馬辣台式鴛鴦火鍋 (創興廣場)

营业中

休息中

這間馬辣，之前在坊間好像也有點名氣，當時剛剛開，人流很多🤔，現時人流比較少，可以來試試。湯鍋分開兩邊，可以點鴛鴦湯底：一邊是麻辣湯底，令一邊點了酸菜白肉鍋。門口位置就有雪櫃，提供多款飲料，例如有可樂、陳皮、烏龍茶、錫蘭檸茶、忌廉溝鮮奶、嘉士伯啤酒等等。令一邊的熱飲，還有幾款花茶，又有一部雀巢咖啡機，還有沙冰機。馬辣湯底點了一隻辣椒的程度，味道輕微辣，辣得來夠香，亦都有種「麻」的味道，湯底裏面還包括了鴨血，大大件，吸湯，質感幼滑，但是內裏又會可以咬成一絲絲狀。鴨血中間可能有點起泡，咬開之後會爆汁，內裏就確實是極之熱燙。外面的配料就更加多，火腿丸比較細顆，味道好像比街市的差不多。莎拉丸是近期最愛，有千島醬魚子在內，酸而開胃外邊的調味料就真的多得嚇人，可能是看過最多調味醬料的一間：除蒜蓉、炸蒜、蔥花、豉油等等最普遍的調味醬，還有沙茶醬、芝麻油、花椒油、蘿蔔蓉、炸乾荵、白醋汁、豆瓣醬、腐乳。店內亦都提供多款牛肉，例如牛五花、牛小排等等，然後擺成一個高塔，整齊排列。薄薄的牛肉，在湯底裏面輕輕一擦，立即吃得，不會過老，肥瘦均勻外邊的位置放了很多配料，使一輛類似台式的列車的模樣。前後都是冬季，放置多

朋友說旺角開左一間台式打邊爐，說味道唔錯，我決定去試。環境清潔。飲品種類多，汽水，自助飲品，韓式飲品，連嘉士伯都有。有自助吧，邊爐材料多，想食幾多就幾多！除此之外，仲有甜品同台式風味既魯肉飯，十分豐富。雪糕款式都很齊，除左dreyers 雪糕，仲有一口同牛奶雪糕🍦。我地叫左沙爹同麻辣湯底，湯底濃，沒有偷工減料。打邊爐當然唔可以缺少肥牛，這裹肥牛新鮮，種類多，我最鍾意食安格斯黑牛，牛味夠，帶些少肥，很好吃。其他配料很新鮮，特別蔬菜，夠爽甜。這裹仲有pancake 同 焦糖燉蛋，普通火鍋店唔會有，pancake 即整新鮮鬆軟，香蕉份量重，正！最後食左咁多野先連加一先$174 ，十分抵，我地會再黎幫襯。

到呢間馬辣食火鍋😏係因為去台灣食過覺得好食，可以再番食嘅地方香港開了滿心歡喜同期待去食怕多人先打去想留位先，可能食嘅時段已是宵夜啦，聽電話職先是問幾位幾點，然後就答唔駛留位，就咁上黎(言氣帶點不耐煩)😅9點半多到達，果然不用等位，地方大，座位寬闊👍🏻急不及待點單麻辣台式湯底，有一個辣椒🌶️同兩個辣椒🌶️🌶選舉，而我叫咗🌶️湯底當然一定有點不同款式牛肉啦⋯羊肉⋯是日海鮮⋯蝦之後自己就再即刻到外面攞其他食物，如丸類攞齊我所需要食嘅同醬油等等⋯⋯⋯⋯真係等等等⌛️等咗勁耐湯底點單終漏咗單仲要人不多，攞點單紙哥哥沒有其他嘢做，只攞我一張單，都可以漏🤦🏻‍♀️湯底終於到我點叫是麻辣湯底，真心失望可能自己有食過台灣馬辣之下有比較味道已有所不同，還有一點都不辣🌶️每來一盤牛肉只有三片，也是好的不會太浪費，但牛肉沒有一款特別有牛味，只有羊肉才有羊肉的味道，我仲食咗雞髀菇好難想像雞髀菇皮邊是硬不過我總算吃得飽飽有雪糕咁一定會食埋佢啦見到有榴槤雪糕咪試下，最神奇係攞完之後番到座位食，味道係薑味完全想像唔到囉🤦🏻‍♀️

馬辣係台北係必食之選，估唔到香港都開左間一樣名的「馬辣」。旺角開左新店一於打一打卡，晚間人流好多，入座都要等一等，可見人氣一d 都唔差。一入內已有台式火車設計雪櫃放晒d 野食。形式同台灣馬辣一樣，自助bar, 自助飲品，更加有自助雪糕任食！食幾多拎幾多，減少浪費。識食一定食麻辣湯底，唔係因為辣，而係因為台式麻辣湯一定會有鴨血食！當然唔係人人接受到，但閩南人/老一輩香港人都唔少人愛豬紅/鴨血呢d 食材。湯底亦足料，香港馬辣比較大眾口味，選擇小辣係微辣且香，唔會辣到食唔到食材味道。食材新鮮補充快，多款食材亦與台灣一樣已預先醃制好，如牛筋，豬大腸等，滾熱返就食到濃濃香味。牛肉亦係美國choice 系，入口牛味濃，脂肪分佈平均且鬆軟有口感。最後雪糕有自助dreyer's 及其他品牌任食，食到超飽肚走人。

同朋友一早去旺角放題勝地創興廣場食晚飯，平平地多嘢食嘅話，馬辣台式鴛鴦火鍋係一個好選擇，單係湯底都有八款揀，話明鴛鴦鍋所以可以向八款入邊揀兩款，我哋初時唔知乜嘢叫做西紅柿洋蔥海鮮鍋，所以另外一個鍋係保守啲嘅蔬菜清湯鍋，湯底嚟到先至知西紅柿即係蕃茄，上左一課中國語文😅講返個蕃茄湯，我個人口味就覺得鹹左啲，所以我主打個清湯鍋，呢個鍋個亮點係用新鮮杞子，好甜好味👍🏼另外要讚下佢啲肉類，係靚肉，仲有唔同選擇，一上枱盤盤肉都差唔多，問侍應點分，佢話盤角有顏色，紅、藍、綠、白，睇返點心紙，配對返相關顏色同肉類，就知道我哋食緊係乜嘢嚟㗎喇。

每次去台灣都必食馬辣，見香港開左兩間，非常興奮！約左成班朋友去食……但係去到食左，非常失望！如果佢唔用馬辣呢個名，我唔會拿台灣的与之比較，但既然佢要用同名，沒辦法每樣東西都比！裝修，燈光差太多……太低檔，服務差……門口的女reception語氣無禮貌！反而提你夠鐘還枱的哥哥態度好些！食物擺位，食物質素好普通，雪糕溶晒，而雪葩有D根本畢唔到…… 太硬！有朋友唔食羊，D肉來到，盒邊只有色係分邊種牛，但係猪肉羊肉就無注明……成日見到有人去聞D肉但係無味，分唔到……總之，你地如果係因為台灣馬辣而去，一定好失望！其實佢地究竟係唔係正宗馬辣？如果係……點解開到來香港差甘多！！

今天在旺角行街，到夜晚去咗創興廣場嘅馬辣，因為之前去過荃灣店好多好多次，價錢與質素其實相當唔錯（個人覺得），所以去試下旺角店，點知去到旺角店，點了麻辣湯底拼冬蔭功湯底，麻辣湯底嘅味道同鹽加水一樣冇分別，冬蔭功湯底（荃灣店冇的）就只多咗兩、三嚿番茄，唔講以為係番茄水，肯定一定必定絕對唔會再去旺角店

馬辣係台灣好出名，打入黎香港，當然要試試啦，仲要開喺旺角咁嘅中心點，超級方便啦。一入到門口就見到呢架大巴士，都幾有創意，因為佢側面兩邊都係用嚟擺食物以供客人出黎自己夾的。食物嘅種類繁多，總會有一樣啱你心水，最基本打邊爐嘅食物材料佢都一定有，所以唔使擔心冇嘢食。我就叫咗個鴛鴦鍋，一邊係馬辣嘅招牌麻辣鍋，另一邊就係冬陰公湯底味道，麻辣鍋我就叫左兩個辣，一路滾一路食落去其實都已經好夠辣，佢呢個湯底裏便仲會有幾舊超級大嘅鴨血俾埋你食，食晒嘅話都仲有得免費添加，味道都唔錯，而個冬陰公湯底嘅味道相對食落就比較淡，但都會有冬陰公最基本嘅酸味，不過都係招牌馬辣鍋比較出色👍🏻👍🏻如果你嫌湯底唔夠味的話，出邊仲有超級多款調味料俾你揀。飲品方面亦都好多款選擇，有汽水啦，果汁啦，啤酒啦，仲有啲係佢哋自家製嘅鮮榨橙汁啊，洛神花茶啊，竹蔗茅根水等等，如果你唔飲凍野的話呢，都仲有花茶俾你自己沖泡嚟飲，都幾體貼啊。打完邊爐食飽飽之後都仲有甜品俾你食，而且亦都又係好多款俾你揀，有雪糕啦甜品啦生果啦，根本多到你都食唔晒。整體來講一間打邊爐鋪頭都叫做好多款選擇俾你揀，啱晒一班朋友，一家大細，食肉類朋友，又或者食素類朋友嚟幫

之前在荃灣食過台式火鍋，覺得味道不錯，終於在旺角開了分店。湯底同樣是可以點鴛鴦鍋，我們分別點了台式馬麻鍋和胡椒豬肚鍋，湯底仍然是十分足料。美國頂級牛五花、美國無骨牛小排、美國安格斯黑牛、美國精選牛五花，和黑毛豬梅花，一盤盤精美的送上，薄切而新鮮。自助區有蔬菜和丸類，種類很多。飲料除了罐裝飲料，還有飲料機可以自助添飲，果汁、涼茶等，應有盡有。不愛喝冷飲的女生可以自行製作花茶。甜品櫃和雪糕櫃，都是滿滿的，有雪米磁和Dreyers雪糕，口味也不少。餐廳後方有燉蛋和即製香蕉pancake，誠意十足。順帶一提，喜歡吃烏冬的話，可以去冰櫃自取手打烏冬，口感更佳。

上次食荃灣大鴻輝，住新界既我覺得好遠，知道mk開左，所以今次食mk創興，真係好方便，地方又大，d牛仲分開哂種類，好有台灣feel....不過可能太多人nook，訂左檯都仲要等多15-30分鐘，等到花兒也謝了...........第一口，正牛肉林到爆呢個湯有今生冇來世嘏都新鮮門口有個火車頭，裝飾到去左十分一樣。環境窄d，不過坐得書服，有比心機裝修任飲多款色，好正，任食任力🛵🛵🛵🛵價格好似$160-170左右，抵食。

見到新開張同食評幾好，就同一班朋友黎試下先。朋友早幾日訂位，後尾臨時加人，個人就話俾卡位我地唔駛改。咁大家高高興興諗住一齊試新嘢，訂咗6:30，有朋友遲少少到，諗住遲少少攞枱，因為入座後計兩小時。點知只係過咗3分鐘，就有位男士(疑似經理)走黎話夠鐘要入座，唔入都要照計時，咁唯有食住等。聽到門口位姐姐話俾兩個爐，點知帶位嘅大姐(短髮略肥)帶我地去一張長枱，有6個位，諗住坐底佢就話呢邊4個位，中間係2人位，我話6位喎佢話加櫈俾我地，我話一張四人枱座6個人點坐，佢就走去同嗰位男士講，返黎話好啦俾埋你地坐，咁都諗住算。點知佢話都係一個爐同加櫈，呢個時候好在朋友講話訂枱時話俾卡位我地，我就直接同個男人講訂位話坐卡位點解依家位。當時個場得兩成入座，眼見大把卡位，唔知想留俾邊個坐。最後佢好悔氣話俾X號枱佢地。其實撇除服務，食物大致上係正常，雪糕、飲品種類都幾多，海鮮新鮮、肉類無漏單。已經係半自助形式，收加一服務費但無服務可言，咁只係變相調高收費。順帶一提，呢度真係好準時，見你地夠鐘仲未走會有人黑住面(男士)黎同你地夠鐘架嘞。作為飲食業咁嘅態度及服務只會係趕客，公司真係要好好考慮再培訓一下員工服務。樓

今天我和朋友聚會，首選當然是吃火鍋，又便宜又美味。我男友推薦這間火鍋店，於是我們一行四人便6:30去吃火鍋湯底方面，我們選擇了沙嗲湯底和皮蛋莞茜湯，2款湯底都味道不錯，不過個人較喜歡皮蛋莞茜湯。肉類方面，我們當然首選牛肉我們4款牛肉都點了，另外又試了滑牛肉，羊肉，雞肉，至於味道方面…最肥一定便是牛五花了，樣子十分像吉野家的肥牛，而且味道都是差不多，4款牛肉當中，個人最不推薦這款牛肉牛小排方面，看樣子都是偏肥，不過口感比牛五花好很多，不會很多肥膏，而且又不會太難咀嚼，另外都幾有牛肉味，個人都比較喜歡這款。牛梅花方面，4款牛肉中最瘦便是這款牛肉了，肥膏真的很少，比較健康。不過呢，因為肥膏真的太少了，所以口感比較差一點，比較難咀嚼。但肉質都很多牛肉味，味道都不錯的最後當然是本人最愛的安格斯，第一次點的那碟比較肥，但第2次點那碟便是正常水準。牛肉的肥膏十分均衡，所以口感一流，不會太油膩又不會太硬而且十分有牛肉味，十分美味，個人最強烈推介滑牛肉方面，滑牛肉是自己出去夾的，不用點單。味道相當美味，牛肉完全沒有根，口感十分淋，而且又很有牛肉味，味道不錯，個人都比較喜歡滑牛肉餃子方面，這間火鍋店的餃子

入去覺得裝修幾特別，有架車係中間，但行行下差啲滑到，地下好多油！服務超差，個個侍應都黑口黑面，有一半係印尼人！自助加湯，無一個壺有湯，叫侍應幫手加，唔知係唔識聽定點，叫好多次...先加到叫左麻辣湯底同胡椒湯，麻辣湯可以有鴨血任加，但都係自助，胡椒湯同清水無分別！不斷會有人提醒就嚟夠鐘交枱，到夠鐘叫你唔好食，立即會有同事衝過來清枱，中會叫你立即要走，坐多陣都唔得，無人等位同無咩客埋單有位略肥侍應叫簽單，係胸口攞支筆出來，暖暖地..支筆，好尷尬😖

星期一晚book左7點半6位，去同朋友慶生。本來想到同一大廈樓上果間食，因為之前有朋友去過覺得唔錯服務又好，如果唔full都唔會趕人走。但搵一搵發現原來馬辣新開左間旺角店，之前去過台灣同荃灣果間都覺得唔錯（不過之前都係2個人食）諗住試埋旺角呢啦。食物質素之中係我試過3間馬辣中最差嘅，但算係對得住旺角158+1任食嘅價位。但係喺旺角呢個價錢就算係同一個大廈都有其他選擇，我真係好後悔揀咗同朋友慶生。其實門口個姐姐就好nice ge,我哋提前想去放低個生日蛋糕佢都好好笑容幫我地（我book枱果時都有講到）Refill方面，響鈴由我地一開始入去食嘅時候得壹條，到尾都冇再refill...每次叫肉都大概每人得一塊...可能2個人會比6塊肉你，但6個人都係6塊肉...到經理走黎埋單，我地落左單要蜆，到一夠鐘就有個中年男人惡言趕人走果時都唔到。星期一晚9點半其實個場以經空左半場都冇人黎等位，我地搵職員幫我地拎個蛋糕出黎想比個surprise 個fd,等左都2-3個字，個中年男人又出現啦..基於佢冇野做既關係，佢係咁啤住我地...頂佢唔順我搵返門口個姐姐問，講返個cake岩岩先拎到比我地可唔可以食埋先

近日天氣難以捉摸，早前還是熱熱的，這個禮拜天氣卻突然下降，最好就是吃火鍋，這天就與好友來到旺角馬辣台式鴛鴦火鍋。任飲任食放題2小時，周一至周日分了三個入座時段，收費亦有所不同，5pm-930pm (成人HK$158)，930pm-11pm (成人HK$138) 及 11pm-3am (成人HK$128)，而小童全日HK$98，而周五、六、日及公眾假期前夕每位加HK$10。汽水及飲品全都是任飲，Somersby 果酒及韓式啤酒一應俱全。另外，店內還有提供清熱下火的涼茶，如夏枯草及花茶。甜品區主力為凍食，如Dreyer's及fruttato gelato雪糕、布甸及蛋糕等。火鍋食材大部份都是自助的，選擇非常多，特別是丸子類，就超過十多款，如芝士丸、龍蝦丸、魚蛋等，另外，還有豬潤、豬肚、滑牛、牛筋等。蔬菜方面，選擇亦不少，冬瓜、蓮藕、粟米、韓式年糕等等，一應俱全。湯底共有8款，點時可選2款，即鴛鴦湯底。湯底方面，比較有特色的是台式麻辣鍋，不過，朋友不愛麻辣，那就點一些清純一點的湯底 - 蔬菜清湯鍋及芫茜皮蛋湯。餐紙上還有多款食物，當中的是日海鮮原來是海生蝦及蜆仔，海生蝦超級新鮮，蝦肉結實，口