馬祖 (海之戀商場)

营业中

休息中

終於去左荃灣激安行街，發現新開嘅海之戀商場多左好多新餐廳🤩，最後凍凍地就選擇左呢間台式藥膳火鍋，標榜養生火鍋所以湯底大部分都有藥膳做主打，重點係！一人一鍋🍲！係呢個危險時期，的確會食得安心好多🙌🏻/入座前店員先會探熱同提供消毒酒精清潔雙手，而且全店都設有空氣清新機，衛生程度做得好足💯，價錢分別有五個款式，我就選擇左$198《PrimeGrade肩胛肉眼放題套餐》，湯底就係《藥膳椰子清雞湯》同《藥膳台灣麻辣湯》，前者椰子雞湯底我戴住口罩都聞到勁香濃，配蔬菜類同西班牙無激素豬肉片相當夾🤤，後者麻辣湯辣度有得選擇小辣至大辣，小辣都相當足夠，香濃而不死辣👍🏻，加湯都係會用藥膳上湯絕對唔係加清水，所以會越食越濃味😝/另外多達30款台式火鍋配料可供選擇👀，對比其他火鍋店呢到配料的確比較出色，好似坊間比較少有，芝士竹輪、足8吋長蟹棒、甜不辣、米血糕、台式墨汁香腸，都相當唔錯，同埋放得整齊企理，飲品櫃除左一般汽水🥤，另有暖櫃熱茶提供，黑糖薑母茶、荔枝烏龍茶、牛蒡茶都較少見，回本位最後衝刺一定要食埋Movenpick雪糕😛！/總括選擇$198價錢都相當抵食，牛肉脂肪比例都好平均，一個價錢任飲同任食貴價雪

之前係中環食過呢間養生湯麵已經覺得佢既湯底好正,估唔到佢地踩過界開埋養生湯火鍋！雖然係荃灣西遠左少少但無阻到我追隨美食既決心.呢到採用一人一鍋,鍋底一共有9款選擇由清到濃甚至重口味都有,迎合各人既需要.最近天氣又凍又乾,當然要揀返d養顏少少既湯底啦.藥膳椰子清雞湯既底呈奶白色,飲落好香椰子味而且雞湯底味好濃厚,藥膳味又唔會過濃令到湯底好苦.飲品區雪櫃雖然唔算話好大,但款式絕對唔少.最特別係有埋暖櫃十分貼心.有罐台灣既73%濃可可真係不得了,可可味超濃郁,飲落質感真係帶點杰身,味道唔會過甜帶點可可甘香之餘有微微奶香.晚市90分鐘放題一共有5個套餐,除左肉類係自己點外,其他配料都係自助吧到夾.今次我就揀左$198 prime grade肩胛肉眼同西班牙無激素豬肉片.prime grad肩胛肉眼呈鮮紅色,肥肉同瘦肉分明,肥肉佔大概1/3左右,入口帶有淡淡牛香,牛脂食落唔算好肥膩.基本上鍋底本身夠味,所以唔洗額外加調味都可以.西班牙無激毒豬肉片有驚喜！帶點豚肉香,唔肥得黎咬落有時帶少少軟骨,咬落卜卜脆.除左指定既2款肉外,配料吧另外有3款肉.沙茶牛肉入口帶點花生香,牛肉質地唔會好鞋同韌.雞脾肉

愛吃火鍋的我，停不了的火鍋🔥😊😊任飲任食濃湯藥膳靚料，蟲草花對呼吸系統功效好，桃膠有美容功效，當然不能錯過😋藥膳蟲草花桃膠🐔雞湯——又甜又足料的藥膳湯，清甜清潤對身體好，滋潤養肺，飲完兩碗靚湯先開始慢慢嗼個人火鍋🍲😋藥膳番茄🍅麻辣湯——濃番番茄🍅味道，麻辣分大中小辣，可以按自己喜歡食辣的程度........美國極類和牛肩脊肉——靚料肉質嫰，鮮甜Prime Grade肩胛肉眼——牛肉味道鮮，肉質鮮嫩無比。西班牙伊比利黑毛豬—-西班牙伊比利黑毛豬係上乘靚料，好有🐷的味道，又甜又嫩。西班牙無激素豬肉片—-天然放心食，油脂分布均勻丶有咬口又有口感，鮮嫰肉滑。任食任取的材料豐富又多款式，特長蟹柳，長過對筷子🥢⋯⋯特大貢丸、嘩，成個兵乒球咁大粒，爽口彈牙。沙茶牛肉、魚柳、魚蛋、冬🍄、包心丸、各款蔬菜🥬及多款火鍋配料...........等等。材料款式多不勝數。任飲飲品款式多，服務招標呼週到。

昨天和朋友經過荃灣海之戀商場，看見一間叫馬祖台灣養生湯麵館，感覺好吸引，這裏裝修企理，座位坐得好舒服，他們的抽風系統做到很好，沒有好重火鍋的氣味。這裏是一人一鍋，總共有九個湯底可以選擇，我們選擇了藥膳花雕雞湯，和藥膳田園番茄雞湯。藥膳花雕雞湯上臺時藥材味好濃，在冬天寒冷的天氣食感覺好補身，藥膳田園番茄雞湯，番茄湯好濃，好香，喜歡番茄的朋友不要錯過。牛肉肉味香濃，豚肉片質素也很高。牛肉和豬肉都死任叫任食，而且他們有好多配料可以選擇，其中八吋長蟹柳，波霸貢丸，蟲草花，墨魚腐皮卷，墨汁香腸，米血糕等如飲品選擇亦十分多元化，更加有冷熱選擇。飲品亦有甜和不含糖的飲品選擇。至於雪糕是用獨立杯裝和甜筒的，這樣會比較衛生。總結：馬祖台灣養生湯麵館裝修不單舒服，而且食物質素也很高，亦很喜歡他有很多飲品選擇，甜品雪糕方面亦很揼本，名牌的獨立包裝雪糕。

馬祖台灣養生湯麵館早前已經係中環同天后試過！今次開到去荃灣，晚市90分鐘放題仲有各款藥膳養生湯底火鍋，環境仲要對住個海，望住個海景打邊爐都係第一次，環境好乾淨，店員服務都有禮貌，會主動加湯，飲品同食物選擇都有很多，而雪糕方面有Movenpick同Dreyer’s選擇！套餐就揀左Prime Grade肩胛肉眼放題套餐，湯底每人都有一個鍋，可選擇不同湯底，分別揀左藥膳蟲草花桃膠雞湯&藥膳蕃茄麻辣湯！藥膳蟲草花桃膠雞湯湯底有濃郁，桃膠又可以養顏最適合女士！藥膳蕃茄麻辣湯湯底惹味夠辣！Prime Grade肩胛肉眼好薄唔會鞋，肉質算不錯，豬肉片脂肪唔算好多唔會好肥膩！出面仲有其他配料選擇，個人覺深海魚柳同雞髀肉都好好味！

兩姊妹行新商場，見多呢間一人鍋放題好似幾吸引，加上好耐都冇打過邊爐，決定入去試下我哋揀咗Prime Grade 肩胛肉眼放題套餐「西班牙冇激素豬肉片+Prime Grade 肩胛肉眼」x任食呢間餐廳大細有平時食店兩倍，座位安排闊落，入門口前每個客人都必須量體溫，亦有消毒酒精提供清潔手部，夠晒安全細心，而且服務員態度都幾好，會細心介紹餐廳湯底因為一人鍋嘅設計，我同姊妹各揀一款湯底，湯底方面我哋揀咗，藥膳蟲草花桃膠湯+藥膳花雕清雞湯藥膳蟲草花桃膠湯：好重蟲草花味道，大少少酸味，食肉類嘅時候出奇地酸味很配合，十分之開胃而營養嘅湯底藥膳花雕清雞湯：花雕味重，淡淡清雞湯味，配搭肉類花雕味會變淡，不會腸過肉類的味道，非常不錯 西班牙冇激素豬肉片：咬落肉質唔會散又有咬口，落枱時冇記到雪塊同冰面，解凍準備充足，味道方面配合湯底非常之夾Prime Grade 肩胛肉眼：切得夠薄身，好快就碌熟到，牛肉味重而且鮮嫩另外值得一讚，飲品吧同食物吧都非常齊全，指示牌貼得很清晰，食品嘅質素都唔錯，例如有很長身得蟹柳條、墨魚片、台灣腸、萵筍、稻庭烏冬、鮮魚片等印象較深刻飲品除咗凍櫃外，更有熱櫃同茶包選擇～最最最開心發

今日去咗荃灣海之戀商場度行Donki，咁啱最近又想打下邊爐，但係見到嗰個打邊爐家族我就唔敢，咁我咪海之戀商場見到有一間係一人一鍋嘅台式火鍋，價錢唔算好貴， $198一個人，我哋就入咗去食，首先我哋要揀個湯底，淨係湯底都有差唔多10款八款俾你揀，揀完湯底之後就可以自己出去攞唔同嘅火鍋配料，亦都可以無限添加牛肉同埋豬肉，同出邊好多餐廳一樣都有好大個雪櫃俾你攞嘢飲，但係呢度好貼心嘅地方佢哋熱飲都有，我所講嘅熱飲唔係有部機俾你沖出嚟有茶有咖啡有奶茶嗰啲熱飲，而係有個暖櫃將一啲紙包同埋罐裝飲品放喺裏面，我揀咗出邊唔係成日都有得飲嘅罐裝薑母茶，呢度嘅火鍋配料選擇唔算太少，質素都算幾好

今日終於收早，近排睇到新聞其實真係唔敢打邊爐但還好我真係一個打邊爐控，咁有咩辦法呀，唯有打一啲一人邊爐啦去開荃灣海之戀行Donki，俾我哋發現到依度有間台式火鍋店最好嘅係每人一個鍋底，有九款選擇價錢由$178至到$458不等我哋糧尾真係唔想食咁貴，最後揀咗$198有牛又有豬的套餐牛肩胛肉及西班牙豬肉片都係無限添加，而其他食物就可以出邊自取牛肉🐃薄薄一片很容易熟透，色澤紅潤有嚼口既口感，油花紋理均勻，香而不膩，入口細膩滿口留香豬肉🐖豬肉肉質晶瑩剔透，沒有雪味。自取食物有好多，當中有羽衣甘藍🥬維生素同纖維量豐富，正呀仲有我最鍾意嘅芝士竹輪，一口氣食咗10粒醬汁有最基本嘅豉油、辣椒🌶蒜蓉⋯亦有提供日式酸汁、沙茶醬及日式燒肉汁飲品區域亦是自取🧃有冷熱飲之分，非常細心體貼，當中有烏龍茶可以解油膩添。最後壓軸有雪糕🍦 款式雖然唔係多，但勝在大品牌，而且係任食嘅，亦是回本之選。

呢間台式火鍋店一行入海之戀商場就見到，位置非常顯眼😆首先選擇左要邊款套餐，價錢由$178 - $458，要睇下揀咩級數嘅肉～今次我揀左$198套餐，然後再揀埋湯底，湯底有9款可選，全部都係藥膳湯底，感覺好養生👍有30幾款配料可以任拎，比較特別可以任拎有墨汁香腸～同超長蟹柳！其他台式丸類都好新鮮～⭐️⭐️仲有羽衣甘藍⭐️⭐️野飲有接近20款，有汽水、冇汽果汁～推薦馬蹄竹蔗，唔甜又下火甜品有movenpick同Dreyers~😍$198套餐可選兩款肉，Prime Grade牛肩胛肉同西班牙係激素豬肉片，牛肩胛比較腍，而食落豬肉片較結實藥膳蟲草花桃膠雞湯，未淥任何野前試似左湯先，好重藥材味，好清甜，仲有好多桃膠～好養顏🥰藥膳番茄麻辣燙，番茄味非常濃郁，中辣都唔會套辣～重口味之選、淥野食正呀😍最後當然要你番個甜品完美結束🥳

肉吃完需要問服務員點。我們又點了兩份牛肉，叫了三次，等了四十分鐘還是沒有上來。心情沒了直接走人。最可氣的是旁邊桌的肉一直再上。服務真的應該好好學學隔壁海底撈。總之，服務非常差。非常不滿意。

某日去荃灣海之戀商場逛街 , 見到這間 馬祖台灣養生湯麵館 就心生興趣 , 細看之下竟然原來是打邊爐的，還要是任點任吃 , 真是平靚正！這是 台式的火鍋放題店 , 90分鐘任點任吃 , 一人一鍋夠衛生 ~基本的牛肉和豬肉 , 和其他的火鍋配料 都是任點任吃的 , 配料就在外邊的雪櫃 bar位，可以自行去拿取 ~飲品選擇多 , 而且種類很特別 , 都是任飲的 ~我們點的是 Prime Grade 肩胛肉眼放題套餐 , 肩胛肉眼和西班牙無激素豬肉片是任點的 ~火鍋 : 鍋底 , 筆者選擇了 "藥膳台灣沙茶湯" 味道香濃 , 又略帶甜味 , 不太油膩 , 很適合筆者口味 ~太座就選擇了 "藥膳蟲草花桃膠雞湯" 味道清香帶有少少藥材味 , 但不會過濃 ~肩胛肉眼 : 肉質嫩滑 , 肥瘦均勻 , 放湯勺久了一點也不會很柴 , 食落有肉香 , 肉味頗濃郁 ~西班牙無激素豬肉片 : 肉質爽口 , 有肉香但不是那種豬臊味 , 西班牙的豬肉就是有這種高質素 ~台式打邊爐嘛 .... 各式丸類、台灣腸、血米糕、蟲草花、木耳、沙茶牛肉 , 當然都是必吃的食物 ; 全都是任點任吃 , 當中 , 筆者覺得沙茶牛

今天工作很辛苦，於是就想食下放題放縱一下這間餐廳的火鍋放題非常的骰養生每人有一個迷你鍋，自己煮自己食.湯底有九款選擇，大部份都是藥膳養生的我和朋友分別選擇了：藥膳椰子清雞湯 - 有椰子的清香，奶白色的入邊還有不同的材料藥膳田園蕃茄濃湯 - 番茄酸酸地非常開胃，有淡淡的藥膳味.我們選擇了$198的Prime Grade 套餐，這是最平有牛肉食的餐，但是任食的牛肉質素也不差，鮮紅色的十分新鮮。而且不會漏單叫六盒就真的會來六盒。當然任食的豬肉也不差，只是我們都比較喜歡食牛肉。.出面就有很多自取的食材，有蔬菜有月餅也有粉面等等。我最喜歡的是足八吋長蟹柳！有也有很多配料都有台灣特色，例如是墨汁香腸、台中貢丸、米血糕、台灣腸得等等連飲品都是Made in Taiwan! 我最喜歡的是這罐黑糖薑母茶，溫暖又補身。另外也有牛蒡茶，是沒有糖的，享受之餘也不會增加負擔。飲品選擇其實非常多，還有汽水果汁等等。最驚喜的是雪糕Movenpick 及Dreyers 也是任食!.環境舒服食材新鮮，$198性價比不錯呢！

荃灣西鐵站有個新開嘅商場叫「海之戀商場」。原來入面有好多嘢食架。我同🐷仔揀咗*馬祖*開餐。凍凍地烚烚下最好不過。全港首創台灣藥膳養生火鍋放題。人人一人一鍋。湯底有9款選擇。酸辣甜樣樣齊。選擇非常之多雪糕唔係雜乜牌。係名牌Movenpick。飲品有冷有熱。好窩❤️。食物款式包括特色嘅台式腸。台式丸。溫馨提示連貴價嘅羽衣甘藍🥬蟲草花都有🦷為食妹👧🏻揀咗04）藥膳蟲草花桃膠雞湯個湯底有桃膠 。蟲草花。紅棗。。。好甜好養生🦷。烚烚下之後都冇甘大罪惡感🐷仔揀咗01）藥膳椰子清雞湯椰香濃濃一上枱已經聞到陣陣椰香味。大大粒貢丸VS細細粒貢丸牛肉/豬肉放題有五款價格～平貴豐儉由人我地揀咗$308餐。美國極黑和牛肩脊肉放題套餐。質素非常高。食到我地Lam Lam 👅

又係時候要打邊爐啦啱啱行完荃灣嗰間Donki之後試呢間係新開嘅舖頭嚟㗎就係馬祖台灣養生湯麵館——————————佢有5個價錢嘅套餐可以揀而我地揀咗要$198呢個set呢個套餐已經包括左Prime Grade肩胛肉眼西班牙無激素豬肉片同深海魚柳之後其實呢個套餐中包括左台灣沙茶牛肉同埋精選雞腿肉不過呢兩款就係自己出去配料區度拎嘅佢都有九款湯底可以揀嘅因為佢係全港首創台灣藥膳養生火鍋放題所以理所當然地當中有八款湯底都係藥膳而且呢個係走一人一鍋嘅路線因為你會食得出呢度嘅肩胛肉眼唔係低質嘅口感所以作為牛魔王嘅我都有encore（佢第二輪嚟嘅牛靚啲囉但係）不過我覺得佢啲豬肉片都好高質完全唔會有一啲肥膏最值得讚嘅點我覺得呢度嘅湯底真係做得好出色我係嗌咗要藥膳椰子清雞湯嘅點知嚟湯底完全係出乎意料之外侍應一放低我已經聞到好濃郁嘅椰子味真係好香好惹味☺️☺️夠味到完全冇需要拎出面嘅豉油配料而我朋友就係嗌嗰個藥膳番茄麻辣湯（小辣）我自己都試過少少都真係算幾辣但係我朋友係幾食得辣嘅人所以佢覺得好啱啱好嘅感覺湯底係邊爐之中最重要嘅一個元素如果湯底唔好、唔吸引嘅話就一定會失分好多而呢度真係做得好出色我想講嘅呢度嘅嘢飲

困左屋企幾日悶到發瘟，忍唔住同屋企人打邊爐抖抖氣～第一次黎海之戀商場搵野食，開左好多新餐廳，包括呢間以台式藥膳養生火鍋放題為主打既馬祖養湯麵館，等我黎試試～🤩呢個環境新淨企理，仲有海景睇添！今次揀左Prime Grade肩胛肉眼放題套餐（$198/大人，$148/小童，限時90分鐘），呢個價錢包任食Prime Grade肉眼牛、西班牙無激素豬肉片，冷熱飲品同Movenpick雪糕🍦🥴湯底揀左藥膳蟲草花桃膠雞湯，湯底清甜且十分足料，好多桃膠，非常適合女士養顏！肩胛牛肉質素不俗，一點都唔鞋口；而豬肉片無咩豬羶味，口感富彈性～如果唔夠食，仲可以出去自助火鍋配料區，當中包括沙茶牛肉同精選雞腿肉，更是任拎任食！總體而言，食物質素絕對對呢個價錢！