影片
更多
2019-09-12
86 浏览
今日去荃灣探個朋友朋友就話想食雞煲仲話帶我去食好西咁話本來我都諗住係就下佢啦純粹去食餐飯就算點知真係好驚喜佢帶左我去葵涌一間叫“魔芋麻辣雞”既鋪頭係外面望入去，同一般茶記都係差唔多由於地點都幾偏，落車都行左十幾分鐘先到行過望到都唔會太起眼我朋友就一馬當先行入去我望到都係一般食炒小菜既茶記一樣不過就幾乾淨，地下都好乾爽，唔會油淋淋燈火光猛，感覺都幾“精神”我全程都係交比我朋友“發板”好啦，戲肉黎啦！招牌魔芋麻辣雞煲一黎就打大佬，望落賣相就已經好吸引，份量真係好大，材料又多，我地只係叫左半隻雞架炸！聰明既我梗係試左我未聽過既魔芋先啦，一入口好似粉皮，但咬落又幾爽口似豬皮，不過好滑好有口感。麻辣雞好滑好嫩，非常入味，入口覺得好刺激，有d辣但又好快消失，嘴唇會麻麻地，會令你好想又食第二啖，第三啖，好過癮！略略講下配料，紫洋蔥好爽口好甜，莞茜味好香，配合雞/魔芋一齊食會提升層次！第二道～湖南椒炒鮮魷辣椒味同平時食既好唔同，雖然好辣，但唔會接受唔到，因為好香，同鮮魷配合度好高，最重要係夠哂鑊氣，配飯食一流！順帶一提，個份量真係好多，唔好比張圖呃到！食完雞煲已經五六成飽但係又想試埋打邊爐，所以嗌左兩
朋友就話想食雞煲
仲話帶我去食好西咁話
本來我都諗住係就下佢啦
純粹去食餐飯就算
點知真係好驚喜
佢帶左我去葵涌一間叫“魔芋麻辣雞”既鋪頭
係外面望入去，同一般茶記都係差唔多
由於地點都幾偏，落車都行左十幾分鐘先到
行過望到都唔會太起眼
我朋友就一馬當先行入去
我望到都係一般食炒小菜既茶記一樣
不過就幾乾淨，地下都好乾爽，唔會油淋淋
燈火光猛，感覺都幾“精神”
我全程都係交比我朋友“發板”
好啦，戲肉黎啦！
招牌魔芋麻辣雞
13 浏览
0 赞好
0 留言
招牌魔芋麻辣雞煲
一黎就打大佬，望落賣相就已經好吸引，份量真係好大，材料又多，我地只係叫左半隻雞架炸！聰明既我梗係試左我未聽過既魔芋先啦，一入口好似粉皮，但咬落又幾爽口似豬皮，不過好滑好有口感。
麻辣雞好滑好嫩，非常入味，入口覺得好刺激，有d辣但又好快消失，嘴唇會麻麻地，會令你好想又食第二啖，第三啖，好過癮！
略略講下配料，紫洋蔥好爽口好甜，莞茜味好香，配合雞/魔芋一齊食會提升層次！
湖南椒炒鮮魷
16 浏览
0 赞好
0 留言
第二道～湖南椒炒鮮魷
辣椒味同平時食既好唔同，雖然好辣，但唔會接受唔到，因為好香，同鮮魷配合度好高，最重要係夠哂鑊氣，配飯食一流！順帶一提，個份量真係好多，唔好比張圖呃到！
鮮滑牛
12 浏览
0 赞好
0 留言
9 浏览
0 赞好
0 留言
8 浏览
0 赞好
0 留言
食完雞煲已經五六成飽
但係又想試埋打邊爐，所以嗌左兩，三樣野
果然打邊爐不可能無牛肉，個滑牛真係好出色，嫩而不肥，講真好小可食舊牛肉仲滑過舊雞雖然鮮菇拼盤同牛柏葉就無乜特別，本身材料係唔會有味，但係放左落個麻辣湯到，又提升左一個層次，吸收哂麻辣雞既味道，出面食牛栢葉通常都切到好細舊，不過依度好明顯係賣大包，厚切牛栢葉真係好爽口，大大啖咁好滿足！
因為我朋友係唔飲酒既，我又唔好甜野，所以就叫左支解。綠茶，正常野啦，不過幾解油膩，雖然$15支真係有d貴
總括黎講，我覺得依到既雞煲可以話係我食過既雞煲無第一都有第二，伙記態度都隨和，不過太忙所以有時睇唔到我都好正常xd
地方唔算好大不過唔迫，食物質素非常新鮮，食得出係新鮮走地雞，新鮮既鮮魷！價錢合理，本來會覺得貴，但係出到黎既份量真係好大碟，份量好足，都幾岩一家大細或者約大班朋友食晚飯，大家傾下計吹下水，又試多幾款野！
最後兩個人埋單$500
平均每人$250，出面打邊爐都要啦！
招牌魔芋
7 浏览
0 赞好
0 留言
要食！必食！包你翻唔到轉頭！
张贴
