高興 (已結業)

星期五晚約左幾個朋友食飯，方便大家就腳簡左喺觀塘既工廈搵食。最後我地決定去哩間高興食，因為見到個名都開心啦😃餐廳環境闊落，而且樓底好高，完全唔會有壓迫感。裝修走摩登年輕化路線，一入門口既員工休息區就整到好似髮廊咁玩味十足，而餐廳入面既正中間有個類似舞台既角落，上面掛住高興既燈牌同一個哈哈笑，影相打卡一流👍🏻野食方面我地4個人叫左一個沙律，兩個小食，兩個主菜同一份牛排。柚子大蝦沙律味道酸酸甜甜，配上新鮮既蔬菜同口感爽脆既大蝦，非常開胃。水牛城雞中翼配芝士醬雞翼香辣惹味，配上芝士醬，中和左少少辣味，成個味道層次變得更加豐富。黑松露醬粗薯條薯條即炸，香脆好味而且粗薯條既口感更佳，黑松露醬味道突出，如果鍾意黑松露必試。意式蕃茄帶子意大利粉帶子有半隻掌心咁大，鮮甜多汁口感爽脆。意粉煮既時間岩岩好唔好太軟。日式咖哩漢堡溫泉蛋飯漢堡肉汁豐富而且份量十足，溫泉蛋拌日式咖哩飯食，味道口感出色🤤9安士頂級美國肉眼扒肉質彈牙，肉汁豐富而且夠厚。食落滿足咁十足，配上有熱浪既薯條。最後叫左個麥提莎pancakePancake厚實有份量，4個人都夠食。配上濃厚既朱古力醬同麥提莎，為成餐做個完美既結尾👍🏻👍🏻👍🏻

逢星期六係觀塘學完畫畫都會發掘下觀塘有咩特色美食 今次search到呢間叫高興既餐廳試一試！一去到門口見到只招待此大廈職員以為唔收街客😂但最後都成功闖左入去 其實無野😂嗌左個all day breakfast同麥提莎pancakeAll day breakfast好味！其實如果難食都幾大獲😂不過呢間既蛋係炒得好味好滑既！麥提莎pancake 其實嗌前都睇左食評話麻麻 但個日真係好想食pancake所以忍唔住都係嗌左😆pancake唔係鬆軟既 實過m記既熱香餅 甚至好似有啲粉既texture 麥提莎味無咩 除左食個幾粒真麥提莎之外 其他都係朱古力味裝飾係有花心機佈置啲打卡位既 但感覺有啲雜亂無章～整體感覺平庸 位置難搵 唔值得特登入觀塘食 路過都可以試下的！

第一次來食，約了幾個朋友七點半左右入場，坐滿了8成半我地一路食一路傾計完全無叫人走如果想同朋友食飯傾計，真心可以考慮另外，裝修好令環境令我感到好舒服我地叫了幾道食物外觀都感到好精緻味道則普通到好食之間價錢也合理，沒有加一，可以睇餐牌而且，我地幾個朋友入場睇到高興點餐五步曲，都會心一笑。

一個月總有兩三次會黎高興食午餐，因為就係公司樓下咋今次特別寫篇食評係因為試左佢既All Day Breakfast！一份咁豐富既All Day Breakfast配一杯橙汁只售$74！真係好抵食！果醬面包、炒蛋、茄汁豆、Parma Ham、沙律、番茄、雜菌、腸仔，真係唔知食邊樣先好果醬面包：用法包塗上橘子醬，開胃炒蛋：炒得好滑，而且好大份茄汁豆：不用多說，All Day Breakfast不能缺少的一部份Parma Ham：很豪氣！足足有兩大片！而且味道十分好沙律：菜好新鮮，但應該加左我唔太喜歡的椰子油番茄：煎得岩岩好，又新鮮雜菌：有蘑菇、雞脾菇，而且份量好多腸仔：呢款係我最欣賞最鍾意的，佢係芝士腸黎架！！！兩條咁大條既芝士腸，每一啖都爆晒啲芝士出黎！超級正！另外仲同啲同事share左一份黑松露薯條，每次黎到都必點！粗薯條配黑松露醬，好好味！

今日星期六放假就約咗朋友喺觀塘附近呢一間高興食brunch.貪佢價錢平又就腳。首先叫咗個黑松露薯條，黑松露醬好香嘅黑松露味，薯條係粗身嘅薯條上面沈咗一啲味粉，非常之好食。40幾蚊啫，亦都非常之大份跟住叫咗個午餐嘅牛魔王焗飯＄62 ,初頭以為啲質素會麻麻，但係裏面嘅牛肉都幾新鮮裏面有牛腩同埋薄片嘅牛肉，牛腩好滑一啲都唔銀，同埋啲質素都比較靚， 唯一唔好嘅係啲汁太多，同埋啲汁辣少少就更加好。然後叫咗個玉桂蘋果班㦸＄54 ,整個賣相都好靚，玉桂蘋果煮到啱啱好唔會熟晒仲保留左蘋果香脆新鮮嘅一面，個汁甜到剛剛好，驚喜個雪糕， 50幾蚊都會比歌movenpick嘅雪糕比你，呢個甜品性價比都非常之高，大家一定要試另外呢個latte咖啡又係另一驚喜，只係跟餐加＄17. 同你去大型連鎖店飲嘅味道一定有分別，佢啲咖啡豆味道更加豐富，咖啡香得來帶有微微嘅酸味，本人就非常之喜愛，係我第一次飲到比較特別嘅咖啡豆嘅味，一定會再來試本身都係諗住同我朋友星期六早上hea下，但係呢間餐廳真係好驚喜，所以一定要寫下，食物製作用心得來性價比真係十分之高，餐廳嘅設計有中西傳統合璧得來又好舒服，係我係觀塘見過嘅餐廳無論環境同食

今天慶祝朋友生日，去左呢間餐廳試下，當日打電話去book枱，可惜冇位，只能walk in，好彩6點幾7點去到都唔算多人，唔洗排隊，即入即有位！3人行，用餐時間係120分鐘，不過待應小姐話冇人等就可以唔洗計時，真好一共叫左兩個主食，一碟小食，兩件甜品。首先黎到既係雞翼：佢話係水牛城雞翼，我覺得有啲辣，如果你唔食得辣，唔建議食，配左酸忌廉同牛油果醬。然後就係西冷扒同蕃茄帶子意粉：西冷扒五成熟，不過不失，冇咩驚喜，略嫌大多筋，有啲難切，但係薯條好好味，炸完有落調味粉，好野味蕃茄帶子意粉，好足料，有3大隻帶子，煎香，好味蕃茄汁調配得宜，味道不俗，略嫌意粉有點兒煮過頭，有點發大了既感覺最後係甜品：檸檬芝士蛋糕味道不過不失，沒有驚喜最後黎既麥提莎朱古力班戟，好好味，好濃既朱古力果，雪糕，班戟，麥提莎配撘得宜，凍冰冰既雪糕，加埋熱騰騰外脆內軟既班戟，真係好好味！總結，呢間餐廳既班戟係一個賣點，有好多口味選擇，朱古力，抹茶紅豆都有，仲要好好味，黎呢到，一定要試！班戟～班戟～可惜呢間餐廳離地鐵站有啲遠，怕行路既朋友仔要諗諗。今餐食左354蚊，都算幾扺，值得一來。餐廳既水，紙巾同餐具都係自助形式，要自己拎

高興係一間懷舊做主題既餐廳，裡面以理髮店為背景，牆身擺設都好岩女仔打卡-一入到去座位都好多，好多人三五成群咁食緊野傾緊計，都幾嘈下，感覺好熱鬧。Menu 係簡單既木板加紙，菜式都算多，飲品更加有好多唔同種類，滿足到唔同人既喜好-抹茶拿鐵抹茶味好濃，偏澀，有d失望，因為佢唔係熱既，上枱果陣只係暖。而且一飲就飲得出係粉沖出黎，入到口仲飲到好細既粉不過不能不說畫花畫得幾靚-榛果摩卡只能說中庸之作。高興鵝肝手打牛肉漢堡鵝肝都叫做大塊，中間既菠蘿減低左肥膩感，配埋佢既醬汁，令人食唔停。手打牛肉厚身，多肉汁，啖啖都係肉既感覺好充實呢！-地中海香草焗原條鱸魚貓精化身既我無魚不歡，好少見到有西餐廳有原條鱸魚食，期待萬分咁叫黎試下。佢係即叫即焗，所以等待需時⏱不過值得既！原條鱸魚份量中等，男仔食可能會唔夠飽，不過一個人食哂成條魚實在太爽香草係放係魚裡面，出面用好多既鹽包住，焗完出黎好香既香草味，鹽仲帶出左魚既鮮味肉質唔老，食過返尋味_係高興食野，果然令人好高興。雖然飲品比較失色，不過野食搭救。環境亦夠寬敞，情侶朋友黎聚會都係幾好既選擇。

我已經係第二次黎高興cafe度食嘢，雖然今次係去食下午茶，但我次次都會叫西柚大蝦沙律，因為真係堅好味。佢唔係普通嘅沙律，佢係泰式醬汁嘅沙律，醬汁唔會太酸太辣，但非常野味。配上西柚，酸酸甜甜，好開胃。仲要佢啲蝦好大隻，雖然唔係新鮮蝦，但係食落都係有蝦味。仲要面頭有啲烘過嘅花生，撈埋一齊食，非常香口。我非常推介大家叫你呢個西柚大蝦沙律，保證大家食過返尋味。我哋仲有叫公司三文治，都係好好食。份量好大份，同埋一邊快低扒煎得好香雖然連埋雞皮煎但係食落口都唔會覺得太肥膩，如果你覺得唔健康，我建議你自己去咗塊雞皮。入邊中gag埋啲沙律菜，感覺好Fresh，加埋啲沙律醬一齊食，簡直係好味到爆燈。可惜我冇影到相。我哋叫咗杯特色野飲，類似係朱古力奶昔，飲落都算幾香甜。仲有叫咗個鬆餅餐，個鬆餅唔算太鬆軟，但味道都算幾好，因為佢係檸檬味，食落酸酸甜甜，唔會太流。

官塘工廈愈來愈多樓上cafe，今次就黎試下呢間cafe啦~香港人平時生活節奏急促，工作忙碌，見到店名「高興」，令人靜下來思考一下最近有高興的事嗎?店內懷舊裝修，別有一番風味~同朋友一齊叫左沙律、番茄湯吉列豬扒烏冬、檸檬Pancake~沙律蔬菜新鮮，清甜~番茄湯吉列豬扒烏冬既番茄湯好濃番茄味，好杰！ 烏冬能掛湯~ 吉列豬扒脆口，但有點炸得太乾，邊緣位有點韌… 檸檬Pancake 鬆軟，味道清新，甜甜酸酸，好特別！不錯！唯一美中不足是服務尚有改善空間... 我地lunchtime後段時間來，店內沒有坐滿，叫左侍應幾次才過來落單...

之前行過幾次見倒“高興“門面裝修幾特別～不過就冇入過去黎睇～晚餐諗唔倒食咩～決定入去一試！餐廳裝修好有特色～環境都幾寬敞～水、餐具要自助～餐牌選擇都幾多～叫左4樣野食～第一個係香辣茄蓉瑞士肉丸冇影相～不過辣得好滋味！推介～大家高興All Day Breakfast香草腸、雜菌、薯仔片奄列、茄汁豆、炸蕃茄、沙律、多士配牛油及果醬好豐富啊～ 味道唔錯卡邦尼煙肉意大利粉中規中矩～肉桂蘋果Pancake~都幾多配料～不過pancake 個質感我唔係太鍾意～唔係鬆軟o個種整體黎講我覺得性價比唔錯～價錢合理適合一大班人黎傾計～係唔錯嘅～高興～

第一次來，點了一意粉一飯。第一個是海鮮意大利飯（$72），這是白汁，味道很夠，但就好重香草味，食落你會以為食緊番茄醬既味，同平時既白汁好唔同。味道係好味的，而且好有層次。海鮮都好多不同種類既，有青口、帶子（好大隻）、蜆仲有蝦，幾樣都新鮮。 就唔係戈啲墨魚圈或蟹柳，真係好足料！另外一個係番茄帶子意粉（$72）。好多醬汁正，唔會乾，而且真係有番茄肉，個醬比較酸，因為本人中意酸，所以覺得好好食。唯一唔好都係好重香草味。此外，啲帶子都好大粒，係燒過來，所以好香。 總括來講好好味，而且重料，同埋唔使加一。但係就貴，細碟同好重香草味。 唔知有冇得改善呢！相信佢其他野都會好好味。佢呢間既特色係中西fusion, 佢會落芫西。都幾特別！

狗年同朋友第一次聚會諗好耐食咩好~朋友食過晚餐覺得OK所以Encore"高興"佈置我自己幾中意我同另一個朋友早到左去到未有人但一到12點就開始多人教你點餐STEP BY STEP黑松露醬粗薯條 ($42)因為未食早餐,依餐當Brunch食黑松露醬個味道唔太濃有點失色Lunch Set 肉眼扒跟意粉 ($85)肉眼扒大過隻手掌朋友幾滿意,85蚊抵食日式淡咖哩吉列豬扒飯 ($66)無Set跟,不過分量夠晒咖哩吉列豬扒口感好食加上係炒飯底我第一次食吉列豬扒飯有炒飯底Greentea Latte 有拉花,幾有心思~美國頂級西冷(9安士) ($148)我地有D驚訝太巨型啦~對於我地黎講但最後朋友食得晒~Lunch Set照燒雞扒飯 ($62)唔錯~雞扒分量幾夠好香~

-環境裝修唔錯，但樓底高，人聲加音樂令環境好嘈，唔係好傾到偈。-大蝦意粉、水牛城雞翼皆中規中矩，檸檬Pancake抵讚，清新唔太甜，點埋cream cheese，甜酸味道好出色，Pancake質感似蒸蛋糕唔太乾，好食！-侍應服務失色，餐廳自助形式，餐具、水自取，落單就要叫侍應，侍應們青春無敵，加上餐廳入坐率不高，圍埋出餐位傾偈，理解！可惜，傾夠笑夠，要求幫幫忙攞多少少忌廉芝但全程黑面，睇到都覺佢好辛苦！埋位傾偈現笑面，幫客攞野要拉返黑塊面，時晴時雨真係戲假真做辛苦哂！

一踏入餐廳已經被裝潢迷倒，甚有格調的裝修和懷舊的港式擺設。當天中午時分餐廳未有滿座，感覺是可以消磨一個下午的地方。不但有特色裝潢，食物的質素也挺高除了主餐牌外還有lunch set供應，我們點了一份番茄湯吉列豬扒烏冬和一份All day breakfast。番茄湯吉列豬扒烏冬 - 番茄湯很濃，酸酸的挺開胃，另上的大大塊的豬扒剛炸好，既香脆亦不怕太乾，烏冬則略嫌太焾。跟餐以半價點了一杯熱cappuccino，奶泡很香但完全沒有蓋過咖啡香，兩者配合得剛好抵讚！All day breakfast - $74有香腸、salami 、炒蛋、煎番茄、炒磨菇、茄汁豆、沙律菜和多士，跟餐還有橙汁，性價比高！香腸咬下去有芝心流出，炒磨菇很香也juicy，多士烤得很香脆，最有驚喜的是主角炒蛋蛋不怕炒得太稀，沒有加入太多的cream和奶，處理得恰到好處，蛋炒得滑同時能吃得到蛋香，令人回味！這個價錢能吃得到特色裝潢和高質食物，絕對高興。

不是第一次幫襯高興， 但是今次的經驗一D都唔高興。之前兩次的經驗，還不錯，所以再次光臨。今次，入到去坐低， 睇完餐牌， 舉手叫侍應埋來點餐， 點知個侍應來到黑口黑面， 語氣極之不耐煩， 我地叫做素菜豆腐番茄烏冬， 大蝦柚子沙律，高興雞中翼配特色醬， 意式番茄帶子燴意大利粉， 地中海香草焗原條鱸魚, cappuccino, mocha, 同ice-mocha.上菜速度尚算可以，陸續上菜， 張臺太細，臺面有d full, 我地想叫侍應把吃完的碟撤掉，但是叫了好耐都唔過來，過來之後依然黑口黑面。 由於是閒日夜晚， 當晚成個場的人不算多， 侍應已經不算忙， 真的唔明點解d侍應為什麼會咁樣。上左既菜食到七七八八，但條地中海香草焗鱸魚一路都未上， 本身以為因為即場焗所以需要多d時間， 但向侍應查問之下才發現漏左落單， 明明落單時，佢有repeat 一次 order, 咁都會漏單。 其他野都食完，所以不再重新落order, 費時又要對住黑口黑面既侍應咁耐，喇喇聲埋單走人。今次真係食得好唔高興， 真係要唸下下次會不會再幫襯。