香辣屋海鮮市場 (已結業)

每次去此處吃飯，都好開心的，因為真係好像置身大自然，可以自己選擇鍾意的海鮮，用BBQ的煮法去煮，泰國食物，有水準，又好味，如果是平日的日子，環境真的一流，星期六．日就較為多人，因為它們有露天位置，對住黃金海岸的環境，一家大細天倫之樂，開心

環境: 我坐outdoor, 8點幾時都ok唔太凍, 但到9點幾時開始大風, 不過如果天氣好的話, 坐出面都幾舒服, 幾有風味對住個海同d遊艇, 人又唔算多, 可以坐低慢慢傾計。食物: 叫左辣海鮮粉絲沙律, 味道幾好, 我鐘意泰國野個種辣。炸蝦餅, 好大粒, 味道唔錯。泰式炒雜菜, 一般水準, 唔會有驚喜。紅咖哩雞, d雞勁少, 味道又係好一般。叫左客garlic bread, 太干冇咩味, 又凍, 應該整左好耐。兩支泰啤。總括食物質素都係好一般啦。但環境好都補足到既。價錢: $300埋單/兩個(價錢都尚算合理)

點了一個蒜蓉薄餅、咖喱牛、雜菜飯、茄汁雞。最好吃是薄餅,沾上咖喱汁更好雜菜飯好特別,d米同平時食的很不同,很有飯香,不過略為清淡,但加埋d汁就好惹味,茄汁雞,勁辣,我以為是茄汁的,怎麼仲辣過咖喱???服務一般吧,有個侍應黑口黑面,好唔耐煩咁

個副經理係樓面用粗口罵客人同同事~~~~成日吹水唔洗做甘~~ 總經理都會幫手~~ 佢見到唔夠人手都會幫下手

星期四晚去左呢度食dinner叫左泰式炒雜菜、炸蝦餅、薄餅、香芒羊仔柳2 個人食，份量多到食吾晒!!樣樣都好好味環境又ok又吾多人service 都ok 既overall 黎講...above average 家如果有車的話...得閒黎下都幾正家!!

記得好耐之前同family食過...係好好食ga....諗住今次同老友gathering ..去返呢間食下好野啦...點知.....今日點了: 咖哩蟹--以前好食得很...now~唔知點解得咖哩味,蟹係冇味既...唯有<食汁>囉~!!!薄餅--配咖哩的....因為咖哩汁好食,所以叫左兩round~馬拉盞炒通菜--最正常既一道~~~~菠蘿炒飯--好味之作呀~!!!必食必食~!!!泰式拼盆--串燒好正呀~~呢個拼盆都算抵食~大大盆~!燒蠔--芝士味~不知所謂之作~!!!!等了又等...漏單兩次..想cancel之際,又出左黎啦喎~~~個樣好好睇ga..不過一入口呢.........想吐返出黎~!!!<醒>到不得了~~$88半打~~貴野冇好~!!!Lime Soda--有一個朋友叫左呢杯野黎飲...嚇死人呀~~唔係酸唔係甜....而係咸囉~!!!仲要係好咸那一種囉~!!!唔知係咩黎ga.....一句講哂啦...有好有唔好~~服務就差啦.....個蠔追幾次~都冇人黎安撫下~

先封厚粉,重度油炸.活貨欠奉,味精十足,功夫勉強,再加咖喱,炒蟹難嚥,記憶尤深,可怕廚技,永烙心靈.客似雲來,不絕何因?

我在早1個星期前, 我訂左今日(16/6/07) 晚上7點6位食晚飯, 我和家人準時去到, 個服務員(Catherine)同我講"你地係第一張, 等等." (why訂左要等???) 之後就冇理我地, 我等左一陣, 再問佢, 佢都俾一樣答覆. 之後,我就找個manager(Dominic), 佢仲好野, 都係一樣答案, 仲要我地唔好嘈住先, 咩服務態度?! 跟住, 我入了去睇下, 原來佢地跟本沒有留一張6人桌俾我, 這樣, 我訂桌來做咩呢?? 之後, 我再問個manager, 佢都係俾番一樣既答案, 講來講去佢地都唔應冇留桌俾我!之後, 我只好走去地中海餐廳度食, 不過都幾好食.呢間野之後我都唔會再去, 大家小心!

同老公去食飯，坐在厨房附近，有小老鼠從厨房走向大堂，通知經理，佢一脚將隻老鼠伸埋牆，本來fing緊簿餅的印度師傅出來用張紙包走隻老鼠。向經理投訴不衛生，經理沒有say sorry，並話D老鼠已吃了药オ會走出來，不是不衛生，並話自己為免嚇親食客已盡快踢走牠！真反胃!!!

上個月20號大棚人生日，約埋去食餐勁。14人book咗屯門黃金海岸香辣屋，準時比枱我地。因為有長者和細文所以坐室內。地方寛濶，枱與枱之間唔迫，招呼ok，每道菜都細細碟，價錢一般；但長腳蟹就超貴(以g計，唔記得我地order果隻幾重，約切成8舊，三佰幾文)，亦超好味噃﹗重有，可以幫我哋雪生日疍糕同播生日歌添。

吃了椰子炒飯和菠蘿炒飯，用果殼盛裝！見到已經開心，兩個都大大個！而且材料十足！即使吃到底，仍然有很多海鮮，吃極不膩！啖啖果香實在醒神，個人喜歡椰子較特別！環境不錯，坐露天比較有氣氛，但天熱就不好了！多謝朋友請我吃了一頓快樂的晚餐！

一向都知道貴, 不過諗住間中一次唔緊要啦, 兩個人叫左燒大扇貝/ 炒雜菜/ 燒蠔/ 薄餅/ 綠咖哩雞/ 炒貴x .個炒雜菜好貴, 100g 唔知記得幾多錢, 兩個人唔係夾左好多, 但都要成$83 , 貴都唔緊要.最慘係唔好食, 味道很淡+ d 菇好腥, 直頭放唔到入口!! 同埋個扇貝! 一陣雪藏味. 好難食!其他野食ok , 環境都一流架!

上完堂車入屯門搵老公食飯, 我揀左去黃金! 呢度試過一次, 上次烤魚, 今次本來想再來一個, 可惜條條都好大條, 隔離放左蟹腳, 老公知我鍾意食, 貴貴都揀左隻, $207! 返埋位之後, 二人再叫左個plain naan bread, $22, 同埋芒果炒羊仔柳, $68, 個蟹腳黎先, 總共有六舊, 我食左四大舊, 燒得幾香, 肉又厚, 可以比美北海道既蟹腳(臨走時見都有, 原來個個都咁識食), 個plain naan 唔太熱, 不過我見佢"痴"係石度整熟佢, 幾特色, 仲唔油添! 個羊仔柳有好多芒果, 腰果, 白果同紅棗伴著, 唔錯, 不過我就食唔出羊肉, 完全唔似咩肉! 整體唔錯, 不過, waitress 執野時好論盡, 差整污嘈我條褲!P.S. 個景幾靚, 如果無人食煙, 坐係出面舒服!

剛剛呢個星期日(22/10) 黎左食野, 見到餐牌有印度薄餅, 立刻要左兩塊, 要左原味同芝士味, 薄餅好鬆軟, 我覺得原味同芝士味都好味, 朋友就鐘意原味多d. (薄餅$22 each)有薄餅就梗係要咖哩啦~要左個青咖哩配雞肉, 味道夠香濃, 好有香草味, 雞肉就好一般啦.呢間香辣屋同出面既香辣屋唔同既地方係門口有個海鮮&蔬菜攤檔, 我地見咁熱鬧, 梗係要買d試下啦~~我地自己選擇, 睇來睇去, 最後要左一小份既魔鬼魚, order要炭燒, 仲有一隻虎蝦, 都係炭燒既.由於呢兩樣係以磅數計錢既, 所以都幾"重皮"下, 魔鬼魚要113元, 虎蝦116元.魔鬼魚我就第一次食, 啖啖肉, 肉質亦好滑好鮮嫩, 上面有d醬料, 加上檸檬汁一齊食都幾好味. 反而虎蝦就失色d, 雖然一大隻啖啖蝦肉亦有蝦膏, 不過只係炭燒而無咩調味, 唔夠香. 或者改為蒜蓉炒會好味d.

(24/5)今天來是為某人餞行，沒有太多選擇，不想去酒店吃，故選了這間，之前去過尖沙嘴店，不算差。而此店沒有試過，總要試試。二人餐：泰國圓茄海鮮沙律、香茅豬柳芥蘭、馬拉盞炒通菜（跟飯及肉骨茶）；另叫牛油烤餅、咖哩牛腩、糯米釀雞翼、咖哩炒蟹，結果四人也吃不了。肉骨茶－原選冬蔭功，但其他人選了肉骨茶，味道都不會期望好，怎料入口難喫，廖師傳的比它好十倍有多；沙律－有魚露、辣汁、伴以圓茄及其他海鮮蔬菜，味道比沙律醬好，值得叫；豬柳芥蘭－試了豬柳，韌口，味道怪怪地，最終只吃了芥蘭；馬拉盞炒通菜－汁料與菜也算是值得叫；咖哩牛腩－韌了點兒，但咖哩汁，真的要配合烤餅，烤餅我很喜歡吃，所以沒有停口；糯米雞翼－當你吃過廖師傳的蝦膠雞翼，同上面一樣，有十倍分別，糯米過腍過濕，雞翼沒有味道，靠香辣醬，不值得叫；咖哩炒蟹－蟹不是新鮮，但以汁料欺騙味覺尚算成功，至少那些白飯與汁料沒有浪費，飽了。怎料平日時間，不收加入，真的平得很。臨別在即，祝君愉快，更上一層樓。