果飲埋湯就會偏咸.飲左送既蘋果酒, 好有果汁先生feel a, haha

上星期四同朋友gathering, 諗住去魚一丁, 因為之去過cwb & tst 都覺得唔錯, 諗住今次就腳去德福呢間試下啦!不過硬係覺得差少少, 我諗主要係因為service唔好, 侍應好似好散慢, 落order要等,check bill又要等, 斟茶要等....如果唔係夜晚, 日頭趕時間吃lunch既話一定遲到, 如果要揮得贏和民, 真係要加加油啦...四個人食左拉面沙律、彩虹卷、壽司盆、象拔螃、牛肉煱, 味道都ok既,可能大家對食都唔係話真係要求好高, 不過都係識食之人, 料係新鮮, 但service真係唔得囉, 閒日都唔係話好多人, 見佢地counter都唔滿, 又唔係好忙, 應該要improve下serving　quality啦。不過個人來講就幾鍾意德福呢間既環境，暗暗地幾舒服，相比起tst海景個間, 反而有d格格不入。唔知係樓面/廚房唔夠人, 真係好慢囉, 魚一丁都算係high class既料理, 應該俾番多d信心食客, 咁既服務又真係麻麻啦, 要加油啦。

唔知點解覺得呢間魚一丁總係差d咁上菜真係幾慢同埋叫加水同埋單都要叫幾次兩個人食左牛肉烏冬魚生彩虹卷魷魚干燒錫紙燒菇牛肉烏冬同菇都正常水準魷魚干燒真係好乾唔熱唔凍唔知想點彩虹卷幾得意幾吸引一個長既飯卷上面分別包唔同色既魚生魚籽同牛油果等等切開之後每件卷都有兩種toppings幾好食魚一丁一向都唔算平不過之前食總係覺得合理今次唔算抵不過收返五十蚊coupon可以去我愛店和花亭食返收貨喇