香港寧波同鄉會

营业中

休息中

店子裝修之前，由朋友帶路來吃過一次，無論裝飾和格局都有點阿伯酒樓feel，不過可喜食物之美味是出乎意料之外，例如雪菜肉絲炒年糕，做得咸淡適中，年糕煙煙韌韌，口感滿分; 砂鍋津白，是蔬菜之選，清清地，湯內的小餃子也味美; 小籠包是一般，不過家常餅卻十分好，薄薄的舖上芝麻灑上蔥花，香和脆兼而有之，下次會再吃。感覺上這是間務實的店子。

是日有朋友生日,共12人食飯. 叫了以下菜色醉雞: ok , 雞絲粉皮: ok 百頁白菜:太淡口了椒鹽元蹄: 好味, 一定要叫,冇想像中咁肥,樟茶鴨: 好味, 不過鴨味不足臭豆腐:幾得意，共８件小龍包　：　差左d了，　失望肉絲炒飯　：一般賽螃蟹: 用蘑姑的, 有新意酸辣湯: 多料, 辣, 得!糖醋排骨: 一般總括來講: 價錢合理, 一班人可以坐下傾下計, 不用急急腳, 都幾好食嫁, 值得一試, 只是冷氣好細, 部份位置好熱

星五同班朋友食飯. 見呢間個價錢range $41-100. 諗住幾平. 點之見到餐牌發覺都係唔平.環境都幾好坐. 不過要訂位. 我們先點了一碟海哲..有d麻油同芝麻味, 海哲很爽, 叫待應給我們一碟芥醬點...更加好吃.至於主菜, 試了最多人試的椒鹽元蹄, 樟茶鴨..都很好吃..d肉煮得剛剛好..肥瘦又很適中, 不過就咸了少少. 椒鹽元蹄伴碟那些類似紫菜的菜都很可口.不過我最喜歡都是那味鹹蛋黃蟹...好好食, 都幾大隻蟹, 其實都算幾多鹹蛋黃了, 我們都將隻碟清到乾乾淨淨. 我都叫d食物唔算好貴..所以價錢都ok啦.

是日mothers' day,一家9人食飯. 叫0左:百頁白菜--> 清清地,幾fresh,百頁較平時食到既厚d椒鹽元蹄--> ok啦,冇想像中咁好,個朱手唔夠入味,不過個皮係好食...冷盤-->海哲,燻魚,烤夫,最好係個魚,夠膽話佢係好高水準...食過好多唔同地方既燻魚,不過一係太乾,一係個味唔夠..依度就好她,夠juicy,亦夠味樟茶鴨-->d肉幾爽,armarm好,不過鴨味不足家常餅-->幾好,唔太油,夠蔥味,新鮮做的蟹炒年糕-->d年糕口感軟軟地,d蟹都新鮮,個汁係有小小sweet的,唔錯棗泥鍋餅-->好surpise,因為第一次食...好有紅棗味,唔油唔太sweet,正!overall黎講,係有水準的,不過可能我expectation好好好高,所以都係有小小失望.

一行八人到此開餐:海蜇併肴肉併醉雞–海蜇不是海蜇頭, 而是海蜇身, 所以唔夠厚身同有咬口, 肴肉ok lar, 醉雞汁另有碗上, 不是浸在盅內, 但雞肉尚算嫩, 有洒味但不算濃.清炒蝦仁–河蝦細過蝦乾, 所以食唔出爽甜, 比較失色. 樟茶鴨–這味算係好味, 鴨不是瘦蜢蜢, 炸完不太乾身. 椒鹽元蹄–全晚最正, 皮鬆化, 肉不鞋.家常餅–個人甚喜愛, 脆脆的, 不油, 葱同芝麻很香口.咸肉百頁小棠菜–不過不失.西芹磨菇炒沙鎚魚–偏油, 沙鎚魚肉滑.後加一味侍應推介既笋炒一種上海菜(忘了名字), 但似小棠菜.豆沙鍋餅–皮唔夠脆.芝麻擂沙–看似很熱, 但實質只是暖, 芝麻不是太香.埋單$1200, 不算便宜, 咁既價錢我會揀去陸鷺囉…..

Lunch time勁旺場，訂了幾次，今次終於有位。擔擔麵-湯底雖濃，但沒有花生味、辣味亦欠奉。而麵亦煮得唔夠透徹，黐埋一舊舊。糖醋排骨-肉地好諗、沒有肉味，同事還覺得有種雪味。糖醋汁味道偏甜，酸味較少。賽螃蟹-第一次食有蘑菇及毛豆的賽螃蟹，而且亦沒有一隻生蛋黃係面，可能怕有禽流感關係。小籠飽-好大隻，但極少湯汁。雪菜肉絲年榚、砂鍋津白及雪菜毛豆百葉，三款都是不過不失。午餐及晚餐都試過，不知是否師傅唔同，感覺上夜晚好食D及抵食D。

很久之前已經知道有這間食店，但一直也沒有試過，早幾晚有空，便約了朋友來這裏食。我們叫了清炒蝦仁、樟茶鴨、椒鹽元蹄、和咸肉百頁小溏菜。清炒蝦仁- 蝦好新鮮，又彈牙，質數很高，值得一試。樟茶鴨半隻- 好細碟，相信沒有半隻，最多得三分一隻，好在味道很好，唔會太肥，也是值得一試。椒鹽元蹄- 看到KC兄的食評，一心就是去食這個菜，雖然沒有細一點的size，但還是叫來試試；外皮好肥，但味道唔錯，但真係一件起、兩件止；內裏的肉就比較韌，雖然都好入味，但因太韌，大家也很快便停手了，真係有點可惜，唔知係唔係失手了。咸肉百頁小溏菜- 食了兩味比較肥的菜，再食這味清淡的菜，感覺又幾好喎，而且菜好新鮮，都幾好味。要提一提，這裏的啤酒好貴，$24一支，初初以為係大支庄的，但來到時才知係細支庄，有點唔多值。

This was such ripped-off experience. We were too silly to trust the waitress to recommend. She ordered far too much for three people. Food was good but we felt cheated !

(1/12/05)同事生日飯,七人來光顧。涼伴海浙─比上次夠味,很喜歡加左蔥,所以俾我掃晒。酸辣湯─多料,係辣少少,不過味道幾出色。糖醋排骨─好夠酸,應是豬排塊,沒有骨的。咬一啖,見到係點蛋槳炸,好香蛋味,very good。小籠包─失色點,肉汁唔多,皮亦厚左d。火腿津白─菜好鮮甜。賽膀蟹─沒有生雞蛋,有瑤柱,磨菇,紅蘿蔔,毛豆,整色整水,都是有心思o既。上海粗炒─雖然有一點點燋了,但我覺得炒得好入味噃!比平時上海菜館的,好食好多。其實o係中環唔飲茶既話,中式o野,一膨人,哩度真係好選擇黎架。service又好。樓下一樓有間"香港大學校友會"唔知好唔好食,食乜既呢。

近期曾到這裏試菜數次, 發覺水準真的很高, 價錢也十分合理. 今年外父的生日飯便選在這裏舉行, 十多人的宴會可以比平時品嘗更多不同菜式, 妙極.是晚吃了十多款菜式, 無論用料、烹調、味道, 沒有一款會令人失望. 清炒蝦仁質素很高, 用的蝦較小, 吃來更滋味. 酸辣湯味道溫和, 不會奪去食材的鮮味. 其它如素鵝、竹筍扒豆苗、腰果雞丁、乾煸四季豆、鱔糊、生煎飽等, 都是上乘之選. 席間第一個高潮是紅燒元蹄, 肥美的豬手配上香濃的醬汁, 加上一點嫩綠的白菜仔, 真是相得益彰. 樟茶鴨則是整晚最令人難忘的一味, 鴨看上去有點乾, 其實肉汁全都鎖在仍然鮮嫩的鴨肉內, 表皮的油脂好像全部消失了, 一點膩的感覺也沒有. 調味不太多, 鴨肉的鮮味加上煙薰的香味, 大家都吃個不亦樂乎.當然不能忘掉美味的蔥油家常餅, 個人意見, 餅上桌後略放涼一會更加美味. 很難準確形容家常餅的美味, 但我們其中一個人就幹掉了四片, 可想而知吧.

是舊同學的聚會，連太座也要出動。既要幫人洗塵，同一時間幫另外一人餞行。一行十二人，在中環要找有水準的中菜，實在是易如反掌，隨口也可說出幾個選擇。在云云選擇中，走的那個選了這裡，因為佢鍾意食元蹄，咁就佢話事。十四人，坐滿了一張大檯。在這裡也是同樓下校友會一樣，不用看菜單都可以點菜的了。冷盤要了三個雙併，分別是馬蘭頭併海哲、肴肉併醉雞及脆鱔併薦魚。熱盤五個，分別是糖醋排骨、樟茶鴨、椒鹽元蹄、年糕炒蟹及奶油津白。點心當然是例牌的小籠包、窩貼、生煎包及必叫的~家常餅。冷盤方面，不算很差，是一貫水準。如醉雞仍是酒味太重，最好吃的要算是脆鱔，幾香甜，脆脆地，雖然吃不要任何黃鱔的味道，但作為下酒小吃，也是相當不錯的；熱盤方面，仍舊是椒鹽元蹄﹝如圖示﹞最掂，這裡的椒鹽元蹄，乾身，沒有坊間的元蹄蓋著一層可怖的茨汁。外層乾脆，裡面仍保持濕潤，個人而言，覺得幾美味。可惜元蹄不夠肥美，肥肉跟廋肉比例只2比8，至少做到4比6 才吃得過癮！伴碟有大量的炸川椒葉，吃落香口，帶著其獨特的點點苦味，加上下了點糖去炒，有點甜甜的，一大堆川椒葉給我掃了一大半。要餞行的朋友也盛讚這個元蹄好味，仍然是來這裡的主要原因之一；其他

星期四晚一家人尼食飯～七點就已經full哂，好彩有訂位～叫左：三拼（有醉雞，燻魚，烤夫）、半隻樟茶鴨、雪菜肉絲炒年糕、砂窩津白同家常餅～三拼份量都唔少，醉雞好滑，燻魚同烤夫几好，好夠味～樟茶鴨麻麻，好乾身，好似炸鴨咁，仲要係凍ge添～雪菜肉絲炒年糕好大碟，d年糕好好味，但好多油～砂窩津白只係一般～家常餅d蔥同芝麻好香，又脆又唔油，正～！至於服務都几好，個waitress同我地都有講有笑～價錢又唔貴，好抵食～！

(20/9/05)全dept來食飯, 之前已來過一次。覺得好食, 地方又舒服, 又唔煙, 咪番兜o羅。七個人叫左十樣o野, 實在樣樣都想食o麻!涼拌海蜇─我鍾意佢有蔥粒, 不過今次整得淡d, 唔夠麻油味。雞絲粉皮, 太多花生醬。蔥爆牛肉─牛肉"喇"過,"林"晒失左牛肉味, 大蔥夠多, 香味搭夠。糖醋骨,一片片, 一點骨也沒有, 個汁相當好味。小籠包─不過不失。上海炒年糕─好大碟, 好多菜, 味道都ok。酸辣湯─中辣,好多料,味道濃。賽磅蟹─大紅蘿蔔, 蠶豆, 磨菇, 整色整水, 靚o羅!炸銀絲卷、炒四季豆, 只是一般。時常就是眼濶肚窄, 所以食淨好多o野呢!

上星期六，我同朋友門一生７人黎左呢度食野，佢地話呢個０既咸旦黃炒蚧好鬼正，食到停唔到口，，哈哈，我地懷住好高０既expectation去食，哈，果然冇失望!個蚧真係好好食，D旦黃好正，我地仲用黎甲麵包tim呀，真係成個月都要食麥皮黎吸胆固順喇，，，我地仲有叫個沙wor津白，亦都好正，D味幾濃，津白亦甜．糖醋排骨，有少少酸，不過好醒胃，肉好’林’仲有叫左個海’節’頭，好爽，正!!overall,每人食左差唔多$140，都ok啦，，^^P.S.　services,都唔差，幾好^^

我上禮拜提議去蘇浙吃飯﹐食友KC 反建議去寧波。寧波N年前去過﹐記憶冇晒﹐決定同媽咪來一次晚飯。我訂了位﹐來到只有兩檯客﹐佢地比張好細的泊牆二人檯我地﹐媽咪話要坐張大D來放野﹐佢地話要留番比人。算喇﹐唸住吃番D好野補數。叫了﹕小籠包($40) 、桂花干貝($75) 、醉雞($70) 、砂鍋什錦($85)。小籠包是傳統較為大隻的﹐一籠有八隻﹐皮身較厚﹐落的醃料頗多﹐所以我只吃了一隻﹐其餘由媽咪包銷。桂花干貝炒得幾乾身﹐唔會油淋淋﹐加埋韭黃好香口。醉雞好大碟﹐當然喇﹐要成70元﹐出面當前菜一般只收45元左右﹐酒味好夠﹐雞肉嫩滑﹐碟內留有好多酒﹐當然我從未試過整得好差的醉雞。砂鍋什錦﹐一般﹐湯唔算好甜﹐用料亦普通﹐只有蛋角、蘑菇、粉絲、菜等等。寧波稱得上是老牌字號﹐食物唔會差得去邊。但有一樣野要令我比個喊面佢﹐就係D蒼蠅飛來飛去﹐係一D細小像蚊滋那樣的東西﹐重要唔係一隻﹐係六、七隻企晒響我地食飯的牆上﹐見到就想嘔。所以你地話我食裝修都係咁話﹐點可以容忍有咁多蒼蠅響間餐廳度出現架﹗提外話一﹕結果兩張四人檯都係由後來的二人霸佔﹐後來冇訂位的人﹐比有訂位的人坐得重舒服﹗提外話二﹕隔離的一男一女只叫