香辣屋 (已結業)

豬脛肉炒飯，足夠一個胃食人的飯量。觀感不錯，會整整齊齊排好。肉身彈牙有咬口，味道調味得剛剛好，令人食得津津有味。飯裡頭加了切碎了的菜，令每一口都能吃到爽口的菜。而飯的口感不錯，粒粒分閒，亦有很香的調味料的味道。可惜炒飯落了太多油，吃了大半碟後會有油膩感。洋蔥圈 $25飯 $56 (包飲品一杯)

好中意hysan 的food court，因為依度食物的選擇同質素都幾好，今日要去銅鑼灣做野，前一晚已决定要黎香辣屋食蠔仔煎蛋飯 $67 (8/10)這是我在香辣屋必食的飯，蠔仔蛋用鐵版上，上的時候熱辣辣，仲聽到滋滋聲有飯同餐飲，大大份好抵食，旁邊搭枱的auntie 見到都話下次要叫黎試~ 蠔仔好肥美，完全没有腥味，而且十分足料，有十幾隻蠔仔。蛋漿入面有少少葱花同萝白乾，加埋泰式辣椒醬食一流蛋下面有好多芽菜，不錯~不過份量實在太多，平時碟碟清的我最後食剩四份一度，好浪費 所以建議share食~

已約定女朋友仔係29號睇期待以久電影五個小孩的校長，我地就先食完個午飯後才去看電影   我同女朋友仔行到希慎廣場地下比個大大既超人吸引住  ，就上希慎廣場行下啦，於是比我地發現，原來11樓有好多野食架  賣相仲好吸引添，有泰菜，咖哩，日式拉麵，甜品，蛋炒飯等等，於是我地選擇了一間名叫香辣屋既泰式食店試試  。門面裝修簡單得來華麗。坐位近窗口，銅鑼灣美景一覽無遺。1。泰式菠蘿海鮮炒飯:我同女朋友仔不約而同地一定要食菠蘿炒飯，因為賣相非常吸引  原隻菠蘿做底  食落香噴噴熱烘烘的，炒飯炒得金香可口，蝦大大隻仲好新鮮添，魷魚新鮮又唔會覺得好韌，雞肉既肉質鮮甜又滑喎，仲有提子同女朋友仔最喜歡食既腰果添   無得頂呀。   係必食既，唔食對唔住自己。 2。泰式乾炒金邊粉:金邊粉就炒到好濕，帶點咸，一般一般。

銅鑼灣希慎廣場既food court有巧多野食架，一直想去試下，就趁睇戲前同男朋友去果樹醫個肚先 ！上去行左一圈，有几間心水，其中最想試既就係"香辣屋"嘞 ！呢間泰式快餐店款式多，價錢合理，快餐由$4X起包埋飲品，個食物樣辦得得下，再望埋周圍坐低左既食客，發現大部份都情傾香辣屋，仲聞到隔離飯香添 ！我地揀左兩個餐share食 ：-1. 泰式炒金邊粉+凍檸茶($52) : 男朋友揀架，佢話巧想食呢款炒粉喎，我見個樣辦好似無咩料到，不過男朋友想食，無所謂喇！都几大碟下，兩個人可以分到成兩大碗粉架，金邊粉夠幼滑，炒得好清唔油膩，但比較淡口d，有大隻蝦、雞蛋、芽菜等配料。2.菠蘿海鮮炒飯+凍檸茶($64) : 我倆一睇樣辦就指定要試呢款，皆因有原個菠蘿上囉 ！上次我倆去九龍城食泰菜，都無菠蘿上架，估唔到快餐店竟然有咁靚既賣相炒飯，豈可錯過呢！時間係等耐左d，但慢工出細火，煮出來先有水準，為左個菠蘿飯，等下都要 喇! 嗌number，個飯終於出爐喇……絕對靚仔！有脆果仁、巧多肉鬆、鮮甜片片菠蘿，唔係粒型、爽口蝦、墨魚仔、青豆、雞蛋、紅蘿蔔粒等巧多配料，差d滿到瀉……唯一爭少少係d

由於在美食廣場吃的第一餐不夠飽，所以我們臨時再在座位旁邊的香辣屋買了一碗印尼喇沙湯米粉，附送飲品都只是$47，算在眾多餐廳中較經濟的，可惜食物只有賣相，味道不太好，湯底有香濃的喇沙味，但米粉竟然是完全不入味的，感覺很奇怪。配料的海鮮只有蝦，用料不足。唯一可取的是那杯奶茶，算香甜。

打書釘打到攰就去Food Court醫醫肚，太多選擇亦都太多人，好辛苦搵到位就即刻諗食咩好，選擇雖多，但大多都係Food Court中熟口熟面嘅鋪，真心希望有更多新面孔加入！經過香辣屋嘅時候，見到啱啱有人拎走個鐵板海鮮炒粉絲，真係有鑊氣同好多料，唔好心多多，一於跟機啦！買完飛，乖乖等拎野，一叫號碼時心諗，唔係呀。。。點會係我嫁？同啱啱差噤遠嫁，呢個睇樣都知係鐵板雜菜炒粉絲啦！邊有海鮮呀？再問多次，侍應都話係，我唯有拎番位睇清楚先，搵咗好耐先係底搵到一隻蝦，忍唔全要拎去同佢傾傾，點知佢地愛理不愛，我講完之後，由得我企係度唔理我我等咗５分鐘先有一個人由廚房行出嚟，佢係無禮貌噤即時拎起筷子「鳥」起我個炒粉絲，之後就話「嗱！咪有隻蝦囉」！1隻真係好多囉個態度真係好差，之後又再次唔理我，唯有照要啦，其實個粉絲個味係 ok嘅，對於鍾意濃味嘅一定會覺得幾好，有少少香辣，但油就真係好多，多到滴！炒得稍嫌過干，令其中有啲粉絲係硬嘅！其他我就評論唔到，因為真係無料呀噤嘅價錢，仲要受氣，幾好食都係假啦，更可況，真係談不上好食

本身諗住叫炒飯食，點知佢話冇飯，好，咁咪叫個撈檬食算，點知等嘅期間又突然有返飯咁我就叫咗個冬蔭功撈檬，咁入面就咁得三隻小蝦同大量番茄，得啲冬蔭功味同一底嘅檬粉，同佢show出嚟個樣完全唔同，飲可樂仲要冇罐裝，四十七蚊嚟中個伏，抵嘅

同同事簡單一點食午飯，我們又來到非常可愛的希慎 foodcourt。Foodcourt，勝在就是選擇多，又不用理會同事/朋友不吃這些那些的麻煩。同事去食新加坡海南雞，而我就來了這一檔《香辣屋》食泰國菜。在 foodcourt，碟頭飯一人一份是常識，看了幾看他們 display 的 sample，我看中了他們的蚵仔煎，且看看泰國 Style 的蠔餅，會有怎麼樣的味道。這一個蠔餅，是以鐵板熱上的，熱力同火喉都十足，顯得份外香口，以芽菜鋪底，令味道帶點爽甜，當中的蠔亦不是細細的蠔仔，入口非常之香，一咬之上，蠔汁爆在口腔中，再有同樣是香氣重的煎蛋，混上了泰式辣醬，香味十足的，味道很美，而且份量十足，一份餐，夠哂飽。惹味的泰國蠔餅，絕對不比台灣、潮汕的差。

在公司邊工作邊等男友放學 埋頭苦幹得不知時日 至男友來電才急急忙忙的埋尾收拾 反倒要他等了我一會哈哈 XP都差不多十時 不多花心思去找吃的 就在希慎的美食廣場隨便吃點罷了在十一樓打了一個白鴿轉 選定香辣屋的Pad Thai泰式炒金邊粉 連凍檸茶$52 (Lee Garden OfficePlus會員卡有九折 折後$47)等了數分鐘 一碟香噴噴的炒金邊粉隨即送上 配料有雞 蝦 蛋 韮菜和芽菜 伴上少許花生碎和半邊青檸 吃下味道鑊氣足 麵條仍然彈牙 不會糊糊的 而蛋花尤其好吃 看來下了不少油去炒不過整體味道略為過甜 若糖下得輕手一點會更好

在誠品打書釘後,肚餓起時莫過於走在希慎Food court之上揾食走了一圈,最終腳步都是停留在香辣屋前。以價錢來說以是大眾化,四十多元起已有一份正常份量兼餐茶在大型銅鑼灣商場來說,難得難得!要上一碗冬陰公湯河,大大碗之湯河粉。湯底色澤耀目,喝一口香芧,南薑味道濃郁,突出,沒有過多之椰奶令整個味道來得平衡,碗內差不多有四小件中蝦作配料,算是不欺場,很爽口是我意料之外,河粉烹煮亦沒有過於糊口,亦不錯!另外點了炒菜走辣,店家用了九層塔去煮,很香很惹味,泰國菜就是香料使用得宜才是美味!香辣屋合格!

在Kitchen 11繞一圈後，冰在香辣屋點一客蝦醬炒飯。這是set lunch，四十五元一客飯，附送飲品。等候時間不算很長，約五分鐘後，飯已ready。不過，煎蛋已經涼了，明顯是早早煎好以迎午市人潮，但放涼了的煎蛋著實不好吃喲。肉片雖伴以獻汁，但仍蓋不了那既「鞋」且「韌」的肉質。唯一算是合格的是炒飯，蝦醬份量不多不少，有其令食指大動的香氣，但又不會過咸，飯溫亦恰當。銅鑼灣美食多籮籮，下次冰會再選其他食肆喲！

在誠品打書釘的日子，肚餓起時莫過於走在希慎Food court之上揾食走了一圈，最終腳步都是停留在香辣屋身上以價錢來說以是大眾化，四十多元起已有一份正常份量兼餐茶在大型銅鑼灣商場來說，還想要怎樣?在Food court地點上當然是先購票，繼而自行找位啦其實Food court之上餐廳旁已有一排給該食肆的枱櫈、因此買過票後可安坐於位子上，留神叫上之餐號便可價錢大眾化下，眼看其它食客食物份量也很夠份量要上一碗冬陰公湯河粉，大大碗之湯河粉湯底色澤耀目，喝一口香芧、南薑味道濃郁、突出，沒有過多之椰奶令整個味道來得平衡，碗內差不多有四小件中蝦作配料、而且蝦味極濃是我意料之外，河粉烹煮亦沒有過於糊口、蠻不錯至於附送之餐茶，個人選取了檸檬茶 但茶味就略為欠奉，兩片小小之檸檬、亦發揮不到用場整體上我會給予湯麵80分，以大型商場Food court之上算是交足貨，價錢與食物成正比。

今日一個人黎食快餐,咁見o係呢個地點40蚊有碗越式湯河真係好抵,我公司樓下d細店,坐圓椅不特止仲要望住條馬路食都一樣係40蚊啦。好快有有得食啦,d湯都有牛既香味,而牛既份量都唔少,好大塊,幾有咬感,不過始終檬粉放湯,我自己都認為冇撈既咁好食~面質都好嬾滑,好易夾,整體都算不錯,有機會會再來的包飲品

熊爸選Triple O's, 咁熊媽就選呢間啦......在大堂收到的優惠劵, 呢間是九折優惠熊媽喜歡泰式炒河... $50 有九折, 折實收$45還送飲品等待時間都幾耐......原來旁邊調味料位置有一大碗雪白芽菜任攞, 條條粗身雪白, 無擺耐變黑、出水, 啱哂熊媽脾胃廚房一次出三碟, 原來廚房等齊order才一起炒, 炒完還要排隊等待正在傾偈的泰國姐姐逐一幫忙加裝飾(青檸角及韮菜花), 完全裝飾完才逐一送上吧檯叫號碼(還要包括敬業的姐姐, 一定要韮菜花V形豎起, 無跌低才收貨, 才繼續裝飾下一碟), 難怪樓下有食評講到佢碟食物是凍的調味料位置無砂糖供應, 可惡 泰式炒河要甜甜地才好吃 幸好攞了一堆雪白芽菜, 撈來吃就多了爽口, 無咁油膩；餸料有雞肉、蝦仁、豆乾條, 味道普通無乜驚喜, 就是偏鹹了點；河粉炒得均勻, 薄薄的帶米香, 不過都是味道普通也無甜味, 而青檸也太細角, 提唔起炒河的味道來。

望見人地大大個菠蘿炒飯心思思, 泰式蠔仔鐵板煎蛋又好似好正咁從來未試食過香辣屋，望下張卡片原來都幾多分店結果點了一個炒泰式金邊粉同生熟牛肉濛粉質素一般~ 畢竟都係FOODCOURT ,炒泰式金邊粉調味似乎比較清淡唔夠惹味 ;生熟牛肉濛粉 ( 其實點錯左, 應該要河炒先對, 放湯不是濛粉強項 )湯味頗為清淡, 牛肉麻麻如果去到正式餐館食, 質素會好一點吧!!!