香港達人 (卓爾廣場) (已結業)

今日去左屯門卓爾居嗰頭買野，同我朋友食呢間達人茶餐，因為見門面幾好，知佢有幾間分店，唔衰得去邊啦。鐵板扒餐66大洋，唔算貴，叫塊豬扒好大塊樣好嗰隻，點知食落雪藏味濃郁，鬆肉粉又濃郁(無肉味)，D陳年豬扒來也，處理D雪味都唔惦，點埋洋䓤汁都冚唔到啦! 薯條OK，但薯味一般。個羅宋湯無咩料，唔知個侍應係咪只掛住比湯，唔比料，又酸又辣又無料，似飲茄汁加辣汁水! 餐包凍冰冰，熱上都無。咩香港一品鍋，睇餐牌靚仔，點知送來得幾舊雞，一堆醬，少少䓤，無料又唔好食又唔平，唯一可取是杯奶茶好飲，好香滑。唉，D野咁，茶記連鐵扒餐都咁差。

You can say here’s no service at all. Impoliteness and ridiculous request for customers. They even give you bad face when ordering food.When we’re having our dishes, in the middle of the meal, not yet finished yet, the waitress asked us to move to another table in order to spare the table and serve other customers, how insane! Remember we still having our dishes, here’s not Dai Pai Teng, but worse than Dai Pai Teng. The service is extremely bad here! Baked Pork chop rice is just in normal standa

香港達人又是連鎖茶餐廳，質素算是很穩定，分店都有數幾間，所以食材流量也快，以地道茶餐廳來説，性價比算係高。今次嗌左鐵板豬扒炒烏冬，和晚餐的馬拉盞炒通菜牛肉。鐵板烏冬很野味，粉量也不少。而晚餐選擇都很多有數十款，味道都到位！

馬來炒米粉還是星洲炒米好耐無去過卓爾居食飯，今日難得有機會行過嚟，本來打算去太興食，但又搵唔到，所以就去咗香港達人。入咗餐廳之後先發現太興搬咗去下一層。餐單有不少東南亞菜，其中一道係馬來炒米粉，見佢相片幾吸引，所以就點左馬來米粉。上菜時發現原來係星洲炒米，味道都夠香辣而且馬來西亞和新加坡只不過係隔離，所以兩樣野根本就一樣。另外呢個餐包左楊協成嘅菊花茶，楊協成成簡直係童年嘅回憶，雖然味道一般，不過都令我非常懷念。

*西方情人節當然要鋸扒*香港達人🤗🤗*情人節來到，當然要鋸扒慶祝下啦。🤤🤤*西方情人節，食牛扒就最夾。😍😍*今日黎到蔡意橋站附近既卓爾商場1樓，香港達人。😁😁*點左特級牛柳伴日式燒三文魚（$108），抵食又好味。望下我切開既牛柳，入面仲係粉紅色，外面全熟，食落真係連個心都溶化。建議7成熟💯💯*另外心心點左熱薑檸檬可樂（+$10），飲完成個人暖笠笠。😊😊*一個人或者朋友家人聚餐都非常適合。🖐*喜歡既請關注我：VictoriaChan1008💗#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #demo

今日中午和同事食午飯，在西冷牛扒和海南雞兩者之中，我選了海南雞。上菜時，覺得海南雞其貌不揚，雞的樣子有點像白切雞而非海南雞，個飯影完相就散左。不過食既時候味道都ok，而且都多肉。

叫個飯餐，廚房會幫你自動小飯！然後要求waiter要番多小小飯，郤要加$10！服務態度差！地方清潔一般，地下痴立立，地下多垃圾冇人清理。長期有蒼蠅喺食物上面飛嚟飛去。

香港達人環境方面，裝修，座位，都十分不錯。至於食物方面炒飯味道不錯，扒餐既汁都好好食，焗飯都好野味。但有一個缺點，就係服務員，下單速度較慢，我上班公司lunch time去食 上菜跟下單都比較慢 一般都需時45分 先食完飯

放工揾個地方醫肚，想食啲港式小菜飯，近近哋去卓爾居啦，唔想去太興就揀HK Diner，其實食物不過不失，要求唔高無咩問題。但係今次我們坐中間位置，有個大媽待應經常在旁邊大聲隔空向另一邊的同事講嘢，以為自己坐响街市食嘢，唔止嘈夾擾人，點知佢有無噴咗啲口水落嚟架，大牌檔都唔會咁樣嗌法啦，恐怖。同佢講唔好响自己旁邊嗌，轉個頭又嚟過，完全無視食客嘅感受！XO醬爆蝦球西蘭花幾好的一個小菜套餐，例湯正正常常，OK嘅。馬來炒米粉配料唔少，食味正常，可惜俾個大媽影響咗食慾，唔想繼續受罪食咗一半已經拿拿聲埋單走。一粒老鼠屎.......唉

有一次因為我阿媽唔煮飯，所以就提議不如落附近食下野。見到呢間香港達人有好多分店，所以就入去食下。點知就發現其實佢一啲都唔好食。重點係價錢真係好貴，同埋真係一啲都唔特別。所以就冇下次。

☆HK達人晚餐☆位於卓爾商場1樓，一上扶手電梯向後望就會見到。依間基本上係吾洗等位，或者好快有位坐，方便吾中意等位既客人。今次點左兩個餐, 一個係鐵板黑椒牛柳片套餐，另一個係特級牛柳伴日式燒三文魚配薯菜。鐵板黑椒牛柳片套餐($69)********************小編點依款係中式牛柳片，配上黑椒汁，連洋蔥煮好，用鐵板上，另配一碗飯同埋例湯或飲品。 牛柳片好易咬，有部分仲連少少脂肪，洋蔥勁入味。 特級牛柳伴日式燒三文魚配薯菜($108)**********************厚厚一嚿特級牛柳，建議7成熟，可以保持外面煎熟，入面仲保持粉紅色，咬落勁易入口，好林，好滿足啊～食完西式煮法既特級牛柳，再食日式燒三文魚，並冇任何違和感，一樣係高水準口味，入口即溶。套餐配有薯菜，例湯，可加配飲品。最抵食原因係冇收加一服務費!!!心心❤誠推大家黎試下依個色香味俱全既連鎖餐廳。.

喺門口因為見到午市套餐 價錢還可以便和朋友進去早上10:35左右入到去，個亞姐畀張早餐menu我，我話我想食午市套餐，佢話未夠11點未有得嗌住，我覺得咁就唔好擺個午餐牌出嚟囉，跟住10:55分左右，有另一位姐姐想幫我落單，但比早餐menu我個位好堅持未到十一點不能點餐，我覺得早餐跟午餐交接位好差囉，將客人招呼到入去坐喺不能點餐的。我覺得除咗帶眼鏡，齊陰著黑色衫的亞姐外，其他人態度都十分好，語氣亦很友善。可能啱啱經營，有些部分還未完善，希望過一段時間再來會令我改觀。不過對事唔對人午市套餐都算抵食包餐飲，餐包，餐湯，餐包熱辣辣又夠軟熟，牛油也是軟的羅宋湯配料亦很足夠。咖哩牛腩飯不辣，味道還可以，就是牛腩還不夠淋海南雞飯除咗雞唔夠滑外，其他部分我也很喜歡單點的菜式在屋邨內來說不算便宜但會找機會嘗試

迎月夜去探親戚，食埋晚餐先走，卓爾居呢個星期已經第三次，唔想諗食咩交俾佢哋諗，跟住尾走入香港達人。餐廳坐位及環境不錯，窗邊卡位已經坐滿人。3個人無咩飯癮，叫咗蠔仔肉碎泡飯、羅漢齋扒西蘭花上素、魚香茄子肉碎煲。蠔仔肉碎泡飯，鮮味蠔仔飽滿漲卜卜，可惜有幾隻爆咗肚，視覺上要扣些少分，湯飯內加入薑絲、蔥粒和芹菜粒辟鯹，又有微量生菜絲增加口感，另有冬菜粒提味，大家一致認為好吃。羅漢齋扒西蘭花上素，西蘭花青綠爽口無調味，許是烚的時候沒放鹽，食材似乎是獨立準備，整體味道來自獻汁，淡口味之選。魚香茄子肉碎煲，煙飄飄熱辣辣地上桌，聽到吱吱喳喳的聲音，令人食欲也增加…笑油泡過的茄子保留住美美的紫色，與肉碎混在一起，還有一點紅椒、一些紅蘿蔔條，面頭鋪了一把綠芫茜，顏色賣相很吸引。聞著香噴噴茄子味，入口食味咸淡適中，吃不出咸魚的味道，也看不見它的蹤影，不過撈飯都好食， 唔錯。

點了2個餐是set lunch, 大量整定是預料之內，但上桌之前能翻熱一下嗎？廚師求奇，倒米。裝修只可吸引食客一次，食物才是靈魂。查Google, 才知道是椰林閣的分支，可惜。

今晚去左hk diner 食 叫左兩個小菜 由8點開始叫 等到8點半都未尼任何野食 催左一輪之下終於尼左一道菜 食到77 88 等到8點9都未尼等二道菜 再催佢先同我地講搞錯左 伙計無跟單 攞哂俾其他客人 所以我地原本叫既腐乳通菜無唒 要轉生菜 由於我地唔食生菜 我地轉左第二道菜 個待應仲嫌我地麻煩 不停叫我地轉生菜 我地走埋單時仲黑口黑面 食個快餐都要等成9個字先有得食 仲要明明叫左但最後變到無得食 真無癮及無奈 由肚餓變到更肚餓啊。。。。。