馬祖台灣養生湯麵館 (V Point)

营业中

休息中

馬祖除左火鍋做得出色，佢都開左間養生米線店，都非常高質，我會話係高級米線😂香辣養生湯麻辣雞米線 $67個養生米線個湯底好高質，係超級重紅棗嘅味道，加上仲要可以加埋麻辣，個味道夾埋超正，就算有辣油係個湯面，我都忍唔住飲咗幾啖湯，因為湯入邊嘅紅棗味實在太正，如果唔叫麻辣我應該會成碗飲晒，而個米線同埋紅棗都吸晒個湯嘅味，超正。至於雞嘅份量都幾多，有5-6舊，而且都非常嫩滑唔會好老，連埋啲湯一齊食再昇華左，而且店員仲好貼心咁會比一個碗仔你放雞嘅骨。

話說我之前OT都八點幾先離開公司，男朋友就喺我公司樓下等到我收工🥹 仲好貼心咁用app喺餐廳拎定飛，等我一收工就可以去食飯🥹🥹🥹 好感動！本身諗住去食燒肉，不過夜晚實在太多人排隊，就算去到八點幾，都仲有50幾個位先排到我哋🫢所以我哋就即時決定轉場，直接喺銅鑼灣搵一間唔使排隊嘅餐廳食飯(因為實在太肚餓)喺登龍街附近出名多餐廳，我哋經過呢間餐廳，望一望個餐牌覺得唔錯👍🏻加上係藥膳湯底，好似補一補都幾好😆 最近真係OT到人都殘哂… 最重要係呢間餐廳唔使等就可以直接入座！我覺得呢度嘅食物選擇都幾多，不過佢啲飲品選擇就好少，如果佢可以提供台式飲品(例如珍珠奶茶🧋🤪)，咁就perfect了！藥膳養生湯墨魚春卷拼白菜豬肉餃台灣新竹米粉(醉雞湯底)+ 鹽酥濃汁手作牛丸3粒 ($96+$1)我叫咗呢個套餐，包一個小食同一個主菜，加咗$1轉做醉雞藥膳湯底，不過醉雞味唔算好突出，好彩本身個藥膳湯底已經好好味，紅棗嘅甜味同藥膳湯底融合得好好👍🏻 湯底仲有圓肉、杞子等等藥材，好味又滋補🤤 墨魚春卷幾彈牙，魚味都幾出；而白菜豬肉餃就一般般，冇乜特別。至於跟餐嘅小食，有三粒牛丸。雖然size唔係好大，但係入面幾Ju

今日出咗銅鑼灣登龍街搵嘢食，最後揀咗馬祖第一碗嚟嘅蟲草花藥鱔雞米線，個藥好重藥味，而且好重紅棗味，好正！啲雞件都幾滑，份量好足！跟住係牛肉麵，湯頭好重牛肉味，牛肉四件都大大件，刀削麵亦都好煙韌，好襯個湯因為係下午茶時段，可以免費嗌8蚊特飲，所以叫咗杯愛文芒果茉莉茶，不過凍飲加3蚊總結成餐味道非常滿意，只係侍應姐姐嘅態度仲有啲啲改善空間，可能在場好多客都想坐卡位，搞到侍應姐姐有啲忟憎，不過態度都可接受！

上星期同男朋友去維園行花市，咁就係銅鑼灣搵野食，本身想食果間無開，就過黎試下依間馬祖台灣養生湯麵館😂果日我同男朋友分別叫左一人套餐，套餐包左一款小食加一杯飲品我揀左醉雞米線，鹽酥墨魚春卷(3粒)，飲品就叫蜂蜜茉莉花茶🤣而男朋友就揀左香辣雞米線(大辣)，鹽酥花枝丸同埋凍奶茶😆我地再額外叫多碟台灣麻辣凍豆腐(6件)份量都幾大碗，聞落去係有醉雞味，但食落去就一般，湯同米線都無乜味，可能因為養生😂反而男朋友個碗香辣雞個味就出啲，米線都索到啲汁🤔而小食我同男朋友都係最鍾意墨魚春卷，好鬆脆，唔會太鹹！最鍾意食落唔係得個粉既味道😂花枝丸就鹹左啲，好似蓋過哂墨丸既味😢有陣佳寶既雪藏味😂而麻辣凍豆腐我地以為係凍食😅我地問返店員，點知店員話係熱食黎架，個名就咁叫凍食囉😂但食落去係無乜感覺無乜味道，豆腐口感一般😂下次再有機會想試下佢啲飯😂😂睇下係咪都係一般😂價錢就偏貴，咁既價錢出面有大把選擇😂鍾意食淡味同養生既朋友仔都可以試下，細食既朋友建議可以少米線😆❤️

這家以台式藥膳湯麵為主打菜色的餐廳，在港島區設有兩家分店，我去的銅鑼灣店距離港鐵銅鑼灣站大約4分鐘步程，位置十分方便。餐廳環境比較像茶餐廳，不過座位也算寬闊，但是餐廳貼有告示「繁忙時間用餐時間60分鐘」，這點可能要注意！餐廳有多種台式料理可以選擇，例如藥膳麻油雞、藥膳農場醉雞、藥膳古早牛肉湯等，另外也有加入香辣及黑蒜等較重口味的菜色，選擇十分豐富。這次我選擇了「蟲草花藥膳農場雞」配白飯（午餐：$67），藥膳湯的配料豐富，包括大量的紅棗、雲耳、蟲草花等，湯底並沒有苦澀的藥材味道，反而有濃郁的紅棗味道，湯的味道甘甜，而且喝完並不會覺得口渴，感覺比較少味精。雞肉雖然帶有骨頭不過很多肉，口感滑嫩，搭配白飯也很好吃！另外店員會為點了雞肉的客人送上小碗，讓客人裝骨頭，這樣的安排很貼心！朋友則點了「菜膳養生湯白菜豬肉餃米線」（午餐：$59），餃子的皮不會太厚，經過調味的豬肉和白菜很好吃，與甘甜的湯底同樣很搭配！

古早牛肉湯手工麵 $76, 喺銅鑼灣旺區嚟講, 價錢算係合理公道, 牛肉筋肉均勻,食起嚟有牛肉味又唔會乾, 湯底保持一貫水準,手工麵合格,唔會太淋或者太硬,蘿蔔好淋甜冇渣, 真係冇得輸👍。古早牛肉湯米線同手工麵同價 $76, 米線正正常常,不過冇手工麵同牛肉咁夾藥膳湯花枝丸新竹米粉 $76, 湯底藥膳味都幾濃郁,花枝粒彈牙幾鮮甜,新竹米粉掛湯能力都幾強,同個藥膳湯好配合。喺12月天寒地凍嘅日子,食碗暖笠笠嘅台式湯麵,身心都暖曬。🍽 餐廳: 馬祖台灣養生湯麵館🏠 地址: 銅鑼灣登龍街18 號 V Point地下2號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong

▪️藥膳麻油雞 (白飯)呢間嘅藥膳湯底唔算太濃，帶點清甜雞肉好滑，配料紅棗、雲耳好大件足料，索哂湯味遲吓再凍啲去食就好正！*唔食飯有米線選擇➰➰➰➰➰➰➰➰➰➰➰➰💓回頭指數: 4 / 5 (5分滿分)📍店名: 馬祖台灣養生湯麵館🧭地址: 銅鑼灣登龍街18號V Point地下2號

馬祖台灣養生湯麵館 | #鑼鑼灣 #causewaybay大家平時譚仔米線就食得多啦，藥膳米線又食過未呢～話說有一日，有個朋友suggest話今晚想食得健康啲，就Google「養生餐廳」，頭幾位就係馬祖，所以膽粗粗就入咗嚟試下～個人覺得米線既份量多，大大碗，女仔一個人未必食得曬，味道都OK，唔會有味精湯既感覺，藥材味出，有好多紅棗，木耳，杞子，都算真材實料餸方面，我叫既雞肉都嫩，合格啦環境同服務方面就真係唔好expect 太多😂我覺得想試吓除咗譚仔三哥以外既米線，係值得嚟試吓既！☞ 藥膳麻油雞米線set $96 (自選小食＋飲品)⁣⁣| 餐廳資訊 |⁣⁣𝘢𝘥𝘥𝘳𝘦𝘴𝘴⁣⁣ & 𝘰𝘱𝘦𝘯𝘪𝘯𝘨 𝘩𝘰𝘶𝘳𝘴⁣⁣-銅鑼灣登龍街18號V Point地下2號舖-Mon-Sun 11:30-22:00

其實行過哩間餐廳已經好多次🤣本身我對藥膳湯興趣不大，一聽到藥膳就聯想到中藥、苦茶，所以一聽到「藥膳」都耍手零頭🙅🏻‍♀️但係每次經過經過餐廳都滿座，身邊朋友完全係藥膳控😵於是就勇敢踏出第一步，入去試下佢個藥膳湯麵😂藥膳湯菜肉水餃拼墨魚春卷米線 ($66)我加咗$8要飲品先試一啖個湯底先，好香😳😳湯底有紅棗同木耳。同我想像嘅完全唔一樣😂紅棗味好濃，湯底帶少少甜味❤️菜肉餃唔係漲卜卜，但味道同份量搭救，一碗有3～4隻，墨魚春卷有5件。食物份量好有誠意👍🏻當日用餐時間係2:30左右，過哂午餐繁忙時間，所以一到達就有位。人流唔多，所以上菜速度好快，落單後，等5分鐘就有得食🥢職員好有禮貌，一發現客人(我😂)需要幫忙，喺你舉手前已經行緊過嚟😂如果想食個快飯，推薦大家黎哩間餐廳試下👍🏻

呢間店平時去慣中環個間，頭一次來銅鑼灣呢間服務態度極差，10問9唔應，叫左兩三次都無視左我。食物嘅水準都係維持在一定水平上，就係某個就來冇曬頭髮嘅阿伯真係串到爆，禮貌叫左兩三次都唔應。後來我親自行過去問其他服務員先肯理我

夜晚有好抵食嘅晚市套餐，包一份小食+一份主食+一杯飲品🥰店面乾淨整潔，晚上都唔使排隊，最緊要係上菜好快！如果餓肚仔去呢度就啱👍🏻❇️蟲草花雞湯農場雞配白飯 （小食：鹽酥花枝丸；飲品：柑橘檸檬特飲）相當濃郁香醇嘅蟲草雞湯，配上白飯，每一啖都好似滑入肚咁🥰食到好滿足杯嘢飲都好大一杯，用啤酒杯裝住嘅酸甜柑桔檸檬，超好飲！賣相❇️❇️❇️❇️❇️份量❇️❇️❇️❇️❇️味道❇️❇️❇️❇️服務❇️❇️❇️❇️環境❇️❇️❇️❇️❇️

🐾馬祖台灣養生湯麵館# It is health that is real wealth and not pieces of gold and sliver. - Mahatma Gandhi🐈都步入會擔心健康的年紀，所以今次同友人S去試下養身米線，分別叫咗……🐾醉雞新竹米線 $67🐾麻油雞米線 $66🐾上湯墨魚春卷(7粒) $30湯底有好多紅棗杞子第一眼已經覺得好健康😂但係又幾好食而且雞好有雞味，湯底亦都唔會覺得有藥膳嘅感覺，十分推介👍🏻今次仲好lucky坐到卡位所以坐得好舒服😌Overall體驗: 始終女仔到左一定年紀就會開始想養生，而甘地都話人的最大財富係健康，所以想要keep住靚但又想食美食的話記得去呢間睇下💁🏻‍♀️

收工去完寵物展已經好夜 ， 突然之間又好想食米線食米線真係會食上癮😍㗎！講真米線之所以咁吸引。。。好大原因係嚟自個湯底！除咗一般嘅酸辣同🌶麻辣，雲南的、麻辣的、魚湯的，仲有相對養生嘅藥膳湯底，除咗主打嘅藥膳🐥雞湯，仲有黑蒜🧄藥膳 / 香辣🌶養生湯 / 蟲草花🐥 藥膳 / 醉雞藥膳湯膳湯有陣陣的藥材味，但不算好濃， 但係好甜，因為有紅棗木耳湯底。晚市商務套餐小食揀咗鹽酥墨魚春捲， 好有驚喜脆卜卜嘅外層， 彈牙墨魚，上面鋪滿野味辣粉台灣麻辣鴨血， 好入味而且滑捋捋睇餐牌見到呢個組合好吸引，我同朋友仔都不約而同揀墨魚春捲拼白菜豬肉餃無辣不歡嘅我梗係揀香辣養生湯🌶🌶朋友仔唔食辣就揀咗藥膳養生湯底， 米線改咗新竹米粉柑桔🍋檸檬特飲 /愛文🥭芒茉莉綠茶

🍜馬祖台灣養生湯麵館 (V Point) (銅鑼灣)銅鑼灣登龍街18號V Point地下2號舖香辣藥膳牛肉湯手工麵湯底用上當歸、紅棗及多種藥材舀起一匙湯整個湯香濃帶甜 辣無蓋過藥膳味飲完口仲有藥材味道 相當配合❤️仲要手工麵好彈口 唔厚又煮得唔爛麵條份糧麵好多 1個人食得哂😆麻辣白菜豬肉餃🥟有啲似灣仔水餃 肉質普通唔算好大粒 餡料唔算多但麻辣汁香味好重 可以沾黎食中意食台灣麵朋友值得一去因為湯底真係真係好香 手工麵都好好食😋

去銅鑼灣自己一丁友食午餐，行去登龍街隨便搵野食，見到呢間藥膳湯幾抵食就試下。.叫左藥膳養生湯墨魚春卷拼白菜豬肉餃，米線轉新竹米粉。一見到真係嚇一跳勁大個湯碗，仲要勁滿。湯底濃淡得宜，有好突出嘅紅棗甜味，仲有木耳、杞子、去核龍眼膳去核紅棗比你咬下，好似仲有一片唔知黃耆定當歸😂墨魚春卷幾香，但包裹嘅腐皮好薄身。白菜豬肉餃我覺得只屬一般，皮還好，餡料味道還好但無咩口感。有得轉新竹米粉，幼絲米粉有咬口。野飲柑桔檸檬特飲味道適中，唔嗆喉，亦唔會似過份兌水，仲要餐飲加10蚊就一大杯😂唯一要挑剔就係環境唔算好乾淨，坐得唔算舒服，比錢嘅位置亦唔近門口。