香辣屋海鮮市場 (已結業)

一向對香辣屋的印象都不錯, 覺得是間穩陣之選, 可惜今次之後, 印象大打折扣..事原..等倒數的日子, 11時多已累了, 想休息一下, 侍應說戶外的都滿了, 不打緊, 室內有室內的好~不太餓, 點了一杯青檸梳打及珍多冰, 也點了一碟通菜(是有點怪, 不過我是一個菜癡)青檸梳打太濃太酸, 像飲濃縮的青檸汁, 跟平時飲的不一樣, 絕對不能入口, 於是跟侍應反映, 可惜加糖水後也是一樣的酸, 自己再加冰水也無補於事, 心想不如換杯可樂飲更好, 便叫了另一位侍應, 可惜侍應卻說要問經理, 那有這樣的道理, 自己的出品不好, 我要換一個比原本便宜的都不行? 沒有回覆, 只是收起了青檸梳打, 扔下一罐汽水, 一杯盛滿冰的杯便走了, 服務態度令人為之氣結~通菜是過份的死咸, 沒有應有的咸香, 但由於自己只吃菜, 沒有飯, 實在難以定案~而男友則說珍多冰味道是可以的~吃罷匆匆的結帳, 豈料問題又到了, 盛惠一百八十多元, 二杯飲品一碟菜, 仔細查單下發現有七個items, 跟我點的三個多了四個, 問經理, 經理沒看單, 但第一個反應就是「你將飲品轉了汽水」, 再問, 結果經理沒有一句抱歉, 又施施然走

平安夜去食~兩個人食左一客咖喱蟹,一客蒜蓉包同一客海鮮炒飯~ 咖喱蟹好正~d咖喱好特別..同平時食開果d好唔同..有咖喱既味道但係又唔會cover左蟹既鮮味~好味~!! 值得一試...加埋蒜蓉包..一流...而海鮮炒飯好有海鮮味..掂~!!連d飯都有鮮味~!!

11月19日為左慶祝媽咪的生日我地一家人就去左呢間餐廳吃飯......我地7點幾黎到等左1陣就有位　埋到位點左:1.咖哩雞煲-好香椰汁...點naan黎食一流！2.蒜蓉通菜-少少辣, 有鑊氣3.蒜蓉naan-點咖哩來吃, 食過返尋味, 點了兩客4.唔記得個名, 係有個爐煮條烏頭魚, 有碗汁加落條魚　道-條魚好有鮮味, 不過d汁就怪怪的總括黎講都唔錯不過d服務就差左d 毎次都要叫先會加水！

好好食咖哩蟹，加上一平時不易食到的越南大頭蝦(勁大隻)，魔鬼魚，草蝦刺身，新鮮蔬菜及菇總之好多即揀即磅即燒的海鮮，好風味，再加上黃金海岸美景.....簡直Fit.......強烈推介要坐室外有泰國feel

幾抵食,最喜歡個咖哩蟹,差不多次次來都會叫.其實係個咖哩汁好正,配naan或白飯都一流. 海南雞都唔錯,幾滑($110半隻). d 甜品$6/件,我初初以為好細件,但係原來好大件,好抵食.椰汁西米糕同芒果黑糯米($30) 好好味.不過可能今日係weekend,好多客,所以有d人手不足的情況.但係看得出d侍應都好努力去招呼人架喇.

　剛剛過去的佛誕假期，和小肥去了黃金海岸住返晚，遊吓水，打吓波relax，咁就緊係要食吓飯啦，原先打算去廣場2樓外國人開個間食Pizza,意粉飲吓beer，點知打量一番應該係轉咗手，咁於是轉軚，嚟咗依度．　是晚星期日，六點半鐘多D，露天加室內都坐咗有七成人．其實呢間都幾好feel，外面露天有大太陽傘，木枱椅，重有自助海鮮蔬菜檔，旁邊就即席燒烤，但由於近排太熱，室內會舒服D．　兩個人由於下午只吃了元氣壽司，游水等運動後特別肚餓，所以也點了不少東西，計有：1. 冬蔭公蝦湯$492. 燒釀魷魚筒$553. 香辣咖喱羊$644. 椰菜苗炒雜菇$485. 胡椒餅$226. 蒜茸Naan$227. 泰國啤酒$15　蝦湯飲落太過水，雖有味道，但有形無神，蝦肉也霉身，只係得D草菇食吓，真吹脹．魷魚筒略欠乾身，但還不致韌，燒得香口，鐘意連埋魷魚鬚上，而內裏配料有粉絲，馬蹄粒，豬肉碎及蝦碎，很香口惹味，送啤酒都不錯．咖喱羊汁底尚可，用胡椒餅及Naan索汁也算滋味，略欠羊肉不夠酥腍入味．自從九龍城小曼谷食過椰菜苗炒咸肉後，念念不忘，是晚的雖不及上次的嫩身，但仍夠咬口爽脆，配雜菇韭菜頗惹味．胡椒餅及Naan做

環境: 有露天海景位，可惜不設非吸煙區味道: 看似好味,食落一般。尋晚我地叫咗粉絲蝦沙律,wa!! 熱盤黎嫁，同埋太辣lu!!!之後燒魔鬼魚...um....太咸了又唔夠滑，仲有就係青檸梳打.....唉!!太唔掂....溝咗兩杯水再加冰都係太甜.........太誇張la!!服務: 好好!抵食: 都幾抵食,兩個人arround$100乾淨: ok...無問題總體上:再去嘅幾會20%

同女朋友玩星期日新界九龍遊晚餐最後在黃金海岸食2個人本來order了4樣東東分別係：泰國金柚沙律泰式炸蝦餅紅咖哩(牛)香酥薄餅由於我唔食洋蔥同蔥，因此個主要係洋蔥同蔥再加少少柚o既沙律基本上係冇食到....仲要衰在係幾貴下，60蚊得d柚.......因為係第一碟上，於是心情即刻差晒。好在第二碟上的炸蝦餅勁好食，於是又醒神番。咖哩重椰汁味，不過好少肉，好多怪的蔬菜，好多好多汁。用o左廚師推介的酥餅都"點"唔晒d咖哩汁(只點o左2~3成)，於是order多了一個泰國絲苗白飯唻撈汁。如果唔叫個沙律就$13x，勁平，改為其他東東都大約會係18x，總之就好過依家啦。環保好好，室內外都係，可惜今晚市區得9度，新界仲要低一兩度，而且海邊....於是唔敢坐室外。有火爐都係咁話，近就勁乾燥，遠就凍到死，未食d o野都凍晒啦。不過唔係凍坐室外會好feel d。室內唔係grand果隻正，係樓底極高，個feel同間o野好夾果種正。想睇大相就哩度http://client.webshots.com/album/278035057gLDXDd

我地就去左隔離食北方菜既金京菜館，好味！麻煩编輯可唔可以加上list度呢?新界屯門黃金海岸購物商場R3 號舖電話：2458 3678thanks!

情人節果晚同男朋友同埋一個外國黎既朋友諗住係呢度食，點知間野剩係有情人節套餐，成３百幾蚊，多一個人仲要加２２０蚊，嘩，掠水掠成咁，食乜野咁巴閉呀。侍應比左個餐牌我睇，我計左個價錢之後都冇興趣再望落去。站在做生意立埸，係咁既日子做套餐當然好過做散餐多多聲，大量製造，上菜快，加埋一４００蚊一台，賺到笑，兼且turnover快。但係顧客立埸黎講，我黎比錢食野，係咪應該有選擇呢？不過可能佢地計過，做情侶套餐都賺夠，使乜咁辛苦去煮散餐! 唉...

i went there last week with 7-8 friends. the food was not so good...maybe because it is too salty, i don't like it...but the taste of spice was quite goodnot special...i think it's not recommendble to go once more~~~

呢間比起沙田分店好一些,面積好大,兩個人都可坐卡位,樓底極高!又有新鮮海鮮供應!所以就十分多人,但入坐速度算幾快,我地兩人食左:咖喱蝦($130)-係用出面海鮮檔賣緊的超大蝦,雖只有兩隻,分開四件後都仲係好多肉,都好抵食,送油酥餅或飯一流!豬頸肉($45)-這是我第一次食這菜式,都幾好味幾爽口,份量好多喎,飽肚菜,聽人話過豬肉最好食的部份都係面豬dum(即係豬頸肉)!雞肉濕炒河($43)-唔好食喎,菜和肉先係主角,因為得兩啖粉.好飽,再加埋好多青檸汁的青檸梳打($20),走人...總括此店比沙田店好,員工態度都係.

以環境來說我覺得好似赤柱美利樓好似正D，食物亦不俗，望住海吹海風食泰菜，亙呀！

咁多間ｃｈｉｌｉ＆ｓｐｉｃｅ，　呢間的食物質素最好，環境又大，　又有ｏｐｅｎ　ａｒｅａ坐，　好正！　ｒｅｃｏｍｍｅｎｄ大家食星加坡加厘蝦．．．真的好正，　送飯最好．　呢間用的是好大隻又多肉的蝦，　相反在ｓｈａｔｉｎ分店用細細隻蝦，肉質無咁好．

上星期四晚上去到黃金海岸，行行下都唔知食咩好，就去左香辣屋食，等左一陣就有位，坐近門口，睇到出面ｄ人一面燒野食比ｄ客一路整甜品，薄餅等野食，叫做幾有氣氛。因為我地兩個人都唔係好餓，就食左一個咖喱羊，配印度薄餅（一籃３塊，好快食晒！），同埋做緊ｐｒｏｍｏｔｉｏｎ既原條烏頭魚（跟爐上）。另外叫左杯野飲（唔知咩士多啤梨冰），唔好飲，係ｄ蘆薈類物體幾好食。最後意猶未盡叫左個甜品，唔記得左個名，記得食餐牌中最後一道甜品，用一個假椰青上比你既，裹面有椰汁，大西米，一ｄ好似ｑｑ丸既野，好味，唔過甜又唔會愈飲愈渴！好味啊！～～食物水準可以接受，一試無妨啦，但係就貴左少少，可能做遊客生意多啦，門口ｄ檔口燒隻龍蝦仔都要四百幾蚊！洗唔洗食水咁深呀！另外，我去洗手間時地下好冼，呢方面要改改啊！