馬祖台灣養生湯麵館 (V Point)

超好味養生湯底台灣麵😋

午餐時間都超多人，仲限住只有60分鐘，不過值得一試。

藥膳養生湯台灣直送澎湖特A級花枝丸拼白菜豬肉餃米線🍜

可以免費轉做新竹米粉✌🏻

個湯底望落去顏色唔會好濃，但係飲落去係好鮮甜。
完全唔會有藥材味，上邊鋪滿左紅棗同黑木耳，好似未應該係黎至個紅棗。

黑木耳好多，仲要好大片，爽口好好食。

墨魚丸食得出唔係普通出邊嗰種，真材實料有好多墨魚。
應該係好足料，入邊仲有啲墨魚粒，所以食落口都好彈呀。

豬肉餃都唔錯👍🏻

仲可以轉食香辣養生湯。

可以加錢跟餐加嘢飲，配返杯黑糖冬瓜茶。