香港華商銀行公會

营业中

休息中

老闆為答謝員工前陣子Work from home將project順利完成, 特意今晚係中環嘅---香港華商銀行公會 設宴。想不到商廈中都有一層小型酒樓。呢度間開幾間宴會廳, 岩哂公司搞event飯局, 點了好幾個菜式。【醒胃話梅汁浸鮮淮山】鮮淮山爽脆清新, 不過就唔覺浸過話梅汁, 只有中間有粒酸尾尾話梅粒。【金沙涼瓜片】有D厚度嘅涼瓜片, 被薄薄嘅鹹蛋黃炸皮包住, 炸皮香脆不油, 涼瓜多汁回甘。【香煎腐皮素鴨】腐皮煎得香脆, 入面有蘿蔔絲同埋木耳絲, 口感有層次。【螺頭沙參玉竹燉龍骨湯】燉湯非常足料, 大大煲, 但分出來份量只有四碗飯碗size, 味道濃郁清甜, 飲落感覺滋潤。【花雕皇蒸蛋白龍躉斑片】蛋白好滑, 入口即化, 有淡淡嘅花雕香, 龍躉斑片冇骨, 帶有魚鮮味, 配搭坊間少有, 驚喜好味。【星州胡椒焗粉絲大蝦煲】全晚最有驚喜就係呢個菜式, 大蝦實肉彈牙鮮甜, 粉絲炒得乾身, 帶有重胡椒味, 惹味非常, 稍嫌粉絲比較碎。【生炒蘭遠安格斯牛肉】炒得好有穫氣, 安格斯牛肉嫩而不硬, 有肉香又keep到原本肉汁, 炒蘭爽脆甘甜。【珍珠芋茸焗布甸】布甸中加入大量西米, 布甸味道唔太突出,

今晚約左幾位朋友吃飯 ，朋友之前已經極力推介這間店，但因為這裡行會員制，所以未能入去試試，幸運的是這位朋友是這裡的會員，所以特意訂了今日的晚晏招呼我們，梗叫這裡的經裡親自寫了一個餐單，不用我們費心思去為點菜已煩惱。入到去座下後，看看四周，環境舒適，疫情關係，沒有太多人，這裡地方簡潔，還有一些廂房供人客的大型聚會，這裡的人看上去都很斯文，沒有大聲喧嘩的人，令到人很自在舒服。第一道前菜是話梅汁浸鮮淮山，鮮淮山入口爽脆，帶點甜甜酸酸的話梅味，但又不會酸到搶喉，啱啱好，很落去很開胃！第二道前菜是懷舊焗惹味豬肚，豬肚份量很多，入口真係很惹味，朋友平時對內臟的興趣不大，但都給它的香味吸引，一件一件的吃著，還一路吃一路讚好吃，就是這樣很快就吃完全碟豬肚。今日的主角出場，就是鮮人參淮杞螺頭燉長白山雪雁湯，雪雁湯不是度度地方都有，這裡就有喇！唔講唔知原來雪雁是鴨科，又高蛋白，仲好有益添！咁大個女都係第二次食雪雁，今次真係可以大飽口福了。雪雁湯很清，入口陣陣人參味，經理說話用上鮮人參燉製，湯很清，一點都不油膩，雪雁肉和鴨肉都很相似，但用作燉湯，肉質都不鞋，這個湯真的相當不錯，我都喝了兩碗，個個都大讚個湯燉

因為疫情關係，晚市堂食已經禁止了好耐，最近終於解禁了！有位朋友經常說好想再去華商食飯，所以今晚便相約一齊去品嚐。 今晚選的菜色，樣樣都好好食，我們3個人一共食了一個湯5個菜和兩個甜品，真是好誇張！ 今晚的晚市人流不多，全場只有4枱食客，所以服務員有足夠的時間細心地招待每枱客人。不但推介新菜色，還幫我朋友找她要坐的巴士站位置，我們離開時他還幫朋友查巴士到站時間，真是貼心。

返工日，廿多三十年老朋友東哥突然叫到出嚟食晏，當然應約啦。加上因為工作關係，佢唔喺成日晌香港，就更加珍惜呢啲短聚嘅機會。餐廳就由佢揀，就番小弟返工地點，都喺晌番中環，而佢對食都有少少要求，亦唔介紹使多少少，又避免太逼人嘅地方，所以，就揀咗嚟「香港華商銀行公會」。小弟就唔喺銀行業從業員，掹佢衫尾嚟到試吓。餐廳嘅環境就如一啲中式會所酒樓咁，唔會好富麗堂煌，但又不失氣派，嚟嘅人都喺斯文客，交談都唔會太嘈炒，更顯得靜侷清幽。點心紙亦喺餐牌，底面兩頁就一眼睇晒，有點心、湯水、小食、廚師精選、粥粉麵飯，以及商務午餐，茶位就收$15，最後睇番張單，無收加一，仲有85折添，唔知喺因為會員吖，抑或依家市道唔好，打啲折嚟吸客，因為呢度嘅定價都唔平架。家常老火湯 $48店家每日都提供老火湯，是日就喺潤肺抗疫嘅西洋菜羅漢果陳腎生魚煲豬踭湯，例牌就$168，位上就$48。我哋一人一碗，每碗嘅份量就等同家常飯碗嘅兩碗，而撈一撈，確喺幾真材實料，飲落的確滋潤清甜。鮮蝦燒賣皇 $48叫得燒賣皇，就梗喺包得夠大粒啦，再加埋大大隻鮮蝦上面，感覺就好似一個價，又食蝦餃、又食燒賣，哈哈！呢度收得咁嘅價，用料有番咁上下，啲蝦好

南乳鱔球 墨魚丸都唔錯 夠脆！ 南瓜片係蛋黃皮 超香鮑魚同菇都唔錯～豬利有dd 韌釀蟹蓋超滋味！ 蟹肉一絲絲 入面仲有d洋蔥調味 食唔停～雞好嫩滑！ 一流欖角骨好惹味！ 黑豚肉餅麻麻地 偏油鮮舞茸燉長白山雪雁湯，本身唔知雪雁咩味 好清甜！飲完個人即刻暖晒斑腩兩食 炸就香口d 炒球就肉滑dCarbs冇heavy既炒飯 而係清清地鮮蝦水餃鮮麵。水餃皮薄 蝦夠新鮮仲有木耳 麵正常 而且份量夠細 用黎撈水餃食岩岩好甜品方面蛋白杏仁茶湯圓 夠滑夠香 湯圓細細粒好煙韌。麻茸蟠桃包都唔錯 麻茸包已經買少見少 仲要整得好食！整體係一間食物質素好高既中菜 而且員工好識做 招呼得好好!

香港華商銀行公會是屬會員制度的餐廳，因小妹的朋友於銀行工作入了會，趁着大家假期之際，便提議帶我們到此餐廳用餐，一同細味品嘗。當天我們點選了秋冬滋補五蛇 B 餐，是四位用份量，共包有七款菜餚，價格是$1500再加5%服務費。另外除蛇宴外，餐廳還提供有大閘蟹套餐，下次再到來必須好好品嚐一番。前菜小碟前菜小碟分別有子薑皮蛋、椒鹽魷魚鬚兩款，皮蛋軟綿彈牙，使用子薑、辣椒粒調味，入口香濃微辣，同時緩和皮蛋的膩滯感。椒鹽魷魚鬚炸得金黃酥脆，內裡肉質爽口鮮嫩，嚼勁十足。花膠絲燴五蛇羹五蛇羹用上五款蛇類、花膠絲、木耳、冬菇製作而成，食材豐富足料，湯底口感黏度較高，細嫩滑溜，味道強烈濃郁，帶有少許甜味和薑味香氣，而且絲毫沒有蛇腥，各款配料爽脆鮮美，為蛇羹增添層次口感，配搭的菊花花瓣除用作點綴賣相外，亦有減燥的功效，蛇羹食用後令身體頓時有溫暖且熱哄哄的感覺，可見滋補十足。額外附贈中式蛇羹必有的南乳薄脆，其口感鹹香爽脆，富有南乳香氣。芹香炒鴿甫菜式主配料分別有西芹、鴿甫，西芹碧綠鮮嫩，爽脆清香。鴿甫是指已去骨的乳鴿，可見師傅製作富有心機，使用炆炸烹調方式的鴿甫表面甚有光澤感，口感外脆內嫩，乳鴿肉味濃郁。加入

秋風起，三蛇肥。這句話一點也不錯。秋天一到，蛇類要準備冬眠﹐事前當然要大量吃下大餐﹐儲存身體的需要﹐所以蛇類都特別肥美。所以，秋天的季節最適合吃蛇肉，吃完之後﹐感覺很暖和﹐是冬天不錯的進補方法。朋友費心勞力的找到一個提供傳統蛇宴的地方﹐而且當日天氣剛好轉冷﹐真是合適不過了。用餐環境後優美環境，嘴巴也很快被美酒佳餚所懾服，正式入座後，多道美食，驚喜連連。子薑皮蛋皮蛋吃起來有一股說不出的味道，就像榴櫣的味道一般，不喜歡皮蛋的人會對其避之不及，而對喜歡皮蛋的人而言則是十分美味。這裡的溏心皮蛋帶甘香，配以酸薑味道非常合拍，子薑爽嫩又清香，作飯前小吃，開胃健脾。椒鹽魷魚鬚炸魷魚鬚撒上椒鹽炸得熱呼呼，吃起來熱辣辣又香脆，口感比外脆內香軟彈牙，更甚是吃得出魷魚的鮮香，令我百吃不厭。芹香炒鴿脯這道菜上桌時呈現栩栩如生乳鴿撩人姿態，由精緻的擺盤已經看得出貴氣，鴿脯是道傳統矜貴的菜式，因為乳鴿體形細小，還要把其胸肉切片起肉去肥油，起骨，片成鴿脯，廚師的廚藝功夫一點也不能少看。這裡與芹菜一起拌炒，吃下去只覺香口薄脆，多重的口感非常美味。花膠絲燴五蛇羹湯羹喝起來有輕果皮的味道，蛇肉相當足料，吃起來比魚肉結實，

舞伴搖身一變成大銀行家後即入埋「香港華商銀行公會」，真係冇估到原來私人會所嘅年費只須$50，冇入會費，絕對抵玩，不過一旦離職後其年費就會變做$500，亦可選擇退會，咁都好公平。收到通知10月22日起，會所限時推出節令「精選大閘蟹全蟹餐」（$550/位；兩位起），即約同小肥去試；一睇到菜單上其中一項為原隻清蒸大閘蟹時，細佬直言自己唔識食喎，靚女廚神仲好有誠意咁話拆蟹可包喺佢身上，嘻嘻，教人難以推搪！之前黎親都係長輩請客，大班人有房坐，第一次喺大堂用餐，感覺開揚啲，連冷氣都勁啲。餐桌上擺有自用及公用餐具，仲有成盒紙巾任用，夠哂衛生。蟹宴初推出，店內似乎只有兩口子預訂，全程由肥叔叔主持，餸菜續道上，以確保每款食用時為最佳狀態，時間控制得恰到好處，專業得很！前菜拼盆：打頭陣嘅三款前菜「黃金蟹粉百花球」、「蟹粉脆春卷」、「野蜂蜜酸子薑」兩人份量一同以拼盤呈上。炸至金黃嘅黃金蟹粉百花球鬆爽彈牙，邊食啲黃金蟹粉邊爆於口腔，舌尖滲滿鮮香甜美，爆！熱辣辣、脆卜卜嘅蟹粉脆春卷毫不油膩，餡心包入蟹粉更覺鮮嫩潤甜。XO仔一向少食薑，因為怕辣。意外地塗上野蜂蜜醬嘅子薑甜潤爽脆，雖帶有辣勁，但就易入口得多。大閘蟹

因為疫情關係,已有一段時間未有與好友相聚;作為擁有華商銀行公會會員的好友約局,自然會選擇相關的食肆;位處中環的華商銀行公會餐廳,座落於區內的中心地帶,交通方便,可謂盡享地利優勢!是晚好友的約局七點開始,從中環地鐵站到餐廳大概是十分鐘的腳程;穿過下班熙攘的人潮,來到餐廳跟前,明亮的燈光映照著店名,依舊是熟悉的感覺!量了體溫進入餐廳,一眼望去,餐枱凳的排列很整齊,而且餐具很光潔!由於好友已事先訂制好菜式,人一齊便即可上菜;前菜小碟的子薑皮蛋作為冷盤,真的是冷盤--經過雪冷過的盤子來盛載冷凍的食物,單是在細節上已盡見心思!溏心皮蛋的蛋白與子薑的冰冷質感令其更爽脆,加上綿滑的溏心,濃郁的皮蛋氣息在味蕾上留下深刻的印記!隨後子薑的辣味又將味蕾洗刷乾淨,來迎接下一道小食;椒鹽魷魚鬚,薄薄的脆漿包裹著爽脆的魷魚鬚,少許的胡椒氣息有提鮮之效,令魷魚味更突出!花膠絲燴五蛇羹,以砂鍋盛載呈上,在分成四人份量時再以明火加熱,務求可以最適當的熱度享用,是為很適合秋冬的美味!湯底很濃密,首先嚐到花膠絲帶來一點爽脆的質感及本身帶著滋補的效果,有畫龍點睛之效!而薑絲的作用有祛寒提味之效,加上薄脆,灑上白菊花瓣,當然

環境4分：會所中式酒樓格局，兩條友都可以坐四人圓枱，D位隔得又夠開，非常之舒服，可以畀四分。衛生5分：餐枱舖曬白色枱布，環境衛生，有齊曬手套同工具食蟹，非常之乾淨，滿分。服務5分：服務員年紀可能大，但非常專業，D餸續樣上，成日不停加茶加水同換碟，畀硬滿分！味道5分：1)      前菜拼盤入面個黃金蟹粉百花球炸到脆卜卜，好鬆軟嘅蝦球，入邊釀左Ｄ蟹粉，非常好食，一流。2)      蟹粉脆春卷同樣做到脆卜卜，一Ｄ都唔油膩，同樣食得到入面Ｄ蟹粉。3)      蜂蜜酸子薑Ｄ蜜糖令到酸子薑淡化左酸味同辣味，加添一份甜味。4)      清蒸大閘蟹一反轉發現係蟹公，就急不及待剪曬D腳同鉗，然後打開個蟹蓋，整走唔食嘅部分，趁熱食曬D膏，足足有五兩重，食落非常滿足。5)      生拆蟹肉金瓜湯係用南瓜嚟煲，再加上鮮甜蟹肉，飲落非常清甜。6)      桂花蟹肉生菜包入面有蟹肉，蛋絲，筍絲，冬菇絲等等，包响生菜入面食，好爽甜同鮮甜，全部嘢都非常之夾。7)      焗釀生拆蟹蓋，大大個蟹蓋呈現眼前，用處理好嘅洋蔥同蟹肉放响入面，然後上面鋪上芝士焗，非常香口，個份量都好足，蟹肉都多。8)