骨煲皇 (已結業)

還算幾好的打邊爐的好去處, 除了來菜要等比較耐之外, 其他都算ok,4個人吃, 叫左6-7碟火鍋料, 每人約HKD 100, 仲吃到好飽. 算抵吃.最重要係D 菜乾淨, 出面好多火鍋店都好DIRTY架!

最近呢間新裝修過,去試一試.但發現同以前都係一樣咁差首先係個湯底好唔掂,我哋叫豬骨煲,佢哋係寫住正宗澳門豬骨煲,但啲湯好淡,無乜味,之後加水,結果仲差,仲淡,其他火鍋店都加緊湯的時候,佢哋就係加水,咁梗係愈嚟愈淡味啦...火鍋配料都唔新鮮,尤其係肥牛,雪花肥牛唔掂,手切肥牛又唔掂,只係菜類望落去比較好少少,但由於個湯淡,食落去都無乜味..仲有係個電磁爐面都幾多油積,感覺好一般....

補回 3-12-2008食評 晚上約了一班Blog友到"骨煲皇"打邊爐,我們一行八大一小,叫了很多食物.1. 三文魚刺身 --->>又薄又唔夠肥美2. 平牛及貴牛各一碟 ---->>> 平的肥過我個肚的豬腩肉,赫C人呢~貴的就仍勉強叫OK~3. 丸 -->>一般啦4. 生蠔--->>一般5. 雞子--->>好大隻??但~我唔食的~6. 豬骨煲--->>豬骨好食~ 仲有其它三款肉腸,蔬菜..........等等,不能盡錄~總括: 呢間對於個人而言,一次就夠,貨色大眾化,八個人計 $ 1,230元,平均每人 $ 153元, 去任飲任食都得啦~駛鬼食佢咩~附近的"良記"好食過呢間,呢間只是坐得比較舒服而已.而服務態度一致認為---->>>>>極差~問她們拿隻杯,都叫了四次~照片參考: http://hk.myblog.yahoo.com/kitypanghk/article?mid=14553http://hk.myblog.yahoo.com

星期日晚車友無端端打黎話不如一齊食飯, 咁就由深水埗飛車去九龍城之後一齊出發,原來大家係未諗到食乜, 當你一言我一語之際,我提議打邊爐, 出奇地,大家都覺得係好提議.於是又要討論去邊度打.....呢野真係......最後大家決定黎塘尾道骨煲皇....但原來個個都唔識路.....所以要等個識跟既帶路.臨出發......阿b 架車竟然跪低左.....撻唔到車.....結果借左全方位同學會既車出發.....果然都係擺脫唔到全方位同學會既魔咒....話可以出發....到最後都係要1 小時之後先可以正式出發.....是夜8個人----叫左一轉野食.....大家原來都好細食.....搞到我呢d 大食人....好似食得好過份咁....2個湯1. 豬軟骨煲2. 胡椒豬骨煲2個煲都好好味, 尤其係d 豬骨...唔似 豬 X 煲果D 骨咁, 好多油. D軟骨都幾好食.不過軟骨就唔夠軟....可能因為我地未打完邊爐就係咁食晒D 骨.....另,1. 雪花肥牛----OK,煮耐左都無話好鞋口, 食落好滑,好有肉味2. 竹生墨魚滑-----無乜特別驚喜, 墨魚滑做得唔出色,無彈牙口感3. 雲吞 水餃 ----無

Farwell同事, 選舉此店, 共11人, 我地點左好多野食差唔多成廿幾三十碟醉雞鍋湯底, 豬軟骨鍋湯底, 羊肉片, 肥牛, 墨魚滑, 芋絲, 脆鯇片, 白善片, 炸魚皮, 鮮牛肉, 鮮田雞, 鮮鵝腸, 鮮魚付, 花枝片...等等, 有d會叫成兩三碟...叫左4支單酒同五六枝飲品大部份食物都好新鮮好好味, 食到差唔多10點半多d埋單走人total $1365. 每人都唔洗百四蚊, 確實又平又抵食, service仲唔錯tim, waiter全部都好有禮貌, 又會主動幫你加湯, 收碟.....可惜佢地無水吧, 無鮮果汁同荼, 如果唔係就perfect喇, 另外呢到外坐得幾舒服又唔會好迫, 張台既高度比酒樓既底, 但有機會一定會再嚟食架

原以為兩個人打邊爐好重皮兼無乜野可以叫... 原來又好OK播!湯底$48: mixed -->番茄(OK啦!)+咸菜(impressed)料:1. 雪花肥牛$15 (唔係加拿大嗰隻) -->咁既价錢算係咁2. 炸腐皮--> 好新鮮, 唔油3. 福州痲棘圓--> 少棘,醬爆, 几特別4. 包心x旦墨圓$4X --> 8粒,几特別,味道一般5. 啤洒腸$20 --->8片, 晋通cold cut, 早知唔叫6. 炸魚皮--> 好新鮮, 好多, 面頭好大塊, 下面碎晒7. 水餃--> 8粒, 好味8. 青島啤--> $15, 大支裝, 抵飲抵讚處:1. 落單清晣, 每次加單總數計算清楚2. 上菜快3. 混醬款式多4. 環境企理...但伙計少, 要有D耐性下次多D人会試下佢D招牌野同埋海鮮.

哩排日日都咁凍，都係得十度八度，梗係打鞭爐啦！平時打鞭爐會揀任點任食，貪佢有預算之餘，又好抵食，但通常配料都好一般！。有老友住晌塘尾道，就介紹晌佢樓下既骨煲皇，想食好少少又不妨俾多少少既話，依度都真係無介紹錯！晏少少哩你就知佢好嘢，因為爆晒場。點咗個胡椒豬軟骨煲，非常出色，有胡椒香，湯味濃豬骨多，又正又抵食。更重要係哩度嘅火鍋配料選擇多多，好似牛肉有加拿大霜降肥牛、手切牛頸脊、本地滑牛肉……等；丸類又有手打四色丸、蟹籽魚翅墨魚滑、鹹蛋黃墨魚丸……等；質素又夠高，樣樣都好新鮮，好似手切牛頸脊夠肉味又爽，鮮帶子夠新鮮又大隻。外面仲有個混醬全盒，想點撈就點撈，混醬DIY，完全自把自為創作多幾款，搞到點古靈精怪都得！食到咁上下要加湯，依度好似出面D中高檔火鍋咁，係加「湯」唔係加水！而且無茶芥，又唔收加一，樣樣明碼實價，就算當日海鮮都寫得清清楚楚每份幾多錢，仲有就係收費清晰，每次追加食物或嘢飲，都會打張「飛仔」俾你對對之餘，張「飛仔」下面仲有埋累積緊嘅大數，每次加單都有數睇，唔使到埋單時才逐條數對，真係食咗幾多都一清二楚，就算唔係任點任食，都食得有預算！係唯一覺得飲嘢貴D，汽水成$8一罐，楊協成

上星期來過這裡打邊爐，覺得不錯，馬上約其他朋友再來過，這次好像貴了些，可能是叫了兩個湯底．一般6 個人應該是叫一個湯底，但是張檯是長方形，所以別無選擇．　 我們叫了豬骨煲和番茄蟹煲, 兩個煲也好濃又足料, 一個字"掂" , 個人還是比較喜歡豬骨煲, 感覺番茄蟹煲會把食物的原味搶走. 在沒放食物之前, 試一兩淡, "齌" 飲也不錯. 我們合共點了13 款其中有一款是加拿大肥牛, $168 不知貴不貴呢? 最喜歡鹹蛋黃墨魚丸和墨魚滑, 好新鮮. 最不值得點的應該是福州麻辣丸, 雪藏的, 一點辣味也沒有, $28 一包非常不值. 酸梅湯$12 一支, 也不算貴, 飲之前最好加多一些冰, 味道不會太濃.這裡的亞姐好nice , 至少問多句也不會黑臉. 下次有機會也想試一下舊店.

有同事帶黎呢度打邊爐點左D例牌打邊爐必order既肥牛($15一碟果D), 鮮牛肉, 肉丸, 白鱔片, 鴕鳥肉(其實以上全部都係我至愛), 仲有其他咁啦食物非常新鮮肥牛好好味~價錢算咁上下啦順帶一提, 啤酒姐姐幾靚女, 哈哈~

特訂房間為替長老祝壽，點知佢成間野得一間房！？而佢地的風櫃設在房內，令成間房就算關不關門都像打八號風球般大風！！！唔掂～　轉番出大廳坐！另要讚一讚佢的調味架！！醬油任jump／沙嗲醬／付乳．．．．好似一個過年的全合一樣，樣樣齊！！！！　任你要幾多剩幾多！特別要點這個啤酒腸！！不是度度有得食！　　唯份量少了點～一次過叫三碟，一刻間清理掉～是次消費：＄１,０００-／１０人

今晚專訪豬骨煲食完只係一個感覺-普通食肆一間,毫不特別!不過,海鮮類算多,反而麻辣湯底夠香味,試過豆角,椰菜,白菜,蘿蔔等不錯,雪藏貨有牛肉,丸類,雲呑,菜餃,栗米,魚云,魚片等,賣相都不俗,地方有卡位坐...Good!若三兩知己坐番三兩個鐘打邊爐,飲啤酒都唔覺迫!近期有折扣優惠,記得叫經理送啤酒!結論,火鍋店算一般,飲啤酒吹水就唔錯!

啱啱呢個冬天去過三次。由於次次都同唔同人去，而自己又鍾意食豬骨，所以三次都係叫細胡椒豬骨煲。呢度選擇唔夠火井多，不過用料都好新鮮，睇啲珊瑚蚌色水就知。個人都係鍾意食蟹粉餃，去到邊間都要食；個蛋黃墨魚丸就令我失望啲。第一次去啱啱做「爭霸」大結局，為咗同枱啲人可以睇埋至走，叫咗碟啤酒腸…基本上頭兩次都好正，因為佢俾嘅係豬軟骨，好好食。個人鍾意呢種多過筒骨。但係到第三次去到竟然成煲都係豬手豬腳，當時仲一心諗住回暖前打埋最後一次邊爐，真係有爛尾感覺。

依間舖對我黎講都幾僻吓，因無車直逹，每次都係旺角搭的士黎。如果唔係朋友推介，都唔知有間好野係度。今晚與朋友聚舊，不如去打邊爐，慢慢坐傾吓計啦。今次同樣專登搭的士黎幫襯，費事行到周身汗，其實係旺角行黎都只不過係十幾廿十分鐘。舖頭位置係正投注站隔離，每逢賽馬日，外邊成條街必定人頭擁擁。內部裝修都係一般港式飯店，無咩特別，地方都算闊落，有卡位、有大枱、有電視睇。洗手間都尚算乾淨、無惡嗅。已經係第三次黎喇，每次都食得又滿意、又滿足。上次試過豬骨煲湯底，用料充足，豬骨又軟又滑、啖啖肉，等啲粟米、蘿蔔烚透入晒味，熱辣辣放落口，勁正。今次我請客，咁就食我至愛既藥材醉雞鍋啦，包半隻冰鮮雞架。叫支大啤飲住等先，每支都係廿蚊有找。不到十分鐘就見阿姐嗱住個鍋黎，轉頭隻雞都到黎。咿，碟雞連頭上枱既，好似唔係咁雅觀喎，但有棵洋紫荊伴碟，好返啲啲啦。唔好講咁多，等個湯滾起即推晒啲雞落去餚吓湯先。又係我點火鍋生料既時候，有幾款海鮮係大家必食選擇，即叫即劏，無可想像既新鮮。巨形獅蚶，有成兩吋半多咁大，烚到剛熟就一定要即刻撈起，咬落口又鮮又甜，重勁爽口。大蜆、聖子皇、貴妃蚌，全都係唔可以過熟，要剛熟，慢慢咀嚼，無可形容

我們九個人book了這兒食火煱. 去到話張枱比錯左人, 要安排張長枱比我們. 不能接受...好在後來都肯換另一張枱給我們, 就是那些八人橢圖形枱. 我地叫左一個大豬骨煱, 應該叫兩個小會更好, 因為易些煮野食.講番食物, 其實都好新鮮, 個豬骨煱有好多豬骨, 好似食極都有咁, 另外仲有粟米和蘿蔔, 粟米好甜. 墨魚丸幾好, 不過細粒左d, 另外d 餃都唔錯. 魚都幾好, d肥牛就普通左d.總括來說食物都ok.

行過呢度,行到門口,門口有人招呼,飯市,食火鍋.我地有三男兩女,食咗個豬骨煲,不過就覺得普通啲,好多豬骨都係豬手肉,無乜肉食...價錢中等,份量就較少囉~~~