香港寧波同鄉會

营业中

休息中

I've been to quite a few Chinese restaurants serving Shanghai cuisine in the past 6 monthes and this one is the best among all, honestly. My firm held two events in this restaurant in Jan and Feb, and both gave me a nice experience. I'd say 9 out of 10 dishes are great here and the worst (not too bad actually) should be "siu lung bow." It just doesn't impress me...so...I put it in OK catagory. But trust me, other dishes are just delicious. I'm expecting to have a meal there in the near future!

請幾個幾個舊同事來吃晚飯，地點在附近幾間上樓食肆間選擇，但因為一味家常餅，大家就來了這裡。雖然不是旺日子，但這裡都不少人，大廳及貴賓房都差不多坐滿，一圍一圍的，似乎仍是吃開年飯的日子。九個人，都是叫了一向那幾味。冷盤要了海浙、醉雞、烤夫及馬蘭頭的四拼，脆鱔另叫一碟。主菜是年糕炒蟹、棷鹽元蹄是例牌，另加糖醋魚塊、奶油津白、樟茶鴨、酸辣湯、家常餅兩客、鍋貼及酒釀丸子。四併的冷盤以馬蘭頭最好，有其清幽又特別的味道，伴上麻油，不錯；醉雞仍是那個老樣子，今次仲要凍了一點，已經叫住但仍是要叫，吃完又話麻麻，真係話唔聽的；烤夫及海浙，一般水準；年糕炒蟹及椒鹽元蹄都是重量級菜色，年糕炒蟹單看樣子已經夠晒膩，但不膩又不算是好的年糕炒蟹。雖然汁茨打得厚，但年糕煙韌，蟹亦好肉，人多吃一人吃一點就剛好；椒鹽元蹄次次都叫，皮脆肉嫩又有肉汁，跟微微帶苦的炸薄荷葉齊吃，仍然有水準。元蹄好大隻，又係有番咁多人至好叫，如果唔係都幾難食得完；糖醋魚塊肉質麻麻，雖然仍然脆口，但個人覺得一般，一眾年青朋友就覺得好吃；酸辣湯不酸，所以亦帶不出辣勁，兩頭唔到岸，失手之作；樟茶鴨也是一般，太乾身亦油膩，伴碟的麵塊又凍又硬又厚，跟椒

冬至個日同自已屋企人做節，已早一個星期訂位，本來媽媽不太贊成，因為佢話d伙計又寸、招呼又麻麻，但今次去可能換過d伙計，d服務態度又幾好喎!先食冷盤，因為三拼唔可以併鴨舌同脆鱔，唯有散叫，再加碟燻魚。叫完之後發覺自己蠢左，因為三碟冷盤味道差唔多，而且都係味道好濃，食完之後已經覺得好溜。三種冷盤都唔差，最好係脆鱔，一上台卜卜脆外，就算擺了一般時間都係卜口的。湯係醃篤鮮，湯料太少，相比起小南國差好遠，但老豆讚d咸肉好味，而細妹又話煲湯排骨仍持好有味又鬆化。今次冇叫咕嚕肉，叫左糖醋排骨，排骨大大件肉質鬆化；不過糖醋汁就甜酸味唔夠；雪菜肉絲炒年榚，已預左係好多油，但年榚質地好煙韌，食過咁多間上海菜之中，這間做得較好，不過實在唔少油，所以最後都食剩。見好多人都贊蔥油餅，所以都叫左一客。其實究竟蔥油餅正宗係薄定厚?這間係薄的，一d都唔油，面層好香脆，內裏雖然係好多蔥，不過食落口一d蔥味都唔夠，而且較淡，或者之前食了太多濃味野關係。老豆還叫了碟清蛋炒飯，雖然係好簡單只有蛋同飯，但師傅炒得非常好，唔油好乾身，真係一粒一粒飯的又炒得香，老豆話再加d蔥花落去炒，就更加完美。最後食得太飽，其實最主要係好膩，淨

約咗四個同事食晏, 叫咗以下菜色:-京都骨(啖啖肉, 酸甜汁醒胃唔la喉) 肉絲炒飯(夠鑊氣, 炒得夠干身)羅漢腐皮卷(成個鐘頭後食埋最後個件, d腐皮都仲咁脆, 正!!) 銀絲卷(熱辣辣, 好軟熟)干煸四季豆(辣咗d)小籠包(普普通通)埋單四舊水, 值得一試!

尋晚同舊同事食飯，由於訂唔倒香港大學校友會，所以訂咗食友們介紹的寧波旅港同鄉會。七點幾嚟到，人唔多，地方都幾企理。由於唯一男丁要OT，我地三個女仔唔叫得太多野，當然更冇人附和我試椒鹽元蹄啦。當晚叫咗：素鵝、燻魚拼棒棒雞、蘿蔔絲鰂魚湯、魚香茄子﹝奇怪的選擇，不多每人都可以決定兩味餸，冇野講﹞、雪菜肉絲炒年糕、蔥油家常餅同高力豆沙。素鵝幾好食，南方整法係用油炸的，但唔會覺得油膩；燻魚味道只屬一般，棒棒雞則只有D粉皮好食，雞肉就嫌鞋咗D，醬料就OK咁啦，呢個拼盤唔係太理想；蘿蔔絲鰂魚湯唔係太有魚味，略腥，蘿蔔微微有D渣，唔掂；魚香茄子非常油，食落其實味道可以，不過就唔係太有「魚香」，只係食咗少少就冇人再染指；雪菜肉絲炒年糕非常好味，年糕炒得恰到好處，煙煙韌韌，雪菜唔會太鹹，大家都食不停口；蔥油家常餅係另一絕活，炸得香脆金黃而不見油膩，內餡好多蔥，味道一流，不過食落其實係幾油架，但實在太好味，我一個人都食咗三件﹝！﹞；最後係甜品高力豆沙，味道都合格，但係紅豆餡出手太重，破壞咗整體味道的平衡，而且蛋白外皮有少少油味，應該可以做得好D。整體嚟講，呢度的水準唔錯，但係要識得叫廚房擅長的餸菜。價錢不算

前幾日team lunch, 老細請食飯, 一行9人,其中二人係鬼佬.部長suggest:cold dish: 醉雞,餚肉,素鵝,海蜇. 醉雞好香酒味,雞肉好滑, 餚肉都唔錯. 海蜇麻麻地,整到一pat pat 咁.熱炒: 黃金蝦, wah, 一上碟見到成堆黃色o既野圍住d 蝦,仲以為係南瓜茸,原來係咸蛋王茸. 食落好野味, 不過d 蝦over cooked! 油爆沙鎚魚(加埋西芹炒), 呢個有驚喜, 沙鎚魚好嫰滑, 無骨, 成碟清晒! 醬汁排骨甜多d, 砂鍋冿白, 豆板莧茱, 雪菜肉絲炒年糕等等, 味道都ok! 點心有家常餅, 其實好似蔥油餅咁, 脆脆地, 好香口, 老細問係咪chinese pizza!小籠包好後先上, 太家都食都幾飽下, 心想都食唔晒. 但係一上枱熱辣辣,細細粒, 皮薄, 肉汁多,簡直係水準之作!!甜品高力豆沙軟棉棉, 不過油左d.整體都唔錯~ 不過下午時份好口喝,唔知係咪味精多呢.

沙鍋雲吞雞同埋高力豆沙,其他小菜都唔錯,物有所值!

今日是舊公司最後一日運作，由明天開始就過檔新公司。雖然合作開的同事仍是那一些，但合作形式已經與現時的大為不同。無論如何，今天也是值得記念的日子，夜晚就齊齊出去食飯。今次不由我說，就由最年青的同事話事，估唔到佢女仔人家竟然喜歡吃元蹄，真係共事幾年都唔知。某同事又記得呢度的椒鹽元蹄好正，所以就來了這裡吃。呢度新裝修過，地方好過以前好多，起碼光猛同整潔D。晚市人客一點都不少，好似係滿座，好在我們早訂位，如果不是真的是一位難求。菜牌同以前一般，價錢亦好似無貴到。我們五個人，叫了三拼冷盤，分別是醉雞、海蜇及肴肉，椒鹽元蹄、賽螃蟹、樟茶鴨半隻、砂窩津白、鍋貼及家常餅。三拼冷盤份量不少，醉雞非正統的做法，是雞還雞，酒還酒，食時才將雞點酒，食味好一般；海蜇伴麻油還可以，可惜的是沒有海蜇頭；肴肉味道夠，三拼冷盤以造一味挽回多少分數；總括來說，比起好的菜館如老上海、雪園等，未算是高水準。椒鹽元蹄一大碟上，大乂隻元蹄聳立碟中，幾壯觀，旁邊以大量的炸川椒葉伴碟，賣相唔錯。侍應用剪刀熟手的將元蹄分成小塊，元蹄表面看炸得乾乾的，但吃落是充滿肉汁。尤其連著邊位吃，有軟骨有肥肉有廋肉，有椒鹽香亦滋味無比。始終這個元蹄

因為有朋友食過話唔錯, 所以聖誕前和朋友黎食. 呢度裝修都ok, 最初以為樓上鋪會冇乜人, 但原來熟客都唔少, Service幾好. 一定要食蔥油家常餅, 正到痺. 頭盤我們選了三併, 醉雞, 燻魚和芥蘭頭, 另外砂鍋什錦都唔錯. 侍應介紹一味芹菜磨菇炒獅子魚都好正. 我地十二人連前菜共叫了十一個菜每人平均約$150, 都唔算貴, 不過有些菜則略為肥膩(如炒年糕), 可能寧波菜都比較偏油吧! 這裏與之間不算迫, 故也很舒服, 如果一群朋友食飯這裏也是不錯的選擇.

今天和同事去吃午飯, 點了蛋王蝦, 家常餅等. 蛋王蝦味道十分好: 蛋王味濃郁, 與蝦味配合得天衣無縫. 家常餅味道亦佳.不過, 價錢頗貴呢(例如$160蛋王蝦)!

好多年前去過﹐雖然當時年紀小﹐不過仍記得果道既酒釀丸子同雲吞雞非常好食﹗之後去過好多地方食酒釀丸子都覺得好唔掂﹐同呢到既簡直無得比﹗不過始終係幾年前既事...唔知宜家仲係咪一樣正﹖

星期六o個晚去食﹐三個人嗌左幾樣o野﹐有蜜汁脆膳﹐雜錦砂碢﹐一碗擔擔麵﹐仲有蛋黃炒蝦﹐埋單差o吾多五百蚊。我個人覺得都幾貴﹐其實食呢間都係因為睇左呢到D食評先去試﹐嗌左四樣o野﹐唯一最o吾好係蜜汁脆膳﹐D膳有D腥腥o地﹐又炸到脆lock lock﹐食落o吾似膳﹐跟住其他三樣算過得去﹐蛋黃炒蝦﹐第一口好好味﹐越食越漏﹐最好係擔擔麵﹐暫時食過係最好呢間﹐剩係擔擔麵咋!最後係雜錦砂碢﹐湯味都o吾錯。但想講環境好o吾掂﹐比起中國芳差好遠﹐但價錢一定差o吾多﹐D伙記態度囂張﹐似做開熟客生意多﹐去到仲見到好多上海人食飯﹐而我o地本身又係上海人﹐但成餐無講過一句上海話﹐點知D伙記咁串﹐以為我地o吾識叫﹐我諗我都係試過就算﹐再去都好微﹐無咩好感﹐咁樣o既價錢﹐我寧願揀彷膳同埋中國芳la,地方又o吾係就腳。

老闆介紹先識去,教我地食蜜味脆鱔真係脆卜卜又好味煙薰蛋好鬼過癮擔擔麵湯濃麵滑,以家出邊D湯都冇咁濃咁好味蒸小籠包皮薄涵靚桂花酒鑲丸子清清地又有D酒的香味埋單又唔係好貴.

雖然環境麻麻, 服務一般, 但食物味道不俗, 又有特色小食, 例如臭豆腐, 炸湯圓(一定要試!), 不失為中環吃午飯的其中一個好地方.

係唔係正宗寧波菜就唔知，但食物普遍有水準。值得推薦的是年糕炒蟹和紅燒元蹄。前者用上海年糕炒，風味十足。紅燒元蹄外表較為乾身，似煲完湯的湯渣，不甚吸引。但原來裏面充滿肉汁，與乾脆的外皮一起吃真的無得頂！與其他有茨汁的元蹄比較又另有一番風味。但個甜點酒釀丸子就麻麻地，無酒香又好鬼淡。因為食物份量不小同較「漏」，建議最少有４個人至好去食。