影片
珍妮姐提议走到屯门聚餐，什么地方都无所谓。虽然落雨，但我地依然坚持要坐出面，空气好、又开扬 ﹗室内感觉有点局促又嘈吵，坐得不舒服。食店门口设置个海鲜档供食客挑选食材，格局真系劲似泰国笆堤雅呢，真令人怀念 ﹗细看下发觉海鲜选择不太多，眼测不太新鲜呢。有澳洲鲍鱼、长脚蟹、魔鬼鱼、虎虾、大头虾、大眼鸡、乌头、仓鱼、等等，全部都是冰鲜货，并没有游水活海鲜供应。参观完个冰鲜柜，大家坐低讨论一下点什么菜色好呢。灯光暗淡，影相真的有点难度，全部都看不清楚。还以为香辣屋系泰菜餐厅，原来越南菜都有㖞。鲜椰青，室温椰青正常过正常，清甜多水生津止渴，蛮可口的。泰式无骨鸡脚，平凡中的平凡，室温不够冰凉，刚刚捞上泰式酸辣汁，微酸微辣完全唔入味，鸡脚爽脆还可以。泰式鸡肉生菜包，鸡胸肉碎又干又鞋，味淡不香不辣亦不酸，用爽嫩生菜卷住当食沙律啦。泰式糯米酿鸡中翼，糯米调得太甜喇，糖味太过强烈，食落好滞。鸡翼外层香脆，整体味道单调，雪蔵鸡翼近乎无味道，十足十翻热食物，不喜欢。泰式小食并盘，油腻怠爆灯，较好的只有炸虾饼，面包糖金黄松脆紧紧包著虾胶，虾味有得鲜味欠奉，质地食实欠爽弹。鱼饼，油淋淋又腍劈劈，咸咸的散发著柠檬叶清香。素春卷，口有蔬菜及粉丝做馅料，除了春卷皮的味道没有其他味，沾上甜酸酱都没什么大分别，只是甜笠笠的味道。薄饼，膻软香喷喷，最喜观软薄饼的质感，咸香非凡，简单而满足，不过无咖喱沾来吃呢，少了点情趣。马拉盏炒椰菜苗，微辣强油，爽嫩甜美可口。比想像中好食，因为以前系大埔红蚂蚁食过，粗鞋又带著草青味，已经吓怕了。香芒腰果羊肉，见个菜好特别，专登叫黎试试。羊肉丁松软，毫无膻味，而且甜味强烈，唔讲唔知食紧羊肉，麻麻地。蕉叶烧魔鬼鱼，慢烤的吗？只得微温不热，油淋淋又有点㶶，鱼味淡及无鲜味，非常失望，硬著头皮食完去。烤大头虾，淡水虾天生味淡，最好加海盐同烧会较好。依家爽弹得没有味道，淋点鱼露好少少啦。烤大头虾，非常长的虾拑，不要浪费，慢慢食埋去，都系清淡得可怜，没有味道。
继续阅读
好耐无黎呢度，印象中佢既泰菜唔算出色，环境气氛就非常好，坐户外叹下啤酒，吹下海风，一乐也!今次主打系烧烤同饮生啤，不过真系食海鲜还是三圣好，但呢度既Mac's beer好抵饮 $48，海鲜则嫌略贵，而且味道实属一般
继续阅读
好耐之前响洪水桥果阵就有帮衬过, 搬咗嚟黄金海岸咁耐, 都未帮衬过, 今次趁老豆生日, 嚟呢嚟庆祝下先, 由于听闻呢度好多人帮衬, 所以都预早咗两星期book枱~呢度有得选择室内同室外, 但由于我地比较怕热, 同埋又系雨季, 都系选择室内好d, 虽然室外好似风味好d, 而室外好似烟d, 不过都冇办法, 唯有下次秋凉时嚟室外试下~除咗menu有的𩠌菜外, 门口仲有d海鲜同类任你选, 选完煮好会有人拎上枱, 当然价钱系贵少少~ 菠萝炒饭原个菠萝上的, 唔知会唔会重用呢? 其实用菠萝上, 除咗卖相好d之外, 仲可以装少d, 每一间用菠萝装饭的, 份量都一定比用碟上的少~味道方面都唔错, 但海鲜好似唔系好多, 都系虾同鱿鱼咁上下, 但佢加咗提子干, 而呢d提子干唔系干到硬果只, 系有d汁果只, 提升咗个饭d口感同味道~ 串烧 - 牛比较熟咗d, 所以好有咬口, 当然最重要就系个酱, 好香好够味, 又唔辣, 啱我~ 肉碎生菜包生菜唔够, 因为肉碎太多, 所以要额外叫多一碟去包, 肉碎都几肥下, 而且偏辣, 唔系我口味~ 马拉盏通菜看似好重口味, 几惊佢又咸又辣, 好彩都刚好~ 印度薄饼 洋葱 : 第一次叫洋葱味, 但唔知系咪太多人整唔切, 等得又耐, d洋葱又未焗熟, 直情好似未焗过咁, 因为d洋葱仲好辣, 我唯有走洋葱~ 蒜茸 : 呢个系后加, 因为见个咖哩蟹仲有好多咖哩净, 反而呢个好好味, 好香蒜茸味~ 咖哩炒蟹个兜就超大, 咖哩都超多, 但蟹都系得一只, 呢个味道唔错, 最钟意佢唔辣, 好香椰香味, 个汁够杰, 用嚟点薄饼最正, 唔会太湿~ 虽然比d汁盖过哂d蟹味, 但都仲食得出个蟹好鲜味~ 泰式鳯爪冇骨鳯爪好耐冇食, 虽然明知佢好辣, 但都忍唔住要试一只, 果然好辣, 不过辣中带酸, 都暂时顶得住, 而且好爽口~ 干炒泰式金边粉看似辣的, 因为又红, 又有辣椒碎, 但食落一d都唔辣, 又唔会又油或者太干, 啱啱好, 不过就好似冇乜𩠌, 芽菜就多~ 烧厚牛扒呢个就系响门口点的, 佢有sample, 而且话有1kg重, 但烧完之后缩咗少少水, 冇咁巨型, 有少少失望, 而且太生, 虽然系叫medium, 但偏生啰~ 又怕叫佢翻烧会熟得济, 所以中间偏生的, 留返唔怕的家人食, 我只食最边边最熟果旧, 不过真系超林, 又有肉味, 冇点酱食都OK~ 椰青都叫做几甜, 但老咗d, 搞到食唔到d椰青肉~ 青柠梳打虽然见到只有一小片青柠, 但好够酸, 唔知系咪仲加咗嘢? 而果小片青柠只系装饰? 芒果乳酪沙冰都几有芒果味, 少少酸酸甜甜, 而且够哂冰冻呢度都好多人帮衬, 有段时间你系见到d伙计走来走去, 想有个停低比你叫都难, 所以加单都要等好耐, 不过d𩠌都叫上得快, 系个薄饼耐少少, 而且呢度唔会赶住做两轮, 你可以坐下倾下食下, 一大班人吹水食饭系不错的选择, 但要记得预早book枱~
继续阅读
每次入黎黄金海岸, 都会在此食饭, 原因系呢间在此区价钱, 已经较为化算, 故重游此食店 今次人多, 可以食多几款明炉乌头 - 太酸, 除酸味外, 鲜味麻麻 .串烧 - 鸡,牛,猪 - 太差, 肉质用松肉粉奄得太劲, d肉质感怪怪. D 沙茶酱不够香烧猪颈肉 - 超好味, 烧得香喷喷, 肉质爽脆, d汁酸酸辣辣, 好夹柚子沙律 - 好味, 柚子甜甜酸酸, 超开胃炸虾饼 - 全场最好味, 虾肉弹牙咖哩羊 - 有d so, 但咖喱汁d香料太重咖哩鸡-咖喱汁d香料太重牛尾煲 - 是茄汁味, 不大喜欢, 不够浓味炒通菜 - 疾脆菠萝炒饭 - ok 菠萝太少, 食落似一般炒饭印尼烧饼 - 等好耐先黎, 留番d咖哩汁点黎食, 但因太耐, d汁涷晒, 晒料 ………整体差左
继续阅读
相隔两年再一次写食评=] 本身受妈妈影响所以非常钟意泰菜, 而刚好最近朋友都纷纷提出想食泰菜... 之前都有试过屯门既香辣屋, 虽然未到100分好味, 但亦觉得不错, 所以再次黎食!好!正式介绍食物... 第一样系我最钟意既TOM YUM KUNG=) 可能好多人都知道, TOM YUM其实系指个汤既煮法同佢独特既味道, KUNG就系"虾"既泰文。有部份泰国餐厅会用鱼代替虾, 咁其实就唔再系冬荫"功"啦! 每间餐厅既冬荫功其实都有唔同既味道, 而呢间亦ok符合我既口味...先讲辣度, 称唔上辣, 相信平时少食辣既人都可以接受; 其次系酸度, 佢既酸度非常适当, 可以刺激味觉但又唔会过酸; 香味, 比起其他餐厅, 椰子既味道相对突出, 算系呢间餐厅既特色; 最后系材料, 亦算足料, 有三只中虾, 尚可以啦 第二样就系肉碎生菜包, 都系比较popular既泰莱之一。今次叫既系猪肉, 对比起头先既冬荫功, 唔算太辣, 但对于平时唔食辣既人黎讲, 可能就未必食到。肉既味道同生菜非常合拍, 简直系yummy yummy! 但略嫌太干, 肉汁更多会更好味 青咖喱鸡, 平时我都钟意叫青咖喱, 因为有椰汁香味又唔辣, 适合大众口味。我个人认为呢度既青咖喱普普通通, 唔太特别, 下次可能会叫其它咖喱试试...每次食印度菜或者泰菜我都一定会叫酥皮, 配咖喱汁食! 今次叫既系蒜蓉味道, 但唔太有蒜蓉味, 同原味差唔多...不过胜在酥皮本身几香, 再配咖喱其实非常适合, 但似乎比较适合配黄咖喱或红咖喱 总括黎讲其实一如以往, 可以再试=) 期待下次会有惊喜!
继续阅读