高興 (已結業)

今日一早已經book左呢到食生日飯!所以未去到已經有d小期待！餐廳位於工業大廈比較深入位置，建議可以係門口加多d指示牌，方便顧客入內。一入到餐廳，就發覺環境佈置特別，走懷舊風，亦好有文青既感覺，環境相當不錯！最正係當晚仲有live band呀！⭐️柚子大蝦沙律（$62）⭐️牛油果鮮蝦配墨西哥片（$44）⭐️英式炸魚配粗薯條（$48）沙律》醬汁十分美味加埋花生 & 蝦 & 柚子果肉一齊食，好fresh！墨西哥片》配牛油果醬食，原來咁夾！份量仲好多添，大家都食唔哂！炸魚薯條》炸得夠香脆！唔會淋哂！⭐️美國頂級肉眼扒-9安士 （$158）牛扒叫左7成熟，有少少偏向9成既感覺。所以肉汁唔算好多，而且牛扒偏薄，但牛扒唔算多肥膏，亦唔多根，整體性價比合理。⭐️海鮮意大利飯 （$72）味道不過不失，汁料比較濕潤，略厭不夠creamy。⭐️茄湯吉列豬扒烏冬鍋（$62）雖然叫茄湯，但原來入面加入了泡菜即刻變左韓國風味！辣辣地，又幾惹味！⭐️日式咖哩牛肉漢堡溫泉蛋飯（$66）咖哩汁甜甜地，配埋厚切漢堡扒，好正呀⭐️檸檬忌廉楓糖Pancake ($50)口感比較厚實，檸檬嘅酸味 配上楓糖甜味，味道清新特別，啱哂夏日！總括哩

發神經想食All day breakfast, 又想去高興玩下，於是晌高興嗌All day breakfast, 然後中伏了。 世紀難食parma ham, 加暖暖地既沙律菜，淨係呢兩樣都食到我覺得驚。好明顯係所有材料擺盤次序錯晒，而且用錯弧形碟，搞到食物聚埋一堆 😖 首先parma ham 好似晌室溫放左好耐，食落一陣豬騷臭，食左半塊已經唔想食。沙律菜堆近炒菇同茄汁豆，令到菜好似煮過咁，暖暖地 😖感覺好怪。 炒菇同茄汁豆okay。腸有兩大條，都係芝士腸，但誠意欠奉，只得水烚而無煎過。蕃茄煎得唔錯，但落得太多胡椒，蓋過晒蕃茄味。塊多士就更衰，烘到又硬又燶，果醬一大淠填滿晒成塊，搞到勁甜。我好懷疑，到底整果個，或者店主有無曾經試食過自己出品既多士加jam，到底知唔知道多士同jam既比例係幾多先會好食？ 不過我諗佢地都無，若果唔係點解咁簡單既野都可以整得咁難食😰 最後我刮走左半淠jam還返比隻碟，夾硬食埋塊硬多士，但舊粗燶邊真係吞唔落。餐送既果汁係果汁先生橙汁... 食物質素差，環境再有趣，都係去一次算。

觀塘呢幾年多左好多工廈餐廳，地舖租金貴，大家都紛紛上哂樓。呢種cafe我試過好多間了，但呢間係第一間我覺得會返泥食嘅一間！係openrice見到呢間評價都唔錯嘅，就同家姐泥試一試。佢距離地鐵站唔太遠，大約五分鐘嘅路程。工業就唔太搵，難就難在到左工廈但我地搵唔到餐廳個入口😅佢間舖係係地下，但我地就搵極都搵唔到個入口，原來係要穿過個大堂門口，再經過另道門入，咁你就會見到呢個門口喇，我地都係問個看更先知。舖入面其實都好大好多位，星期六嘅中午都可以坐滿呢😯舖入面仲有啲玩懷舊嘅corner。我同家姐一共叫左兩個lunch set同一個小食, lunch set包一杯野飲。- 香辣茄茸鮮蝦意大利粉 $58👍🏻一上泥就好香嘅蕃茄味，食落就有小小辣，蝦都有四大隻，佢啲茄茸做得好好味小小酸又帶啲甜咁，真心好唔錯！- 蒜香煙肉蘆筍意大利粉 $58👍🏻落單時候店員已經同我地講今日冇蘆筍，我地又冇咩所謂，所以都照叫。可能係冇左蘆筍嘅關係，個意粉係超多超多煙肉，每一啖都可以有好多煙肉，又多蒜，成件事好邪惡😋- 熱情果冰茶 跟餐 +$15- 美式咖啡 跟餐 +$17兩杯野飲都正正常常，冇咩特別- 黑松露醬粗薯條

午市時間, 穿過觀塘街道, 來到成業工業大廈, 一點前來到, 好彩唔洗等位。約左朋友食午餐, 試下來這裡食飯。 午市選擇算多, 有意粉, 焗飯, 沙律, 小食等等。餐廳裝修走年輕風格,木餐桌, 工業風吊燈, 有個小舞台, 座位都算多。食物好快送到, 焗飯做得出色, 豬扒大件, 飯亦夠香, 茄醬配搭剛好! 要提下設計"點餐步驟"也很有心思, Step1 提客戶要有高興的心情; 還有提醒去Casher埋單。整體午餐經驗愉快, 食品有水準!一定會再返來食飯! 在觀塘食午餐不妨來高興下!

觀塘近年工廠區越開越多特色cafe，不過好多間都星期日休息，大概因爲是工廠區的寫字樓都放假吧，生意不會太多。今個星期日難得找到尼間沒有休息而且挺特別的cafe和朋友來個休閒午餐🥣這間店名叫「高興」，看到笑哈哈😄大概是想每個進來的客人也能高高興興吧店鋪工廠大廈的地面，店內也比較寬闊，信號📶收得不太好，但有提供Wifi方便大家上網開門不久就來了，所以好多位內在環境設計別有用心，也有夾band台For music solo也是其中一個打卡位今日來沒有叫午餐🥣，叫了個《大家高興all day breakfast 🍳 》$74還送果汁🍹尼個價錢比起平時食既算好平因爲有好多材料仲包飲品等左大概十幾分鐘就上碟了，望落好豐富有 兩條腸，而腸仔入面有芝士、另外有烤番茄🍅、沙律🥗、炒蛋、香菇、茄汁豆、煙火腿同埋果醬牛油多士食完真係超飽，不過個煙火腿太鹹，果汁係普通橙汁。其餘都整得好好味最緊要抵食添尼邊位置美美的又一打卡焦點另外叫左店內有名既《檸檬忌廉楓糖🍋pancake》$50Pancake夾住檸檬塊，食落酸酸甜甜好開胃，因為佢既忌廉同楓糖不會太甜即使食飽都食得落Pancake同平日食既有d吾同，佢既pa

高高興興吃東西😋今次去食第二次了，能夠吸引我一去再去，只因環境舒適有格調同時食物質素都無令人失望。所以我決定一定要同大家分享！店内空間唔侷促，坐位夠多，一般都可以walk in 入去享用，今次我係tea time 時段去到。先㴝一個沙律🥗繼而主食之後再加一個甜品，十分滿足啦！💚柚子大蝦沙律估佢唔到，一上枱嘅時候見到佢用花生去做沙律，食落原來仲有陣陣嘅椰奶香味！清甜清新啊😋💚豆豉鯪魚炒意粉依個仲驚喜！居然用豆鼓鯪魚撞去意粉，加上九層塔同小小辣椒🌶️，衰鬼又幾盞鬼好食喎😆💚麥提莎班戟我第二次食啦😋😋😋依個班戟熱呼呼的，即叫即做，加上朱古力雪糕！太邪惡但又太好味啦！有機會試埋佢其他班戟先🤗

觀塘工業大廈地下，仲要係過咗管理處，直走推防塵門，再經好似後走廊再向前行，見到有個高興的食物招牌才到。入到餐廳內，又是另一個境象。餐廳佈置成不同的懷舊老地方，有洗髮店、小巴牌、舊式拉閘、霓虹燈等，是打卡好地方。試過下午茶和晚餐，下午茶選了高興公司三文冶，餡料有別於一般，有燒雞肉和煙火腿，沙律菜和蕃茄，仲係多士添，唔肥膩又清新。晚餐試了海鮮意大利飯，意大利飯和海鲜是分開煑的。青口、蜆肉、蝦和帶子都是煎得很香脆，尤其蜆肉，很鮮味。意大利飯並非煑到咬落飯中會比較硬的意式飯的質感，全部飯都是軟淋，好creamy。抹茶Latte，一次拉花成心心，一次為天鵝，都好可愛。飲落好滑，抹茶味濃，唔太甜，值得推介。

1. Double layer!2. Smoking hot pancake with cold ice cream3. Mashmallows give a funny and delicious touch up to the pancake4. Oreo crumbs on the side (wish there were more)5. Money worthy (HKD$55 only)

星期六下午，天氣好好，同朋友去下搵食見呢間裝修好特別，好多影相位，決定就去呢間！位置真係有些難搵，係工廈地面既另一個入口。不過入去走廊已見到高興個大牌，好吸睛👀裝修好懷舊風味，好多影相位，好特別。人流都算多，好在都即刻有位。午餐，我們叫左白汁蘑菇雞肉意粉同蒜香欖油煙肉燴意大利粉雞肉有少少硬，味道普通，淡口d。連磨茹都無乜味，反而意粉幾彈牙。蒜香欖油煙肉燴意粉。呢個味道濃d，可能蒜香吊味，煙肉咸咸地，食落都可以，意粉都彈牙。叫多個小食，黑松露醬粗薯條。份量都幾大份，熱辣辣，幾脆口好食飲品方面，叫左杯榛果摩卡。咖啡味較微，朱古力味重，好味

2018年5月27日。晴。觀塘。呢晚約咗朋友喺觀塘食飯諗住咁多工廈，咁多餐廳，要有排諗食咩朋友就提議佢食過呢間唔錯咁就唔洗諗啦～星期日晚6點幾上到去，有少少難搵，要經停車場閘口先入到去門口牆身有啲塗鴉咁嘅畫入到去唔算多人，靠牆嗰邊嘅長沙發無人坐餐廳嘅裝修走懷舊香港風有啲霓虹燈燈箱裝飾，一入門口嘅corner設計咗好似舊式理髮廳嘅位，幾有趣餐廳嘅另一邊有個台，睇來可以俾人表演，可能有時會有live band show（？！）如果係嘅話個氣氛應該唔錯落完單啲野食好快就到齊啦呢個黑松露醬粗薯條不得了！咁大兜都只係$42，薯條香脆，黑松露醬唔知係唔係現成嘅，但係都好濃郁足料，啲醬我哋全部食晒！大推！高興必點之選！蒜香雞肉橄欖油意粉少辣，不過恰到好處雞肉好多，但我鍾意個意粉多啲，未做到al dente，韌度都ok，惹味可口反而個意大利飯就無乜驚喜，海鮮都幾足料嘅，有青口、大蝦、帶子同蜆肉意大利飯嘅質地太腍，有少少水汪汪嘅感覺味道亦偏淡飲品方面飲得出係用糖漿調出來，但味道都唔錯，唔會過甜，沙冰顏色好靚，不過味道都係偏淡餐廳免加一，絶對抵食！！

痴痴呆呆， 坐埋一枱 ！ 哈哈哈哈哈 ~ 不知幾精靈呢， 餐廳個名字改得很好， 食飯要高高興興哦！呢間餐廳， 有世界不同國家的菜式， 咁就啱曬不同國籍的人啦！日式咖哩漢堡牛肉温泉蛋飯 ~ 日式的咖哩汁比較甜味， 超多汁！ 配上紫菜香口濃味， 隻溫泉蛋夠曬嫩口 蕃茄蝦乾大蝦意粉， 講明先，有d辣的，正好我是辣妹子 味道很惹味， 每條意粉都沾上番茄汁，正！朱古力香蕉 Pancake , 超大份, 5個人 share 都夠, "笨啦啦" 生熟程度剛剛好!合理價錢，下次會再光臨呢!

今日等睇戲之前要醫一醫肚先，對於觀塘工廠區既cafe同餐廳我都非常有興趣，所以都成日上openrice度睇。今次揀左呢間個名好特別既cafe，四點左右去度有tea食，叫左個公司三文治加杯cappuccino 。個公治好足料，麵包亦都烘得好脆好香口，用紙包起黎揸住食非常方便。杯cappuccino 個拉花都拉得好靚，咖啡味都好濃郁。環境都算幾嘈，唔係靜到烏蠅飛過都聽到既cafe，所以大聲啲講野都無問題。要多多支持呢啲唔係連鎖既工廈cafe

平日LUNCH時段,周圍都多人,早少少黎搵位唔使等即刻有位。叫左三個餐,豬扒拼龍俐柳中中亭亭,唔係話難食又唔係好好食,但就超大份,大食GE男士們都一定夠飽GE份量,小食的話就建議叫之前叫少飯,如果唔係食唔哂好浪費。個龍俐柳有雪藏味,淨係有呢個小問題姐。肉眼扒呢個真係難食,好UN,食得超辛苦,仲要叫左7成熟,但煎到超生,好多血水出果種,唔鐘意食太生GE朋友結果冇食哂。燒雞沙律如果唔係因為呢個沙律,呢篇食評我會俾負評,肉眼負哂分,但呢個沙律,中立D講句,係真係好食GE,而且份量好足,食沙律都一定夠飽果種。材料好新鮮,沙律醬唔多唔少岩岩好,味道一流!下次再黎GE話我淨係會食沙律環境OK,D人話裝修好靚好懷舊,但LUNCH 咁忙,理得佢裝修靚唔靚,乾淨就可以LA,同埋呢度枱放得幾密,滿座時會好嘈,談心平日午餐就唔好黎LA。題外話,侍應面黑黑,呢度唔係叫高興嗎?

於觀塘工廠區內的餐廳多得不能盡數，唯有每次來的時候都找朋友帶路吧！這次朋友便介紹了這家餐廳名頗有趣的給我～不止店名喔～連店內的裝潢也滿有特色，特別是一推門看到那邊位置裝修成理髮廳的模樣。另外一個角落還有一個小小的舞台，整體有著懷舊的味道。這店不設加一服務費，水和餐具基本上是自助的。晚上時間不見有套餐餐牌，所以和朋友散點了一份小食、主食、飲品和甜品！先來 - 薄脆薯格配韓式芝士醬 ($38)確實很香脆！吃落很香口，配上惹味鹹香的芝士醬更吸引！主食選的則是 - 番茄蝦乾大蝦意大利粉 ($72)這個比想像中的還要辣 (最後吃多幾口還是點了飲品)！！番茄和蝦乾也切成粒，所以每吃一啖也能吃得到，讓整體的味道更為豐富。大蝦的口感亦不錯，結實得來彈牙！甜品則選了 - 肉桂蘋果高興煎餅 ($54)沒想到煎餅鬆軟得來份量十足～兩者平衡得剛剛好，還有滿滿的蛋香！而且蘋果也有很多喔～入口酸酸甜甜的，有很重的肉桂味說～加上雪糕和醬會偏甜了點。飲品～我那杯 綠茶沙冰 ($34) 真的好淡 .... 而且比同價錢的沙冰還要細杯。朋友點的是 - 雜莓乳酪沙冰 ($34) 相對這杯會有味得多就是了～不過朋友說上面的C

第一次食就撞剽有live band , 8點開始唱一個鐘, 餐廳環境同氣份都好好只不過如果要靜靜傾計, 就未係一個好好既選擇喇輕食左個沙律,  普普通通, 算係幾夠份量幾夠菜!另外試左兩個甜品無花無假中央係一塊檸檬, 係真實的檸檬pancake!酸到喊.....之餘仲有啲sour cream on the side LOLpancake本身個質地唔錯....不過真係酸到唔算甜品朱古力pancake板回一城,  pancake鬆軟,  甜而不漏總結,  唔洗對食有太大期望, 但氣份環境係堅好ge!