魔芋麻辣雞 (已結業)

之前見過呢頭幾次，見到呢間食麻辣雞煲嘅專門店，一直都好想試，但晚晚都坐滿客人今日因為早收工，同男朋友一齊嚟試吓呢度嘅雞煲呢度最出名係食雞煲同埋一啲特色小菜，今次我就主要黎食佢嘅招牌魔芋麻辣雞煲由於只有兩個人一齊食，所以我哋只係嗌左半隻雞一上枱，雖然只係叫咗半份，但比想像中好大份，而且落左好多配料，淨係聞下都流哂口水～我哋叫左微辣，但已經十分惹味，而且d雞好嫩滑，非常好食！至於呢個招牌魔芋，其實就類似蒟蒻，不過老闆娘話所有魔芋都係店舖自家製，外面食唔到，而且食落口感的確真係比一般蒟蒻更加彈牙，同雞煲一齊食勁夾！至於呢個蔬菜拼盤都唔錯，有生菜、白菜同粟米等等第一次試黃鱔片，雖然味道比想像中腥左少少，不過煮完肉質好爽脆，值得一試！呢度雲吞都係自家製，裏面好多餡， $48有八隻，價錢算好合理～

葵涌嘅食店唔多但係間間都好爆今日嚟到呢間魔芋麻辣雞顧名思義 就係想試下佢個麻辣雞到底係咩料子😁.💟原味魔芋麻辣雞因為媽咪話想食麻辣 揀咗一隻雞上到嚟嚇死你 成個30吋嘅大鑊裝滿曬雞同魔芋😱魔芋其實有啲似蒟蒻佢吸咗少少麻辣味相當彈牙 好好味非常有特色同麻辣好襯雞好多 根本食唔曬 喺你面前慢慢炒好霸氣雞肉煮到好滑之前有醃過所以比較入味搞咗好耐 都冇話乾底🙈👍但係啲雞又整到好乾身好香麻辣汁 超正抵食！.💟酸菜魚我哋都係嗌咗成條魚好滑同啲酸菜撈埋一齊勁好食都係非常之大兜 性價比勁高😋最抵讚嘅係有好多豆卜索曬啲酸菜汁勁開胃之後encore咗兩次豆卜索曬啲汁 超正！.💟咕嚕肉用完全冇骨豬扒整 炸到好淋好香 肉質好嫩柔juicy加埋個茄汁芡 真心超正.💟魔芋小炒王 分量好足超大兜有蝦乾果仁 韭菜 等等一齊炒埋非常香口唔會覺得特別鹹同濃味感覺好清新.💟湖南椒炒豆干配魷魚老闆娘話呢個極正跟機嗌咗一個 老實講呢個唔係個個都鍾意食但係我就好鍾意 因為其實嗰啲湖南椒唔算好辣撈埋啲豆乾食好惹味魷魚又炒得爽口送飯唔錯.💟豉油王炒麵炒得超正完全冇乜油 但係又好入味叫咗兩碟價錢又唔貴😊.雖然呢度位置唔算特別方便但係對

今日嚟咗呢一間魔芋食雞煲酸菜魚雞煲味道好好分量多雞夠滑 現場提供埋爐 畀你炒keep warm魔芋都好好味爽口彈牙吸曬啲麻辣汁感覺好新鮮 有落少少聰同芫茜調味唔夠辣可以叫老闆娘加辣咩程度都可以試後來我哋加咗湯再打邊爐 滾滾下 有好香雞湯味味道好好 超大盆酸菜魚 可能我影得唔好呢條魚足足有兩斤重 多肉少骨肉夠嫩好香魚鮮味魚肉煮到啱啱好唔會過份淋或者散曬撈埋酸酸甜甜既汁好開胃豆卜索曬啲酸辣汁 味道好好勁滿足 餐廳嘅餸菜全部都抵食夾大件真心非常之適合一家大細嚟食如果住喺附近絕對唔可以錯過

位於光輝圍附近，岀面大把標位，十分方便。招牌魔芋麻辣雞煲 望落賣相就已經好吸引，份量真係好大，材料足料, 半隻$158 一隻$258，魔芋係依間招牌，老闆娘親自講介話魔芋係佢係四川自己帶番黎，勁依種魔芋好特別，似蒟蒻同啫喱，係爽口的好得意，但佢就唔索味。唔夠味，仲可以叫佢加辣，依度既雞煲夠麻夠辣值得再去食，因為食物質素非常新鮮，食得出係新鮮走地雞——

話說今晚我阿姨生日,佢話想係屋企附近搵一間小菜慶祝咁我地就黎到呢間魔芋麻辣雞試下😛老闆娘超級熱情❤️🙈因為媽咪要求好高,老闆娘都一一滿足我地對食物上面既要求😘咁首先我地要左佢招牌菜1💕魔芋麻辣雞煲 小辣 全隻雞一上菜既時候覺得色香味俱全雞係走地肥雞 油脂豐富 香噴噴 有肉地而且魔芋(蒟蒻) 好彈牙 吸左精華既汁同用左其他配料炒好正而且小辣已經夠晒😂2💕川味香辣烤魚媽咪要左魽魚, 佢話肉多而且比較香個湯底我試左少少感覺都好好😁仲有好多豆卜果D🥺 正正子咁佢條魚本身就落過油先; 再放湯上去d 魚既精華更加香 又好大條 相信有幾斤😘魚肉好厚身 我仲試左魚頭 👍3💕小菜系列經過老闆娘介紹我地就試左幾個;佢地既小炒王❤️果仁好多,而且落過油好香而且佢地有好多大蝦乾我都好鍾意食😙加上韭菜 簡直係有鑊氣之選😘咕嚕肉❤️呢碟好食到我地encore 多左一碟因為佢地既肉件係即炸即炒上碟既時候仲係脆卜卜用黎用酒 真係好吸引湖南椒豆腐乾炒鮮🦑❤️呢個都係推介之一 ,雖然有d 辣但係真係好好味 🦑又好入味加埋d 辣味真係👍👍好有鑊氣 湖南椒又出晒味岩晒d 鍾意辣既人豉油皇粉麵❤️佢地用左好香既老抽去炒比較乾身一d 都唔

位於葵芳光輝圍附近，岀面就係標位，可以泊係門口，十分方便🥰-✨叫5餸會減一餸，減左最平既岀前一丁$12-1️⃣招牌魔芋麻辣雞煲 半隻 小辣半隻$158 一隻$258⭐️⭐️⭐️⭐️魔芋係依間招牌，老闆娘話魔芋係佢係四川自己帶番黎😱依種魔芋好特別，有啲似蒟蒻同啫喱，係爽口的，好得意，但佢就唔索味的。我地叫左小辣，但一啲都唔辣同唔夠味，可以叫佢加辣，就好食好多，夠麻夠辣🤣/2️⃣黃鱔片$68⭐️⭐️⭐️好新鮮，好爽口，小骨，但好容易烚到好老，唔洗烚咁耐，要快狠準🤣🤣🤣/3️⃣炸魚皮 $384️⃣芝士腸 $385️⃣岀前一丁 $126️⃣解茶 三枝 $15/1Total $405，免加一-環境：7/10服務：9/10好味指數：8/10回頭率：8/10-

今日去荃灣探個朋友朋友就話想食雞煲仲話帶我去食好西咁話本來我都諗住係就下佢啦純粹去食餐飯就算點知真係好驚喜佢帶左我去葵涌一間叫“魔芋麻辣雞”既鋪頭係外面望入去，同一般茶記都係差唔多由於地點都幾偏，落車都行左十幾分鐘先到行過望到都唔會太起眼我朋友就一馬當先行入去我望到都係一般食炒小菜既茶記一樣不過就幾乾淨，地下都好乾爽，唔會油淋淋燈火光猛，感覺都幾“精神”我全程都係交比我朋友“發板”好啦，戲肉黎啦！招牌魔芋麻辣雞煲一黎就打大佬，望落賣相就已經好吸引，份量真係好大，材料又多，我地只係叫左半隻雞架炸！聰明既我梗係試左我未聽過既魔芋先啦，一入口好似粉皮，但咬落又幾爽口似豬皮，不過好滑好有口感。麻辣雞好滑好嫩，非常入味，入口覺得好刺激，有d辣但又好快消失，嘴唇會麻麻地，會令你好想又食第二啖，第三啖，好過癮！略略講下配料，紫洋蔥好爽口好甜，莞茜味好香，配合雞/魔芋一齊食會提升層次！第二道～湖南椒炒鮮魷辣椒味同平時食既好唔同，雖然好辣，但唔會接受唔到，因為好香，同鮮魷配合度好高，最重要係夠哂鑊氣，配飯食一流！順帶一提，個份量真係好多，唔好比張圖呃到！食完雞煲已經五六成飽但係又想試埋打邊爐，所以嗌左兩

又到每星期同老公拍拖仔的日子，今日點解會選擇呢個地方食雞煲呢?因為老公和我都喜歡囉！來到店舖，熱情的老板娘主動過來介紹佢地呢到有咩出名的菜式，我就同佢講想食雞煲佢就話我地呢到出名的魔芋雞煲，d 魔芋係佢地親手整的，其他地方冇的。你咁講我緊係要試下啦！魔芋雞煲 $158 ~ 可選辣和不辣 《我地叫了唔辣，因我老公驚太辣食唔到，最後食哂雞加湯前老板娘幫我加左d 辣，真係好香好野味。》豬頸肉 $48 ~ 好爽口豬大腸 $58 ~ 好吸味黃沙豬潤 $48 ~ 輕輕等佢整熟即食，好爽口冇根。鮮蝦雲吞 $48 ~ 大大隻蝦係入面，正。香脆炸魚皮 $38 ~ 每日新鮮入貨返來炸，大大片好脆，就咁食又得， 打邊爐到點一點掛汁又正。道地野飲 $15支 ~我地叫了3支提一提以上打邊爐材料 5送一， 會送最平那款。

今日去咗葵芳等我朋友收工之後食宵夜，等吓等吓都等到差唔多12點，見到呢間餐廳仲未收，所以去咗呢間餐廳度食。呢間餐廳比預期嘅大，佢哋枱與枱之間都仲有好多空位，唔似一般食雞煲嘅餐廳比較狹窄。摩芋麻辣雞煲（$158）魔芋其實即係蒟蒻，蒟蒻可以降血糖、降膽固醇、血壓和血脂，又可以改善便祕，所以其實都幾健康。雞煲半隻都比預期嘅大份，都好入味，今次叫咗小辣，下次可以挑戰中辣！尖椒豆腐干炒五花腩（$98）五花腩數目唔算少，但係相反豆腐干就偏少喇😂呢碟餸炒到好香。金鑽一口脆豆腐（$68）呢個真係一定要叫！好脆，一咬落去就好滑，呢碟餸食完一舊又一舊，完全停唔到口。手撕包菜（$68）呢碟菜帶有甜味，食完好開胃，同埋啲菜都好爽。

在嚟食大不如以前。。。。。。。。魔芋麻辣雞味道唔同咗。。。。。。重味咗。。。。。。。。。。。。。。。食味精感覺。。。。。。。。。。。。搞到哎多咗兩支青島。。。。。。。。兩個小菜就一個淡一個重味可能唔同師傅炒。。。。。。。。。。。或者廚房換咗師傅。。。。。。。。。。埋單時。。。。。。。。。。。。。。。。。個肥老闆掛住同青島妹吹水。。。。。感覺e+魔芋不如以前。。。。。。。。。。。。。。。。。。。。。。