香港達人 (卓爾廣場) (已結業)

由於今晚我們約咗人客見面嘅時間比較夜，所以我們就喺屯門卓爾廣場嘅「香港達人」食咗晚飯先！我們叫咗三款唔同嘅魚，分別係涼瓜燜䱽魚、梅菜蒸鯇魚同豉汁蒸䱽魚！另外再叫咗隻薑蔥霸王鷄！涼瓜燜䱽魚嘅䱽魚煎得好色澤好金黃，而且邊邊嘅位置相當香口脆身，肉質好結實彈牙，而涼瓜亦好爽脆，唔會炒到過晒火而變到過腍，至於醬汁嘅味道就非常惹味，兼唔會過鹹，用嚟撈飯食真係一流呀！而梅菜蒸鯇魚同豉汁蒸䱽魚蒸嘅時間火候控制得啱啱好，所以肉質超鮮甜嫩滑！薑蔥霸王鷄係我們最重點讚賞㗎，因早兩日我們食咗隻畀人「偷工減料」兼唔足料嘅鷄，所以我們今日特意要叫隻鷄嚟食，一上碟嗰陣我們已經覺得好讚，因隻鷄超級肥美大隻，肉質極之鬆軟嫩滑，就算係鷄胸嘅位置都唔會有「嚡」嘅感覺，真係要講返句：「呢隻先係真正足料嘅鷄呀！」

兩個字:難食。尤如自己在家趕出門煮早餐一樣求其。麥皮冇味，蛋冇味，薯茸冇味，腸仔比手指尾更細條。咖啡與奶茶更是離普，難以理解為何可拎出離賣。如果想做生意，除了提高食物質素，麻煩對員工進行訓練。冇禮貌，將單據掟落客人枱面都算，黑面都算，仲要𥄫住人講電話，想點？

好耐無食干炒牛河，突然挑起條根好想食，咁啱買完候餸經過卓爾居醒起開咗間香港達人都未幫襯過，正值下午茶時間於是同朋友一齊嚟個tea time.唔使等位即刻可以入坐，相比起初開張的時候人山人海的景象差好遠，香港人真是新屎坑三日香。環境唔錯，始終新裝修，座位坐得舒服唔迫，坐低即刻點了我至愛的干炒牛河而朋友就叫了海南雞湯米線干炒牛河首先上枱喺干牛河，好香牛河味，夠鑊氣，上色均勻，牛肉有咬口不會醃過龍，但河粉略嫌厚一點不夠滑，有點失望海南雞湯米線反之海南雞米線有驚喜，湯底略帶雞油帶出香甜鮮味，雞肉滑而不霉，應該是冰鮮雞而不是雪藏雞，米線軟滑，值得推介。

今日，年初三，同家人去姨媽到拜年，拜年前中午時間，緊係食個 lunch先上去，所以簡左卓爾居最近好新開的 HK Diner, 佢係同香港18+ 椰林閣同一集團，咪試一試佢囉。我地分別叫左3 個 set lunch, 包餐湯熱飲。1. 香辣蕃茄海鮮炒扁意* 差到爆，食落完全唔知係咩味，無蕃茄味，無香辣味，好唔掂有1件青口，四件蕃茄，小小急凍海鮮料，最多係蟹柳有成十件，食落真係都唔知係咩~ 唉2.焗芝士煙肉雞扒飯食者話： 總括 ok ,但飯比較少，夠多汁，算不錯了。3. 黑椒汁牛仔柳意粉食者話： 黑椒汁夠辣，牛扒好食，夠薄夠軟，咁就同係椰林閣到食嘅無分別，一向 ok嘅。另外，餐飽，餐湯都 ok嘅但最唔掂亦都係 d餐具，好污糟， 如下圖，唔係花紋黎架地方唔算好大，但間隔有好多張枱，坐到幾十人架，當然卡位4人枱都細 d。* 7:30 開到11:00

開張冇耐去食早餐簡單兩個字：垃圾魚柳假到不得了， 冇味既點沙律醬都救唔返附近最好食既魚柳竟然就係大家樂(？？)上次食意樂既魚柳以為已經夠差，點知一山還有一山低薯蓉焗豆個薯蓉完全係凍既，加埋不嬲凍食既焗豆有種食剩菜既感覺煙肉唯一稍為正常既野，係咪要比返個佢？咁多分店咁多差評都唔容易既，繼續保持啦

卓爾廣場近來進行內部大翻新，除了重新設計廣場裝潢與間格外，還引入很多新商店和食肆，「香港達人」便是其中一間新引入卓爾廣場的餐廳。「香港達人」顧名思義就是餐廳雲集了各種地道港式食物及受香港人歡迎的美食，晚市菜單包含的菜式非常廣泛，包括小菜、煲仔菜、碟頭飯、咖哩、芝士龍蝦撈麵、炒粉麵飯和西式鋸扒等等。未諗到食咩或同朋友意見有分歧時，香港達人便幫到你，因為總有一款岩你。香港達人位於卓爾廣場一樓，由地面一上電梯便可看見餐廳面積不算大，內裡大概有20-30枱，為樸素簡約風，以淺色木、燈色和藍色為主。餐廳正中有條大柱，所以將大柱設計成特色柱，有綠葉籐圍繞著。座位寛躺舒適，整體尚算整潔。茶水出菜位寛躺光猛，不但令員工容易清潔打理，更可以讓客人一目了然，看到整潔便食得安心。坐下來發現原來香港達人與香港18和椰林閣餐廳是同一集團—————當日晚餐order了一款煲仔菜和一款小菜，其中一款加$10轉套餐，套餐有一碗白飯和是日例湯。大馬站煲 - 內有燒肉、紅燒豆腐和蔥。我坐在近廚房的卡位，煲仔未送到但蒜蔥香味已從廚房飄出。當送到時，濃濃的咸魚香味撲鼻，煲仔熱得發出‘‘咋咋’’的聲音，所以大馬站煲溫度屬熱。份

普通的晚上落到樓食個普通又簡單的晚餐唔係d咩又貴又靚的餐廳但就係香港傳統的家常料理無高貴的食材但卻有香港的味道有好多平時食開的能手小菜亦有西洋風的鋸扒餐選擇真係非常之多價值都算係大眾化店內裝修新淨座位間距唔算迫叫左碗蠔仔肉碎湯飯入面有好大隻蠔但食落有d腥仲叫左碟蒸鯇魚味道幾好家鄉蒸肉餅正呀肉同脂肪的比例岩岩好！食多碗飯都仲得不過呢以一餐普通的晚餐黎講絕對係合格的始終轉下輕食家常便飯都係生活調濟的一種