影片
港铁铜锣湾站 F2 出口
继续阅读
附加资料
无肉餐单详情：每天供应多款素食菜式
营业时间
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
#小秘书 喺呢个长假期入面都使咗唔少钱，为咗收支平衡，呢晚我哋决定去食平啲啲。我哋咁啱喺 #希慎广场 附近行完街，顺路就上到去11楼嘅Food Court揾嘢食🍽 真系估佢唔到原来有咁多熟客。话就话政府依然行紧 #禁聚令，部份嘅餐枱亦有hold起唔比人客坐，但系依然掩盖唔到人流。好在我哋最终揾到张枱系corner位置，可以避开人头涌涌嘅中心点💪🏻去food court食嘢有度唔好，就系要分开排队出去买嘢食，喺等候嘅期间，个个都走嚟问我张枱有冇人坐😅 为咗唔好阻住人哋做生意，#小秘书 都好快就拣咗「香辣屋」嘅 #冬阴功海鲜汤蒙粉 做呢日嘅晚餐。汤底虽然浠咗啲，不过味道酸酸辣辣都几开胃，估唔到配料𠮶 #四只大虾 食落咁鲜味，令原本平平无奇嘅 #汤蒙粉 都变得惹味起嚟🤩 最后配埋杯 #冻柠茶，呢个简简单单嘅 #假日晚餐 都唔错吖😉
继续阅读
每逢去到月尾，都系悭钱的季节今日去左铜锣湾行街，行到个肚仔有啲饿，谂住求其揾个地方食晚饭，唔想食米线速成，麦当劳咁颓，去咗希慎foodcourt 揾嘢食兜左成个圈，谂左好耐食物，最后都系拣咗食泰国嘢，泰国嘢有保证呀，应该唔会中伏排<湿炒鸡河配可乐$67>大食妹不嬲对湿炒情有独钟，见到佢一个湿炒河餐配可乐60几蚊，其实都唔平咖但系口瘾起就贵贵地都叫黎食喇点知，湿炒河都唔似湿炒，似捞河多DD汁一D都去唔到河粉到，搞到碟野无咩味，送都唔多，食左两啖都无咩瘾
继续阅读
约朋友lunch time喺铜锣湾区见面，要揾地方坐低食饭真系相当唔容易。即时谂起hysan有美食广场，餐厅多座位多，去到好快揾到位坐各自觅食突然想食炒粉面，刚好我地张台旁边就系呢间香辣屋，一拍即合!叫咗金边粉餐，等咗10分钟左右上台喷晒烟，应该系即炒。食金边粉最惊太湿太干，呢次算系刚刚好，用料都足虾几大只，非常惹味但唔会太咸，食完唔口渴，份量十足女仔食量都食唔晒泰式干炒金边粉连饮品$60，铜锣湾区消费都算合理，下次繁忙时间都可能encore
继续阅读
好耐冇同𠮶女一齐食饭，咁啱今曰收早，阿女又测完验想比佢放松一下，就早啲接埋𠮶女一齐食饭。我地先去铜锣湾希慎广场嘅诚品书店行咗一阵，跟住上去楼上的美食广场行咗一圈，最后拣咗一间专门食东南亚菜式嘅餐厅叫《香辣屋》。我 点咗越式牛肉红炒饭＋热奶茶，阿女就点咗菠萝海鲜炒饭＋冻柠茶。我个炒饭啲牛肉好新鲜好嫩滑，但系有啲辣不过非常开胃。而个菠萝海鲜炒饭好特别，佢哋用半个菠萝做碗。个饭好足料，有鱿鱼，虾，菠萝同鸡肉等等，阿女话啲料非常新鲜好好味。呢一餐价钱都算大众化，抵食。
继续阅读
星期一晏昼，同班同事去咗希慎广场嘅food court食饭，贪food court乜都有，我哋咁多人，自己想食乜都得。我今次就去咗食泰国嘢，今次拣咗海鲜炒粉丝，冇谂过咁足料，咁好味。碟海鲜炒粉丝有铁板上，热辣辣。海鲜佢俾咗墨鱼仔同虾我，每样都有三四旧，非常大，虾非常爽，一啲都唔霉，蔬菜都非常充足，有西兰花，椰菜花，红萝卜，西芹，仲有啲青椒。佢所有料都非常大嚿，虽然food court，但竟然有呢个质素，仲包野杯汽水添。
继续阅读