魔芋麻辣雞 (已結業)

身處葵興有朋友突然間想食雞煲求其入咗呢間試大排檔feel，啲人邊食麻辣鍋邊食煙隊啤適合麻甩仔麻甩女食叫咗個佢招牌嘅魔芋麻辣雞煲開頭以為魔芋係間嘢個名自己有啲大鄉里原來魔芋即係類似蒟蒻食落有煙韌感，有啲似年糕魔芋又幾好食！無熱量之餘，仲要有飽肚感雞煲四圍都有，我覺得魔芋仲好食過啲雞我唔太食得好辣，雞煲我哋叫咗微辣但原來微辣都幾辣吓只係食雞煲叫唔辣又唔太好味，一定要有辣味先好味雞件係雞髀雞背雞翼等連骨雞肉多，我就幾啱連骨雞肉一般比較滑嫩今次呢個雞煲味道好麻好辣麻辣味超重，嗜辣嘅人會好啱食叫咗少少配菜，有西洋菜/豬頸肉/香菇貢丸貢丸好重冬菇味，唔太索湯豬頸肉有肉感，都唔算好索湯西洋菜值得推介，索湯之餘亦清甜，可能呢個天氣啱食仲有西洋菜放落麻辣鍋後，雖然有麻感，但辣味唔算好重反而比雞更吸收雞煲醬汁

魔芋火鍋，其實之前都聽過好多次，都講好好食，今日終於有機會來到試一試，會唔會名過於實。今次來食醉雞鍋，個煲一上來已經聞到好香的湯底味，雞同鍋係分開上的，所以見到隻雞整得好好，真係用足材料同酒來整，落隻雞落個鍋後，傳上來的味道真係忍唔住想馬上食，等左一下，終於可以食得，食落隻雞真係好滑肉質好嫩。之後食火鍋，想唔到最好食的係牛丸，佢應該係用牛筋丸，所以比出面其它的牛肉都好食好多。因為有朋友唔食羊, 唯有下次再來試一試佢個羊腩煲，睇下會唔會有更加多驚喜。

有次同同事撘車經過光輝圍，同事話喺呢到食過間好好味嘅雞煲，不過唔記得鋪頭名，淨係記得有個”芋”字😂喺葵涌一帶，有個”芋”字嘅餐廳都冇乜，所以好容易就搵到呢家”魔芋麻辣雞”出嚟✌🏻我地叫咗魔芋麻辣雞煲(半隻)，一個椒鹽鮮魷，一個粟米魚肚羹，兩個人食，每人二百蚊都唔洗，食到捧住個肚走，好抵食！☀️招牌魔芋麻辣雞煲(半隻) $158雞煲食得多，魔芋雞煲真係第一次！另外估唔到半隻份量都幾大煲！雞煲上枱時八成熟，全程有阿姐幫手炒熟，由於啲雞唔係全熟再翻熱，所以雞肉特別嫩滑juicy！香料配菜都好多，好惹味，雞肉又入哂味，食到停唔到口😋魔芋彈牙，配麻辣好過癮。☀️椒鹽鮮魷 $98好欣賞佢嘅炸漿只有薄薄一層，唔會食得成口炸粉！而且火候掌握得好，炸得外表金黃香脆！鮮魷保持鮮嫩，肉質軟腍彈牙🤤而且鮮魷切得厚身！食落啖啖肉👍🏻☀️粟米魚肚羹 $88好足料嘅魚肚羹！粟米新鮮香甜爽脆，魚肚彈牙👍🏻由於第日仲要返工，今次就冇飲酒🍻留返下次星期五收工再嚟過！

今天來到葵涌，朋友說起這間火鍋可以飲野、又可以食雞煲、又可打邊爐、可以迎合不同的客人，味，我們進店後就下單，環境都非常寬敞，兩人位老闆都比四人位我們，另外還有一間附有電視的房間可供訂，以現時香港寸金尺土，可做到這樣多元化的餐廳已經買少見少了，以下就是我們點了的菜式：湯底：香茜皮蛋豆腐鍋$68本人比較喜歡香茜，這個香茜值得一讚，比普通的香口很多，湯底及夠濃郁配料：豬紅 $48 十分彈牙、爽口中山脆肉鯇片$88很新鮮，爽脆黃鱔片 $88第一次吃，都可以唐蒿$48分量剛剛好飲品：1支青島啤酒$25小食：香脆炸魚皮$38

近來天氣轉冷，最想吃的當然是暖烘烘的雞煲。我和朋友都愛吃辣，毫不猶豫點了半份的魔芋麻辣雞（$158），可以選小、中、大辣，第一次只敢點小辣試試。半份的雞煲份量也相當驚人，店員會幫我們攬拌，直至雞煲熟透可以進食。攬拌的時候真是香氣四溢，聞到濃烈的麻辣香。雞件非常嫩滑，也很入味，另外魔芋也吸索了湯汁，變得非常惹味呢。品嚐過雞煲後，可以叫店員倒入火鍋湯底，然後加入火鍋配料。我們點了雜菜盆、魚蛋、水晶粉和鯇片。特別一讚是鯇魚片，相當新鮮呢！下次會再來試試中辣的雞煲。

在附近處理完正事就去找間餐廳吃晚飯，剛好看到吃雞煲的，二話不說衝衝衝😹 天氣太冷，吃雞煲一流✌️食物有很多款式: 雞煲、醉菜魚、小菜等等，不過我們只有兩個人，就先試過雞煲💕💕點了香辣雞煲半隻。份量頗多，雞肉夠雞味又滑，而且辣味剛剛好，香噴噴很惹味。特別一提的是雞煲內一塊塊的不是洋蔥，而是魔芋！老闆娘說這是她的家鄉特產，每天新鮮現制，非常爽口，飽肚而且熱量又低，減低了雞煲的油膩感。就算吃了雞煲，罪惡感都少一點嘛🤣🤣 最後還是忍不住點了碗白飯送汁，太正了😛另外還點了韭菜餃、豬大腸和油麥菜做配料😋 韭菜餃很足料，韭菜味濃。豬大腸吸滿辣汁又軟淋。喜歡這個暖暖的晚上🥰

今晚同中同聚，一大班人就緊係去食雞煲同打邊爐嫁啦，又吾想去到甘遠，就近近地係屋企附近搵左間。依間雞煲係葵涌開左好多年，次次撘車經過都見到，今次終場有機會試下。我地5個人，叫左一隻雞，$258，吾算貴。雞煲好入味。用個砂鍋上，傳熱好似會快啲。之後我地再叫左幾個菜打邊爐，當中有幾個菜都幾推薦，價錢大約係$38-$48左右，有少少偏貴，但質素高，份量夠。好似豬紅甘，好少火鍋店會有，而且係好味既，新鮮易入口。牛栢葉都不錯。我地仲有叫生菜，吾食啲菜點得呀。

天氣真係凍左好多，所以今日收左工之後，小編就同左朋友去左食雞煲加打邊爐。餐廳7點已經好多人，好多枱都有booking。難得仲有一張枱比我地。🐔魔芋奇味雞煲(不辣)一隻 - $258黎到緊係要試下佢個魔芋，煙煙韌韌的，似唧哩甘。雞煲好足料，叫吾辣都好香。除左雞煲仲有烤魚，都好似好吸引，下次要試下。🥬皇帝菜 - $48依個真係吾係到到都有得食。🌱金菇菜 - $38打邊爐吾少得金菇呀。🐖豬頸肉 - $48估吾到個份量甘多，我地都食吾曬。肉夠爽口彈牙。💧山水豆腐 - $28

今日番工時凍凍地，就即興約個同事放工去打下邊爐，但又唔想出到咁遠，就係附近搵左間雞煲試下因為得兩個人食唔多，就叫左半隻雞（bb辣），跟住有好多火鍋配料選擇，奈何同行同事唔食內臟所以點左午餐肉，鮮蝦雲吞，響玲，唐生菜雞煲好多好多配菜，有一般既紫洋蔥，香菜等，最特別既有魔芋原本在選火鍋配料時也想叫，但魔芋一般就是軟淋淋像啫喱，有d奇怪所以就放棄了侍應話魔芋是老闆娘自家製一定要試，反正雞煲有跟，試下都有壞既真的跟想像不同，好爽口又入味，非常值得叫bb辣雞煲對我來說剛剛可以接受，但加湯後就比較淡味，個人建議可以再濃味小小雞煲的雞件可以切大舊小小午餐肉原來同雞煲好夾嫁，鮮蝦雲吞鮮味十足，雞煲必備既響玲，如果再脆d就好喇

今晚本身同男朋友諗住黎試下呢間雞煲，但今晚臨時要開工，不過都阻止唔到我地食雞煲既念頭😂由於距離我開工時間唔多，所以一坐低就決定叫左個半隻招牌魔芋麻辣雞煲先，好彩呢度個上菜速度都幾快，個雞煲都唔算細，最特別之處就係個雞煲入面加左魔芋，食落口感唔錯。我地個雞煲叫左小辣，不過都已經好夠味，辣度岩岩好，唔會食到好辛苦。呢度個雞煲汁好惹味，我同男朋友都決定一人叫個白飯配雞煲食。個雞煲另外我最欣賞既係魔芋，平時食雞煲，一開始會淨係食雞件，因為要清哂d雞件再打邊爐，不過前期會食雞件食到有d膩，但原來加左魔芋除左食完會輕微減到個油膩感，仲唔會有淨係食雞件咁齋既問題！👍🏻好可惜今晚臨時開工，所以唔夠時間打邊爐，唯有另外叫左個小菜就算，最後叫左個啫啫生菜，味道都幾好，最重要配料都落得幾重手，有好多肉碎同大大條既蝦乾。😍呢間個雞煲好想再encore，不過睇menu見到呢度仲有烤魚煲都好想試下。

葵涌平時真係好少去呢個地方如果唔係今日黎廠整野真係唔會黎呢到,咁啱又有個朋友係附近住就順便問佢得唔得閒一整食飲傾下計.佢帶左我去一間佢屋企附近新開既雞煲店吹水食野.魔芋奇味雞煲平時聽魔芋用黎減肥就聽得多但真係食又未試過.雞煲用gas爐炒熱內裏魔芋份量都幾多切成一片片,味道幾香內有好多蒜,洋蔥,芫荽調味,雞煲醬香.雞肉質感唔鞋有彈性入晒味.魔芋食落幾爽似食緊大菜糕咁但多左份軟淋既感覺.手打墨魚滑墨魚好香食落好新鮮內裏有少少墨魚粒.煮熟後少少脹卜卜.滑薯粉薯粉好煙韌快熟,質感都乙滑溜,好快吸晒雞煲既精華醬汁好惹味.雲耳蝦乾魚肚浸勝瓜好足勝瓜同魚肚,魚肚咬落無沙,勝瓜香甜食完d濃味野食返少少清淡既瓜菜即刻平衡返晒.

秋風起又係打邊爐嘅時候，屋企附近有間雞煲火鍋店，行過門口都成日聞到好香嘅麻辣味，今日涼涼地就去試吓。鋪頭叫魔芋雞煲，緊係要試吓佢嘅雞煲啦，叫咗麻辣中辣，其實都幾辣，唔食得好辣就叫小辣就已經足夠。雞煲上枱，佢嘅麻辣香味已經攻入鼻，食落非常惹味，有大量蔥、蒜同洋蔥一齊煮雞煲，雞肉好嫩滑，冇overcook,而且勁入味，送酒一流，最特別係加埋d魔芋落雞煲，煙煙韌韌，好好食。呢個雞煲份量都幾多，所以只叫咗2款火鍋配料，牛柏葉勁大碟，淥一淥吸收d湯汁，好味爽口，貢丸勁彈牙，入面咬落好juice,同涷肉鋪果d完全唔同，好好食。

每日放工都會經過這間「魔芋麻辣雞」餐廳招牌寫住雞煲、烤魚、小菜，非常吸引，今日放工就約朋友來試試！這裡光顧的客人有很多，有一家人，朋友，同事等等，一陣就差不多坐爆哂了！1.烤鯇魚(微辣)這裡的烤魚就算微辣都是有點辣啊！老闆說因為是正宗川菜，所以可能都會有點辣。看到我們好像太辣，所以很貼心地幫我們加湯。味道方面，有很多配料所以很香，莞茜、豆芽、萵荀，都是四川小菜常見的配料。每樣食物都吸滿麻辣湯底的精華，所以真的很入味～ 鯇魚都煮得剛剛好，不會太焾，就算煮了一陣都不易散。（份量很多，半條鯇魚有這麼多嗎？）2.沙嗲金菇肥牛煲足料到不得了，無論牛肉還是金菇都有很多，而且加了很多粉絲，其實單點這個加一碗白飯已經很夠！ 味道方面，有很微很微的辣，沙嗲味濃，粉絲吸了沙嗲汁超入味，很配飯。而且粉絲是煙煙韌韌的，不易斷，很有飽足感！我們還偷影旁邊的客人的餸菜，超級大份，一上菜，他們都非常驚訝，只是兩個人，吃了超級多的食物。(他們之前還吃了雞煲......)可想而知這間店的菜式價錢不貴，味道都很好。

之前揸車經過發現呢度泊位好方便，夜晚就同老公試吓初時以為呢度只係打邊爐，結果原來有好多唔同種類嘅嘢食，有小菜，四川菜都有。老闆娘介紹咗招牌墨魚餅，我哋都幾鍾意食煎炸野所以就試試。墨魚餅果然彈牙而且夠厚肉，外面炸得非常鬆脆好有水準。😋食到舔舔脷有墨魚粒粒好咬口另外老闆娘都介紹咗四川手撕包心菜，本來諗住冇乜特別就叫過菜食下。點知有驚喜！菜炒得非常爽口，火候啱啱好，而且帶少少鎮江醋和微微辣味同包心菜非常夾。呢種火候唔係一般家庭小菜可以做得到，最後發現用呢個汁，點墨魚餅食勁正㗎！最後加埋上湯鹽水蜆，蜆肉都大粒又冇沙，而且個湯冇過咸。蜆肉略嫌煮耐左少少，d d銀，但湯底好味總括嚟講環境唔錯，有大排檔既火候但就坐得舒服乾淨。菜式種類多而且有水準，下次會再嚟試其他菜式。丨

一個人食雞煲，加支啤酒，加埋響鈴同滑牛，簡直係完美。聽講原來依間野好耐之前已經有，不過佢都係而家喺呢個位我先來第一次。不食由此可，一食真係返唔到轉頭。食完就知道點解呢間打邊爐餐廳叫做魔芋。原來所有雞煲都會加魔芋，魔芋係一種植物，整到一舊舊咁 ，口感QQ。加埋雞煲嘅辣真係好好食，完全係追住黎食。雞上枱嘅時候仲係八成熟，係我面前再炒多一陣就食得。食完雞煲就加水打邊爐，呢啲就係指定動作啦。咁我就叫咗響鈴同埋滑牛，正。