高興+ (已結業)

一個人放午飯，喜歡行下搵新食店，行到北角碼頭附近，見到這間高興，睇到佢九龍灣店的食評都ok。覺得佢裝修幾有趣，餐具幾靚，上餐時間快，坐位舒服，食物味道中規中舉，待應算有禮貌，午餐行來行去，當做運動😬。得閒再來。

$83意粉一個就太辣都食唔到入口,$88另一個意粉就好小,男朋友食完話唔飽$44牛柳粒串太韌啦⋯⋯仲有2杯野飲~淡而無咪成$29蚊杯,膽粗粗諗住試下希望有新野值得推介,點知得個賣相~個人唔推介亦無下次,想勇於試既都可以黎體驗一下

今日同同事lunch time 行左去北角，一路行一路睇，都冇諗住食咩！突然見到間餐廳裝修幾特別就Menu 都冇睇，就入左去食！行入去時，覺得間野好似戲院裝修！幾靚幾特別！坐底後，見到Menu 好似冇咩特別，似茶餐廳野食！但竟然有牛扒叫！即刻我同我同事都叫左個5成熟既牛扒跟意粉加黑椒汁！塊牛扒都幾大塊同好有肉味！黑椒汁亦幾好食！杯奶茶亦唔會得奶味！整體唔錯

星期日一家三口响北角周圍逛, 行到攰攰哋，突然諗起呢間似港式茶餐廳 (以前經過好多次都無機會試) 但無想到星期日都有做下午茶,有啲驚喜因快要到5點半, 店員就好有禮貌提醒我哋要趕快下單, 我哋就點了一份公司三文治, 一份迷你芝士焗肉丸通粉同埋一份車打芝士煙肉牛肉漢堡。份量唔錯, 味道都幾好仲包飲品 而飲品不止於普通咖啡奶茶, 而係有梳打系列同埋多項中,西茶𠻹(無需加錢)呀仔點了個黑加侖子梳打, 係原樽上 我和老公就點了伯爵茶&大紅袍, 佢哋係用茶葉沖泡, 並用精緻茶壺&茶杯奉上, 茶味濃郁 @$38至$42一個餐仲不收加一, 認真扺有機會一定再去幫襯

鍾意同朋友周圍試新餐廳，今日見到呢間開咗冇幾耐所以入嚟試下。 一早見到限時用餐60分鐘， 所以齊人先至入去！ 叫咗餐之後5分鐘就到，算快手。All day breadfast- 用上parma ham，吾錯！份量算ok澳洲肉眼扒飯配黑椒汁- 落order嘅時候可以選擇牛扒成數，Good. 味道唔差，牛扒冇雪味又吾硬。因為我哋肚餓所以吾洗15分鐘食完個餐， 諗住坐多陣嘆埋杯野飲， 點不知有個非常高效率嘅短髮阿姨見我哋杯飲品飲咗一半又停咗口， 就用九秒九嘅速度想收咗佢， 當然同佢講未飲完啦！ 再過多兩三分鐘之後又過嚟想收野！ 咁我哋就同佢講我哋未飲完，乜事呀？ 佢就指住個限時60分鐘牌話我哋夠鐘。我地同佢講12:30坐低，13:05就係咁趕我哋走， 仲要口噏噏對住我哋黑面。OK冇問題， 下次唔嚟， 衰過啲連鎖快餐店同茶記！