香港達人 (卓爾廣場) (已結業)

馬來炒米粉還是星洲炒米好耐無去過卓爾居食飯，今日難得有機會行過嚟，本來打算去太興食，但又搵唔到，所以就去咗香港達人。入咗餐廳之後先發現太興搬咗去下一層。餐單有不少東南亞菜，其中一道係馬來炒米粉，見佢相片幾吸引，所以就點左馬來米粉。上菜時發現原來係星洲炒米，味道都夠香辣而且馬來西亞和新加坡只不過係隔離，所以兩樣野根本就一樣。另外呢個餐包左楊協成嘅菊花茶，楊協成成簡直係童年嘅回憶，雖然味道一般，不過都令我非常懷念。