影片
更多
2007-03-29
依間舖對我黎講都幾僻吓，因無車直逹，每次都係旺角搭的士黎。如果唔係朋友推介，都唔知有間好野係度。今晚與朋友聚舊，不如去打邊爐，慢慢坐傾吓計啦。今次同樣專登搭的士黎幫襯，費事行到周身汗，其實係旺角行黎都只不過係十幾廿十分鐘。舖頭位置係正投注站隔離，每逢賽馬日，外邊成條街必定人頭擁擁。內部裝修都係一般港式飯店，無咩特別，地方都算闊落，有卡位、有大枱、有電視睇。洗手間都尚算乾淨、無惡嗅。已經係第三次黎喇，每次都食得又滿意、又滿足。上次試過豬骨煲湯底，用料充足，豬骨又軟又滑、啖啖肉，等啲粟米、蘿蔔烚透入晒味，熱辣辣放落口，勁正。今次我請客，咁就食我至愛既藥材醉雞鍋啦，包半隻冰鮮雞架。叫支大啤飲住等先，每支都係廿蚊有找。不到十分鐘就見阿姐嗱住個鍋黎，轉頭隻雞都到黎。咿，碟雞連頭上枱既，好似唔係咁雅觀喎，但有棵洋紫荊伴碟，好返啲啲啦。唔好講咁多，等個湯滾起即推晒啲雞落去餚吓湯先。又係我點火鍋生料既時候，有幾款海鮮係大家必食選擇，即叫即劏，無可想像既新鮮。巨形獅蚶，有成兩吋半多咁大，烚到剛熟就一定要即刻撈起，咬落口又鮮又甜，重勁爽口。大蜆、聖子皇、貴妃蚌，全都係唔可以過熟，要剛熟，慢慢咀嚼，無可形容
今晚與朋友聚舊，不如去打邊爐，慢慢坐傾吓計啦。今次同樣專登搭的士黎幫襯，費事行到周身汗，其實係旺角行黎都只不過係十幾廿十分鐘。
舖頭位置係正投注站隔離，每逢賽馬日，外邊成條街必定人頭擁擁。內部裝修都係一般港式飯店，無咩特別，地方都算闊落，有卡位、有大枱、有電視睇。洗手間都尚算乾淨、無惡嗅。已經係第三次黎喇，每次都食得又滿意、又滿足。
上次試過豬骨煲湯底，用料充足，豬骨又軟又滑、啖啖肉，等啲粟米、蘿蔔烚透入晒味，熱辣辣放落口，勁正。
今次我請客，咁就食我至愛既藥材醉雞鍋啦，包半隻冰鮮雞架。叫支大啤飲住等先，每支都係廿蚊有找。不到十分鐘就見阿姐嗱住個鍋黎，轉頭隻雞都到黎。咿，碟雞連頭上枱既，好似唔係咁雅觀喎，但有棵洋紫荊伴碟，好返啲啲啦。唔好講咁多，等個湯滾起即推晒啲雞落去餚吓湯先。
又係我點火鍋生料既時候，有幾款海鮮係大家必食選擇，即叫即劏，無可想像既新鮮。
巨形獅蚶，有成兩吋半多咁大，烚到剛熟就一定要即刻撈起，咬落口又鮮又甜，重勁爽口。大蜆、聖子皇、貴妃蚌，全都係唔可以過熟，要剛熟，慢慢咀嚼，無可形容的鮮味。生蠔，烚完都唔會縮水，入口好cream 好滑。黎幾次都想叫象跋蚌，但係太大隻喇，段兩計要成五百蚊隻，兩個人食的話實在誇左啲。
除左海鮮生料外，重叫左特級肥牛，要百幾蚊碟，都好香牛肉味，但脂肪紋唔多亦唔平均。鮮雞子，雪藏貨，味道都係咁啦；黑牛柏葉，爽口囉；狗肚魚，啲肉勁滑；手打四寶丸包括蝦、墨魚、鯪魚、牛肉，全都好彈牙鮮味。生根、秀珍菇、白菜仔、鮮腐竹、金菇，都不俗。
此店我最欣賞又值得讚的就係有自助調味料吧，有十幾款調味料、香料免費任攞唔嬲。眼見有山茶醬、豆板醬、辣椒醬、辣椒油、海鮮醬、生葱、生蒜泥、炸蒜蓉、指天椒、青芥辣、等等。坊間有好多酒樓食店要收調味料附加費，有啲重要續店計錢。
黎左幾次，叫既野都差不多。今次又食剩野喇，埋單差不多五百蚊，環境可以啦、服務可以啦、食物質數勁好、又有電視睇、坐左兩個幾鐘，都真係物有所值既。
张贴