影片
更多
2020-03-16
2314 浏览
最近都少左外出晚飯，聚會更少，今晚只係同朋友食個火鍋，精選了比較少人的海之戀商場內的一間火鍋店，吸引之處是一人一鍋很衛生，而且入店之前，店員會幫客人測體溫，另外仲提供免沖洗酒精搓手啫喱 給客人，還有紙袋給客人放存口罩，很貼心的服務。晚市火鍋放題有90分鐘，有5五款以不同肉類配搭的套餐，價錢$178-458。火鍋湯底有九款口味，主打是藥膳養生的湯底，配合不同口味，如麻辣、蕃茄、椰子、花雕.......每人一鍋，可以自己揀自己喜歡的湯底。由於新開不久，餐廳很新很乾淨，坐位都夠大，坐得好舒服，可以慢慢食火鍋。我地揀左本店推介的美國極黑和牛肩脊肉放題套餐，成人每位$308，有90分鐘任飲任食。好快已經上齊食物，等待湯底滾起時，我就出去取配料及飲品。有兩大個雪櫃放滿配料，台灣當然唔少得丸/腸類，我推介墨汁香腸味鮮有肉感、波霸貢丸超大粒、米血糕、芝士竹輪爆芝好吸引、足八吋長蟹捧有夠誇張，要影相厄like，呢D都係好味又有特色。蔬菜類都好多選擇，我就喜歡加粟米令湯底更甜，仲有價錢較貴又健康的羽衣甘藍都好好味，響鈴吸盡湯汁、爽脆鮮萵筍、蟲草花......都必食的。飲品亦很多選擇，其中的柚子蜜、荔枝烏龍
晚市火鍋放題有90分鐘，有5五款以不同肉類配搭的套餐，價錢$178-458。火鍋湯底有九款口味，主打是藥膳養生的湯底，配合不同口味，如麻辣、蕃茄、椰子、花雕.......每人一鍋，可以自己揀自己喜歡的湯底。
由於新開不久，餐廳很新很乾淨，坐位都夠大，坐得好舒服，可以慢慢食火鍋。
我地揀左本店推介的美國極黑和牛肩脊肉放題套餐，成人每位$308，有90分鐘任飲任食。好快已經上齊食物，等待湯底滾起時，我就出去取配料及飲品。
有兩大個雪櫃放滿配料，台灣當然唔少得丸/腸類，我推介墨汁香腸味鮮有肉感、波霸貢丸超大粒、米血糕、芝士竹輪爆芝好吸引、足八吋長蟹捧有夠誇張，要影相厄like，呢D都係好味又有特色。蔬菜類都好多選擇，我就喜歡加粟米令湯底更甜，仲有價錢較貴又健康的羽衣甘藍都好好味，響鈴吸盡湯汁、爽脆鮮萵筍、蟲草花......都必食的。
飲品亦很多選擇，其中的柚子蜜、荔枝烏龍茶、忌廉溝鮮奶......都值得一飲，好夾火鍋，又清爽解膩，怕熱氣仲有竹蔗馬蹄，不過我覺得另一貼心之處，就係有暖飲，特別有個暖櫃放左幾款飲品，食雪糕食到凍凍地，真係要飲返啖暖飲回暖一下。
藥膳椰子清雞湯（上），好香椰子味，有藥膳材料，但藥味唔會好重，湯底清香鮮甜，有養生功效又可以食到火鍋，真係好正。藥膳蟲草花桃膠雞湯（下），湯底味道濃郁又夠清晰，足料藥膳滋潤養生，仲有好多蟲草花同桃膠，估唔到桃膠都可以店食而已可以加入火鍋食，好味又有新鮮感。
美國極黑和牛肩脊肉和牛肉質好好，雪花紋好靚，分佈平均，涮一陣就食得，肉質鮮嫩，牛脂化開好香，滿口牛肉香味。
Prime Grade 肩胛肉眼脂肪比例較少，肉質扎實有咬口，相對地呢款牛肉味道更濃重，食完亦一點也不膩。
西班牙伊比利亞黑毛豬（上）伊比利亞豬是食橡果，令豬肉有獨特榛子芳香，呈現大理石紋般的油花，黑毛豬肉質更嫩更清甜，而且不燥。
西班牙無激素豬肉片（下）
肉質好有彈性，薄片令豬肉唔會過膩，有種嫩嫩彈彈的口感，亦有豬肉與脂肪溶化的香味。
還有3款肉可自取的，質素亦高。深海魚柳夠厚身啖啖肉，雪白的魚肉既嫩滑又彈口，最重要不腥。台灣沙茶牛肉，醃得入味，有沙茶醬的風味，牛肉亦有鮮牛的嫩滑感，味道夠惹味。個人更喜歡精選雞腿肉，用腿部的肉，所以入口好彈好有咬口，雞肉也是柔軟幼嫩，仲吸到湯汁的椰子香味。
最後梗係要食甜品，套餐是可以任食movenpick雪糕，仲有Dreyer's 甜筒，已經值回票價。berry味的movenpick雪糕，酸酸甜甜好消膩好冰涼，雪糕質素也是很高。Dreyer's 芒果味雪糕就一般，反而兩款口味的甜筒就超正，朱古力杏仁好濃厚朱古力味，而日式柚子味好清香，果香味令人好refresh，味道亦清甜不膩。
张贴
