香港達人 (卓爾廣場) (已結業)

今日下午過來屯門, 去左卓爾居的商場一樓, 幫襯佢, 可能啱啱係下午茶時間, 都坐左幾多人, 比安排坐在走廊的二人枱😅 都好過同人搭枱, 望住下午茶的餐牌, 有炒粉麵飯, 有三文治, 有焗野, 有湯粉, 不過當時唔太肚餓, 叫左炸雞脾配沙律, 加熱杏霜, 等左一陣, 野飲先到, 雖然唔係好濃, 不過也熱和有味👍 再隔多一陣炸雞脾配沙律送來, 個樣又幾靚仔🤗 只手放在雞脾上面, 可以感受到溫度😋🤩 先食d沙律👍 好味, 再用刀切雞脾, 雖然佢話炸, 但食落唔會好油, 有d肉的實質感覺, 唔會係急凍雪藏食物好梅好粗糙的感覺😅 唔係太肚餓, 份量真係剛剛好🤭 算幾唔錯😸 而且41蚊都算幾抵食

食物質素真的一般般，價錢亦都唔平。份量好細。我食午餐叫咗兩個set。服務真係一般都冇乜人去招呼我哋基本上去自助食嘅餐廳，但係要比加入服務費。最慘食物質素其實一啲都唔好食，仲衰過出邊嘅茶餐廳，唔怪得知唔使等位就入到去

今日中午1點去同老婆2個人食lunch。 去到時門口冇人等位，入面仲有好多空位。當時門口reception 有2個一男一女的侍應，同女的講2人，佢就叫我地入去坐。見有一枱卡座剛離開，就坐下來諗住點餐同叫侍應執枱。等左一陣都冇人得閒招呼，就叫其中一人執枱，佢就話要等一陣。點知轉頭門口個戴眼鏡的男侍應過黎問我地有冇攞飛？！話有人等枱喎。我地覺得好奇怪，話比佢知明明頭先一個人都冇，係你地同事叫我地入去喎。點知條友就咁走左去。之後原本叫我地入去坐的女侍應過黎只是叫我地出返去攞飛，冇任何解釋！我地同佢講我係你叫我地入黎坐的。但佢都係叫的我地出去攞飛！咁差的服務就唔想再幫趁，去其他餐廳好過！不知所謂！

煎旦全隻都有黑灰，換兩次都係全隻有，香腸係冰凍，米粉係調味較好，但係淋哂，好似糊漿咁，無奈😮‍💨待應態度反應不足，叫好多次才有人嚟下單，咁不如換電腦化下單？待應協助將蛋同個廚房換時，大大聲話：「個客講隻蛋黑，佢話要換呀⋯⋯」語氣好似話返個客人唔啱咁，怒氣😡收碗比出餸快，的嘢都未食完，就趕住收走其他嘢，隻手套貼到我未食完嘅嘢，趕客走咁！！

特別早上某一位戴眼鏡個位女員工，唔知佢係咪經理啦，態度極差，叫佢落單佢當睇唔到，叫佢外賣囉走佢就話佢宜家唔得閒等下先，明明得七枱客仲有大半以上空位，佢可以話唔得閒，仲要係九成既野都係佢拍檔做，人返工佢返工，做到成個皇帝咁，都唔知呢間集團點請人，明明上期班阿姐都好地地，就係呢位眼鏡姐完全唔係做野，仲要唔禮貌咁同客人講野，請我都唔再入去食。

同同事放lunch去卓爾居放lunch，貪佢有地方泊車唔使淋雨。環境望落好似幾好。叫左個黑椒乾炒豬扒意粉，份量夠食，味道還好，但所謂豬扒係肉條，仲要得3條，十分搵笨。凍檸茶正常，無乜特別。

兩點左右去卓爾居香港達人食下午茶人唔多叫左個1號餐飲品先到過左10分鐘左右我問侍應個餐要等幾耐因為我趕時間, 諗住轉外賣有個男人打扮嘅女侍應望望我張單, 同我講: 等幾耐?你個餐要炸架! 之後行左去, 態度同面口好衰之後佢行去同收銀四眼紮辮男人係度講問佢聽唔聽到我講咩? 話我咁趕就唔好入黎食我因為聽到我後面枱果個男人追佢個餐所以我先開聲追過多陣我同佢個餐先到我用5分鐘快快食完, 費事再坐比人恥笑野唔係好食又唔係特別平只係因為佢2點開始有下午茶所以我先入去永遠唔會幫趁卓爾居香港達人

今日行開卓爾居，就搵間餐廳食晏，冇乜心水就嚟咗呢間。環境幾舒服，唔算好多人，唔使等位都幾relax。每日都有唔同lunch set。我叫咗B餐洋蔥汁豬扒拼珍寶腸，可以配薯菜/意粉/飯。我揀意粉。配歺包同一個飲品， $58唔使加一。湯有中湯或羅宋湯，我就揀咗羅宋湯，飲品就熱檸水。羅宋湯好夠熱，好飲。豬扒都算大塊，肉質ok唔會韌，洋蔥汁稍為咸，意粉份量不多，男士可能唔飽。熱檸檬水冇檸檬味，似飲白開水😆。

吉列魚柳 $39配火腿, 炒蛋, 牛油多士Cutlet Fish FilletServed with Ham & Scrambled Egg ＆ Toast with Butter好味指數 2.5/5 🍭🍭🍬{睇落成個早餐都唔錯 但最主要既吉列魚柳就較為失色 炸方面都可以 做到外脆內軟 但入面既魚肉感覺到不夠新鮮 幸好蛋 火腿 多士都好正常｝加配 脆脆奶油豬仔包(半個)＋$8Add $8 for Crispy Bun with Condensed Milk & Butter (Half)好味指數 4/5 🍭🍭🍭🍭{豬仔包很不錯 外脆內軟 煉奶和牛油份量剛好 入口好香甜｝

六點幾未太多人可以慢慢揀位 遠離人群靜靜傾吓計薑蔥霸王雞 跟白飯 配特飲雙檸七喜正常過正常 有薑有蔥 $72 + $12 咖喱雜菜 跟飯 熱0水有西蘭花 紅蘿蔔 薯仔 菜心 多元化 小辣 ok la$64胡椒汁焗豬手 跟薯菜又熱又辣 有暖胃效果 薯條一般 唔夠脆$88

叫咗杯凍啡，完全冇咖啡味道。叫waiter加多少少咖啡底，點知佢一杯糖漿倒落去，仲衰過之前。福建炒飯一般，海南雞飯d汁9唔搭8，雞肉都非常之柴。整體除咗環境可以，冇任何優點

我一向對海南雞飯頗執着，見到餐牌強烈推薦，先敢叫嚟食。午市套餐，包一碗餐湯和餐包。叫咗羅宋湯，味道正常，用沾包都唔錯。海南雞飯到了，講真外觀上有少少失望，點解會配白菜仔嘅？唔係青瓜咩？另外少咗一種醬...不過都唔係間間齊三色醬。食落去雞尚算嫩滑，有骨，比較似鹽焗雞，個飯香料幾足，醃製嘅蘿蔔絲出奇地好味，整體不過不失。凍齋啡（走甜）凍飲要加$3 ，不過天氣太熱啦，加錢就加錢，齋啡味道ok，可以再飲。埋單62蚊，環境係寬敞的，不過店員有少少嘈，衛生有改善空間。

今日去左卓爾商場食下午茶點了🐱馬來炒米$40算幾大碟炒得算乾身不太油膩有鑊氣熱辣辣米粉算彈牙材料挺足有火腿、叉燒、蝦、蔥、芝麻炒得幾香口火腿微焦叉燒唔會太肥今日水準不錯🐱黑椒牛仔柳意粉$42大大塊牛仔柳薄身但挺軟嫩少少肥意粉唔太油膩乾身麵上的茄醬份量剛剛好甜酸適中有點粟米粒蘿蔔陪襯黑椒汁略鹹了一點+$3 大大杯凍飲環境算舒服好坐不過枱下有食物殘渣未清潔好上菜挺快題外話，呢間餐廳我間中會幫襯，食物質素唔係次次都好食，晚飯稍貴唔太值，但下午茶而言選擇挺多，夠平夠飽，食物味道ok，我推薦大家下午茶幫襯😊

今天佛誕假，有東西要給住屯門的朋友同行一行屯赤隧道，所以下午已入了屯門，入到屯門差不多2時，我同朋友行了幾間餐廳，就選了今次這間餐廳吃下午茶，因環境不錯同價錢不貴，比較多款式，一入到去，待應態度好好，叫我們慢慢揀位座下，我們座下看了一回餐牌，我自己選了星洲抄貴刁，1位朋友選了脆炸雞髀配雜果沙律，另一位朋友選了迷你西多士,蜜糖腸，蝦角，首先說我那星洲炒貴刁，一放上枱已有濃濃香辣味，即時吃了一口，個貴刁很滑身同爽口，蝦好鲜甜，試了朋友一口隻雞髀，很脆同好香，隻雞髀都大隻，個西多士軟度烘得剛剛好，很香

今日喊嚟到屯門卓爾居嘅香港達人試吓呢個下午茶，平時見香港達人其他分店都好多人今日見唔使排隊入去試吓我哋一行三人見到餐牌我就叫咗個雞髀沙律，我朋友叫咗個馬來炒貴叼另外仲嗌左個西多士蜜糖腸蝦角，入到去有卡位我哋坐咗卡位先，環境都幾舒服個下午茶包一杯飲品首先講一講我叫咗個雞髀沙律嘅味道先個雞髀係炸雞俾你嘅咁feel到呢係即叫即炸同埋沙律係薯仔沙律咁都幾清新嘅好味過雞髀都幾大隻，另外我朋友叫嗰個馬來炒貴叼呢辣到適中咁都係好大碟嘅份量都唔似係下午茶只係午餐嘅份量我試咗一啖都幾好味另外個西多士蜜糖腸同埋蝦角，都還可以總括嚟講如果未試過都可以不妨一試