影片
开饭介绍
此分店供应以多款配料制作的台式药膳汤面外，更设有一人一锅台式火锅放题。火锅主打不同的高质肉类，而自助食品区可自选多款食材、甜品及饮品。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
*新年期间正常营业
以上资料只供参考，请与餐厅确认详情
-
网上订座即将推出
食家推介
相关文章
约左朋友喺荃湾用膳，见天色昏暗，唔想行太远，去左海之恋商场「马祖」。餐厅主打一人一锅台式火锅，以药膳汤底和丰富配料闻名。我哋点左个 90 分钟全日定量火锅，套餐包每人 2 碟 Prime Grade 肩胛肉眼、火锅配料 Bar 、雪糕及雪柜内饮品任饮任食，额外再送任饮即冲台式饮品。汤底拣左药膳椰子清鸡汤同虫草花桃胶鸡汤，前者椰味浓厚、清甜不腻；而后者亦用料十足，滋润养生！肩胛肉眼质素非常高，不但纹理清晰、肉质细腻，而且肥瘦度刚好，入口香嫩有牛味。火锅配料全部放晒喺自助区，有丸类、蔬菜和面类等，全部都可以任食。台式饮料选了爱文芒果茉莉花茶，茶香与果香交织，清爽提神；另一杯柑桔柠檬特饮味道亦唔错，入口冰凉润喉！雪糕雪条有Movenpick、Dreyer's、Cocoberry 同 雀巢等，全部都货量充足，食多两杯已回本。
继续阅读
落雨凉凉地想食火锅。朋友带我嚟食台湾马祖定食火锅放题。荃湾西铁站一出就到地点超方便，台湾药膳养生火锅放题性价比好高，我地选了定量set b $138/位,90分钟，任饮任食，一人一锅超卫生，非常经济。台湾养生药膳汤底有成12款选择。点了药膳蕃茄麻辣汤好浓郁蕃茄同辣味，越食越惹味。药膳虫草花胶鸡汤超足料感觉很养生。套餐包一碟Prime Grade 牛肩胛肉油花分布平均，有牛味。一碟西班牙冇激素猪片，肉质嫩滑，切得够薄轻轻一灼就食得自助配料区有成30多款选择。 各款蔬菜。菇类，台式丸类，午餐肉，台湾肠等应有尽有，仲有稻庭乌冬，台湾王子面，新竹米粉，当中最正就系沙茶牛肉同埋鸡髀肉😋沙茶牛肉腌得好入味又好滑，鸡髀肉大大件，啖啖肉得嚟够嫩滑。饮品有5款台式饮品任饮，另外可在饮品柜选喜爱的。金桔柠檬特饮都几好饮酸酸甜甜地几开胃。最后雪糕雪条任食，有movenpick椰子味及云呢拿味😋 椰子味内有椰丝增加口感。 净系食雪糕都抵返啦。
继续阅读
今晚同友人食定量火锅，比起一般任食，呢款套餐定量主要肉类，但可以任食火锅配料、饮品及雪糕，相对地价钱较低，我觉得性价比高。套餐有A-H $128-188，我地拣左B 餐 $138 有Prime Grade 牛肩胛肉及无激素猪肉片，90分钟任食任饮。汤底有12款选择，我拣左药膳椰子鸡汤，好香椰子味，汤底清甜不腻，越食越显奶香。友人不食药膳，所以拣左日本寿喜烧汤底，甜甜地好夹牛肉。每人都有1份牛肉及猪肉，不过自助火锅配料之中，有沙茶牛肉、鸡腿肉、鱼柳......肉类，都是可以任食。Prime Grade 牛肩胛肉，柔软好咬，牛味浓郁。无激素猪肉片，嫩弹多肉汁，配柚子酱油或芝麻酱都好正。沙茶牛肉大块又入味，仲好嫩腍。鸡腿肉超大只，啖啖肉又嫩弹。鱼柳柔嫩不腥。蔬菜有几款选择，新鲜干净，当中更有贵价的羽衣甘蓝。丸类都很台式风味，金沙鱼丸有爆酱咸蛋，芥末鱼籽丸刺激味蕾，鱿鱼羹好爽弹，黑松露猪肉丸好香松露味，食左10粒超正。饮品选择都很多，而且有冷/热饮，另外，扫码下单都可选择任饮的台式特饮，水蜜桃锡兰红茶，有果香，微甜好饮。爱文芒果茉莉花茶，茶清香甜。雪糕都很多选择，MOVENPICK 的椰子味很少见，椰香清甜，而云尼拿仍然咁香咁好味。另外海盐味同豆腐味都吸引。DREYERS 的芒果味都果香满满好香甜。
继续阅读
今日去开荃湾西，好肚饿，拣咗呢一间台式火锅食，七点左右，四个人可以直入，唔使等，入座嘅时候要拣埋咩套餐同咩汤底。因为见佢都有几多配菜，所以决定要定两套餐，唔使任食，我哋叫咗两个C餐，一个F同埋一个H。汤底方面，两个叫咗麻辣汤底，一个叫做沙茶汤底，另一个叫做椰子鸡汤。三款汤底都比较咸，仲要越食越咸，去到最后已经连豉油都唔使用。椰子鸡汤算系比较好味，佢嘅椰子味好香浓。牛肉嘅味道都OK，不过切得好薄。呢度最大嘅卖点就系佢有好多配菜，芝士肠，餐肉，蟹柳，丸类，响铃，米粉，王子面，真系有好多。仲有鸡件喺出边任拎，真系好少见。饮品都有好多，罐装，纸包喺出边个柜都已经好多选择，但系佢哋仲有台式饮品，可以用QR code落单。甜品都有几种唔同嘅牌子嘅雪糕选择，有牛奶公司， Movenpick， Coco Berry，另外仲有啲雪条。百几蚊一个餐，仲可以任食配料同甜品，性价比算系好高。不过卫生方便就争啲，佢哋抹枱抹得比较Hea，我哋入座嘅时候成张枱都好多污迹，张凳又有水渍，因为佢哋好多人食，我见后尾都有好多人排队等位，所以佢哋清洁张枱都清洁得比较快，或者可以叫做随意咗少少。而且我哋叫汤底嘅时候，想问清楚有乜嘢分别，但系我见到个员工开始黑面，𠮶下令到我哋嘅感觉都唔系几开心。
继续阅读
谦谦话暑期闷想出去食饭， 问佢想食咩又话想打边炉，见海之恋有间马祖d 餐几抵食就叫左 C餐来食， 呢个系全日定量90分钟火锅，每人包两碟 Prime Grade 牛肩胛肉。我地一人一锅，我叫左药膳台湾沙茶汤，谦谦叫左药膳番茄麻辣汤，Prime Grade 牛肩胛肉质素唔错好软腍， 呢到仲会有个盘比你出去拎野食， 出面都有好多唔同口味嘅丸和蔬菜， 面食都有架。呢个价钱系抵食之选，如果你唔系钟意食太多肉又钟意食多d菜的，呢个餐满足哂。佢每人包两盘肉其实都好足够，呢到仲有花茶饮， 又有雪糕食添。谦谦都食左3支雪条，我就食Movenpick 作结尾。
继续阅读