馬祖台灣養生湯麵館 (V Point)

营业中

休息中

呢度嘅雞米曾經係最愛之一雞有鮮味 肉厚但不肥煮得軟硬適中第一次來時覺得與別不同吃得津津有味很有吃新鮮走地雞嘅感覺可惜世事常變價錢一路向上質素一路下降雞唔好食湯越來越淡冇雞味只係紅棗龍眼杞子水加d油咁 米線唔似有用湯煮過整體淡而無味湯無味所以桃膠都冇味好在有辣椒油幫助唔洗做大嘥鬼牛肉手工麵 牛肉一般福茂貢肉正常 重香菇味牛丸okay 上湯好過鹽酥港式凍奶茶okay港式凍檸茶okay如果下次嚟食鴨血會唔會失望

假期去銅鑼灣行街，夜晚行過黎登龍街搵野食，原本想食拉麵，但見有幾多人排隊，就搵過其他野食，呢間岩岩好見到有位，之前食過覺得唔錯，就再入去食。印象中係麵食加小食餐，今次見到有，就試下。都係同一堆料，不過係2餸麵，加多個餸用碟出咁，都好既，多樣野食🤣🤣呢間賣點真係湯底，好濃味，我叫左個麻辣養生湯底，湯好濃，湯味唔會比啲辣味遮住，好飲👍麵份量ok，唔會覺得唔夠飽，麵咬落有彈性，唔錯。啲餸都ok，冇乜特別，浸住啲湯幾入味，不過我嫌款式比較小，如果多啲啲選擇會更好

餐廳嘅位置喺銅鑼灣登龍街，如果喺時代廣場出口就最好揀A出口，跟住慢慢行上去大概5分鐘就會到，地址你講到上非常方便同埋就腳，我今日係下午時間去食，lunch嘅時間真係好多人真係要早啲到，如果唔係就好似我咁要等下一輪！✔️麻油雞飯，份量我都覺得幾抵食，麻油雞飯非常香，而且啲雞都幾滑，份量嚟講都算幾多，再加埋大大個白飯其實都幾好送飯，見到都好多上班一族都叫咗麻油雞飯，整體嚟講都可以，不過就坐得有少少迫，下次會考慮外賣返公司食！

依間台式藥膳湯麵店有時候需要排隊先食得，令我好好奇係咪咁好食，要排隊先食得🙈今晚一於試一試～✴️藥膳農場醉雞湯手工麵✴️Ummm…..個人認為依個醉雞湯好怪，一入口首先感受到甜味，然後就係一陣陣甘苦味，同我認知嘅醉雞湯好有出入🤔不過雞件好嫩滑，而且都好大嚿，加返啲分🙈✴️藥膳麻油雞湯米線✴️依個湯嘅麻油味唔算突出，反而藥膳嘅甘苦味始終搣唔甩，所以都唔係我心儀嘅湯底🫠✴️炸花枝丸&鹽酥雞✴️跟餐小食，不過不失～✴️檸檬蜂蜜 & 芒果茉莉茶✴️大伏大伏‼️‼️依杯芒果茉莉綠茶真係好難飲，完全係藥水加水加冰，唔好expect 佢有芒果or茉莉茶嘅味道，飲咗兩啖果斷放棄❗️千祈唔好嗌🤯🤯

喜歡藥膳湯底,大概也是因為試了這間台灣湯麵試了一次便愛上,湯底清甜,連不愛喝湯的我也因為佢而喝多不知幾多啖~可能因為用超級多紅棗去煲個湯底,餸也還是其次呀不過個雞也不差啦~ 吃了三次也是吃米線,同事說手工麵也不錯,下次再試試佢

🔹麻辣台灣鴨血凍豆腐手工麵 （$66）麻辣湯底好濃郁😍好夠麻好夠辣！手工麵好彈牙煙靭 唔錯唔錯！不過鴨血就爭少少，切得有啲薄身，厚身啲嘅話會好好多😚🔹自選麵 （$67）［大甲芋頭貢丸、豬肉餃、新竹米粉、醉雞湯］.醉雞湯好濃郁！即使飲完湯都唔會覺得口渴😍養生人士必愛👍🏻芋頭貢丸入面真係有一粒粒嘅芋頭，而且貢丸亦都好彈牙，值得一試，豬肉餃都幾香豬肉味👍🏻評分♡👅味道：8.5/10👀回頭率：8/10🤙🏻性價比：8.5/10

前排天氣凍，去左食養生又暖身嘅湯麵。鋪頭曾經係香港好出名，依家人潮退左，終於有機會試。🌸農場醉雞湯配台灣粉絲🌸$68湯底食得出鋪頭好用心烹調而成， 聽聞係因為用左十幾款藥材熬足5個鐘以上先會咁甜。不過就唔太食到有花雕酒味，所以飲落似叫左普通藥膳雞湯。值得一提係雞係新鮮雞，完全冇雪藏味，雞肉十分嫩滑又唔肥。而米粉係來自台灣嘅，比起一般嘅米粉，會較掛汁。🌸香辣藥膳牛肉湯碗手工麵🌸$68湯底因為加左辣味，所以更加有層次感，但神奇地食落口又唔會覺有辣味，仍然好清甜、易入口。牛腩炆得好出色，好軟腍而且好入味。而手工麵都好出色，好彈牙，份量又多。銅鑼灣屬高消費地區，晚市仍有70蚊有找而且味道唔錯嘅菜式食，的確喜出望外。岩曬出街想食得健康嘅食貨食🤞🏻

與老婆放工去左銅鑼灣食飯，夜晚唔想食太肥膩的野，於是選擇食台式養生湯麵入到去坐低，餐廳的空間算寬敞舒適，唔會有壓逼的感覺我地叫左兩碗湯麵1. 蟲草花藥膳農場雞米線份量都唔小, 目測有4,5件雞同蟲草花食落去，雞維持有嫩滑的感覺，唔會話煮過龍湯底有雞湯同黃酒的香氣，配合得天衣無縫，冬天食落有暖粒粒的感覺2. 藥膳古早牛肉湯手工麵同樣份量唔小，目測有5,6舊牛肉手工麵食落口感唔錯，有彈力牛肉都算淋，易於咀嚼，牛肉麵有滿滿的台灣味道總括而言，價錢算係合理，味道算唔錯，比較突出的係農場雞米線，雞肉不失嫩滑，可以一試！

食過幾次今次第一次下午茶時段黎食原來都幾抵食加錢既凍飲好大杯今次叫左蟲草花雞麵、麻油雞麵、醉雞麵試曬三碗湯我地覺得醉雞既湯底最濃但唔會太甜邊食邊飲湯真係好正呢間醉雞麵冇跟豉油但你可以叫侍應比碟你暫時我食過最好味既醉雞麵

之前試過食元朗個間分店嘅外賣，食過麻油雞味，今次就再試更加養生嘅藥膳養生湯農場雞米線，本身諗住就咁米線加杯嘢飲，姐姐話加套餐抵食啲喎，就照跟啦，叫多左個麻辣白菜豬肉餃。藥膳養生湯一黎到，面頭有勁多切開咗嘅紅棗，仲有啲杞子同木耳，藥膳個part俾得幾足，再飲啖湯先，嘩～～好甜啊！！！係紅棗嘅甜味，配埋啲米線，岩晒唔鍾意食飯嘅我。而啲雞份量都唔少，大大舊咁，但係就柴咗少少啦，食咗大半再飲埋啲湯已經飽飽地，再加埋個麻辣餃子，麻辣味就冇乜，冇麻又唔辣，但個餃子餡就唔錯，菜肉比例恰當。

晏晝食得豪，晚餐唯有食平啲同簡單啲，清清地嘅話當然係食啲湯麵食。經過呢間馬祖台灣養生湯麵館，睇睇個Menu全部都係藥膳養生湯底，感覺鬼咁養身… 一於就試下啦。晚餐時段，可以單點麵食，又或者有個一人商務套餐，當中已包含了小食、主菜、飲品。主菜有成廿款，有啲都可以配米線/手工麵或飯，真係唔知揀咩好… 最後揀咗兩個餐：L鹽酥墨魚春捲+11黑蒜藥膳農場雞米線+蜂蜜茉莉花茶同N台灣麻辣鴨血+8藥膳古早牛肉湯手工麵+愛文芒茉莉花茶食物唔夠3分鐘就熱辣辣送到，大大碗，睇落好足料，啲湯香噴噴真係有啲藥味。個農場雞米線，有4舊雞，仲有好多木耳同紅棗，湯底好香甜，亦有濃郁嘅紅棗味，飲落唔係好勁藥材味，同湯底偏油... 啲雞肉嫩滑，算係雞脾肉再搭隻雞亦，唔係雞胸，已經好感恩，米線煙韌，有咬口，唔會好糊。個牛肉湯手工麵，就有3件牛肋肉，燉到入哂味，啲肉又夠稔，另外仲有兩大舊蘿蔔，但好明顯係冇味嘅，又硬又有渣，好唔好食呀! 一啲都冇溶入碗麵到。呢個湯藥膳重啲，但都唔會好濃，飲落清甜，完全同雞湯嗰隻甜味唔一樣。手工麵非常好，唔會好稔又唔會好硬，口感好，啲湯都入到麵度，食落味道一樣。👍🏻👍🏻👍🏻兩個小食，墨魚春捲外

星期日下午出去行街發現呢間好多人出入的麵店入到去地方闊落，望落都好乾淨蟲草花藥膳農場雞手工湯麵🥣湯底好清甜，有淡淡的杞子香味碗麵還有好多蟲草花，雞，杞子，雲耳雞一點都唔柴，麵條彈牙有咬口每張桌上一定有純手工製作辣椒油，加少許都唔會太辣又多了點辣椒油香味愛文芒果茉莉花茶清甜帶香香的芒果味🥭夏天解暑必試呢間店好合適平時家中少喝湯人士

本來約咗一班朋友響港島區食飯，結果因為時間夜左佢哋自己去食咗先，我之後先跟住去搵返佢哋。佢哋因為太肚餓，所以直接揀咗馬祖台灣米線，四點就響時代廣場對面後邊登龍街，地點還算可以起碼比較容易搵到。因為今次佢哋已經食完，所以只係會講吓自己食嗰碗米線。因為見佢哋都已經食完，所以我只係簡單點咗一碗香辣農場雞米線，中辣，嚟到嘅時候我覺得個辣到冇想像中咁厲害，啲雞肉都好滑，米線味道亦都有台灣嘅感覺，最主要係個湯好好味，食完個米線之後我都飲咗好多湯。不過今次太匆忙，所以其他嘢都冇機會試到，希望下次有多啲時間再試其他嘢。

本身約咗朋友食麻辣嘢，不過個日咁啱佢身體唔舒服，所以我地轉咗去馬祖食lunch~雖然馬祖嘅藥膳養生湯比較出名，但我嘅辣癮發作，所以都係叫咗麻辣米線～結果味道比我想像中好*麻辣台灣鴨血拼凍豆腐米線 $66佢個麻辣湯底真係好惹味！完完全全就係平時食開台式火鍋個種麻辣湯底嘅味～而且鴨血超級嫩，唔會係外面個啲死硬死硬嘅感覺。而且佢有幾件凍豆腐，佢係偏結實嘅豆腐卜質感，超級索湯汁！而米線煮得滑溜溜好好入口～整理黎講小辣我都覺得幾辣

本身隔個星期就會去幫襯今晚9點30去到鋪頭 (10點關門)明明重有3張卡位個男侍應叫我唔好坐卡位我想問下你地半個鐘收到幾個4人客，唔係peak time 都唔比人坐卡位係咩道理？搵夠錢唔差多個客？做侍應做到咁係無training?以後唔會再食