香港地 (已結業)

Tsuen has been known for their good eats at reasonable price. With the new developments booming in Tsuen Wan there are many eateries popping around the streets in this area and also shopping centres. One worth mentioning would be the mall called Kolor, there are several restaurants in this mall that I would recommend, from a Japanese ramen shop to this new style HK Cafe called “Hong Kong Day”. This cafe is actually part of the Maxims group, however what they serve seems more towards the style

日期：星期日上午非繁忙時間唔爆場都要襟飛，襟完飛企响度等，見有人唔襟飛直入座低又ok?個收銀見到都唔出聲，出聲問個收銀點解佢只係沈默地帶我埋位座，要自己去攞餐牌，成場咁大得1個待應寫單。1個+1個企响收銀入面唔知做咩~座低10分鐘唔叫野食走都無人理，好一間沈默的茶餐廳～太高貴唔太習慣，去地跖茶餐廳好了

💓西多士餐$32加紅豆沙冰奶$18💓紅豆控第一次見呢款紅豆沙冰奶😱紅豆沙同維他奶mix埋 原來味道好夾👏👏不過就食唔到紅豆粒 假如有就仲正!!!!!帶沙沙冰感 好過癮😚😚西多士夾有花粗粒生醬 仲show個心型牛油💋(怕羞👉👈)不過嘅 花生醬少咗啲啲啊🙊

隨意響商場搵飯食, 今晚想食得清淡D, 所以入左呢間香港地, 主要係食茶記既香港地道野, 環境係幾香港, 遊客可能覺得有感覺D.晚餐要左叫餸飯, 咸蛋肉餅跟白飯, 肉餅少少鞋, 肉質唔算太滑, 但唔算好乾, 食落都有肉汁, 都幾入味.咸蛋係原隻, 唔算太咸, 成碟味道都好正常, 不過份量稍為少, 個碟都幾薄, 肉餅厚度唔係太厚, 男仕未必夠飽.蒸肉餅即蒸都等左一段時間, 但放到出黎好似唔係太熱, 定係擺左一輪先拎過黎.仲有飲品熱華田, 正常野無咩特別.普通茶記食物, 不過環境都幾乾淨.

食了幾日西餐 ，今晚簡簡單單食茶記啦。 魚蛋墨魚春卷魚湯米線套餐$45魚蛋好彈牙，春卷層皮好似腐皮卷，薄薄地，入面食到有一條條墨魚絲，魚湯比較淡，要加些辣椒醬調味。加左$20 要個杞子小雲子魚湯浸時蔬，不過不失，碗米線一條菜都冇，志在有條菜食下。土炮咖哩牛筋腩飯及薄餅 $72係呢度其中一款的滋味推介，見佢又飯又薄餅咁幾得意所以就叫了。牛筋腩炆得夠「淋」，不過都係薯仔偏多。薄餅微暖，點d 咖哩汁一齊食ok 既。呢款冇套餐價，所以飲品要收正價。

又同同事們出去撐枱腳，一出到公司只有一個字「熱」，好彩荃灣冇乜多，天橋同商場就有好多，我哋橋博橋咁去到千色匯，有同事發板想去香港地，咁我又未試過，就一齊入咗去食lunch。好彩我哋早去唔使等位，午餐有8樣嘢揀，基於要減肥嘅選擇下，揀咗雞扒餐。照燒雞扒炒蛋飯＄48，轉左凍飲加＄4，原來依家凍飲已經要加＄4 ,香港真係貴左好多。原來個炒蛋係滑蛋，心諗仲正，好鍾意滑蛋呢個質感，同口感，呢個份量起碼都有兩隻蛋，用嚟撈飯一流。雞扒都幾大塊幾滑，配上照燒汁不錯，甜甜地，都係好好送飯。

海南雞滑飯香～～薯條雖然份量少，但系系即炸既，欣賞公司三文治味道都吾錯，似系即整幾新鮮媽媽話奶茶都系好飲既呢間難得岩我媽媽口味，以後同媽媽去荃灣行街都會考慮一下

第一次來，平時見好多人，又見人post d 相好似好食甘，点知。。。垃圾叫左一個lunch set,包野飲，凍飲加$4，雞飯$48一來賣相已經知少雞，一夾，全部皮，冇肉。上面一大堆醬，一個字「咸」味。貴，不飽，冇肉，應該叫咸雞皮飯。另散叫2面黃炒麵。太多汁，如果想多餸多汁比客，建議你地另上。因D麵本身已經煎得吾夠耐，吾夠脆，只係叫求其煎一煎左少少，再加上太多汁，食2啖D麵已經全部林晒。食2面黃重点係想食D麵有幾脆，有幾咬口，所以失敗！服務：吾算叫好，OK la.可以熱誠D，多D笑容就更好。

見到間餐廳好多人就諗住入去試下，點知啲服務真係令人一試難忘。是日中湯:個湯有啲咸，而且得好少湯渣。香妃雞:隻雞啲肉質唔太嫩連雞脾都一樣。黑椒茄子牛仔骨煲:個煲油膩左少少而且份量唔夠多，但係味道唔錯。總括而言野食一般，但係服務唔太好。本身我叫左個黑椒茄子牛仔骨煲但等左好耐都冇於是追下佢。之後佢同我講原來牛仔骨賣哂叫我地轉另一個餸，正當我地揀緊果時佢又突然之間上左個牛仔骨煲，安排好混亂。另外人手唔係好夠，好難先可以叫到個待應，未必會再去，希望佢會有改善。

夜晚9:xx 晚飯。見呢間無人排隊，隔離個間多人排隊。於是，走左入去。落單到埋單用左20 分鐘2個人食左百幾蚊。。食物到的時候。我呆左。份量少得可憐。相片圖。係未開始食！個碟已經細，食物都唔多。同正常茶餐廳比較，一半份量到。貴夾唔飽肚。10分最高分食物質數5 分（都ok)服務質數5分（坐左一段時間先有人抹桌和有menu )抵食指數1 分（食完好似無食，要去麥當勞買野食）環境指數 8分（新）我真係唔會再來。。咁既價錢。我寧願去茶餐廳食。。。

週圍好多人，又迫又熱，呢度有位，即時入座。滿心期待的糖醋排骨，一上枱。。。水汪汪。。。排骨好像煮了幾個鐘。吃下是有少許醋酸味，又沒咸味，排骨一咬便散，完全非常超級失望。56元，不值。

想吃其他, 但見香港地不用等位, 就再來呀. 點了酸辣雞飯. 雞切得很大件, 有點難咬, 而且亦頗肥, 肉很少.而那個所謂的辣雞, 只不過是一堆xo醬. 例湯過咸. 有點失望. 

美心集團餐廳，價錢大衆化，但食物味道。。。地方環境清潔不佳，食具不清潔。意想不到環境會這麼不清潔，食物質素不及一般茶餐廳。在母親節當天與家人外出晚飯，大約7點，當晚晚市不用等位，所以立即入位，怕再遲d就有人龍，可惜…………以下 雜菌西蘭花，最好食嘅一道餸，味道ok以下 雜扒餐，有意粉，薯條，沙律，紅湯。意粉非常不吸引，完全無食。。。沙律。。。快餐店沙律,湯係罐頭湯。扒正正常，不過唔會再想食下次。以下 好似叫。。沙律金沙骨同想象中嘅金沙骨有啲分別，味道偏甜，都正常ok以下係 三杯雞偏油，正常快餐店質素，但唔會再想食我諗。。。我未必再來了。。。

中午唔知食咩好，朋友就介紹依間食店，貪佢唔洗排隊。這間舖，門面唔錯，坐得幾舒服。叫左個窩蛋免治和牛炆飯，又幾特別喎，等左幾分鐘就有得食，碟飯熱辣辣，炆飯，食落有D似炒飯，不過味道唔錯，和牛就真係唔似啦，整體都可以，價錢可以接受！

睇相就知。。。我只想吃個丰富早餐，已預計沙爹牛油會多一點油，所以不叫公仔麵改點米粉卡路里低一點。誰知沙爹牛肉米變成沙爹牛油米。。。還好，我還有火腿蛋加牛奶多士，牛奶包香香的，好吃