馬祖台灣養生湯麵館 (V Point)

营业中

休息中

藥膳湯底落左紅棗杞子北芪 味清帶甜 飲落幾舒服 易入口墨魚丸內有墨魚粒 食落有咬口 夠哂墨魚味自家製辣椒油有蒜味香 落落麵到一齊食夠哂惹味呢係價錢配呢個份量 都相當合宜為左個墨魚丸 都會吸引到我再食

有時諗唔到食咩，就會走黎馬祖。佢哋個湯底好甜，飲得出個湯底應該都幾足料去餚。冬天食好暖身，夏天口淡淡冇乜胃口，飲啖湯底好助開胃。而且有我勁鍾意嘅新竹米粉，感覺健康亦好味，不錯之選。

病左要戒口，放lunch搵到一間台式養生藥膳湯底試吓~有下午茶價錢，坐位唔逼，服務都正常,落order後好快到。。。 點了藥膳湯墨魚春卷加餃子配冬瓜茶，湯底係重紅棗味，微微有中藥材味，好滋補養生的感覺，餸的份量是下午茶的份量，墨魚春卷係ok，但係果兩粒餃子係味灣仔碼頭架。。。？🤔下次會encore, 試試澎湖A級花枝丸。食物：⭐️⭐️⭐️⭐️環境：⭐️⭐️⭐️服務：⭐️⭐️⭐️價錢：⭐️⭐️⭐️⭐️

今日可能係最後一日同 Honey 二人世界Honey 揀左佢想食既台灣菜我地叫左藥膳農場醉雞配飯 同 香辣養生湯日式汁燒叉燒米線小食就叫左鴨血先講藥膳農場醉雞，Honey 讚不絕口，話個湯味道配合得剛剛好，價錢雖然有少少貴，但係水準有返咁上下而個香辣養生湯日式汁燒叉燒米線都唔錯，可惜無得轉新竹米粉而個小食鴨血就正常

喺銅鑼灣，諗住簡單快脆食啲嘢， 麵又得飯又得乜都得，行咗2分鐘，見到呢間餐廳，幾啱呢日簡單快脆嘅要求，咁就決定入去開餐😆$76「藥膳古早牛肉湯 - 手工麵/米線/白飯」：揀咗米線🍜；飲啖湯先，真係有啲藥材味，仲帶少少甜味🤩；牛肉有3-4大件，炆煮得幾腍，好牛味🤩；米線 幼滑🤩；仲有2大件白蘿蔔😆$22「上湯漫時蔬」：係生菜🥬，生菜幾新鮮🤩；湯底仲見到加有 紅棗、杞子 等😋跟餐加 $9「港式奶茶☕️」：熱辣辣，幾香濃，仲幾滑添🤩

今日收左工諗唔到食乜，就去左登籠街食覓食，誤打誤撞就撞左入去喇🤣-叫左一個一人商務套餐，包左一個小食、一個主食、一杯飲品～我地揀左炸墨魚春卷、佢地嘅signature嘅藥膳湯底配花枝丸+白菜豬肉餃米粉、芒果綠茶，同埋加多左個醉雞湯底配牛丸墨丸米線✨-食物都偏大份🤣而湯底嘅感覺都係偏甜🤭三款丸類都好彈牙，唔係嗰啲重粉實的的嘅丸🤩👍🏾-總括黎講，用左below $200喺銅鑼灣食到咁豐富嘅一餐，我覺得CP值都幾高😽-Revisit? : Yes🥰✨

其實香港人真係好鍾意食米線，而銅鑼灣正正就有間以養生湯麵作招徠的「馬祖台灣養生湯麵館」，真係未食過，點算愛食米線呀！餐廳內環境企理明亮，座位寬敞。在晚市中，他們更設有一人商務套餐，當中已包含了小食、主菜、飲品等...藥膳上湯濃汁手作牛丸牛丸牛味濃郁，入口爽口彈牙，還有陣陣藥膳上湯濃香，非常滋味。藥膳桃膠農場雞米線他們以藥膳桃膠作湯底，味道香濃微甜，先嚐湯底，已甜上心頭。再食他們的嫩滑的農場雞，今次更幸運有隻大雞髀，入口肉質嫩滑，啖啖肉超正！香辣藥膳牛肉湯米線另一香辣藥膳湯湯底亦非常濃郁惹味，食起來真係越食越惹味。而牛肉入口軟腍，甘香醇厚，藥膳味濃而帶清香，白蘿蔔清甜冇渣，食得過癮。

佢地個藥膳湯底好甜，配料如木耳紅棗芫茜冇吝嗇。飲完直冇覺口渴相信佢哋真係用竹材料去咗佢哋嘅湯底。最開心係有新竹米粉選擇，有時諗唔到食咩，就會走黎馬祖，感覺健康亦真係開胃，咁又一餐

有個台灣朋友之前煮過麻油雞麵線讓我很想念，經過這家馬上進去試吃了一個麻油雞麵，很大一碗，湯底很酒香，很像我台灣朋友做的感覺，湯底偏甜，雞很滑，不過就不是很多份量…

今次嚟到呢間馬祖養生湯麵館食lunch，食物款式睇落好健康養生😋 得閒就要補一補藥膳養生湯墨魚春卷拼白菜豬肉餃米線🍜一嚟到即刻飲一啖藥膳湯 WA~ 好鮮甜，湯底有紅棗、圓肉、木耳、杞子 真心唔錯魚春卷爽滑彈牙 白菜豬肉餃餡料味道都OK 份量亦算多  值得一試😋 藥膳官早牛肉湯新竹米粉🐮🍜湯底香濃 牛肉好淋易咬&份量多 新竹米粉好掛汁 令人食慾大增 冇得輸👍

今日去左銅鑼灣行街，係V Point呢到揾食😋見到呢間養生湯麵都排長龍好受歡迎🤩所以就同朋友揀左呢間食啦😌佢啲食物都好健康養生，加左好多藥膳食材，例如有紅棗、龍眼肉、杞子等等，好啱女士食架😙碗麵都好大碗勁抵食🤤＊＊＊＊＊＊晚市一人商務套餐小食🥟上湯白菜豬肉餃（3隻）🧆台灣麻辣凍豆腐（3粒）主菜🐣🍜藥膳養生湯農場雞米線/白飯 $96🌶️🐮香辣藥膳牛肉湯手工麵／米線 ／白飯 $108配餐飲品🫖無糖苯莉花茶🍋柑桔檸檬特飲

The portion size was so large that I found myself wondering how anyone could possibly finish it all in one sitting. It's the kind of dish that's meant to be shared with others, but unfortunately, I found myself dining alone on this occasion. The beef and the broth were just average in terms of flavor and quality. The beef itself lacked the tenderness that I was hoping for. It was cooked adequately, but it just didn't have that melt-in-your-mouth texture. The carrots were also quite bland and lac

我哋今日去咗銅鑼灣嘅「馬祖台灣養生湯麵館」食lunch，真係食得好滿足呀！😋我哋叫咗三碗米線，其中最出色嘅係藥膳湯白菜豬肉餃米線🍜。餃子皮唔會太厚，裡面嘅豬肉同白菜餡料鮮美彈牙，再配上熱呼呼嘅藥膳湯汁，真係好開胃呀！😍另外兩款米線亦都好好味，農場雞米線🍜嘅雞肉好滑嫩，麻油雞米線🍜嘅麻油香味濃郁，都值得一試。😋仲有一杯柑桔檸檬特飲🍹，清新怡人，令人心情舒暢。😊整個餐廳環境舒適，服務態度好好，食物質素又高，下次一定會再黎食！👍

叫左碗牛肉手工麵，食物超快上台，睇落幾好，但真係似快餐，個湯底得個甜字，加左幾粒紅棗唔係就係藥膳囉，真正嘅藥膳係湯甘香，不是甜。手工麵其實似乾烏冬，同真正台灣牛肉麵嘅麵條差天共地。另外，叫左碗墨魚卷白菜餃米線，餃係灣仔碼頭水餃，無誠意。墨魚卷係街市凍肉舖頭都買得到嗰啲，究竟係咪真係台灣黎？另外，叫咗個黑蒜雞湯配飯，雞粗鞋沒有味道，黑蒜只是幾滴黑蒜油，配飯更加吃不完半碗，要狂加辣油才有味道。整體感覺其差，一定無下次。

呢間店平時去慣中環個間，頭一次來銅鑼灣呢間服務態度極差，10問9唔應，叫左兩三次都無視左我。食物嘅水準都係維持在一定水平上，隔咗好耐先有一個人行出嚟點知又去左幫另一個食客。到之後又有另一個員工走出嚟，一出到嚟就不停同其他員工講佢嗰隻電話遊戲，係咁㩒電話玩個隻coin master，叫左佢幾聲先肯行過黎，黎到又冇心落單，係咁唔記得我落咩，要我重覆，一落完就即刻玩佢嗰隻手機遊戲。非常無言🤦🏻‍♀️🤦🏻‍♀️🤦🏻‍♀️🤦🏻‍♀️ 返工定玩，就算係玩都唔係咁明顯啦🤦🏻‍♀️🤦🏻‍♀️🤦🏻‍♀️銅鑼灣嗰肥妹女職員我真係好佩服佢揸住部手機打機叫左幾次都無視客人！不過實話實說個藥膳農場雞米線幾好食，個湯底幾甜不過有少少鹹。食物我係非常滿意，但態度有待改善同埋我上網搵咗勁耐都搵唔到呢間餐廳嘅電郵，本身想作一個正式嘅投訴，我諗餐廳都要改善一下點樣同食客溝通。我哋只希望在網上面比更加多人睇到有啲人真係唔適合做服務性行業！我自己在附近銀行業做我都唔會攞住部手機去對住啲客人,更何況係飲食業！