馬德里餐廳

营业中

休息中

今晚又黎到深水埗呢個平民美食天堂覓食。今晚試呢間性價比高嘅西餐廳。我地7點半左右到餐廳，個時已經有好多食客用緊餐，因為餐廳夠大夠多位，所以我地都好輕易搵到位，仲要係卡位，夠曬寛敞舒服。Menu選擇非常多，有港式茶記野食、有西餐、有東南亞美食，有選擇困難症嘅我地真係揀左好耐。跟餐有香軟酥脆牛角包加青豆忌廉湯，唔錯👍🏻男友揀左芝士焗波士頓龍蝦伴肉眼牛扒配薯條$148。呢個餐絕對係超值！$148有半邊龍蝦同牛扒！龍蝦雖然唔係游水新鮮個啲，但勝在都夠大隻同多肉，仲有好多膏添！肉眼五成熟，煎得唔錯，表面少少焦邊，入面都幾嫩，配上肉汁，雖然牛味略欠奉，但味道合格有餘！跟餐加$28有蜜糖燒雞翼。雞翼又係大大隻，皮表燒得香脆，咬落去入面熱辣辣又爆汁，有少許黑椒同蒜粒，加上甜甜地嘅蜜糖，非常惹味！我叫左碗雞扒喇沙湯金邊粉$68。湯底夠香濃，好重椰香味，偏甜，但嫌唔夠辣。雞扒煎得金香，肉唔靱，金邊粉軟硬剛好，幾彈牙同掛湯，整體不錯👍。呢餐性價比夠高，會再黎！

去深水涉買完電子產品，見到門面光鮮有間西餐廳鋸扒，呢間馬德里餐廳，見到餐牌多選擇入去試吓先！ 叫左個芝士焗波士頓龍蝦伴肉眼牛扒配薯菜 ，咁多野集於一身都係$148，超值，牛扒叫了五成熟。先上餐包，係熱辣辣嘅牛角包！好鬆脆。餐湯有紅白兩款選擇，我同朋友都叫了羅宋湯，有多件紅蘿蔔，西芹豐富材料，味道唔會太濃。天氣太熱，隨即叫了咸檸樂解暑。一大碟，份量十足，另外配菜有多件薯角,炸得好脆。波士頓龍蝦被芝士蓋滿，肉質爽口彈牙, 還有龍蝦鉗好大隻,鮮甜。肉眼牛扒好大塊，肉質夠腍唔多筋，配了燒汁。朋友叫了自選鐵板餐用鐵板上, 西冷牛扒配炸蟹鉗。牛扒都係咁大塊, 厚身，叫了五成熟。將黑椒汁淋上去, 熱燙燙的, 蟹鉗有兩隻, 夠脆, 唔會太油。加了一個小食, 蜜糖雞翼, 燒得香口, 外面少少脆, 好有蜜糖香, 肉質滑嫩。朋友叫飲品, 累了的冰凍薏米水, 唔算太甜，有多粒薏米，清解鐵板之熱氣。每個餐都係百多元, 抵食呀!

今晚同細佬去黃金商場睇電腦野，之後肚餓搵飯食，就黎到馬德里食dinner！我地一人叫左一個餐，有湯同餐包送～餐包有點硬，而羅宋湯味道唔錯，幾好飲！ 之後佢點果個龍蝦伴肉眼扒配薯菜黎先～龍蝦份量勁大，肉質爽口彈牙，而且啖啖肉；肉眼扒 7 成熟，即使配上黑椒汁，都食出牛肉既鮮味，好驚喜！$168 係勁抵！ 而我就唔想咁多肉，所以點左個炸雞脾撈芝士麵$56～炸雞脾都好大隻，皮脆肉嫩，而芝士麵值得一讚，初初諗住會好肥膩，食落又唔覺wor，碗入面仲有好多生菜！ 最後再加$28 食個芝士西蘭花，翠綠爽口～ 再一人一杯意米水～清熱解渴！

​ 與朋友傾心事，選擇了一間比較輕鬆的西餐廳， 裏面的店員都是年輕和中年的都有。感覺非常親切。 最後每人選擇了一款主菜，已經包括了湯和麵包。 羅宋湯味道比較濃郁，而且裏面也有很多蔬菜分量十足。 之後也有包點，可以和湯一起吃，還有點熱力實在難得。 芝士焗波士頓龍蝦伴肉眼牛扒配薯菜＄148 波士頓龍蝦size正合意，有芝士味更加香濃，有點像在吃龍蝦伊面。 口感彈牙之餘也吃得出是幾新鮮的。 牛扒就是茶餐廳牛扒的質素，不過分量大大件， 起碼會吃得很飽，薯菜也是大堆頭。 澳洲羊架伴辣肉腸番茄莎莎醬配意粉＄128 羊架的蘇味並不算太濃郁，無論是口感還是味道都很合宜。 那個番茄醬配搭意粉就最好味， 意粉還有應有的彈性，實在令人吃得很飽而且很滿足。 特色飲品需要另外收費幾元，也算合理。 最值得讚賞是店員的服務態度非常好！

嗰日行去深水埗買啲電腦野，行完之後就求其搵咗一間餐廳食嘢，又幾好食喎，所以黎share下。就係黃金附近嘅馬德里餐廳，諗住普普通通食個茶餐廳咁走，咦原來裏面有好多西餐食，包括啲漢堡啊同埋鐵板餐咁。一黎上左個餐湯先，餐包竟然唔係平時普通見到嘅小餐包，而係牛角包，食落仲幾鬆軟添。煙三文魚沙律＄68三文魚嘅份量都算幾多，而且啲沙律菜仲好新鮮添，一啲都唔似說過，估唔到喺深水埗嘅一間餐廳入面都可以食到咁新鮮嘅沙律。肉眼扒鐵板餐＄108個配搭幾抵食，可以選擇唔同嘅扒，另外再選擇一款小食，可以配飯意粉或者薯菜，唔係好肚餓所以就揀咗水彩，一上枱見到塊扒都好大塊下喎，細食嘅女仔可能可以兩個人share 1份都得，想食七成就真係想七成，唔會話過熟，有牛味之餘亦都好容易咬開，鐵板做可以保暖好耐添。德國鹹豬手＄128＄128食到鹹豬手，我以為會好細件啦，點知上枱又一啲都唔曬喎，同出面鋪頭要食二百幾＄300嘅一樣size，個皮整得好脆，仲有少少蜜糖嘅香味添，入口甜甜地，裏面啲豬肉一啲都唔老，入口好嫩滑，又唔會過鹹。食咗超抵食有二想不到嘅西餐，買單＄350都唔使，呢度嘅德國鹹豬手真係超抵食。

兩公婆去黃金商場買野順便食埋晚飯 就係附近見到呢間馬德里餐廳 老公話呢間有鐵板餐食架 所以就入去食晚飯 女侍應帶入坐竟然有卡位添 比壞舊扒房較新 Menu多選擇廚師推介 芝士焗波士頓龍蝦伴肉眼牛扒配薯菜 $148雖然唔係鐵板 但都熱辣辣地送上枱 嘩 賣相好吸引 味道亦好好味 龍蝦有半隻滿滿芝士鋪滿食落新鮮 肉質爽 肉眼牛扒亦大大塊 咬多兩咬出晒牛味 鐵板餐 Step 1 先選主菜 Step 2 自選小食 Step 3 自選配菜Step 4 自選醬汁 香煎豬扒跟吉列大蝦配薯菜蒜蓉汁 $98 還有餐湯同牛角包喎 超級抵食夾大件 份量夠睇頭 豬扒亦醃得入味 配蒜蓉汁都夾到 鐵板夠熱 當汁倒落鐵板發出喳喳聲兼香味撲鼻 記得用手巾擋一擋 醬汁都幾彈下架 隻吉列炸蝦亦Jumbo size 外脆蝦肉爽 薯角亦好香脆 好飽好滿足 西蘭花忌廉湯 香滑忌廉湯兼帶點西蘭花蓉同煙肉碎 跟牛角包 暖暖地架 鬆軟 用牛角包點湯都好味喎 追加$28 有四隻蜜椒雞翼 甜甜蜜汁同少許微辣椒味 幾出色 令雞翼外皮其脆 正呀 餐飲+$8 可轉凍檸樂 同鹹檸七 (罐裝+冰底) 無得輸 十級滿足 下次帶媽媽黎食先

深水埗周圍都係餐廳，要搵一間適合家庭式嘅莫過於馬德里餐廳。佢哋嘅感覺比我係好溫馨嘅一個大家庭，做嘢快手，而且食物都幾多花款同好味。佢嘅環境舒舒服服用咗木嘅色調同埋少少綠色嘅傢俬去做襯托，喺呢度食嘢嘅人都面帶笑容而且傾計傾得好開心。好快店員就餐牌俾咗我哋，我哋選擇咗兩個餐同埋嘢飲，每個都大概百零蚊就有晒餐湯主菜麵包同嘢飲都幾抵。羊架伴辣肉腸，我哋配上了薯菜另外羊假好大件而且唔會太so,另外稍作左調味同埋葉制所以都幾入味， 而且又唔會冇咗羊嘅味道，另外配埋辣肉腸你食好有外國餐廳嘅感覺。我哋配上左薯菜，都係啱啱炸出嚟，家庭式餐廳來講都做得唔錯。另外我哋叫咗龍蝦半香煎雞扒配薯菜，一上枱龍蝦都真係幾大隻下而且價錢唔係好貴＄100到就已經食到、旁邊總會有香煎雞扒。 你一個餐實在超抵，有龍蝦又有雞扒仲會有薯菜伴碟，佢嘅龍蝦用芝士焗過啖啖肉之餘又可以食到芝士嘅香味。另外跟餐仲會有嘢飲同埋餐湯，我哋仲有一個pizza薄餅， 芝士落得啱啱好唔會太油膩，而且啱啱焗出嚟嘅嘢又新鮮又好味。上面會有菠蘿同埋火腿都幾夾嘅味道，比起大型連鎖店來講係呢度嘅Pizza啱啱整出嚟而且厚度啱啱好。呢度適合一家大細嚟食飯而且啱

深水埗係我平日收工後其中一個搵食天堂, 今晚約埋老公去黃金商場後, 諗住平平地搵間茶餐廳食飯, 經話馬德里餐廳老公就話係荔枝角番工LUNCH 食過都OK, 就決定入去試下雖然呢到係有得食西式既茶餐廳, 但都坐得幾舒服, 聽到後面枱食鐵板餐既喳喳聲, 就算起哂煙, 都影響唔到我地, 空氣都幾流通本來入黎係想食焗飯, 睇左餐牌之後都改變主意老公想食鐵板, 佢話因為鐵板餐係佢既童年回憶自選鐵板餐牌指示清楚, 首先主菜配菜各一款, 再揀飯麵或薯菜等, 再揀醬汁,老公揀左雞扒墨魚餅意粉配黑椒汁而我想食龍蝦, 因為見到隔離枱既龍蝦似乎幾正, 最後要龍蝦配海鮮意大利飯兩個餐都包埋麵包, 餐湯, 飲品餐包係牛角包, 雖然味道一般, 但好過餐包仔, 仲幾大個, 而且出面茶記好少會俾牛角包羅宋湯好足料, 味道辣辣地, 唔錯, 忌廉湯好濃郁, 但味道偏咸鐵板餐好快黎到, 我以為意粉會同主菜放埋一齊, 但原來係另上, 份量仲好多, 仲放左D香草係面侍應手腳超快, 即刻淋黑椒汁落去, 真係想影張相都影唔到, 但我跟住叫侍應淋D 汁落意粉到, 但侍應聽錯左, 以為叫佢落多D汁落鐵板到, 結果黑椒汁多到漏到瀉, 侍

其實好少經過深水埗嗰邊，因為行到好攰所以入咗呢一間餐廳食飯。 叫咗一個蟹棒肉蘋果雜菜凱撒沙律，一個澳洲羊架伴辣肉醬番茄沙沙醬配意粉，仲有芝士焗波士頓龍蝦伴香煎雞扒配薯菜。我幾欣賞佢哋餐牌上面每一個名字都比較長，價錢好大眾化，都有唔同嘅嘢食，係港式嘅味道。個沙律就不過不失，好似平時屋企食嘅，生果切得比較大粒，但嗰醬係唔錯。至於食扒餐，呢個價錢其實都幾易接受，因為真係好大份量！羊架應該係有芝士焗過，不過冇乜羊味羶味，反而意粉加左個番茄醬之後幾好食！至於龍蝦同雞扒薯菜，龍蝦就唔算太新鮮，不過都幾多肉，而雞扒一向係我最愛，無羶味，大大塊，算係咁啦！野飲叫咗杯薏米水， 好大杯好多薏米係底，夏天飲岩哂！美白去腫不過下次幾想試吓佢啲香濃芝士撈麵！

去完深水埗黃金商場買完電腦野之後行下行下見到有間馬德里餐廳，見到有扒食woo價錢又幾抵食所以就入左去了選擇左自選扒餐！！自己的扒自己簡我就叫左肉眼牛扒拼出面比較少見到既香炸墨魚餅，個餐有埋西湯and+3有野飲添個紅湯羅宋湯幾入味足料！！有紅蘿蔔在內幾甜的！個餐包牛角包用得幾有heart鬆軟綿綿，送餐湯一流呢餐飲叫左紅豆冰，沖得唔會好甜剛剛好！！紅豆粒粒分明我既肉眼扒到左了大過我隻手掌！！輕輕已經切得開！！好軟綿肉質幾爽彈~炸墨魚餅好特別~內層夾住d墨魚粒~口感一流吸埋d黑椒汁更惹味。

今日陪男朋友去深水埗買野順便食埋晚餐先番屋企，行咗幾間餐廳最後決定食馬徳里睇餐牌見到野食種類都多e.g.牛排，炒粉麵飯，咖哩，叻沙餐廳環境都唔錯，座位都算寬敞，晚飯時間都要等位，不過都唔洗等太耐...我地叫咗兩個餐，價錢都好平民化，質素亦唔差芝士焗波士頓龍蝦伴肉眼牛扒配薯菜 $148牛排肉質軟林，加上黑椒汁味道唔錯，都出到我地叫既七成熟龍蝦肉都爽甜吉列珍寶蝦配黑松露意大利飯 $98吉列蝦炸得啱啱好，炸粉唔多，蝦就新鮮，爽口黑松露飯味道濃郁，份量滿足蜜椒雞中翼 +$28蜜糖+黑胡椒既組合，味道又唔錯wo味道唔會太甜，又有胡椒香，啱曬我

講起食西餐, 好多人都會諗FINE DINE但我覺得作為香港人, 最岩既都係LOCAL D既地道港式西餐廳一黎食既野會岩我地口味多D二黎食得都唔洗咁拘謹 今次食既呢間叫馬德里餐廳野食既種類都真係不少由鐵板到炒粉炒麵炒飯都有齊哂估唔到仲有新式既芝士撈丁岩哂我呢D唔知食乜既人入去慢慢揀 今次我嗌左有雞翼芝士撈丁等左大約15分鐘先有原來係因為雞翼現炸!!食到我辣親個咀咁而個撈丁D芝士超級多!!完全足夠撈勻成個麵!!而味道都係好到加零一又夠味又夠熱(撈丁凍左好難食)而且D雞翼炸到勁香脆!! 而我朋友就叫左個鐵板餐都幾抵食 唔洗120蚊就埋到單我見塊扒有成隻手掌咁大真係值回票價!!個餐仲要包埋有一塊扒, 一份小食, 配飯我食左啖都覺得係水準之上, 咁既價錢真係相當唔錯

好想買部swxxch打，就約埋細佬收工去黃金架下價。但個價錢都唔係好啱心水，心情難免有少少低落。就決定喺附近搵間坐得舒服少少嘅食餐好啲補數。行吓行吓就發現呢間餐廳裝修都唔錯，一於入去食餐好。同細佬一人一個波士頓龍蝦餐，佢嗰個就配意大利海鮮飯，我就配五成熟嘅牛扒。另外仲叫咗個蜜糖燒雞翼同芝士焗西蘭花。侍應首先拎黎既係熱辣辣嘅牛角包！充滿牛油香味，鬆化又夠脆。好少餐廳唔係比餐包而係牛角包！驚喜！餐湯有紅白兩款經典選擇，我哋各叫咗一碗。羅宋湯材料豐富。白湯係粟米蘑菇湯，細佬話係估唔到咁濃味。之後我嘅牛扒龍蝦餐先上。肉眼扒好大件，我一個女仔淨係食扒都夠飽！好在我細佬夠高大，我可以分一半俾佢冇問題唔浪費。而且真係五成熟，唔錯。波士頓龍蝦隻鉗好大隻呀！而且好細心已經將個殼打裂咗，輕而易舉就將原隻龍蝦肉拆出來！鮮甜又彈牙，細佬話味道好似蟹咁鮮甜。另外配菜嘅薯角都炸得好脆。細佬嘅海鮮意大利飯相當大份！原來驚喜係龍蝦下面海鮮相當足料，青口，魷魚，蝦，蟹棒！意大利飯煮得剛剛好，有咬口又入味！西蘭花芝士醬豐富蜜糖雞翼燒得外脆內juicy。餐飲我哋諗唔到叫乜嘢侍應就推介左紅豆冰同柚子茶。紅豆冰嘅紅豆大大粒又唔

很久沒吃過茶餐廳。據聞馬德里餐廳換了餐牌，於是來試試。羅宋湯湯很濃，質地很厚，味道濃郁，很帶點惹味的辣，內有不少蔬菜，但實在太油。同事說以茶餐廳來說，忌廉湯算是不錯。薏米水／紅豆冰我的薏米水少少甜，頗多薏米，不俗。蟹捧蘋果凱撒沙律普通沙律醬，不是凱撒沙律醬，只是加了少許麵包粒。除了蟹捧，沙律內有車厘茄、菠蘿、提子乾、蘋果，都幾多料，但份量不大，作為一個午餐來說，絕對不夠飽。自選鐵板餐同事的牛扒、日式炸蝦配意粉。牛扒很大塊，中間尚有點紅，看起來都可以。鐵板曾經是小時候的至愛，每次去扒王之王必點鐵板。準備好餐巾擋油，店員便把醬汁倒上去，鐵板嗞嗞作響，醬汁四濺，逗得我們很高興。已經很久沒有吃過鐵板了。似乎大家都想回憶童年滋味。這份豬扒、香炸墨魚餅配薯菜。兩大塊豬扒，份量都幾誇張。墨魚餅沒甚味道。豬扒不嚡不韌，反而不錯。自選焗飯先選醬汁，選肉類，配意粉、天使麵或蛋炒飯。這就是我的意式茄茸汁龍脷柳蛋炒飯。鮮紅的茄醬上鋪了一層芝士，焗至微焦，賣相不俗。龍脷柳不錯，沒有雪藏味，厚身，肉滑，少少實，不會散開。還記得Green Door Coffee又硬又薄又乾的龍脷柳，直至現在還留有陰影。飯炒得乾身，

我就好鐘意去D港式西餐廳食飯點解? 因為又多選擇, 價錢又唔貴, 而且岩我地香港人既口味 今次我食呢間係位於深水埗黃金附近既港式西餐廳MENU上既食物真係包羅萬有, 講得出咩都有 呢度除左有一般西餐廳有既扒餐之外, 我覺得最特別就係佢可以自己配唔同既材料整一個自己想食既餐 我就嗌左焗咖哩雞扒蛋包飯, 夠哂特別呀呢, 出面D餐廳都未必會有呢個配搭比人嗌, 但呢度就可以 好有約等左15分鐘, 一碟熱辣辣既焗咖哩雞扒蛋包飯就送左上來LU我覺得最特別係佢個飯底係蛋包飯底(自選), 估唔到出奇咁好食 我將佢地全部撈埋一齊食, 雞扒就大大塊, 而飯既份量都好多, 我作為一個男人都差D食唔哂(因為我加左杯凍奶茶)而友人就嗌左一個德國咸豬手飯拳頭咁大個豬手, 食到友人LUM LUM脷, 因為入味之餘好淋滑, 一咬D肉就甩出黎, 食得勁輕鬆 凍飲都只係加3蚊, 埋單81加1, 係晚市黎講已經算係平如果2個都係女仔, 可以建議佢地嗌多個小食SHARE就已經夠哂因為個份量真係好多!!!