香辣屋 (已結業)

#小秘書 喺呢個長假期入面都使咗唔少錢，為咗收支平衡，呢晚我哋決定去食平啲啲。我哋咁啱喺 #希慎廣場 附近行完街，順路就上到去11樓嘅Food Court搵嘢食🍽 真係估佢唔到原來有咁多熟客。話就話政府依然行緊 #禁聚令，部份嘅餐枱亦有hold起唔比人客坐，但係依然掩蓋唔到人流。好在我哋最終搵到張枱係corner位置，可以避開人頭湧湧嘅中心點💪🏻去food court食嘢有度唔好，就係要分開排隊出去買嘢食，喺等候嘅期間，個個都走嚟問我張枱有冇人坐😅 為咗唔好阻住人哋做生意，#小秘書 都好快就揀咗「香辣屋」嘅 #冬陰功海鮮湯濛粉 做呢日嘅晚餐。湯底雖然浠咗啲，不過味道酸酸辣辣都幾開胃，估唔到配料嗰 #四隻大蝦 食落咁鮮味，令原本平平無奇嘅 #湯濛粉 都變得惹味起嚟🤩 最後配埋杯 #凍檸茶，呢個簡簡單單嘅 #假日晚餐 都唔錯吖😉

每逢去到月尾，都系慳錢的季節今日去左銅鑼灣行街，行到個肚仔有啲餓，諗住求其搵個地方食晚飯，唔想食米線速成，麥當勞咁頹，去咗希慎foodcourt 搵嘢食兜左成個圈，諗左好耐食物，最後都係揀咗食泰國嘢，泰國嘢有保證呀，應該唔會中伏排<濕炒雞河配可樂$67>大食妹不嬲對濕炒情有獨鍾，見到佢一個濕炒河餐配可樂60幾蚊，其實都唔平咖但系口癮起就貴貴地都叫黎食喇點知，濕炒河都唔似濕炒，似撈河多DD汁一D都去唔到河粉到，搞到碟野無咩味，送都唔多，食左兩啖都無咩癮

約朋友lunch time喺銅鑼灣區見面，要搵地方坐低食飯真係相當唔容易。即時諗起hysan有美食廣場，餐廳多座位多，去到好快搵到位坐各自覓食突然想食炒粉麵，剛好我地張檯旁邊就係呢間香辣屋，一拍即合!叫咗金邊粉餐，等咗10分鐘左右上檯噴晒煙，應該係即炒。食金邊粉最驚太濕太乾，呢次算係剛剛好，用料都足蝦幾大隻，非常惹味但唔會太鹹，食完唔口渴，份量十足女仔食量都食唔晒泰式乾炒金邊粉連飲品$60，銅鑼灣區消費都算合理，下次繁忙時間都可能encore

好耐冇同嗰女一齊食飯，咁啱今曰收早，阿女又測完驗想比佢放鬆一下，就早啲接埋嗰女一齊食飯。我地先去銅鑼灣希慎廣場嘅誠品書店行咗一陣，跟住上去樓上的美食廣場行咗一圈，最後揀咗一間專門食東南亞菜式嘅餐廳叫《香辣屋》。我 點咗越式牛肉紅炒飯＋熱奶茶，阿女就點咗菠蘿海鮮炒飯＋凍檸茶。我個炒飯啲牛肉好新鮮好嫩滑，但係有啲辣不過非常開胃。而個菠蘿海鮮炒飯好特別，佢哋用半個菠蘿做碗。個飯好足料，有魷魚，蝦，菠蘿同雞肉等等，阿女話啲料非常新鮮好好味。呢一餐價錢都算大眾化，抵食。

星期一晏晝，同班同事去咗希慎廣場嘅food court食飯，貪food court乜都有，我哋咁多人，自己想食乜都得。我今次就去咗食泰國嘢，今次揀咗海鮮炒粉絲，冇諗過咁足料，咁好味。碟海鮮炒粉絲有鐵板上，熱辣辣。海鮮佢俾咗墨魚仔同蝦我，每樣都有三四舊，非常大，蝦非常爽，一啲都唔霉，蔬菜都非常充足，有西蘭花，椰菜花，紅蘿蔔，西芹，仲有啲青椒。佢所有料都非常大嚿，雖然food court，但竟然有呢個質素，仲包野杯汽水添。

去到希慎food court, 首先搵位已經好有難度，好多人。。搵到位後就行過圈睇下食咩，見到呢間香辣屋人氣好似唔錯就試下叫左生牛湯檬再加兩片扎肉，唔駛等好耐，大概5-8分鐘就有得拎。但我以往食既越南餐廳都會提供青檸，呢間無，而且個侍應仲好似好好奇咁問我點解要😑講返食物質素，扎肉味道不俗，而牛肉就略嫌有點韌。湯底就感覺味精較重。而且作為一個較大食既女孩子黎講，份量就比較少，食完都唔係太飽😂😂😂

今日喺希慎foodcourt食午餐，嗌左金邊粉，出奇地好食！食金邊粉最怕太甜同濕，今次呢個金邊粉唔會太甜，而且乾同較硬身👍🏻有埋青檸汁勁開胃，推介！$60包野飲，份量唔多，餸有雞肉同蝦，如果啲蛋多啲會更好～

希慎food court 好多人。本來我想幫襯另一間食店，但我想吃的那款賣晒（未夠8時）。我惟有再另找東西吃。行咗幾轉，決定試下香辣屋，因為見好多外傭幫襯，D員工又好似外籍，好似好正宗。雖然已經是晚飯後半段時段，依然很多很多人幫襯。我點菜比錢時收銀已提醒我要等20分鐘，見咁多人吃，所以等就等啦!20分鐘真的不易過，D菜出得慢，一有菜出，好多人拿著票蜂擁而上，渴望是自己叫的那一碟。我叫的是什菜河粉，包了飲品一杯，可選擇乾炒或濕炒，我選擇了濕炒。終於有得吃，好開心！好大碟，幾好味。好多河粉也有好多菜，少辣。未試過可以一試。

Hysan Foodcourt都叫幾錢嘢食揀日、韓、美、越、泰都有而且座位都算多唔叫難搵位👌🏻圍繞一圈決定食泰國嘢！！蝦醬炒飯🦐🦐🦐晚餐送飲品$58！中規中矩嘅價錢重點有飲品跟👍🏻 奶茶檸水汽水都得♥️個餐賣相都幾靚👍🏻份量都幾多$58 淨係講賣相同份量係合格嘅👌🏻個飯上面有大量蝦仔🦐🦐🦐嗅落有陣陣蝦醬味十分香！！！但放落口🤦🏻‍♀️係咩味都無😭😭😭😭食唔到任何蝦味而且個飯仲要好濕炒飯炒到咁☹️真係令人超失望😞

獨自去街街～ 行到希慎開始肚餓，去左food court睇下有咩食啦。原本諗住食漢堡包，嘩！乜依家食個包咁貴架？單買$60+，要薯條汽水仲要加$27⋯ 唔太抵喎！所以放棄左。見到香辣屋，諗住食得清淡啲，叫左個魚蛋湯濛。望落份量正常，$46有3粒魚蛋4塊魚片算係咁。一飲啖湯，中伏！好咸！！得咸同胡椒粉味⋯⋯ 勁重味精！！仲想話食清淡啲⋯⋯ 魚蛋好粉，反而魚片正常。唔理依間係越南定泰國餐廳，個湯底係湯河湯濛既靈魂，一啲都唔鮮甜只有味精，點會有下次？

同朋友係food court食飯，可以買自己中意食既野加上價錢唔貴又可以坐耐d(如果冇人等位😂)。希慎呢個food court有d位可以望下景都幾舒服幾chill。chill位對面就有呢間越泰餐廳，我就懶得再行就決定係度買😂⭕️雜綿湯河 $58有齊哂雞翼雞絲同扎肉，仲有紅白蘿蔔都幾多料。雞翼2隻，都算多肉，但唔建議浸太耐湯，因為本身都幾脆口😍雞絲有勁多，一大炸甘，略嫌有d咸。扎肉有2大塊，冇咩特別💁🏻湯底就真係有d咸，不過加左辣油冇甘覺😂河粉堅滑，唔會散開，份量中規中矩。餐包野飲，都多選擇，唔只得汽水仲有檸茶檸水奶茶簡。要左檸茶，檸檬小左d甘，但唔洗飲汽水，冇所謂啦😂😂

今日一個人食個夜晚快飯，在香辣屋叫了一碗豬頸肉湯濛配凍檸茶，$48。香辣屋是泰越菜，我也分不清這湯濛是越南，還是泰國菜。碗很大，料不少，湯非常清，香料不多，只有少少香茜，完全是港版菜式，沒有泰越味道。豬頸肉有6、7片，很入味，非常淋，很好味。這個價錢，這個質素，性價比是等值的。

每次黎到hysan food court都係食香辣屋, 貪佢食物夠熱, 味道又好又抵食, 每碟都係落左單先煮, 所以都要等10-15分鐘。濕炒河每次都會叫, 有大量蔬菜, 汁醬又好味, 好夠鑊氣另外今次試左豬頸肉炒飯, 又係超大碟, 炒飯唔算乾身但好香好夠味,2大碟加埋野飲都係$110, 細食少少都食唔晒呀真係!!

今日其實心情真係一般般嚟到銅鑼灣，本身係想去書局不過男朋友有少少肚餓咁就求其搵一間食啲野味嘅野啦本來一啖都唔想食叫咗個泰式肉碎蛋飯不過見到佢啲肉碎好似好多，又好靚咁忍唔住食咗一啖點知又好似唔錯喎我見到佢嘅工作人員全部都係泰國人味道當然有啲似泰國人整嘅泰國菜啦佢嘅飯一粒粒，比較實淨肉碎就好多，好豐盛食落去都好野味隻荷包蛋係精粹撈埋啲蛋黃汁落啲飯到簡直係一流呀

早一排約左朋友晏畫出街，肚餓就去左希慎食飯，見有炒河就試下啦！56元港幣包一個飲品。味道上尚算唔錯，唔係好咸，有些少辣味，淡淡調味料既香味，豬頸肉口感幾好，有咬口。可惜既係太過油了！而飲品就叫左雪碧，其實同出面既無咩分別