馬祖台灣養生湯麵館 (V Point)

营业中

休息中

養生湯飯，少食，所以去一試。叫到泥既時候係真係一碗湯加個飯，分開上既，仲有一個碗仔，專俾你用泥湯撈飯。隻雞呢就真係唔滑既，始終都係煲湯。但係個湯就真係好甜，送飯真係好好食，仲有好香既麻油味，呢個係我無expected過，我以為係普通既中湯。但係原來唔係，係真係好甜，而且係一種清甜，無個一種油膩既感覺。

好足料既藥膳湯米線！點左白菜豬肉餃藥膳湯米線。紅棗圓肉杞子味很重，米線好大碗，無記錯餃子有成6，7粒，木耳都好多，其實佢呢度有辣湯我都好鍾意食辣不過見佢係主打養生所以先試佢個藥膳湯先！ 下次試下佢d辣！🫶🏻🫶🏻$59 仲要包野飲性價比高！點左杯 熱蜂蜜茉莉花茶，好飲。

身為一個唔劣食都唔寫食評既人真心想試藥膳嘅話真係唔使嚟藥膳嘅定義並唔係加個紅棗同埋杞子就係藥膳紅棗湯就想扮藥膳湯餃子一夾就散叫米線林啲 就韌到不得了同台叫咗醉雞亦都冇酒味只係一個白切雞撈埋一個米線入邊對我黎講侮辱咗馬祖呢兩個字只係濫竽充數 用馬祖呢個名來做打招牌如果對於養身嘅又或者食物冇味呀嘅人來講的確係好啱 因為成碗米線真係一啲味都冇完全冇對藥膳嘅期望你就可以嚟試吓我對於呢間嘢真係搞唔掂 冇咩事我都係出返去先

不知有沒有人喜歡吃藥膳湯底的麵，但又怕藥材的味道太霸道？那麼這間 馬祖台灣養生湯麵館 的湯底應該可以滿足到您的要求喔！而且這裡除了藥膳湯底還有麻辣湯底，配搭的款式亦滿多喲麻辣台灣鴨血拼凍豆腐米線 ($65) -有三款辣度可以選，我是選了小辣！但看到湯底的顏色便覺得不妙。小辣都已經辣到飛起，很難想像另外兩種辣度會是辣到哪種程度 ... 適合很吃得和很愛吃辣的朋友。不過這個湯底辣得來是帶點甜味，其實本身是不錯。凍豆腐吸掉很多湯，連鴨血都很入味，所以就辣上加辣了！下午茶 3:00pm - 6:00pm 會奉送$8飲品 - 蜂蜜茉莉花茶。因為這個杯好保溫，建議想即刻飲的要點凍飲。

同朋友去買外賣 晚市套餐都唔少選擇-藥膳養生湯墨魚春卷拼白菜豬肉餃台灣新竹米粉 (轉) 醉雞湯底(+$1)本身以為佢就甘醉雞湯底點知係有埋藥膳嘅🤣墨魚春卷必嗌👍🏽白菜豬肉餃多餡味足，湯底酒味較濃。- 藥膳上湯濃汁手作牛丸 (3粒) 呢個牛丸幾大粒，唔會太多筋，唔錯-熱愛文芒果茉莉花茶唔會太甜or化學味～係茶味較啖-鹽酥台灣澎湖特A級花枝丸又係好大粒，椒鹽粉比得幾多，同係台灣食嘅花枝丸味道都幾似！佢啲份量都算多，食完個麵基本上都好飽。

藥膳湯唔係人人都鐘意陣藥材味～小編太濃都未必岩🤣今日搵左間唔算好濃味之餘味道仲唔錯～又係銅鑼灣不過中環同天后都有分店·一於去試試佢💨—————————————————☻非專業食評·純個人口味☻整個套餐唔錯～藥膳味唔會好濃好岩小編～小食墨魚卷亦出色👍不過藥膳湯可能未必人人受得·始終係藥材大家最好了解身體接唔接受到先·鐘意飲食藥膳既觀眾亦留意唔好成日食·要注意身體😀今日講到依度先·下次再同大家介紹過😉

咁啱今日收工夠時間，就向附近養生一下。足料藥膳雞湯米線🐔份量十足，好鍾意個湯底，飲落冇咩味精，仲有好多紅棗飲落甜甜地，充滿藥膳既味道。仲有好多既雲耳，雞肉嫩滑。另外就叫左墨魚春卷併白菜豬肉餃米線，鍾意佢既墨魚春卷，食落煙靭。份量十足，真係食唔晒個米線！除左食物，飲品份量都十足。依一餐非常滿足。

📍馬祖台灣養生湯麵館 @ 銅鑼灣足料藥膳雞湯米線🐔份量十足 ٩(●˙▿˙●)۶藥膳雞湯絕對係驚喜之作！飲落冇咩味精～反而係足料藥膳湯底 好多紅棗甜甜地 仲有雲耳！夠晒養生😘米線索晒湯汁精華 雞肉滑亦好重藥膳味整體份量非常夠 如果冬天食就真係一流啦哈哈回頭指數😼4/5（養生/雞米愛好者必食(´∀｀*)

人數：1個（女）日期：5月頭時間：8:00天氣：熱平時食開其他幾間米線～朋友之前warn過我唔好食馬祖好咸！咸到飲左好多水都搞唔掂！但我未試過不盡信～就去左去左正值晚飯時間，門口都有人排緊隊～見排第三四位就等下。等嘅同時已經決定好食咩啦！等左3-4個字就入得～還好吧～一坐低就落單，落單過左一陣就上菜了！所有野都幾快手～唔怕餓親😂睇下我叫左咩先～整體評分：上🍜🍜🍜🍜🍜主食：藥膳桃膠農場雞米線👍🏻👍🏻👍🏻你望下啲桃膠！多到！67蚊！超大碗！湯嘅濃唔會令你唔想食落去，雞好滑，雲耳大朵滑口～米線口感較煙韌，係本人喜愛嘅type。總之好味～真的沒有過咸～服務：快手清潔：地下有啲痴痴地

養生湯底 好重料 個湯好甜好好味😋 湯底係用紅棗杞子龍眼肉黑木耳 味道好濃厚帶有甜味 中意紅棗味值得一試 紅棗有好多👍🏻-今次揀咗藥膳養生湯白菜豬肉餃米線🍜餐牌：下午茶時段仲送$8飲品 星期一至日都係呢d set 咖回頭率80分😊

超好味養生湯底台灣麵😋午餐時間都超多人，仲限住只有60分鐘，不過值得一試。藥膳養生湯台灣直送澎湖特A級花枝丸拼白菜豬肉餃米線🍜可以免費轉做新竹米粉✌🏻個湯底望落去顏色唔會好濃，但係飲落去係好鮮甜。完全唔會有藥材味，上邊鋪滿左紅棗同黑木耳，好似未應該係黎至個紅棗。黑木耳好多，仲要好大片，爽口好好食。墨魚丸食得出唔係普通出邊嗰種，真材實料有好多墨魚。應該係好足料，入邊仲有啲墨魚粒，所以食落口都好彈呀。豬肉餃都唔錯👍🏻仲可以轉食香辣養生湯。可以加錢跟餐加嘢飲，配返杯黑糖冬瓜茶。

經過就試試看，聽說食評還可以藥膳古早牛肉湯米線💲753塊牛肋骨，挺腍還有兩塊蘿蔔牛湯，味道濃郁，不是太重藥材味道這店米線Q彈和一般米線不同。米線吸收了牛湯😋可以一試再試，份量也很大碗香辣養生湯💲66墨魚春卷併白菜豬肉餃米線（春卷餃子👌, 還有幾片木耳）這款湯底比較清淡，飲得到有紅棗，杞子，龍眼肉，小小辣這款湯底反而不能令米線更吸味道喜歡清淡，可以一試。小編喜歡濃湯多點3點pm-6點pm包兩杯只定熱飲一句總結平靚正，完😂

拎左外賣行左陣街，番到屋企都隔左2小時，個湯都仲係小小熱的即刻開餐蓋上面已經寫好係咩嘢湯底，不過一聞都分得出，因為黑蒜藥膳湯實在太香，同埋一定要配新竹米粉，夠晒煙銀彈牙又可以吸到湯汁。雞件一碗都有四五件，唔係滑雞不過都有雞肉香，仲會有幾粒雲耳。湯底好足料有藥膳香味，仲有紅棗杞子龍眼肉，數量都好多。我叫套餐會配飲品，每次都會揀愛文芒果茉莉花茶，好香芒果味，配藥膳湯一鹹一甜，令人胃口大增。每次我都會飲晒個湯，正常都會有味精，但係飲完都唔會太口渴，食完個人暖粒粒，好滿足。

之前仲有晚市嘅時候，嚟到登龍街搵嘢食。記得嗰晚天氣凍，想食啲熱辣辣嘅嘢，於是去咗呢間餐廳食碗暖笠笠嘅米線。😋藥膳麻油雞米線湯底味道鮮甜，眼見都有好多紅棗、杞子，雲耳，不過可能因為麻油雞嘅關係，個湯底都幾油。略嫌藥膳味唔夠重，被麻油味完全蓋過咗。雞件都算嫩滑，麻油味好香好惹味。米線份量唔算好多，好肚餓嘅話可能要加多份小食先夠飽。😋鹽酥墨魚春卷（3條）最優勝嘅地方係佢真係熱辣辣，炸得好脆口，已經成功咗一半！墨魚春卷味道不過不失，係好典型會喺台灣食到嘅鹽酥味道。

之前食過一次覺得幾好所以再encore，但呢兩次都係越食越差，最慘係啲雞又唔熟，上次同佢講咗都冇改善，醉雞用雪雞肉又冇乜酒味，湯又越嚟越鹹。全部食唔落口。證明佢哋冇用心去做好同改善食物質素，失望，唔會再幫襯